قىرپۋلى قىرىق جىل- جەردى باسەكەلەستىرىپ ساتۋدىڭ تۇڭعىش ٷنى
كەلۋقاينارى:Kazakcnr |جاۋاپتى رەداكتور:D.H | جاڭالانعان ۋاقىت:2018-11-20 15:58:00



ورتالىق حالىق راديو ستانسياسى شياڭگاڭ-اۋمىن جانە ىشكى ولكەلەردەگى ون نەشە راديو ستانسياسىمەن سەلبەسىپ، رەفورما جاساپ، ەسىك اشۋدىڭ 40 جىلدىعىن قۇتتىقتاۋعا ارنالعان ۇلاسپالى حابار «قىرپۋلى قىرىق جىل» دى اۋە تولقىنىنا شىعاردى. قانە، جاس تىلشىلەرمەن بىرلىكتە تارلان تاريحتىڭ قاتپارىنا ءۇڭىلىپ، قىرىق جىلدان بەرگى ەلەۋلى تابىستارىمىزدى ەسكە الىپ كورەيىك.

ەلىمىزدە ءدۇمپۋ تۋدىرعان تۇڭعىش رەتكى جەر باسەكەلەستىرىپ ساتۋ قيمىلى 1987-جىلى 12-ايدىڭ 1-كۇنى تۇستەن كەيىن شىنجىن قالاسىندا ءوتتى. 50 جىلدىق پايدالانۋ ۇقىعىنا يە، اۋدانى 8588 شارشى مەترلىك جەر ءساتتى باسەكەلەستىرىپ ساتىلىپ، جاڭا جۇڭگو تاريحىنداعى جەر باسەكەلەستىرىپ ساتۋدىڭ تۇڭعىش «بالعا داۋىسى» زال كەڭىستىگىنە تارالدى.


شىنجىن مۇراجايىنىڭ ءبىر شەتى


تاريحي سۋرەت: شىنجىن ەرەكشە اكىمشىلىك رايونى قورا-جاي سەرىكتەستىگىنىڭ سول كەزدەگى باس ديرەكتورى لۋو جينشيڭ(سولدا)


لۋو جينشيڭ مىرزا بىلاي دەيدى: قورا-جاي جۇمىسىمەن شۇعىلدانعانداعى باستان كەشىرگەندەرىم ەسىمنەن كەتپەيدى، شىنجىن قالاسى بۇكىل ەل بويىنشا ءجۇز نەشە رەت «تۇڭعىش بالعا ۇرۋ» دىڭ شىمىلدىعىن اشسا، مەن ونىڭ ون نەشەسىن اتقاردىم، مۇنىڭ بارلىعىن قالىستىققا، باتىلدىققا، جاسامپازدىققا ءتان دەر ەدىم. بۇدان دا ماڭىزدىسى، ەلدەن بۇرىن قيمىلداپ، باسقالار ىستەمەگەندى باتىلدىقپەن سىناپ، جۇرەكتىلىكپەن ىستەي العاندىعىم.


ءبىر جىلعا جەتپەي، باسەكەلەستىرىپ ساتىلعان بۇل جەرگە ساۋلەتتى تۇرعىندار رايونى سالىنعان


باسەكەلەستىرىپ ساتۋ بالعاسىنىڭ بارلىققا كەلۋى


سول كەزدە «باسەكەلەستىرىپ ساتۋ» دىڭ نە ەكەندىگىنەن حابارسىز ىشكى ولكە بۇقارالارى ٷشىن ۇيلەسىمدى «بالعا» تابۋ دا ماشاحاتتى شارۋا ەدى. شىنجىن قالاسى شياڭگاڭ ولشەۋ ماماندار قوعامىنان كومەك سۇرايدى. سول كەزدەگى قوعامنىڭ باستىعى ليۋ شاۋجۇن مەن كەيىن شياڭگاڭ ەرەكشە اكىمشىلىك رايونىنىڭ اكىمى بولعان لياڭ جىنيىڭنىڭ بۇل ىسكە ايرىقشا كوڭىل بولۋىندە، كانفورا اعاشىنان جاسالعان كۇرەڭ قىزىل ءتۇستى باسەكەلەستىرىپ ساتۋ بالعاسى شىنجىن قالاسىنا تارتۋ ەتىلەدى.


شىنجىن قالاسىنىڭ ەكىنشى دارەجەلى مۇراعاتى


«ٷش رەتكى بالعا ٷنى» نىڭ حيكاياسى


باسەكەلەستىرىپ ساتۋدى جۇرگىزۋشى بالعانى وتە تەز ۇرعاندىقتان، كوپتەگەن تىلشىلەر نە بولعانىن اڭعارا الماي، تاعى ءبىر رەت ۇرۋدى تالاپ ەتكەن. قيمىل الاڭىنداعى ۋ-شۋ سەبەبىنەن كەيبىر تىلشىلەر ەكىنشى رەتكى ورايدان ايىرىلىپ قالعاندىقتان، بالعا ٷشىنشى رەت ۇرىلعان. سونىمەن «ٷش رەت بالعا ۇرۋ» بارىسى باسەكە باعاسىنىڭ وزگەرىسىمەن قاتىسسىز، كەلىسىمگە كەلگەندىكتىڭ بەلگىسى، وسىندا وتىرعانداردىڭ وسى ءبىر تاريحي ءساتتى ەستەرىنە ساقتاپ قالۋىنىڭ سيمۆولى بولىپ قالعان.


باسەكەلەستىرىپ ساتۋ قيمىلىنان كورىنىس


«جەر ٷشىن ۇرىلعان تۇڭعىش بالعا» جاڭا جۇڭگو قۇرىلعاننان بەرگى ەلەۋلى ءبىر وقيعا، ول نەگىزگى زاڭعا وزگەرىس ەنگىزۋگە تىكەلەي سەبەپكەر بولدى ءارى ەلىمىز قورا-جايىنىڭ بازارعا باعىتتالۋ ءتۇزىمىنىڭ بارلىققا كەلۋىنە تاريحي بۇرىلىس اكەلدى.


اۋدارعان: قاۋسىلقان قاسىمقان ۇلى(تورابىمىزدىڭ ۇسىنىس ەتىلگەن ءتىلشىسى)