چاڭچۇن قالاسى مانجۋريا قۋرشاق پاتشا ورداسى مۇراجايى

جيشي عيماراتى سۇرى ءتۇستى ەۆورپا ۇلگىسىندە سالىنعان قۇرىلىس، پۋي جانە ونىڭ وتباسىنداعىلار تۇراتىن عيمارات، پۋي وسى عيماراتتىڭ 2-قاباتىنىڭ باتىس جاعىندا، پاتشايىم ۋانرۇڭ 2-قاباتتىڭ شىعىس جاق بولمەسىندە، شياڭ اقسۇيەگى تان يۇيلين 1-قاباتتىڭ شىعىس جاعىندا، مۇراعاتتار بولمەسىنە ۇقساتىلمالى بالاۋىز ءمۇسىن ارقىلى سول كەزدەگى پاتشانىڭ جانە ونىڭ وتباسىنداعىلاردىڭ تۇرمىسى ءار قىرىنان بەينەلەنگەن.


        كورىنىس تۇيىندەرى جونىندەگى تانىستىرۋ:


    مانجۋريا قۋىرشاق پاتشا ورداسى مۇراجايى جيلين ولكەسى چاڭچۇن قالاسىنىڭ شىعىسىنا ورنالاسقان، جۇڭگونىڭ ەڭ سوڭعى پاتشاسى ايشين-جۋەلوە پۋي 1932-جىلدان 1945-جىل ارالىعىندا مانجۋريا قۋىرشاق ۇكىمەتىنىڭ قۋىرشاق پاتشاسى بولعان كەزدە تۇرعان ورداسى، جۇڭگوداعى ءۇش ۇلكەن پاتشا ورداسىنىڭ ەسكى جۇرتىنىڭ ءبىرى سانالادى. بۇل جەردە جالپى 30 دان استام كورىنىس رايونى بار بولىپ، ەڭ سوڭعى پاتشانىڭ جاپون يمپەرياليزمىنىڭ مەڭگەرۋىندەگى قۋرشاق پاتشا تۇرمىسىن ايگىلەپ، جاپون يمپەرياليزمىنىڭ جۇڭگونىڭ شىعىس سولتۇستىگىندەگى قىلمىستى ارەكەتىن ايعاقتايدى.


    مۇراجايدىڭ الدىڭعى قاقپاسىنان كىرگەندە ەڭ الدىمەن كوزىڭىزگە تۇسەتىنى كولەمى اسا كەڭ بايگە الاڭى، بايگە الاڭى پۋيدىڭ ارناۋلى اتقا مىنەتىن جەرى، قازىر ات ونەرى كلوبى بولىپ وزگەرتىلىپ قۇرىلىپ، مۇندا احالتەكە، اراب جىلقىسى سياقتى 100 دەن استام جىلقى وسىرەدى. بايگە الاڭىنىڭ سولتۇستىگىندە باۋ-باقشالىق بار، وسى جەردەن ساياحاتشىلار ءتۇرلى-تۇستەگى گۇل-شوپتەردى تاماشالاۋىنا بولادى.


    شىعىسقا قاراي جۇرسەڭىز وردا رايونىنا جەتەسىز، وردا رايونىندا باستىسى چينمين عيماراتى، جيشي عيماراتى، حۋاييۋان عيماراتى، تۇڭدى سارايى سياقتى قۇرىلىستاردان قۇرلادى.


    چينمين عيماراتىندا كاڭشي پاتشانىڭ «ءتاڭىر جولىن تۇتىنىپ، حالىق ءۇشىن بيلىك جۇرگىزۋ» ۇلاعاتتى سوزىنە نەگىزدەلىپ، پۋي اتاپ ءوتۋ سالتىن وتكىزىپ، جينالىس ۇيىمداستىرىپ، بۇيرىعىن جاريالاعان ورنى سانالادى. پۋي وسى ارادا قۋىرشاق مانجۋريا ۇكىمەتىنىڭ تاعىنا شىعۋ سالتىن وتكىزگەن، مۇراجاي سول كەزدەگى كيىم ۇلگىسىنە نەگىزدەلىپ ءبىر توپ ۋاكىلدىك سيپاتتى وردانىڭ كيىم ۇلگىسىن كىرگىزىپ، ساياحاتشىلارعا كورگىزبەگە قويدى.


    جيشي عيماراتى سۇرى ءتۇستى ەۆورپا ۇلگىسىندە سالىنعان قۇرىلىس، پۋي جانە ونىڭ وتباسىنداعىلار تۇراتىن عيمارات، پۋي وسى عيماراتتىڭ 2-قاباتىنىڭ باتىس جاعىندا، پاتشايىم ۋانرۇڭ 2-قاباتتىڭ شىعىس جاق بولمەسىندە، شياڭ اقسۇيەگى تان يۇيلين 1-قاباتتىڭ شىعىس جاعىندا، مۇراعاتتار بولمەسىنە ۇقساتىلمالى بالاۋىز ءمۇسىن ارقىلى سول كەزدەگى پاتشانىڭ جانە ونىڭ وتباسىنداعىلاردىڭ تۇرمىسى ءار قىرىنان بەينەلەنگەن.


    حۋاييۋان عيماراتى بۇرىنعى پاتشالار مەن تاڭىرگە ارنالعان. قابىرعالارىنا چيڭ پاتشالىعى قۇرىلعاننان بەرگى پاتشالار مەن پاتشا ايىمداردىڭ سىزبا سۋرەتى ىلىنگەن. سونىمەن بىرگە، حۋاييۋان عيماراتىنىڭ ىشىندە پۋيدىڭ كولىگى پايكى ماركالى اۆتوكولىگى قويىلعان. بۇل كولىك سول كەزدەگى دۇنيە بويىنشا ەڭ ايگىلى اۆتوكولىكتەردىڭ ءبىرى بولىپ، پۋي تيانجيننەن ارنايى الدىرعان، جاقسى كورگەن كولىگى ەسەپتەلەدى. پايكى اۆتوكولىك سەرىكتەستىگى 20 عاسىردىڭ 50-جىلدارى جابىلعان، بۇل كولىك وسى سەرىكتەستىكتىڭ ەڭ سوڭعى ۇرپاق اۆكولىگى بولىپ، ساياحاتشىلار كونە داۋىردەگى ساۋلەتتى اۆتوكولىكتى تاماشالاۋىنا بولادى. ساراي رايونىنان تاعى پاتشانىڭ كەڭسەسى، كوڭىل اشاتىن تۇڭدى عيماراتى، قىمبات باعاداعى كىتاپ-سىزبالار ساقتالعان جازبا-سىزبالار عيماراتىن تاماشالاۋعا بولادى.


    مۇراجايدىڭ شىعىسىندا جۇڭگو-جاپونيا ۇلگىسىندەگى شىعىس باۋ-باقشاسى ورنالاسقان، كولەمى مولشەرمەن ون مىڭ شارشى مەتر، باقشا ىشىندە سۋعا جۇزەتىن ۋاننا، ۇقساتىلمالى تاۋلار ورنالاستىرىلعان، جەر استىندا ەرەكشە ۇلكەن اۋە شابۋىلىنان ساقتانۋ ۇڭگىرى بار، مانجۋريا قۋىرشاق ۇكىمەتىنىڭ سوڭعى مەزگىلىندە پۋي وتباسىنداعىلاردى الىپ وسىندا بوي تاسالانعان ەكەن. وسى باۋ-باقشادان وتكەننەن كەيىن بۋ پويەزىن كورەسىز، بۋ پويەزىنىڭ ۇزىندىعى 7.8 مەتر، بيىكتىگى 4.7 مەتر، ءبىر عاسىرلىق تاريحى بار پويەز سانالادى.


    سوڭىندا مۇراجايدىڭ ەڭ شىعىس شەتىندە شىعىس سولتۇستىك لۇنداۋ تاريحي كورمە سارايىن ارالاۋعا بولادى، كورمە سارايدىڭ ىشىندە مانجۋريا قۋىرشاق ۇكىمەتىنىڭ گۇلدەنۋىنەن جويىلۋىنا دەيىنگى تاريحى، «18-قىركۇيەك ۋاقيعاسىنان» بەرگى جاپونيانىڭ شاپقىنشىلىق تاريحى ەستەلىككە الىنعان، كولەمدى جازبالار، سۋرەتتەر، كەسكىن ماتەريالدارى جانە ءتۇرلى مۇراعاتتار كورگىزبەگە قويىلىپ، جاپون يمپەرياليزمىنىڭ سۇرقيالىعى مەن قىلمىستارىن اشىپ، بىزگە ەل نامىسىن ۇمىتپاي، وتاندى، حالىقتى قىزۋ ءسۇيۋدى ءاركەز ەسكەرتىپ تۇرادى.


    كورىنىس رايوننىڭ دارەجەسى: AAAAA


    ساياحاتتاۋعا ۇيلەسىمدى ۋاقىت: 3 ساعات


    بەلەت باعاسى:


    ادەتتەگى بەلەت: 80 يۋان


    ۋنيۋەرسيتەت، ورتا مەكتەپ وقۋشى بەلەتى: 30 يۋان


    جارىم باعاداعى بەلەت: 40 يۋان


    قىزمەت ۋاقىتى:


    مامىردىڭ 1-كۇنىنەن قازاننىڭ 7-كۇنىنە دەيىن 8:30 دان 16:10 عا دەيىن بەلەت ساتىلادى، كورگىزبە سارايىنىڭ قىزمەت ۋاقىتى: 8:30-17:20


    ورنى: چاڭچۇن قالاسى كۋانچىڭ رايونى گۋاڭفۋ سولتۇستىك جولى 5-ءنومىر


    قاتىناس كورسەتپەسى:


    الەۋمەتتىك اۆتوبوز: 264-جول، مەترو 4-لەنياسى -- مانجۋريا قۋىرشاق ۇكىمەتى بەكەتى


    318-جول، 225-جول، 279-جول، 125-جول الەۋمەتتىك اۆتوبوز --شانشي جولى