داليان لاۋحۋتان تەڭىز-مۇحيت باقشاسى

داليان لاۋحۋتان تەڭىز-مۇحيت باقشاسى لياۋنيڭ ولكەسى داليان قالاسىنىڭ وڭتۇستىگىندەگى تەڭىز جاعالاۋىنا ورنالاسقان. تەڭىز باقشاسىنىڭ يەلەگەن جەر كولەمى 118 مىڭ شارشى مەتر. لاۋحۋتاننىڭ تەڭىز جاعالاۋ كورىنىسى كوركەم. ءارءتۇرلى تەڭىز ورگانيزىمدەرى، تەڭىز حايۋاندارى شوعىرلانعان. بۇدان سىرت حايۋانات ويىندارى مەن كوڭىل اشۋ قۇرىلعىلارى بار. عىلىم-تەحنيكا جالپىلاستىرۋ جانە كوڭىل اشۋ ءبىر تۇلعالانعان وسىزامانعى تەڭىز-مۇحيتتى نەگىزگى تاقىرىپ ەتكەن باقشا.


    كورىنىس رايونىن تانىستىرۋ:


    داليان لاۋحۋتان تەڭىز-مۇحيت باقشاسى لياۋنيڭ ولكەسى داليان قالاسىنىڭ وڭتۇستىگىندەگى تەڭىز جاعالاۋىنا ورنالاسقان. تەڭىز باقشاسىنىڭ يەلەگەن جەر كولەمى 118 مىڭ شارشى مەتر. لاۋحۋتاننىڭ تەڭىز جاعالاۋ كورىنىسى كوركەم. ءارءتۇرلى تەڭىز ورگانيزىمدەرى، تەڭىز حايۋاندارى شوعىرلانعان. بۇدان سىرت حايۋانات ويىندارى مەن كوڭىل اشۋ قۇرىلعىلارى بار. عىلىم-تەحنيكا جالپىلاستىرۋ جانە كوڭىل اشۋ ءبىر تۇلعالانعان وسىزامانعى تەڭىز-مۇحيتتى نەگىزگى تاقىرىپ ەتكەن باقشا.


    لاۋحۋتان تەڭىز-مۇحيت باقشاسىندا ۇيەكتىك سارايى، تەڭىز مارجانى سارايى، تەڭىز حايۋاندارى سارايى، كوڭىل اشۋ ورنى، قۇستار ورمانى قاتارلى تاقىرىپتىق بولىمشەلەر بار. ۇيەكتىك سارايى ساياحاتشىلاردى مولىنان باۋرايدى. سارايدا تەرىستىك ۇيەك ايۋى، اققاپتال كيت، پينگۋن، دەلفين، اكۋلا قاتارلى ۇيەكتىك تەڭىز حايۋاندارىن كورە الاسىز. ەكى ۇيەكتى عىلمي زەرتتەۋشىلەردىڭ سۋرەتى، جۇڭگو انتاراكتيدانى عىلىمي زەرتتەۋ اترەتىندەگىلەر كيگەن كيىم مەن ىستەتكەن بۇيىمدار، تەرىستىك ۇيەك قاسقىرى قاتارلى اڭداردىڭ ۇلگى نۇسقالارى قويىلعان. سارايدا سيپاپ كورۋ كولشىگى ورنالاستىرىلعان. ادامدار تەڭىز ورگانيزىمدەرىن سيپاۋىنا بولادى.


    تەڭىز مارجاندارى سارايىنا الۋان ءتۇرلى تەڭىز مارجاندارى كورمەگە قويىلعان. ءپىشىنى بالعا تارىزدەس تەڭىز مارجانى، رەڭى تۇرلىشە قۇبىلاتىن تەڭىز مارجاندارى بار. لامپا جارىعىنا شاعىلىستىرعاندا تەڭىز مارقانى جارق-جۇرق ەتىپ كوز اربايدى. كىشكەنە بالىقتار تەڭىز مارجاندارىنىڭ اراسىندا جۇزەدى. قۇستار ورماندىعىنىڭ يەلەگەن جەر كولەمى 45 مىڭ شارشى مەتر. ەلىمىزدەگى ەڭ ۇلكەن جارتىلاي جاراتىلىستىق كۇيدەگى جاساندى قۇستار ۇياسىنىڭ ءبىرى. باقشانىڭ ىشىندە اق سامۇرىق، شىمشىق، قىزىل توبەل تىرنا قاتارلى 2000 مىڭنان استام قۇستار ءتۇرى بار. تەڭىز حايۋاندارى سارايى تەڭىز ءيتى، تەڭىز ارىستانى قاتارلى حايۋانداردى اسىرايدى.


    تەڭىز-مۇحيت سارايىندا حايۋاندار ونەر كورسەتەدى. ساياحاتشىلار وسى بارىستى قاعىس قالدىرماۋى ءتيىس. ساراي سىرتىنداعى كوڭىل اشۋ ورنىندا تەڭىز ءپىلى، تەڭىز ارىستانى، تەڭىز تىشقانى قاتارلى حايۋانات جۇلدىزدارى الماكەزەك ساحناعا كوتەرىلەدى. قىزىقتى ويىن نومىرلەرىن ورىندايدى. اراسىندا كورەرمەندەردى ويىنعا شاقىرادى. حايۋان جاتتىقتىرۋشىعا ەركەلىك ءبىلدىرىپ، شاباق بالىق الىپ جەيدى. حايۋانداردىڭ قىلىقتارى وتە سۇيكىمدى. قۇستار ورماندىعىندا قالىڭ قۇستار دۇركىرەي ۇشىپ، توتى باسكەتبۋل لاقتىرىپ، ۆەلەسيپەدتكە مىنەدى. ۇيەكتىك سارايىندا كيت پەن دەلفيننىڭ قىزىقتى ويىندارى قويىلادى.


    تەڭىز حايۋاندارىنىڭ ويىندارىنان تىس، لاۋحۋتان قايراڭىندا گرانيت تاستان ويىلعان جولبارىس ءۇيىرىنىڭ توپتىق ءمۇسىنى، قاتارلى ونەر تۋىندىلارى وزگەشە اسەر بەرەدى. قاتەرلى اعىسقا ءجۇزۋ، قاراقشى كەمەسى، تاماشالاۋ قايىعى قاتارلى كوڭىل اشۋ قيمىلدارى اسا قىزىقتى. ءدامدى تاعامدار الاڭىندا قاقتاعان تەڭىز شايانى، تاراقشا مولليۋسكا، كىرپى ءشوپ جەرگىلىكتى تەڭىز ونىمدەرىن جەۋگە بولادى. لاۋحۋتان تەڭىز قايراڭىنان جاستاپ سالىنعان. ويىنىڭىز قانىپ، قۇرساعىڭىز تويعان سوڭ كەشكى كۇننىڭ ارايىندا تەڭىز قايراڭىندا سەرۋەنگە شىقساڭىز كوكشىل تەڭىز بەن اسپاننىڭ عاجاپ كورىنىسىنە جانىڭىز ەلىتەدى.



    كورىنىس رايونىنىڭ دارەجەسى: A A A A A


    ساياحات ۋاقىتىنا ۇسىنىس: 3-4ساعات


    ەسىك بەلەتى:


    ساياحاتتىڭ قاۋىرت مەزگىلى (3-ايدىڭ 21-كۇنىنەن 10-ايدىڭ 31-كۇنىنە دەيىن) 220 يۋان


    ساياحاتتىڭ سايابىر مەزگىلى (11-ايدىڭ 1-كۇنىنەن 3-ايدىڭ 20-كۇنىنە دەيىن)


    سىرتقا ەسىك اشۋ ۋاقىتى: 8:30-17:00 ساياحات مەزگىلىندە 7:30-19:00


    ورنى: لياۋنيڭ ولكەسى داليان قالاسى جۇڭشان رايونى بيڭحاي ورتا جولى 9-ءنومىر.


    قاتىناس باعدار كورسەتكىشى:


    جەكە اۆتوكولىكپەن ساياحاتتاۋ لەنياسى:


    شىنحاي جوعارى قارقىندى تاس جولى داليان حوۋيان شىعار اۋىزى-دۇڭبەي تەز قارقىندى جولى(شىعىس تەز قارقىندى جولى)-دۇڭبەي جولى-چاڭچۇن جولى-ازاتتىق جولى-لاۋحۋتان تەڭىز-مۇحيت سارايى


    الەۋمەتتىك قاتىناس


    الەۋمەتتىك اۆتوبۋز:


    2-جول، 4-جول، 30-جول، 403-جول، 404-جول الەۋمەتتىك كوشە اۆتوبۋزى، داليان قالالىق ساياحات اۆتوبۋزىنىڭ لاۋحۋتاندا جولاۋشى تۇسىرەتىن ورنى بار


    ايروپلان:


    جوۋشۇيزى حالىقارالىق ايردرومى—1-ءنومىرلى جەدەل لەنيالى كولىك—لاۋحۋتان تەڭىز-مۇحيت باقشاسى


    پويەز:


    داليان پويەز بەكەتى: 2-جول الەۋمەتتىك اۆتوبۋزى (چيڭنيۋاچياۋ ساۋدا رايونىنان اۆتوبۋزعا وتىرادى)، 30-جول الەۋمەتتىك اۆتوبۋزى—لاۋحۋتان تەڭىز مۇحيت رايونى
    داليان سولتۇستىك بەكەتى: 909-جول الەۋمەتتىك اۆتوبۋزى—داليان پويەز بەكەتىنەن 2-جول نەمەس 30-جول اۆتوبۋزى—لاۋحۋتان تەڭىز-مۇحيت سارايى