شىنياڭ قالاسى وسىمدىك باقشاسى

شىنياڭ قالالىق وسىمدىك باقشاسى لياۋنيڭ ولكەسى شىنياڭ قالاسى دۇڭليڭ رايونىنا ورنالاسقان. «ورمان اراسىنداعى الەمدىك كورمە» دەگەن اتاعى بار. 2006-جىلعى جۇڭگو شىنياڭ دۇنيەجۇزىلىك باۋ باقشا كورمەسىنىڭ ءماجىلىس ورنى. وسىمدىك باقشاسىنىڭ يەلەگەن جەر كولەمى 2.46 شارشى كيلومەتر. دۇنيەنىڭ ءار جەرىندەگى 2000 نان استام وسىمدىك قاينارى شوعىرلانعان.


    كورىنىس رايونىن تانىستىرۋ:


    شىنياڭ قالالىق وسىمدىك باقشاسى لياۋنيڭ ولكەسى شىنياڭ قالاسى دۇڭليڭ رايونىنا ورنالاسقان. «ورمان اراسىنداعى الەمدىك كورمە» دەگەن اتاعى بار. 2006-جىلعى جۇڭگو شىنياڭ دۇنيەجۇزىلىك باۋ باقشا كورمەسىنىڭ ءماجىلىس ورنى. وسىمدىك باقشاسىنىڭ يەلەگەن جەر كولەمى 2.46 شارشى كيلومەتر. دۇنيەنىڭ ءار جەرىندەگى 2000 نان استام وسىمدىك قاينارى شوعىرلانعان. شىعىس سولتۇستىك ايماقتاعى ەڭ ۇلكەن وسىمدىك بازاسى. باقشادا ءلالا گۇلى مۇناراسى، راۋشان گۇلى باقشاسى، سامۇرىق الاڭى، ورمانداعى كوڭىل اشۋ ورنى قاتارلى قۇرىلعىلار ورنالاسقان. مەرزىم سايىن ءىرى كولەمدى گۇل كورمەسى وتەدى. جاراتىلىستىق ەكولوگيا، جاساندى كورىنىس ورنى، عىلىم-تەحنيكا جالپىلاستىرۋ ءبىر تۇلعالانعان ساياحات كورىنىس رايونى.


    وسىمدىك باقشاسىنىڭ ىشىنە 100 دەن ارتىق كورمە ورنى ورنالاسقان. وسىمدىكتەر ارناۋلى رايونى، دەمالىس كوڭىل اشۋ ورنى، مەملەكەت ءىشى كورمە باقشاسى، حالىقارالىق كورمە ورنى قاتارلى ءتورت بولەككە بولىنەدى.


    وسىمدىك ارناۋلى باقشاسى 20 دان ارتىق. ۇقساماعان ورىنداردا قىزعالداق، مۋدان گۇلى، شۇعىنىق، بوز قاراعان، الپەنشەك گۇلى، ءلالا گۇلى، راۋشانگۇل قاتارلى گۇل تۇرلەرى، ماگنوليا، سۇڭشان، شيە قاتارلى اعاش تۇرلەرى بار. بۇدان سىىرت، تۇقىمى جويىلۋعا بەت العان باعالى وسىمدىكتەردى قورعاۋ رايونى، ءدارى ءشوپ باقشاسى، ءپىشىنىن تۇزەۋگە بولاتىن اعاش تۇرلەرى قاتارلى ەرەكشە وسىمدىكتەر رايونى بىرگە قۇرىلعان. باقشانىڭ ىشىندە شىعىس تەرىستىك ايماقتا سيرەك كەزدەسەتىن «ءجۇز جىلدىق مۋدان»، تۇقىمى جويىلۋعا بەت العان باعالى وسىمدىك شىعىس سولتۇستىك حۇڭدوۋشان، چاۋشيان يۋەجۇي قاتارلى ايگىلى گۇل تۇرلەرى كەزدەسەدى.


    مەملەكەت ءىشى كورمە رايونىندا ەل ىشىندەگى باستى قالالاردا وسەتىن 53 ءتۇرلى وسىمدىك شوعىرلانعان. شىعىس سولتۇستىك رايونداعى، مىسالى، داليان، چاڭچۇن، حاربين قاتارلى جەرلەردىڭ وسىمىكتەرى، شياڭگاڭ، اۋمىن، تايۋان قاتارلى رايونداردىڭ وسىمدىكتەرى بار. وسىمدىك تۇرلەرىنىڭ قامتيتىن اۋماعى كەڭ، تۇرلەرى مول. حالىقارالىق كورمە ورنىندا گوللانديا، اۆستراليا، نەپال، وڭتۇستىك كورەيا قاتارلى 23 مەملەكەت پەن رايوننىڭ وسىمدىك تۇرلەرى قويىلعان.


    باقشادا الۋان وسىمدىكتەردى تاماشالاۋدان سىرت، باي مازمۇندى كوڭىل اشۋ قۇرىلعىلارى ساياحاتشىلارعا ارنايى سالىنعان. كوڭىل اشۋ ورىندارىنا تاۋدان اساتىن ماشينا، تەربەلمەلى قۇرىلعى قاتارلى وزىق اسپاپتار ورناتىلعان؛ تايدييۋان ەۆروپا ۇلگىسىندەگى نەكە سارايى رومانتيكالى ەۆروپا ۇلگىسىمەن سالىنعان قۇرىلىس؛ جيڭتان جانە ليڭجياۋگوۋدا كوڭىل اشۋ قۇرىلعىلارى شوعىرلانعان؛ عىلىم جالپىلاستىرۋ باقشاسىندا باقشاداعى وسىمدىكتەر مەن ورتا قورعاۋ بىلىمدەرى تانىستىرىلادى؛ بۋ ماشيناسى كورمە سارايىندا ەل ىشىندەگى 17 دانا بۋ ماشيناسى مەن شەتەلدەگى 8 مەملەكەت وندىرگەن بۋ ماشينالارى كورمەگە قويىلعان؛ ءلالا گۇلى(بايحى) مۇناراسى باقشاداعى ەڭ بيىك قۇرىلىس. مولشەرمەن 120 مەتر بيىكتىكتە. سىرتقى بەينەسى قۇلپىرا اشىلعان ءلالا گۇلىنە ۇقسايدى. مۇنارانىڭ توبەسىندە 2 جەردەن 400 شارشى مەتر كولەمىندە تاماشالاۋ تەكشەسى ورناتىلعان. ءبىر جولدا 200 ادام باقشا كوركىن تاماشالاي الادى.
    وسىمدىك باقشاسى ءار جىلى ءىرى تيپتى گۇل كورمەسىن ۇيىمداستىرادى. 4-ايدان 5-ايعا دەيىن قىزعالداق گۇلى كورمەسى، الپەنشەك گۇلى كورمەسى، شيە گۇلى كورمەسى وتەدى؛ 5-ايدان 6-ايعا دەيىن مۋدان جانە شۇعىنىق گۇلى كورمەسى، يۋانۋي گۇلى كورمەسى، چۇيليان گۇلى كورمەسى دايىندالادى؛ 7-ايدا ءلالا گۇلى كورمەسى، 8-ايدا كوكشىل رەڭدى گۇلدەر كورمەسى ۇيىمداستىرىلادى؛ 10-ايدا كۇرەڭكەي گۇلى كورمەسى اشىلادى.



    كورىنىس رايونىنىڭ دارەجەسى: A A A A A


    ساياحات ۋاقىتىنا ۇسىنىس: 3-4ساعات


    ەسىك بەلەتى: 50 يۋان


    سىرتقا ەسىك اشۋ ۋاقىتى: 8:00-17:00


    ورنى: لياۋنيڭ ولكەسى دۇڭليڭ رايونى


    قاتىناس باعدار كورسەتكىشى:


    جەكە اۆتوكولىكپەن ساياحاتتاۋ لەنياسى:


    وڭتۇستىك 2-ايلانبا جول-ماگۋانچياۋ كوپىرى-شىنچي جولى-وسىمدىك باقشاسى


    شىعىس باتىس تەز قارقىندى كۇرە جول-جۋلين كوپىرى-دۇڭليڭ باتىس جولى-ماگۇڭ كوپىرى-شىنچي جولى-وسىمدىك باقشاسى


    لياۋنيڭ جۇڭگوشا ەمدەۋ شيپاحاناسى-چۇڭشان شىعىس جولى-بەيحاي كوشەسى-جۋلين كوپىرى-دۇڭليڭ باتىس جولى-ماگۋانچياۋ كوپىرى-شىنچي جولى-وسىمدىك باقشاسى


    الەۋمەتتىك اۆتوبۋز


    مالۋۋاننان 168-جول كوشە اۆتوبۋزىنا وتىرىپ (مالۋۋان-وسىمدىك باقشاسى-چيپانشان كورىنىس رايونى) نەمەسە دۇڭليڭنان 234-جول كوشە اۆتوبۋزىنا وتىرىپ وسىمدىك باقشاسى بەكەتىنە بارادى. شىنياڭ نەمەسە فۋشۇننان پويەزگە وتىرىپ وسىمدىك باقشاسىنا بارۋعا بولادى.