باۋديڭ قالاسى ءان-شين اۋدانىنداعى «بايياڭديان» كورىنىس رايونى

    كورىنىس تۇيىندەرى جونىندەگى تانىستىرۋ:


        ءان-شين اۋدانىنداعى اينا كول كورىنىس رايونى حىبەي ولكەسىنىڭ ورتا بولەگىنە ورنالاسقان، حىبەي ولكەسىندەگى ەڭ ۇلكەن ىشكى قۇرىلىق كولى بولىپ، جالپى اۋماعى 366 شارشى مەتر. «بايياڭدياننىڭ» وڭتۇستىك جانە باتىس بولىگىنەن تاس قۇرالدار داۋىرىندەگى بايىرعى ادامزاتتىڭ تىرشىلىك ىزدەرى بايقالعان. بايلىق قاينارى مول، كورىنىسى كوركەم بولعاندىقتان «سولتۇستىكتەگى شۇرايلى جەر» جانە «بالىق پەن كۇرىشتىڭ مەكەنى» دەگەن اتتارى بار. ءتوراعا جياڭ زىمين ءوز قولىمەن «سولتۇستىك جۇڭگونىڭ مەرۋەتى - بايياڭديان» دەگەن ارناۋ ءسوز جازىپ بەرگەن بولاتىن.


        «بايياڭديان» كورىنىس رايونى ىشىندە بايلىق قاينارى مول بولىپ، مۇندا 14 ءتۇرلى ءسۇت قورەكتى جانۋار تىرشىلىك ەتەدى، بۇنىڭ كوپ ساندىسى مەملەكەت دارەجەلى قورعالاتىن، ەرەكشە قۇنعا يە قۇرلىقتىق جابايى حايۋانات ەسەپتەلەدى. سونىمەن بىرگە 197 ءتۇرلى قۇس بار بولىپ، مۇنىڭ ىشىندە مەملەكەت جاعىنان ءبىرىنشى دارەجەلى ءتۇيىندى قورعالاتىن قۇس تۇرىنەن 4 ى بار، بۇلار تىرنا، اققۋ، دۋاداق، ۇزىن تۇمسىق تىرنا، مەملەكەت جاعىنان 2-دارەجەلى ءتۇيىندى قورعالاتن قۇستاردان اق قۇتان، قازاناق، اسەم تىرنا سياقتى 26 ءتۇرلى قۇس تىرشىلىك ەتەدى. بالىق ءتۇرى دە بىرشاما مول.


        باستى كورىنىس رايوندارىنان يۋانفەي حانشايىمنىڭ باقشاسى، شامگۇل كورىنىس باقشاسى، جۇبايلار ارالى، دەمالىس ارالى، شەتەل كورىنىس باقشاسى، ءىنجۋ ارالى سۋ ءۇستى ساياحات باقشاسى، بايياڭديان مادەنيەت سارايى، بايياڭديان بالىقشىلىق باقشاسى، ۋاڭ اۋلەتى بەكىنىسى ۇلتتىق سالت-سانا قىستاعى.


        شامگۇل كورىنىس رايونى باقشاسى جالپى 2 مىڭ مۋدان استام، جالپى 699 ءتۇرلى شامگۇل ءوسىپ، الۋان رەڭگە بويالعان، سورتى كوپ، كورىنىسى كوز تارتادى. كورىنىس باقشاسى جيىنى بەس رايون (قوناق قابىلداۋ رايونى، قىزمەت وتەۋ رايونى، اسحانا رايونى، شامگۇل رايونى، كورىنىس رايونى)، ءتورت باقشا (سورتتى شامگۇل باقشاسى، سەيىل باقشا، بالىقشىلىق باقشاسى، سالت-سانا باقشاسى)، ءۇش ورىن (كەمەجاي، بالىقشىلىق الاڭى، ساياجاي)، ەكى قايراڭ (قايراڭداعى مالتاۋ الاڭى، سەيىل قايراڭى)، ءبىر تاۋ (قاراۋىل تاۋ). تاعى ون شاقىرىمدىق اينالمالى باقشا جولى، شامگۇل كەمەرى، كوركەم گۇلدى كوپىر، ون مىڭ شاقىرىمدىق سۋ جولى بار.


        اينا كول بالىقشىلار باقشاسى 2001-جىلى باستاپ قۇرىلىپ، جالپى 10 مىڭ مۋدان استام جەردى يەلەيدى. كورىنىس تۇيىندەرىنىڭ سۋ اۋماقتارى كەڭ، سۋ ساپاسى تۇنىق بولىپ تيىپتىك سازدىق كورىنىس رايونى ەسەپتەلەدى. ساياحاتشىلار تابان قايىق ويناۋىنا، بامبۋك سالعا وتىرۋىنا، سۋ بۇركىتىنىڭ بالىق اۋلاعانىن كورۋىنە ابدەن بولادى. بۇل ارانىڭ ورتاسى ەرەكشە عالامات، شامگۇل، قامىس، قايىق جانە ساياحاتشىلار بىرىگىپ جاندى، اسەرلى كورىنىس قالىپتاستىرعان. بالىقشىلىق باقشاسى سونىمەن بىرگە سۇڭ زۋيىڭنىڭ «ون سەگىز اينالمالى سۋ جولىن باسىپ ۇيگە جەتۋ» دەگەن ءاننىڭ تۇسىرىلگەن جەرى بولىپ، وسى جەردىڭ تابيعاتىنىڭ كوركەمدىگى ءاربىر جاننىڭ جۇرەگىن تەبىرەنتەدى.


        اينا كولدىڭ وزگەشە كورىنىسى كوپتەگەن كوركومونەرشىلەرگە شابىت سيلاعان جەر. سۇن ليدىڭ «اينا كولدەگى ساپار ەستەلىگى» جانە «شامگۇلدى كول»، شۇي گۋاڭياۋدىڭ «كىشكەنتاي جاۋىنگەر جاڭ گا» سياقتى تۋىندىلارى وسى بايياڭدياندى ارتقى كورىنىس ەتىپ جازىلعان.


        كورىنىس رايوننىڭ دارەجەسى: AAAAA


        ەڭ جاقسى مەزگىل: ماۋسىم ايىنان قازان ايىنا دەيىن


        ساياحاتتاۋعا ۇيلەسىمدى ۋاقىت: 2 كۇن


        بەلەت باعاسى: اينا كول: 40 يۋان؛ جۇبايلار ارالى: 40 يۋان؛ شامگۇل كورىنىس باقشاسى: 50 يۋان؛ اينا كول مادەنيەت سارايى: 50 يۋان؛ دەمالىس ارالى: 40 يۋان؛ شەتەل كورىنىس باقشاسى: 40 يۋان.


        قىزمەت ۋاقىتى: 08:30~17:30


        ورنى: حىبەەي ولكەسى باۋديڭ قالاسى ءان-شين اۋدانىندا


        قاتىناس كورسەتكىشى:


        الەۋمەتتىك اۆتوبوز:


        (1) بەيجيڭنەن ءان-شين: مۋشييۋان بەكەتى، ءار جارىم ساعاتتا ءبىر كەزەك قاتىنايدى، تاڭەرتەڭ 6:30 تۇستەن كەيىن 5:20


        (2) تيانجيننەن ءان-شين: باتىس قاتىناس بەكەتىنەن ءبىر كۇندە ءبىر كەزەك قاتىنايدى، ۋاقىتى تاڭەرتەڭ 7:30؛ حۇڭۋي كوپىرىنەن ءبىر ساعاتتا ءبىر كەزەك، ۋاقىتى تاڭەرتەڭ 9:00- تۇستەن كەيىن 2:00؛


        (3) شىجياجۋاڭنان ءان-شين: يۇنحى كوپىرىنەن تاڭەرتەڭ 9:00 ءبىر كەزەك قاتىنايدى؛ ساعات 11:00 تۇستەن كەيىن ساعات 2:00 دەيىن ءبىر ساعاتتا ءبىر كەزەك قاتىنايدى .


        (4) باۋديڭنەن ءان-شين: قاتىناس ورتالىعى 656 كەزەكتى اۆتوبوز، ءار 20 مينۋتتا ءبىر كەزەك قاتىنايدى؛ 1، 5، 9 ءۇش سەرىكتەستىكتىڭ اۆتوبوزى ساياحاتشىلاردى تاسۋعا جاۋاپتى بولادى.


        جەكە كولىك:


        (1) بەيجيڭ-گۋاڭجۋ جوعارى قارقىندى تاس جولىنا شىعىپ باۋديڭگە جەتكەن سوڭ شىعىسقا قاراي ولكە تاسجولىن بويلاپ باۋجين لەنياسىمەن ءجۇرىپ ءان-شينگە جەتەسىز. جالپى 190 كيلومەتر.


        (2) بەيجيڭ-شىنجىن جوعارى قارقىندى تاس جولىنا شىعىپ شۇيشۇيدەن شىعىسقا قاراي رۇڭچىڭعا جەتكەندە جوعارى قارقىندى تاس جولدان ءتۇسىپ، سول باعىتتا جۇرسەڭىز ءان-شينگە جەتەسىز، جالپى 197 كيلومەتر.


        (3) تيانجين-باۋديڭ جوعارى قارقىندى تاس جولىنا شىعىپ بايگوۋ نەمەسە جيڭرۇڭ قالاسىنان ءوتىپ ءان-شيگە جەتەسىز، جالپى 170 كيلومەتر.


        (4) بەيجيڭ-شىنجىن جوعارى قارقىندى تاس جولىنا شىعىپ شۇيشۇيدەن شىعىسقا قاراي ءجۇرىپ رۇڭچىڭ قالاسىنان جوعارى قارقىندى تاس جولدان ءتۇسىپ، سول باعىتتى بويلاپ ءان-شينگە جەتەسىز، جالپى 162 كيلومەتر.

     

    اۋدارعان: راحىمان قادەن ۇلى