حىبەي چىڭدى «سامال تاۋ» ساياجايى جانە ماڭىنداعى بۇتحانالار

سامال تاۋ ساياجايىنىڭ شىعىس سولتۇستىگىنە چيڭ ۇكىمەتى بۇرىن «لاما بۇتحانالارى» فورماسىندا 12 بۇتحانا سالدى. مۇنىڭ ىشىندە، سەگىز بۇتحانا چيڭ ۇكىمەتىنىڭ باسقارۋىندا بولىپ «وزگەشە سەگىز بۇتحانا» اتالعان. ۋاقىت وتە كەلە «وزگەشە سەگىز بۇتحانا» اتاۋى 12 بۇتحانانىڭ جالپى اتاۋى بولىپ قالىپتاسقان، قازىر مۇنىڭ 7 بۇتحاناسى عانا ساقتالىپ قالدى. 1994-جىلى «وزگەشە سەگىز بۇتحانا» سامال تاۋ ساياجايىمەن بىرگە دۇنيە جۇزىلىك مادەنيەت مۇراعاتتار قاتارىنا ەنگىزىلدى.


        كورىنىس تۇيىندەرى جونىندەگى تانىستىرۋ:


        حىبەي چىڭدى «سامال تاۋ» ساياجايى حىبەەي ولكەسىنىڭ چىڭدى قالاسى ورتالىعىنىڭ سولتۇستىگىنە ورنالاسقان بولىپ، سوناۋ چيڭ حاندىعى كاڭ شي جىلىندا سالىنىپ، كاڭشي، يۇڭجىڭ، چيانلۇڭ ءۇش ۇرپاق پاتشانىڭ 89 جىلدىق ەڭبەگىمەن قۇرىلىپ شىققان بولىپ، دۇنيە جۇزىندە قازىرگە دەيىنگى ساقتالعان ەڭ ۇلكەن پاتشا اۋلەتىنىڭ بايىرعى باۋ-باقشالىعى ەسەپتەلىپ، بەيجيڭدەگى يحىيۋان باقشاسى، سۋجۋداعى جۋوجىڭيۋان باقشاسى، سۋجۋ ليۋيۋانمەن قاتار اتالاتىن جۇڭگوداعى ءتورت ۇلكەن ايگىلى باقشانىڭ ءبىرى. 1994-جىلى «دۇنيە جۇزىلىك مادەني مۇراعاتتار تىزىمدىگىنە» كىرگىزىلگەن.


        چىڭدى «سامال تاۋ» ساياجايى ۇلكەن جاقتان پاتشا ورداسى رايونى جانە باۋ-باقشا كورىنىس رايونى بولىپ ەكى بولەككە بولىنەدى. پاتشا ورداسى رايونى ەرتە زامانعى پاتشالاردىڭ تۇرمىس جانە قىزمەتىندەگى ماڭىزدى ورىندارى، بۇل وردا قازىر مۇراجاي بولىپ اشىلىپ، چيڭ داۋىرىنەن قالعان 20 مىڭنان استام قىمباتتى مادەنيەت مۇرالار تىزىمدىگىنە كىرگىزىلدى. يۋانجيڭ كورىنىس رايونى چاڭجياڭنىڭ وڭتۇستىگىندەگى سۋلى مەكەن، باتىس سولتۇستىكتەگى جاسىل القاپ، تاۋلى وڭىردەگى ورمان توعاي سياقتى جۇڭگونىڭ جەر-جەرىنىڭ كورىنىسىن تولىق قامتىعان، مىسالى يجوۋدىڭ سولتۇستىگىندەگى سۋ ءۇستى عيماراتى جىجياڭ ولكەسىنىڭ جياشيڭ قالاسىنداعى نانحۋ كولىندەگى عيماراتپەن ۇقساس سالىنعان بولىپ، «حۋانجۋ حانىشا»، «شۋفاڭجاي» تەلە فيلمينىڭ كورىنىس العان جەرى.


        سامال تاۋ ساياجايىنىڭ شىعىس سولتۇستىگىنە چيڭ ۇكىمەتى بۇرىن «لاما بۇتحانالارى» فورماسىندا 12 بۇتحانا سالدى. مۇنىڭ ىشىندە، سەگىز بۇتحانا چيڭ ۇكىمەتىنىڭ باسقارۋىندا بولىپ «وزگەشە سەگىز بۇتحانا» اتالعان. ۋاقىت وتە كەلە «وزگەشە سەگىز بۇتحانا» اتاۋى 12 بۇتحانانىڭ جالپى اتاۋى بولىپ قالىپتاسقان، قازىر مۇنىڭ 7 بۇتحاناسى عانا ساقتالىپ قالدى. 1994-جىلى «وزگەشە سەگىز بۇتحانا» سامال تاۋ ساياجايىمەن بىرگە دۇنيە جۇزىلىك مادەنيەت مۇراعاتتار قاتارىنا ەنگىزىلدى.


        «وزگەشە سەگىز بۇتحانا» حانزۋ، زاڭزۋ ۇلتتارىنىڭ قۇرىلىس ەرەكشەلىگىن ايگىلەدى. پۋتو زاڭزۋ بۇتحاناسى كىشكەنە بۋدالا سارايى دەپ اتالىپ، شيزاڭداعى بۋدالا سارايىنىڭ فورماسىندا سالىنعان قۇرىلىس بولىپ، چىڭدىنىڭ وزگەشە سەگىز بۇتحاناسىنىڭ ورتاسىنا ورنالاسقان ەڭ كەڭ بۇتحانا سانالادى. پۋنيڭ مەشىتىنىڭ ىشىندە تالاي ادامنىڭ تاڭدايىن قاقتىرىپ، ءتانتى ەتكەن بۇرھان ءبۇبىنىڭ دۇنيە بويىنشا ەڭ ۇلكەن التىن سىر جالاتقان اعاش ءمۇسىنى ورناتىلعان. فۋنيڭ مەشىتىنىڭ قاسىندا ساۋدا مادەنيەت كوشەسى - فۋنيڭ كوشەسى بار. بۇل كوشەدەگى قىزمەتكەرلەر چيڭ ءداۋىرىنىڭ كيىم-كەشەكتەرىن كيىپ، ساياحاتشىلارعا جوعارى ساپالى قىزمەت وتەيدى. ساياحاتشىلار ۇناتىپ جەيتىن چىڭدى بال باۋىرساعى، كەسپە كوجەسى، قارما، قوي ەتى سورپاسى، روزا گۇلى پراندىگى سياقتى ءدامدى تاعامدارى بار.


        ۇسىناتىن جول لەنياسى: ليجىڭمىن قاقپاسى-ىشكى ۋمىن قاقپاسى-ادىلەت ورداسى-ءتورت ءتاپسىر كىتاپ ءۇيى-يانبوجىشۋاڭ سارايى-يۇنشانشىڭدي عيماراتى-سايليندۋ-رۋيجۋ-سۋ ءۇستى عيماراتى- ساڭلاڭيۇ-جاڭحۋ-ۋىنجيڭگى-اراسان-التىن تاۋ مۇناراسى-شۇيشينشيە-شىعىس وردا جۇرتى- دىحۇي قاقپاسى


        كورىنىس رايوننىڭ دارەجەسى: AAAAA


        ساياحاتتاۋعا ۇيلەسىمدى ۋاقىت: 1~3 كۇن


        بەلەت باعاسى:


        سامال تاۋ ساياجايىنىڭ بەلەت باعاسى:


        ساياحات قاۋىرت مەزگىل ءساۋىردىڭ 1-كۇنىنەن قازاننىڭ 31-كۇنىنە دەيىن) 145 يۋان


        ساياحات سايابىر مەزگىل قاراشانىڭ 1-كۇنىنەن -كەلەسى جىلى ناۋرىز ايىنىڭ 31-كۇنىنە دەيىن) 90 يۋان


        پودالا سارايىنىڭ كورىنىس رايونى : قاۋىرت مەزگىلدە 80 يۋان، سايابىر مەزگىلدە 60 يۋان (فۋيوۋ بۇتحاناسىن قامتيدى)


        دابىل مۇناراسى كورىنىس رايونى: جىل بويى 50 يۋان


        قىزمەت ۋاقىتى: 08:30~18:00


        سامال تاۋ ساياجايىنىڭ ورنى: حىبەي ولكەسى چىڭدى قالاسى قوس كوپىر رايونى ليجىڭمىن كوشەسى


        قاتىناس كورسەتكىشى:


        جەكە كولىك: (بەيجيڭ قالاسى-چىڭدى تاۋ سامالى ساياجايى)

        
        جول لەنياسى: G45 بەيجيڭ قالاسى 5-اينالمالى جولى-بەيجيڭ-چىڭدى جوعارى قارقىندى تاسجول-چىڭدى-چىڭدى سامال تاۋ ساياجايى


        الەۋمەتتىك اۆتوكولىك (بەيجيڭ-چىڭدى قاتىناس بەكەتى)


        ليۋلي كوپىرى قاتىناس بەكەتى، سىحۋي قاتىناس بەكەتى


        قالا ءىشى الەۋمەتتىك اۆتوبوز


        (1) چىڭدى پويەز ستانسياسىنان شىعىپ: 2، 5، 13، 15، 29 جول اۆتوبوزى


        (2) چىڭدى ۇزاق جول قاتىناس بەكەتى (شىعىس قاتىناس بەكەتى) شىعىپ: 1، 9، 13، 29 جول اۆتوبوزى

     

    اۋدارعان؛ راحىمان قادەن ۇلى