سانشي داتۇڭ يۇنگاڭ تاس ۇڭگىرى

سانشي داتۇڭ يۇنگاڭ تاس ۇڭگىرى شانشي ولكەسى داتۇڭ قالاسىنىڭ باتىس قالا ماڭى رايونىنا ورنالاسقان، تاس ۇڭگىر شوعىرىنىڭ يەلەگەن جەرى شامامەن ءبىر كيلومەتر شاماسىندا، جاڭا ەرانىڭ 460 – جىلى باتىس ۋي بەكتىگى داۋىرىندە باستاپ سالىنعان بولىپ، قازىرگە دەيىن، 1500 جىلدان ارتىق تاريحقا يە،


    كورىنىس رايونىنىڭ تانىستىرىلىمى:


    سانشي داتۇڭ يۇنگاڭ تاس ۇڭگىرى شانشي ولكەسى داتۇڭ قالاسىنىڭ باتىس قالا ماڭى رايونىنا ورنالاسقان، تاس ۇڭگىر شوعىرىنىڭ يەلەگەن جەرى شامامەن ءبىر كيلومەتر شاماسىندا، جاڭا ەرانىڭ 460 – جىلى باتىس ۋي بەكتىگى داۋىرىندە باستاپ سالىنعان بولىپ، قازىرگە دەيىن، 1500 جىلدان ارتىق تاريحقا يە، تاس ۇڭگىر ىشىندەگى مۇسىن 50 مىڭنان ارتىق بولىپ، جۇڭگوداعى كولەمى ەڭ ۇلكەن بايىرعى زامان تاس ۇڭگىر شوعىرىنىڭ ءبىرى سانالىپ، دۇنحۋاڭ موگاۋ تاس ۇڭگىرى، لوياڭ لۇڭمىن تاس ۇڭگىرى جانە مايجيشان تاۋى تاس ۇڭگىرىمەن قاتار جۇڭگونىڭ 4 ءىرى تاس ۇڭگىرى دەپ اتالعان.


    يۇنگاڭ تاس ۇڭگىرىنىڭ سالىنۋى باستاپقى، ورتاڭعى، سوڭعى 3 مەرىزىمدى وتكىزگەن. جاڭا ەرانىڭ 460- جىلىنان 470- جىلىنا دەيىن موناق ءتان ياۋ ۋي پاتشالىعى ورداسىنىڭ بۇيرىعىمەن يۇنگاڭدا تاس ۇڭگىر قازدىرىپ، ول قازدىرعان تاس ۇڭگىردى كەيىنگىلەر ءتان ياۋدىڭ بەس تاس ۇڭگىرى دەپ اتايدى، ياعىني قازىرگى بار 16- 20 ۇڭگىر يۇنگاڭ تاس ۇڭگىر شوعىرى ىشىندە ەڭ ەرتە قازىلعان، ەڭ ادەمى تاس ۇڭگىرلەر سانالادى. ءتان ياۋدىڭ بەس ۇڭگىرىندەگى بۇد مۇسىندەرى " ادام مەن اۋليە ءبىر تۇلعالانعان " ەرەكشەلىك بەينەلەنىپ، بەس ۇڭگىر ىشىندەگى نەگىزگى بۇدتار تەرىستىك ۋي بەكتىگى قۇرىلعاننان بەرگى بەس پاتشاعا ارناپ تۇرعىزىلعان. تاس ۇڭگىر ىشىندە ەڭ ايگىلىسى توبەسى اشىق 20- ۇڭگىردەگى ءىرى بۇت بولىپ، تەرىستىك ۋي بەكتىگىن قۇرعان پاتشا توباگۋيعا ارناپ تۇرعىزىلعان.


    ورتا مەرىزىمدەگى تاس ۇڭگىرلەردىڭ ورنالاسۋى ءتان ياۋ بەس ۇڭگىرىنىڭ شىعىسىندا بولىپ، يۇنگاڭ تاس ۇڭگىرىنىڭ ەڭ ءبىر گۇلدەنگەن ساتىسى سانالادى. ورتا مەزگىلدەگى تاس ۇڭگىردىڭ كولەمى العاشقى مەزگىلدەگىمەن سالىستىرعاندا شاعىن بولعانىمەن، ءمۇسىن ىستيلدەرى كۇردەلى دە نازىك، تاقىرىبى دا مول. وندا بۇددا ءدىنىنىڭ تيپتىك وكىلدەرى بار بولىپ قويماي، بۇددا ءدىنىنىڭ حيكاياسىن بەينەلەگەن مۇسىندەر دە بار. 5- ۇڭگىردەگى نەگىزگى ءمۇسىن بولعان ساكيا مونيدىڭ ءمۇسىنى 17 مەتر بولىپ، جالپى يۇنگاڭ تاس ۇڭگىر ىشىندەگى ەڭ بيىك ءمۇسىن سانالادى. 6- ۇڭگىردىڭ ءتورت قابىرعاسىنداعى بۇددا ءدىنىن تاراتۋ حيكاياسىندا ساكيا مونيدىڭ اۋليە بولۋ بارىسى كورسەتىلەدى. ساياحاتشىلار بۇل ەكى ۇڭگىردە راسىمگە تۇسىرۋگە تيىم سالىناتىنىنا، بۇلاي ىستەۋدىڭ مۇسىندەرگە زاقىم كەلتىرەتىنىنە نازار اۋدارۋى كەرەك.


    تەرىستىك ۋي پاتشالىعىنىڭ پاتشاسى شياۋ ۋىن استاناسىن لوياڭعا كوشىرگەن سوڭ يۇنگاڭ تاس ۇڭگىرىن كەڭ كولەمدى قازۋ ىستەرى دە توقتايدى. سوڭعى مەرىزىمدەگى تاس ۇڭگىر باستىسى ورتا، تومەن دارەجەلى ءمانساپتىلار مەن اۋقاتتىلار ءۇشىن قازىلقپ، كولەمى ەڭ كىشى بولعانىمەن سانى كوپ بولىپ، مولشەرمەن 200 دەن اسادى، ءتانياۋ بەس ۇڭگىرىنىڭ باتىسىنا ورنالاسقان. وسى مەرىزىمدەگى ۇڭگىرلەردىڭ كوبى جالعىز ۇڭگىر فورماسىندا بولىپ، بۇدتاردىڭ الپەتى جۇدەۋ بولىپ، حانزۋ وركەنيەتىنىڭ ەرەكشەلىگىن ايگىلەگەن.


    تاس ۇڭگىر شوعىرىن ارالاپ ساياحاتتاعاننان كەيىن، ساياحاتشىلار تاعى كورىنىس رايونىن ارالاپ، كول سەنتىرىندەگى ارال ورتالىعىنا ورنالاسقان ليڭ يان بۇدحاناسى تەرىستىك ۋي بەكتىگىنىڭ ايگىلى جاعراپيا عالىمى دىڭ داۋيۋاننىڭ « جەر-سۋ ءتاپسىرى » كىتابىنداعى بايانداۋى بويىنشا سالىنعان. كوركەموەر ورتالىعىندا جەرلىك عۇرىپ- سالت ويىندارى ۇنەمى قويىلىپ تۇرادى. يۇنگاڭ مۋزەيحاناسى ىشىندە 500 دەن ارتىق مادەني بۇيىم قويىلعان، تەرى كولەڭكە، اعاش قۋىرشاق مۋزەيلەرىنەن تارتىمدى ويىندار تاماشالاۋعا بولادى. كورىنىس رايونىنىڭ شىعار اۋىزى -- بايىرعى زامانعا ۇقساتىپ جاسالعان ساۋدا كوشەسى-- اس- سۋ، بۇيىم كوشەسى بولىپ، بۇل ارادا ءار ءتۇرلى قىزمەت وتەۋ قۇرىلعىلارى بار. بۇل ارادان مۇلدە وزگەشە ەرەكشەلىككە يە ءدامدى تاعامداردان اۋىز تيۋىڭىزگە، تاڭ اۋلەتى قۋىرشاعى، پيڭچىڭ تاس ويماسى قاتارى جەرلىك ەرەكشەلىككە باي بۇيىمداردى ساتىپ الۋىڭىزعا بولادى.


    يۇنگاڭ تاس ۇڭگىرى قاتىناس سىلتەمەسى: ءتان ياۋ الاڭى -- فوگۋاڭ داڭعىلى -- ليفو ويما داۋالى -- ليڭ يان بۇتحاناسى ( شانتاڭ سۋ سارايى ) -- تاس سارباز اسەمونەر مۋزەيى -- تاس ۇڭگىر شوعىرى -- جوۋ زۇڭليدى ەسكە الۋ ءۇيى-- يۇنگاڭ تەرىستىك ۋي پاتشالىعى تەرى كولەڭكە ويىنى، اعاش قۋىرشاق مۋزەيى -- يۇنگاڭ مۋزەيحاناسى -- اس- سۋ، بۇيىمدار كوشەسى


    كورىنىس رايونى دارەجەسى: AAAAA


    ساياحاتتاۋعا ۇسىنىس: 4-5 ساعات


    ەسىك بەلەتى:


    ساياحاتتىڭ قاۋىرت مەزگىلى ( 1- ءساۋىر دەن 31- قازانعا دەيىن ) : تولىق باعاداعى بەلەت: ءار ادامعا 125 يۋان، جارىم باعاداعى بەلەت: ءار ادامعا 60 يۋان.


    سايابىر مەزگىل ( 1- قاراشادان ەندىگى جىلعى 31- ناۋرىزعا دەيىن ): تولىق باعالى بەلەت: 80 يۋان، جارىم باعا بەلەت: 40 يۋان.


    اشىق تۇراتىن ۋاقىتى:


    ساياحاتتىڭ قاۋرت مەزگىلى: 8:30-- 17:30


    سايابىر مەزگىلى: 8:30-- 17:00


    مۋزەيحانانىڭ اشىق ۋاقىتى:


    ساياحاتتىڭ قاۋرت مەزگىلى: 9:30-- 17:00


    سايابىر مەزگىلى: 9:30-- 16:20


    مەكەنجايى: داتۇڭ قالاشى باتىسىنان 16 كيلومەتر مولشەرى ۋجوۋ شان تاۋى نانلۋ


    قاتىناس باعدار كورسەتكىشى:


    جەكە اۆتوكولىكپەن ساياحاتتاۋ:


    بەيجيڭنەن شىعىپ: بەيجيڭ شيزاڭ سايراعى (G6) – جيڭجاڭ سايراعى (G110) --- شۋاندا سايراعى (G109) – جيڭدا سايراعى – داتۇڭ قالا رايونى – شيەحى باتىس جٶلى – يىڭبيڭ كوشەسى – باتىس ايلانبا جٶل – يۇنگاڭ جٶلى --- كورىنىس رايڭنى


    تۋي- يۋاننان شىعىپ: ىرگۋاڭ سايراعى دايۇن بولەگى (G55) --- داتۇڭ قالا ايلانبا سايراعى – يۇنگاڭ اۋىزىنان شىعىپ – كورىنىس رايونى


    حوححوتتان شىعىپ: جيڭشين سايراعى (G110) – ىرگۋاڭ سايراعى ( جيفىڭ سايراعى بولەگى ) – داتۇڭ قالا يلانبا جولى --- يۇنگاڭ شىعار اۋىزى – يۇنگاڭ جولى – كورىنىس رايونى


    ۇشاق:


    دۇڭفاڭ اۆياتسياسى MU3026، شىنجىن اۆياتسياسى ZH1120، جۇڭگو اۆياتسياسى CA1120، دۇڭفاڭ اۆياتسياسى MU5248، شيچۋان اۆياتسياسى 3U8532 قاتارلىلار


    نىسانالى جەر: داتۇڭ يۇنگاڭ اۋەجايى


    پويەز:


    4642、4630、k710、k711、k7802、k615、6065、k608、k605、k960、k892、k732 قاتارلىلار.


    نىسانالى جەر: داتۇڭ


    كوشە اۆتوبوز:


    پويىز بەكەتى: جٶعارى قارقىندى ساياحات 603، 4- جول—شينكايلي --- 3- جول


    ۇزىن جول جٶلاۋشىلار بەكەتى: 17- جول—شينكايلي --- 3- جول


    شيننان ۇزىن جول جولاۋشىلار بەكەتى: 28- جول – شينكايلى --- 3- جول


    داتۇڭ اۋەجايى: اۋەجاي اۆتوبوزى --- داتۇڭ قوناق ءۇيى --- 17- جول--- شينكايلي --- 3- جول


    نىسانالى جەر: يۇنگاڭ تاس ۇڭگىر كورىنىس رايونى