تيانجيننىڭ بايىرعى مادەنيەت كوشەسى

تيانجين بايىرعى مادەنيەت كوشەسى نانكاي رايونىنىڭ شىعىس سولتۇستىك جاعى شىعىس قاقپاسىنا ورنالاسقان، حايحىنىڭ باتىس جاعاسى، تيان حۋ عيباداتحاناسىن سەنتر ەتكەن. وڭتۇستىگى شۇيگى ۇلكەن كوشەسىنە، سولتۇستىگى تۇڭبي داڭعىلىنا تۇتاسادى، تۇستىك-تەرىستىك كوشە اۋىزدارىندا جەكە-جەكە «جيڭمىنگە ورالۋ»، «بايىرعى كوركەمونەر» دەپ جازىلعان بىردەن ەسكەرتكىش بار، بۇل كوشە ساۋدا-ساتتىققا ارنالعان جاياۋلار كوشەسى،


    كورىنىس رايون تانىستىرۋى:


    تيانجين بايىرعى مادەنيەت كوشەسى نانكاي رايونىنىڭ شىعىس سولتۇستىك جاعى شىعىس قاقپاسىنا ورنالاسقان، حايحىنىڭ باتىس جاعاسى، تيان حۋ عيباداتحاناسىن سەنتر ەتكەن. وڭتۇستىگى شۇيگى ۇلكەن كوشەسىنە، سولتۇستىگى تۇڭبي داڭعىلىنا تۇتاسادى، تۇستىك-تەرىستىك كوشە اۋىزدارىندا جەكە-جەكە «جيڭمىنگە ورالۋ»، «بايىرعى كوركەمونەر» دەپ جازىلعان بىردەن ەسكەرتكىش بار، بۇل كوشە ساۋدا-ساتتىققا ارنالعان جاياۋلار كوشەسى، جيڭمىندەگى ون كورىنىس ٴتۇيىنىنىڭ بىرەۋى. بۇل اراعا تيانجيننىڭ اتى ايگىلى دۇكەندەرى مەن ٴتۇرلى قول ونەر جايمالارى شوعىرلانعان، ياڭليۋچيڭ جىلناما سۋرەتىن، جاڭ چاڭلين بالشىق قۋىرشاعى جانە ۋي يۋانتاي باتپىراۋىعى سياقتى قولونەر بۇيىمدارىن كورە الاسىز.


    بايىرعى مادەنيەت كوشەسىندە قازىر جۇزدەن استام قويۋ ۇلتتىق وزگەشەلىككە يە تيانجيننىڭ اتى ايگىلى دۇكەندەرى بار. بۇلاردان، چيڭ ىدىستارى، سۋجوۋ كەستەسى، سىرلى اياقتار سياقتى امبەباپ دۇكەندەردى؛ جەرگىلىكتى ونىمدەر ساتاتىن جاڭ اۋلەتىنىڭ جەمىس دانەگى دۇكەنى، ساعىز كامپيت دۇكەنى جانە بۇرشاق دۇكەنى سياقتىلاردى؛ اتى ايگىلى بولعان قولونەر بۇيىمدار دۇكەندەرىن اتاۋعا بولادى. بەت-بەينەسى ناعىز ادامنان اۋمايتىن ٴتۇستى بالشىقتان جاسالعان جاڭ چاڭليننىڭ بالشىق قۋىرشاعى، اعاش تاقتاعا باسىپ سىزىلعان ياڭ ليۋچيڭ جىلناما سۋرەتى، الۋان پىشىندەگى ۋي باتپىراۋىعى قاتارلىلار ساتىلاتىن دۇكەندەر ساياحاتشىلار ٴسوزسىز، باس سۇعۋعا ٴتيىستى ورىندار. كوشەدە كوپتەگەن اتى ايگىلى بايىرعى مۇرالار بار، كوشەنىڭ قاق ورتاسىنا ورنالاسقان تيان حۋ عيباداتحاناسى بايىرعى مادەنيەت كوشەسىندەگى ەجەلگى مۇرالاردىڭ تيپتىك ۋاكىلى سپەتتى، تەڭىزدەن شىعىپ، قيىر شالعايعا ساپار شەككەن تيانحۋ بويجەتكەنگە ٴمىناجات ەتىپ تۇرۋدىڭ التى ٴجۇز جىلدان استام تاريحى بار. بۇل ارا تيانجين سالت-ٴداستۇر مۇراجايى تۇرعان ورىن، مۇراجاي ىشىنە تيانجين قالاسىنىڭ تاريحى، حالىقتاردىڭ سالت-ٴداستۇرلى تانىستىرىلىپ، ميڭ حاندىعى داۋىرىندەگى كرپىش، چيڭ داۋىرىندەگى سۋ تاسىمالى مودەلى مەن سۋ كۇشىمەن جۇمىس ىستەيتىن ماشينالار سياقتى مادەني مۇرالار تىزىلگەن. «جينمىنداعى تەاتر كونە عيماراتى» اتالعان تەاتر عيماراتىنان كومەديا، تاقپاق ايتۋ سىندى ٴتۇرلى ويىنداردى كورە الاسىز. ۇلكەن ارىستان كوشەسىنە جاقىنعى زامان ويشىلى، اعارتۋشى يان فۋدىڭ كونە تۇراعى، بۇرىنعى باسپاناسىنىڭ ورنىنا تيانيان الاڭى سالىنىپ، ونىڭ مىس ايكەلى ورناتىلعان.


    ٴارجىلى ديقاندار كالەندىرىنىڭ 23-ناۋرىز كۇنى تيان حۋ بويجەتكەننىڭ تۋىلعان كۇنى، بۇل كۇنى بايىرعى مادەنيەت كوشەسىندە تيانجين قالاسى بويىنشا ەڭ دۋماندى جينالىستاردىڭ ٴبىر بولعان پاتشالىق جينالىس(ەڭ ەرتەدە «بويجەتكەن جينالىسى» دەپ اتالعان، چيانلۇڭ پاتشا جياڭنانعا كەلگەندە بۇل جينالىس «پاتشالىق جينالىس» دەپ اتالعان) وتكىزىلىپ، تيانحۋ الدىڭعى الاڭىندا، گۇڭنان، گۇڭبەي قاتارلى ورىنداردا ايداعار شام ٴبيى، ارىستان ٴبيى، شاۋلين جينالىسى، اعاش اياقپەن ٴجۇرۋ سياقتى سان الۋان ويىندار كورسەتىلەدى.


    كورىنىس دارەجەسى: AAAAA


    ساياحاتتاۋعا ۇسىنىس:3 ساعات


    بەلەت: اقىسىز


    اشىلۋ ۋاقىتى: كۇن بويى


    مەكەنجايى: تيانجين قالاسى نانكاي رايونى گۋلوۋبەي


    قاتىناس باعدارلاماسى:


    اۆتوكولىكپەن: (1) قالا سىرتىنان كەلگەندە، (بەيجيڭ قالاسى جاقتان) S30 بەيجيڭ-تيانجين سايراعىمەن كەلىپ شۋاڭجيە اۋزىنان شىعىپ-بەيجيڭ تيانجين سايراعى-جيڭجين جولى-تيانتاي جولى-حۋاڭۋي جولى-ۋما جولى-حايحى شىعىس جٶلى-شىزىلين كوشەسى-جاڭ زىجۇڭ جولى-كورىنىس رايونى


    (2)قالا ىشىنەن:حۋاڭحىداۋ جولى-نانما جولى-چىڭشياڭ شىعىس جولى-دۇڭما جولى-تۇڭبەي جولى-جاڭ زىجۇڭ جولى-كورىنىس رايونى


    الەۋمەتتىك قاتىناس: 52-جول اۆتوبۋزىمەن حۋاڭحىداۋ بەكەتىنەن، 856-جول اۆتوبۋزىمەن دۇڭما جولى بەكەتىنەن تۇسەسىز.