تيانجين پانشان (تاقتالى تاۋ) تاۋ ايگىلى كورىنىس رايونى

پانشان تاۋ ايگىلى كورىنىس رايونى تيانجيننىڭ باتىس سولتۇستىگىنە ورنالاسقان، بەيجيڭ، تيانجين، تاڭشان وسى ٷش جەردىڭ تۇيىلىسىندە، تەڭىز دەڭگەيىنەن بيىكتىگى ٴتورت ٴجۇز دە التى ٴجۇز مەتر، نەگىزگى شىڭى ايقوناق (گۋايۋە) شىڭىنىڭ تەڭىز دەڭگەيىنەن بيىكتىگى 860 مەتر.


    كورىنىس رايون تانىستىرۋى:


    پانشان تاۋ ايگىلى كورىنىس رايونى تيانجيننىڭ باتىس سولتۇستىگىنە ورنالاسقان، بەيجيڭ، تيانجين، تاڭشان وسى ٷش جەردىڭ تۇيىلىسىندە، تەڭىز دەڭگەيىنەن بيىكتىگى ٴتورت ٴجۇز دە التى ٴجۇز مەتر، نەگىزگى شىڭى ايقوناق (گۋايۋە) شىڭىنىڭ تەڭىز دەڭگەيىنەن بيىكتىگى 860 مەتر.


    پانشان تاۋىنىڭ ٴتۇزىلىسى مەن كليماتى وزگەشە بولعاندىقتان، «ٷش تاقتالى جاڭبىرلى كەش»عاجايىپ كورىنىسىن قالىپتاستىرعان. جوعارعى تاقتادان جاپ-جاسىل قاراعاي-شىرشالاردى؛ ورتاڭعى تاقتادان الۋان پىشىندەگى جارتاس-قۇزداردى؛ استىڭعى تاقتادان سىڭعىرلاي اققان بۇلاقتى كورۋگە بولادى. جاز ورتاسىندا جاڭبىردان كەيىن بۇلت بۇركەنگەن مۇنارلى تاۋدىڭ كەشكى كورىنىسى وسىلار بىرلەستىرىلىپ،«ٷش تاقتالى جاڭبىرلى كەش» دەپ اتالعان. كورىنىس رايونىندا جانە «بەس قۇزار، سەگىز عاجاپ تاس»، نۋ ورمان قاتارلىلارمەن قوسا كوپتەگەن بۇتحانالار مەن بۇددا ٴدىنىنىڭ بايىرعى مۇنارالارى بار.


    تاۋدى ارالاۋ ٷشىن شىعىس-باتىس ەكى جولدى تاڭداۋعا بولادى. كورىنىس رايون قاقپاسىنان كىرگەن سوڭ باتىس جولمەن جۇرسەڭىز، جول بويى ٷش تاقتا، قىساڭ، تيانچىڭ بۇتحاناسى، مۇنارا ورمانى قاتارلى كورىنىس تۇيىندەرىن باسىپ ٴوتىپ، ۋانسۇڭ بۇتحاناسىنا باراسىز. بۇل جول جاياۋ جۇرۋگە ەبدەيلى. ەگەر شارشاساڭىز، ۋانسۇڭ بۇتحاناسىنان يۇنسۇڭ اسپالى جول ارباسىنا وتىرىپ، يۇنجاۋ بۇتحاناسىنا بارعان سوڭ، ازىراق جۇرسەڭىز ايقوناق شىڭىنا شىعىپ، بۇكىل تاۋ شاتقالىن انىق كورە الاسىز. جاياۋ جۇرگىڭىز كەلمەسە كورىنىس تۇيىندەرى ٴبىرشاما از، كورىنىس رايون اۆتوكولىگى جانە ايقوناق اسپالى جول ارباسىنا وتىراتىن شىعىس جولدىڭ تاڭداساڭىز بولادى.


    تابيعات كورىنىسى مەن تاريحي مۇرالاردان تىس، پانشان تاۋىنىڭ مادەنيەت سالت-داستۇرلەرى دە وزگەشەلىككە يە. ەلىمىزدىڭ تاۋ-سۋ ناقتى كورىنىس ويىنىن جاراتۋشى مي يۋانشۋاي مەن جيجوۋ ساياحات مادەنيەت سەرىكتەستىگى توبى بىرلەسىپ جاساعان «الەمدەگى پانشان» اتىنداعى ناقتىلى كورىنىس ويىنىندا چيانلۇڭ پاتشانىڭ پانشان تاۋىنا وتىز ەكى رەت ساياحاتتاي كەلگەن اڭىزى جانە كەيبىر تاريحي جازبالارداعى دەرەكتەرگە ساي، پانشان تاۋىنىڭ قۇزار شىڭدارى مەن تابيعي كورىنىسىن ساحنالىق ارتقى كورىنىس ەتە وتىرىپ، جوعارى تەحنيكالى دىبىس اسەرى مەن جارىق ساۋلەسى جانە كوز بايلاۋ تەحنيكاسىن بىرلەستىرىپ، چيانلۇڭ پاتشا مەن چي ۋاننىڭ ماحاببات كەشىرمەلەرى باياندالادى. «الەمدەگى پانشان» ٴار جىلى ٴساۋىردىڭ سوڭىنان قازاننىڭ باسىنا دەيىن جالعاسادى.


    ٴارجىلى ٴساۋىردىڭ باسى پانشانداعى كوڭىل اشۋ جينالىسى باستالادى. كوڭىل اشۋ جينالىسى نەشە كۇنگە جالعاسىپ، ٴان-ٴبي، تەاتر، سەرىك ويىنى قاتارلى كوركەمونەر ويىندارى قويىلۋمەن قاتار، قويۋ جەرگىلىكتى ٴتۇس العان ٴداستۇرلى ويىندار كورسەتىلەدى. تيانچىڭ بۇتحاناسى، ۋانسۇڭ بۇتحاناسى جانە يۇنجاۋ بۇتحاناسى قاتارلى ورىنداردا بۇددانىڭ ٴدىنى قيمىلدارى وتكىزىلەدى. بۇل ويىنداردى كورگەن سوڭ ساياحاتشىلار رۋشىڭ الاڭىنا بارىپ، كوشە ارالاپ ٴداستۇرلى بۇيىمداردى كوزدەن كەشىرۋلەرىنە بولادى.


    كورىنىس دارەجەسى: AAAAA


    ساياحاتتاۋعا ۇسىنىس:1 ساعات


    بەلەت:


    ەرەسەك ادامدار 130 يۋان، وقۋشىلار 65 يۋان


    اسپالى جول ارباسى: ٴار بولەگى 60 يۋان (پانشان ساياحات اۆتوكولىگى+ گۋايۋە اسپالى جول ارباسى 80 يۋان)


    «الەمدەگى پانشان» ويىن بەلەتى: 188-258 يۋان؛ ٴۇنحات تيىمدىلىك باعاسى: 99-199 يۋان


    اشىلۋ ۋاقىتى: 8:00-18:00


    مەكەنجايى: جي اۋدانى گۋانجۋاڭ قالاشىعى ليانحۋالين قىستاعى


    قاتىناس باعدارلاماسى:


    اۆتوكولىكپەن: (1) قالا سىرتىنان كەلگەندە، (بەيجيڭ قالاسىنان پانشان تاۋ كورىنىس رايونىنا) اۋەجاي ەكىنشى سايراعى-اۋەجاي وڭتۇستىك لەنياسى-ۋگىجۋاڭ اقى الۋ ورنى-ليتيان اسپا كوپىرى-جيڭپيڭ سايراعى-پانشان تاۋ كورىنىس رايونى


    (شىعىس سولتۇستىك باعىتتا)


    بەيجيڭ-حاربين تاس جولى-جي اۋدانى ينليۋ قالاشىعى-جينۋي تاس جولى-جي اۋدانى-تيانجين جي اۋدانى سايراعى حۋانداۋ باتىس تەرىستىك اۋىزى-جيگۋان جولى-پانشان كورىنىس رايونى


    (2)قالا ىشىنەن: تيانجين-جي اۋدانى سايراعى-حۋانداۋ باتىس تەرىستىك اۋىزى-پانشان كورىنىس رايونى


    الەۋمەتتىك قاتىناس: ساياحات ارناۋلى لەنيا 11-جول اۆتوبۋزى؛ پانشان تاۋ ارناۋلى لەنياسى (جي اۋداندىق ۆاگزالدان جۇرەدى)