شينجوۋ قالاسى ۋ-تايشان(بەس تەكشە) تاۋ ايگىلى كورىنىس رايونى

سانشي ولكەسى شيجوۋ قالاسى ۋ-تايشان اۋدانىنىڭ شىعىس سولتۇستىگىنە ورنالاسقان ۋ-تايشان تاۋى تابيعات جانە مادەنيەتتىڭ قوس مۇراسى توپتالعان، مەمىلەكەتتىك گەولوگيالىق باقشا. جۇڭحۋاداعى ون ايگىلى تاۋ جانە جۇڭگو بۇددا ٴدىنىنىڭ ايگىلى ٴتورت تاۋى بار ۋ-تايشان بۇددا ٴدىنىنىڭ دۇنيە جۇزىندەگى بەس كيەلى مەكەنىنىڭ ٴبىرى. فاڭيۋانعا 250 كيلومەتر، كورىنىس رايونىنىڭ جالپى اۋدانى 2837 شارشى كيلومەتر


    كورىنىس رايون تانىستىرۋى:


    سانشي ولكەسى شيجوۋ قالاسى ۋ-تايشان اۋدانىنىڭ شىعىس سولتۇستىگىنە ورنالاسقان ۋ-تايشان تاۋى تابيعات جانە مادەنيەتتىڭ قوس مۇراسى توپتالعان، مەمىلەكەتتىك گەولوگيالىق باقشا. جۇڭحۋاداعى ون ايگىلى تاۋ جانە جۇڭگو بۇددا ٴدىنىنىڭ ايگىلى ٴتورت تاۋى بار ۋ-تايشان بۇددا ٴدىنىنىڭ دۇنيە جۇزىندەگى بەس كيەلى مەكەنىنىڭ ٴبىرى. فاڭيۋانعا 250 كيلومەتر، كورىنىس رايونىنىڭ جالپى اۋدانى 2837 شارشى كيلومەتر. تايحۋاي قالاشىعىن سەنتر ەتىپ، ٴتورت توڭىرەگى مەن قاق ورتاسىنا بۇلتپەن تىلدەسكەن بەس تاۋ شوقىسى ورنالاسقان بۇل تاۋدىڭ باسى تاقىر، قۇددى توپىراق تەكشە سپەتتى بولعاندىقتان ۋ-تاي (بەس تەكشە) دەپ اتالعان. ەڭ بيىك يەدۋ شوقىسىنىڭ تەڭىز دەڭگەيىنەن بيىكتىگى 3058 مەتر، «سولتۇستىك جۇڭگونىڭ جوتاسى» اتالعان.


    ۋ-تايشان تاۋى جۇڭگوداعى بىردەن-ٴبىر كوك-سارى بۇتحانالار شوعىرلانعان بۇددا ٴدىنىنىڭ ٴمىناجات ورنى. قازىر مۇندا قىرىق جەتى بۇتحانا بار، مۇنىڭ وتىز توعىزى تاۋ ىشىندە، سەگىزى تاۋ سىرتىندا. مۇنىڭ كوبى پاتشالاردىڭ امىرىمەن سالىنىپ، كوپتەگەن حاندىقتاردىڭ پاتشالارى كەلىپ ٴمىناجات ەتىپ تۇرعان. ايگىلىلەرىنەن: شيانتۇڭ بۇتحاناسى، تايۋان بۇتحاناسى، بۇرحان بۇتحاناسى، نانشان بۇتحاناسى، دايلۋو بۇتحاناسى، گۋاڭجي بۇتحاناسى، ۋانفو بۇتحاناسى قاتارلىلار.


    ۋ-تايشان تاۋى، جىجياڭداعى پۋتوشان تاۋى، انحۇيداعى جيۋحۋاشان تاۋى، سىچۋانداعى ى-ميشان تاۋى جۇڭگوداعى بۇددا ٴدىنىنىڭ ٴتورت ايگىلى تاۋى اتالعان. نەپالداعى لۋمبيني باقشاسى، ٷندىستانداعى مىرگاداۋا، گايا جانە كۇشناگارالارمەن قوسىلىپ دۇنيە جۇزىندەگى بۇددانىڭ بەس ۇلكەن كيەلى مەكەنى اتالعان.
    نەگىزگى كورىنىس تۇيىندەرىنەن: اق مۇنارا، وڭتۇستىك ٴمىناجات سارايى، شيانتۇڭ بۇتحاناسىنداعى مىس ساراي، شيناتۇڭ بۇتحاناسىنداعى ۇلكەن ساراي قاتارلىلار.


    تا-يۋان بۇتحاناسىنداعى الىپ اق مۇنارا يۋاندادىنىڭ بەسىنىشى جىلى سالىنعان، ۋ-تايشانداعى بەس ۇلكەن ٴمىناجات ورنىنىڭ بىرەۋى، تاريحتا شيانتۇڭ بۇتحاناسىمەن ٴبىر بولعان، ميڭ پاتشالىعىنىڭ ۋانلي جەتىنشى جىلىنان ونىنشى جىلدارى ارالىعىندا شىليتا مۇناراسىن جاڭالاعان كەزدە دەربەس بۇتحانا بولىپ جاسالىپ، تا-يۋان بۇتحاناسى دەپ اتالعان.


    اق مۇنارانى نەپالدىق شەبەر انيكا جوبالاپ جاساعان، زاڭعار مۇنارانىڭ پىشىندەلۋى كوركەم، مۇنارا ۇشى جۇمىر، مۇنارا تابانى مەن مۇنارا تۇلعاسى جىڭىشكەلەۋ سالىنعان. اق مۇنارانى سەنتر ەتىپ توڭىرەگىنە بۇتحانالار سالىنىپ، ۋ-تايشان تاۋىنىڭ كورنەكتى ٴبىر بەلگىسى بولىپ قالعان.


    شيانتۇڭ بۇتحاناسىنىڭ جالپى جەر اۋدانى 120 مۋ، ٴتورت جۇزدەن استام ٴتۇرلى قۇرىلىس بار. ول جۇڭگوداعى تاريحى ۇزاق ەڭ بايىرعى بۇتحانا. جەتى ۇلكەن ساراي: گۋانين سارايى، ۋىنشۋ سارايى، ۇلكەن بۇد سارايى، ۇلكەن ساراي، مىڭ شارا سارايى، مىس ساراي جانە بۇددا ٴتاپسىرى سارايى، بۇلاردىڭ ٴارقايسىسى دەربەس وزگەشەلىككە يە. مۇنىڭ ىشىندە مىس ساراي ميڭ حاندىعىنىڭ ۋانلي وتىز سەگىزىنشى جىلدارى قۇيىلىپ، بەس مىڭ كيلو مىس ىستەتىلگەن، سارايدىڭ ٴتورت قابىرعاسىنا مىس ايكەلدەر ٴتىزىلىپ، ون مىڭ ايكەل دەپ اتالعان، سارايدىڭ ورتاسىندا بيىكتىگى 3 كەز كەلەتىن مىس بۇد بار. بۇل ساراي ەلىمىزدەگى ەڭ تاماشا ساقتالعان مىس سارايلاردىڭ بىرەۋى.



    كورىنىس دارەجەسى: AAAAA


    ساياحاتقا ۇيلەسىمدى مەزگىل: ماۋسىمنان تامىزعا دەيىن


    ساياحاتتاۋعا ۇسىنىس: 2-3 كۇن


    بەلەت: ساياحات جاندانعان مەزگىلدەردە (1-ساۋىردەن 31-قازانعا دەيىن)168 يۋان، ساياحات از مەزگىلدەردە (1-قاراشادان كەلەسى جىلى 31-ناۋرىزعا دەيىن)140 يۋان


    اشىلۋ ۋاقىتى: 6:30-20:00


    مەكەنجايى: شانشي ولكەسى شڭجوۋ قالاسى ۋ-تاي اۋدانى


    قاتىناس باعدارلاماسى:


    پويەز: ۋ-تايشان ۆاگزالىنان ساياحات رايونى تايحۋايعا دەيىن 48 كيلومەتر. بەيجيڭ، تيانجين، شىجياجۋاڭ، ديڭجوۋ، تاييۋان، داتۇڭ، شۋوجٶۋ، شيجوۋ قاتارلى جەرلەردەن ۋ-تايشانعا باراتىن ۇزىن جولدى جولاۋشىلار اۆتوبۋزى بار. ۋ-تايشان ۆاگزالىنان تۇسكەن سوڭ سەكسەن شاقىرىم جول باسىپ ۋ-تايشانعا بارۋعا بولادى. شيجوۋ بەكەتىنەن تۇسكەن سوڭ جولاۋشىلار اۆبوبۋز بەكەتىنە باراتىن اۆتوبۋزعا وتىراسىز.


    ۇشاق: ۋ-تايشان اۋەجايىنان كورىنىس رايونىنا باراتىن اۆتوبۋزعا وتىرۋعا بولادى، بەلەت 80 يۋان.


    اۆتوكولىك: بەيجيڭ، حىبەي، تيانجين جاقتان كەلگەندە، بەيجيڭ-شىجياجۋاڭ سايراعىنا شىعىپ، حبەيدىڭ فۋپيڭ اۋدانى، شانشيدىڭ ۋ-تاي اۋدانى شىزۇي قالاشىعى قاتارلى جەرلەردەن ٴوتىپ، نانمىن جاقتان ۋ-تايشانعا كەلەدى؛


    داتۇڭ، ىشكى موڭعۇل جاقتان كەلگەندە، دايۇن سايراعىنا شىعىپ، فانجىشاحى قالاشىعىنان ٴوتىپ، بەيمىن جاقتان ۋ-تايشانعا كەلەدى؛ تاييۋان، شيجوۋ جاقتان كەلگەندە، شيجوۋ مەن ۋ-تايشان اۋدانىن باسىپ ٴوتىپ، وڭتۇستىك قاقپا نەمەسە باتىس قاقپا جاقتان ۋ-تايشانعا كەلۋگە بولادى.