شيامىن گۋلاڭيۇي ارالى

ۋ-يشان تاۋى كورىنىس رايونى فۋجيان ولكەسى ۋ-يشان قالاسىنىڭ وڭتۇستىگىندە، جەر كولەمى 60 شارشى كيلومەتر، شوقىلارىنىڭ تەڭىز دەڭگەيىنەن بيىكتىگى 400 مەتر اينالاسىندا، تيانيۋفىڭ شوقىسى، جيۋچۇيشي اعىنى، داحۇڭپاۋ كورىنىس رايونى، شۇيلياندۇڭ ۇڭگىرى قاتارلى كورىنىستەرى بار. ۋ-يشان تاۋى دەر شاعىنداعى قىزىل نەفەلين جەر بەدەرىنە جاتادى،

        كورىنىس رايونىنىڭ تانىستىرۋى:


        گۋلاڭيۇي ارالى فۋجيان ولكەسى شيامىن قالاسىنىڭ باتىس وڭتۇستىگىندە، «تەڭىزدەگى باقشا» دەگەن اتى بار. ون ۇلكەن ساياحاي، رىگۋانيان قاتارلى ايگىلى كورىنىستەرى بار. شيامىن ارالىمەن ارالىعى نەبارى 600 مەتر، شيامىن ارالىندا تۇرىپ گۋلاڭيۇي ارالىنىڭ شىعىس وڭتۇستىك تۇمسىعىن، حالىق باتىرى جىڭ چىڭگۇڭنىڭ الىپ ٴمۇسىنىن كورۋگە بولادى.


        گۋلاڭيۇي ارالىنداعى قۇرىلىستار جۇڭگو مادەنيەتى مەن باتىس مادەنيەتى توعىسۋ تاريحىنىڭ كۋاگەرى. ول كەزىندە «مايعا بەرىلگەن جەر» بولاتىن، انگليا، ا ق ش، فرانسيا، جاپونيا قاتارلى 13 ەل كەزىندە ارالدا كونسۋل قۇرعان، كەيبىر قۇرىلىستاردىڭ تارپى قۇرىپ كەتكەن، ساقتالىپ قالعان كونسۋلدىڭ جۇرتتارى نەشە مارتە جوندەلگەن، سوندا دا ارالدىڭ كوركەم كەلبەتى استە بۇزىلعان ەمەس. ارالداعى ساياجايلار الۋان ۇلگىدە، تاريحى ۇزاق. لياۋ اۋلەتىنىڭ ساياجايى سولاردىڭ ٴبىرى، انگليا ۇلگىسىندە سالىنعان، كەزىندە ادەبيەت الىبى لين يۇيتاڭنىڭ حانىمى لياۋ سۇيفىڭنىڭ اۋلەتىنە تاۋەلدى بولعان، ەكەۋىنىڭ تويى وسىندا وتكىزىلگەن ەكەن. حايتيان تاڭگوۋ ساياجايى ارالداعى بىردەن-ٴبىر سيمەتريالى سالىنعان قۇرىلىس، ۇلكەن قاقپاسىنا «حايتان تاڭگوۋ» دەگەن جازۋ بار ماڭدايشالىق ىلىنگەن، ساياجايدىڭ توبەسى جۇڭگو ۇلگىسىمەن جابىلىپ، باتىس ۇلگىسىندەگى وزگە قۇرىلىستارعا سەس كورسەتكەندەي بولادى. قازىر بۇل ساياجاي مۇراجايعا وزگەرتىلگەن، وندا ٴار كۇنى وڭتۇستىك فۋجياننىڭ ٴداستۇرلى نانين كوركەمونەرى مەن قۋىرشاق ويىنى قويىلادى.


        گۋلاڭيۇي ارالىنىڭ «ساز اسپاپ ارالى» دەگەن دە اتى بار، بۇل جەردەن كوپتەگەن تانىمالى مۋزيكانتتار شىققان. ارالدا ساز اسپابىنىڭ اتىمەن اتالاتىن ەكى مۇراجاي بار. شۋجۋاڭ باقشاسى پيانينو مۇراجايى، وعان اۋستراليا ازاماتتىعىنداعى جۇڭگولىق پيانينوشى حۋ يۋ-ي مىرزا ساقتاعان 70 نەشە ەسكى پيانينو قويىلعان. ارالدا جۇڭگوداعى بىردەن-ٴبىر ٴارى دۇنيەدەگى ەڭ ۇلكەن گارمون مۇراجايى بار، ول باگۋالوۋ عيماراتىندا، شۋجۋاڭ باقشاسىنداعى پيانينو مۇراجايىمەن بىرگە داڭقى اسپانداپ تۇرادى.


        گۋلاڭيۇي ارالىنىڭ ساۋدا كوشەسى نەگىزىنەن لۇڭتوۋ جولىنا شوعىرلانعان، الۋان ٴتۇرلى مادەني دۇكەندەر مەن تۇرلىشە ۇلگىدەگى قوناقجايلار بار. ساياحاتشىلاردىڭ بۇل ارادا قولتاڭباسىن ٴتۇسىرىپ، ەستەلىك قالدىرۋىنا بولادى. ەڭ ماڭىزدىسى ارالدا فۋجيان مەن تايۋان ەرەكشەلىگىندەگى ٴار ٴتۇرلى تاعامدار وسى اراعا توپتالعان، يە اۋلەتىنىڭ كۇرىش قارماسى، حۋاڭشىڭنىڭ قاساپحاناسى، لين اۋلەتىنىڭ بالىق ەتى تۇيمەشى، حۋاڭزىحى جەر جاڭعاعى سورپاسى قاتارلىلار ساناپ تاۋىسقىسىز، ساياحاتشىلاردىڭ تابەتىنە ابدەن جاعادى.


        كورىنىس رايونىنىڭ دارەجەسى: AAAAA


        ساياحاتتاۋ ۋاقىتى: 1 كۇن 


        بەلەت باعاسى: 


        ارالعا باراتىن قايىقتىڭ بەلەتى: سىرتتان كەلگەن ساياحاتشىلار 35 يۋان، دۇڭدۋدان قايىققا وتىرادى (كەشكى ساعات 5:30 دان كەيىن لۋجياڭداۋ بۇرامىمەن ارالعا بارۋعا بولادى)؛ 


        جەرگىلىكتى ساياحاتشىلار لۋجياڭداۋ بۇرامىمەن ارالعا بارا الادى، بەلەت باعاسى 8 يۋان. 


        كورىنىس رايونىنىڭ بەلەت باعاسى: 


        رىگۋاڭيان: 60 يۋان، شۋجۋاڭ باقشاسى (پيانينو مۇراجايىن قامتيدى): 30 يۋان؛ حاۋيۋەيۋان: 15 يۋان؛ گارمون مۇراجايى: 20 يۋان؛ حالىقارالىق ٴارىپ ويما سارايى: 10 يۋان. جوعارىداعى بەس كورىنىس رايونىنىڭ تۇتاس بەلەتى 100 يۋان 


        حايتيان تيانگوۋ، تەڭىز استى الەمى، ايگىلى ادامداردىڭ بالاۋىز ٴمۇسىن سارايى قاتارلىلارعا ايىرىم بەلەت الۋ كەرەك 


        اشىلۋ ۋاقىتى: كۇنى بويى اشىق بولادى، ادام سانى شەكتەلەتىندىكتەن، الدىن الا تاپسىرىس بەرگەن ابزال 


        قاتىناسقا سىلتەمە: 


        كوشە اۆتوبۋزى 


        شيامىندىق ساياحاتشىلار ٴۇشىن: 2، 3، 4، 10، 11، 19، 25، 29، 30، 112، 655، 841، 950-جول اۆتوبۋزدارىنا وتىرىپ لۋجياڭداۋ بۇرامىنان تۇسەدى. 


        سىرتتان كەلگەن ساياحاتشىلار ٴۇشىن: 107، 655، 4، 26، 43، 87، 135، 139، 436، 841، 842، 852، 858، 954، 957-جول اۆتوبۋزدارىنا وتىرىپ، كەمە ورتالىعى بەكەتىنەن تۇسكەن سوڭ، دۇڭدۋ كەمە ورتالىعىنان قايىققا وتىرىپ ارالعا بارادى. 


        ۇشاق: 


        1. گاۋچي اۋەجايى 3-تەرمينالى (حالىقارالىق لەنيا، جانە شيامىن اۋياتسياسى، وڭتۇستىك اۋياتسياسى، حىبەي اۋياتسياسى) 


        اۋەجاي جۇردەك جولى كەمە پورتى لەنياسى، ساياحات اۆتوبۋزى – شيامىن نەيسواۋ ساياحات بۇرامى، سانچيۋتيان ساياحات بۇرامى

     
        2. گاۋچي اۋەجايى 4-تەرمينالى (ەل ٴىشى لەنياسى، شيامىن اۋياتسياسى، وڭتۇستىك اۋياتسياسى، حىبەي اۋياتسياسىنان باسقا)

     
        اۋەجاي جۇردەك جولى كەمە پورتى لەنياسى، ساياحات اۆتوبۋزى – شيامىن نەيسواۋ ساياحات بۇرامى، سانچيۋتيان ساياحات بۇرامى

     
        84-جول - شيامىن نەيسواۋ ساياحات بۇرامى

     
        پويەز: 


        شيامىن ۆاگزالى: 957-جول اۆتوبۋزى - شيامىن نەيسواۋ ساياحات بۇرامى

     
        شيامىن سولتۇستىك ۆاگزالى: 952، 994، 950-جول اۆتوبۋزى - شيامىن نەيسواۋ ساياحات بۇرامى

    اۋدارعان: العابەك قيسىنقان ۇلى