فۋجيان نانپيڭ قالاسى ۋ-يشان تاۋى كورىنىس رايونى

ۋ-يشان تاۋى كورىنىس رايونى فۋجيان ولكەسى ۋ-يشان قالاسىنىڭ وڭتۇستىگىندە، جەر كولەمى 60 شارشى كيلومەتر، شوقىلارىنىڭ تەڭىز دەڭگەيىنەن بيىكتىگى 400 مەتر اينالاسىندا، تيانيۋفىڭ شوقىسى، جيۋچۇيشي اعىنى، داحۇڭپاۋ كورىنىس رايونى، شۇيلياندۇڭ ۇڭگىرى قاتارلى كورىنىستەرى بار.


        كورىنىس رايونىنىڭ تانىستىرۋى: 


        ۋ-يشان تاۋى كورىنىس رايونى فۋجيان ولكەسى ۋ-يشان قالاسىنىڭ وڭتۇستىگىندە، جەر كولەمى 60 شارشى كيلومەتر، شوقىلارىنىڭ تەڭىز دەڭگەيىنەن بيىكتىگى 400 مەتر اينالاسىندا، تيانيۋفىڭ شوقىسى، جيۋچۇيشي اعىنى، داحۇڭپاۋ كورىنىس رايونى، شۇيلياندۇڭ ۇڭگىرى قاتارلى كورىنىستەرى بار. ۋ-يشان تاۋى دەر شاعىنداعى قىزىل نەفەلين جەر بەدەرىنە جاتادى، ابدەن پىسىپ-جەتىلگەن قىزىل قادا شوقىلاردى، كوككە شانشىلعان قۇز-قيالى نەفەلين جەر بەدەرىن، اعىندى سۋ، جىنىس ورمان قاتارلى كورىكتى تابيعي كورىنىستەردى كورۋگە بولادى. سۇڭ داۋىرىندەگى ايگىلى جوسىن تانۋشى جۋ شي وسىندا ٴومىر كەشىپتى، ونىڭ ٴىز-دەرەكتەرى الىگە دەيىن ساقتالعان.


        جيۋچۇيشي اعىنىنىڭ ۇزىندىعى 9.5 كيلومەتر، كولەمى 8.5 شارشى كيلومەتر، تاۋ اڭعارىن يرەلەڭدەي اعىپ جاتادى. بامبۋك سالمەن قۇلداي جۇزگەندە ەكى جاعىنداعى كورىنىسكە كوز تويادى. مەجەمەن 2 ساعاتتا اياعىنا شىعۋعا بولادى، ۋ-يشان تاۋىنىڭ نەگىزگى 36 شوقىسىن، 99 جارتاسىن باسىپ وتەدى، وزەننىڭ ەكى جاعالاۋىنداعى جارتاس بەتىندەگى ىلىنگەن تابىتتاردى كورۋگە بولادى، قايىقشىلار تاۋ شوقىلارى جونىندەگى اڭگىمە-اڭىزداردى ايتىپ بەرەدى.


        تيانيۋفىڭ شوقىسى ۋ-يشان تاۋى كورىنىس رايونىنىڭ ورتاسىندا، نەگىزگى كورىنىس رايونىنىڭ ٴبىرى ەسەپتەلەدى. ول جيۋچۇيشي اعىنىنىڭ بويىنداعى ليۋچۇيشي اعىنىنىڭ سولتۇستىگىندە. جاڭبىر باسىلىپ كۇن اشىلعاندا، تاڭعى اراي كوتەرىلگەندە شوقىلار تۇمانعا ورانىپ مۇنارتىپ تۇرادى دا، پەرىلەر الەمىنەن اۋمايدى، تيانيۋفىڭ دەگەن اتى وسىدان شىققان. تۇمان سەيىلگەن سوڭ، تيانيۋفىڭ شوقىسىندا تۇرىپ تۇتاس ۋ-يشان تاۋىنىڭ كوركەم تابيعاتىن بيىكتەن تاماشالاۋعا بولادى.


        جيۋچۇيشي اعىنىنىڭ بويىنداعى ليۋچۇيشي اعىنىنىڭ وڭتۇستىگىندە بالتامەن ايىرعان سياقتى جارىعى بار ۇلكەن جارتاس بار، بۇل ۋ-يشان تاۋىنداعى ايگىلى يشيانتيان جارىعى. ونىڭ تەرەڭدىگى 100 نەشە مەتر، ەنى ٴبىر مەترگە جەتپەيدى، ەڭ تار جەرى نەبارى 30 سانتيمەتر عانا، ۇڭگىردە تۇرىپ جارىققا قاراعاندا كىسىنى قايران قالدىراتىن ۇزىن دا جىڭىشكە كۇن ساۋلەسىن كورۋگە بولادى.


        ۋ-يشان تاۋىندا گۋمانيتارلىق كورىنىستەر دە كوپ كەزدەسەدى، تاريحتا كوپتەگەن وقىمىستىلار وسىندا ات باسىن بۇرىپ، قونىستانىپ، ٴبىلىم تاراتىپ، نەشە ونداعان وقۋ ورىندارىن قۇرعان، بۇتحانالار سالعان، تاس ويمالار قالدىرعان. جۋ شيدىڭ ٴومىرى ۋ-يشان تاۋىمەن ساباقتاسىپ جاتادى، 71 جىلدىق عۇمىرىنىڭ 40 نەشە جىلى فۋجياننىڭ سولتۇستىگى مەن ۋ-يشان تاۋىندا ٴوتىپتى، 54 جاسىندا وسىندا وڭاشا عۇمىر كەشىپ، ۋ-ي قۇجىراسىن قۇرىپ، شاكىرت تاربيەلەگەن، سودان قالعان تاس ويمالار، كىتاپ ۇيلەرى قاتارلى كوپتەگەن مۇراعاتتار ٴالى دە كوپتەپ كەزدەسەدى.


        ۋ-ي شاي كورمەسىنىڭ باتىس وڭتۇستىك بۇرىشىندا «داحۇڭپاۋ شايى اسەرى» اتتى تابيعي كورىنىستى ويىن ٴنومىرى بار، ويىندى جاڭ يموۋ قاتارلىلار جاساعان، ۋ-يشان تاۋىنىڭ شاي مادەنيەتىن تاقىرىپ ەتىپ، ونىڭ تاۋ-وزەندەرى مەن شاي مادەنيەتىن، جەرگىلىكتى حالىقتاردىڭ سالت-ساناسىن ٴبىر-بىرىمەن توعىستىرىپ، تارتىمدى ەتىپ بەينەلەپ بەرەدى. سونىمەن بىرگە داحۇڭپاۋ شايىنان، ناركس شايىنان اۋىز تيۋگە بولادى، سۇرلەگەن ۇيرەك، گۋاڭبيڭ توقاشى، جۋ شيدىڭ اناسىنا ارناعان قارماسى قاتارلى ٴدامدى تاعامداردان ٴدام تاتۋعا بولادى.


        كورىنىس رايونىنىڭ دارەجەسى: AAAAA


        ساياحاتتاۋ ۋاقىتى: 1 دە 2 كۇن


        بەلەت باعاسى:


        ٴبىر كۇندىك سەيىل: 140 يۋان + 75 يۋان ساياحات ماشيناسى اقىسى


        ەكى كۇندىك سەيىل: 150 يۋان + 85 يۋان ساياحات ماشيناسى اقىسى


        ٴۇش كۇندىك سەيىل: 160 يۋان + 90 يۋان ساياحات ماشيناسى اقىسى


        جيۋچۇيشي اعىنى بامبۋك سالىمەن ٴجۇزۋ: 100 يۋان


        داحۇڭپاۋ شايى اسەرى: 218 يۋاننان جوعارى


        اشىلۋ ۋاقىتى: جازدا 6:30‐18:00، قىستا: 6:30‐17:30


        ادرەسى: فۋجيان ولكەسى نانپيڭ قالاسى ۋ-يشان قالاسى


        قاتىناسقا سىلتەمە:


        ۋ-يشان قالاسىنان ۋ-يشان تاۋىنا دەيىن 15 كيلومەتر، جول بويىندا قول كوتەرسەڭىز بولدى توقتايتىن ساياحات اۆتوبۋزدارى بار، تاكسيمەن بارساڭىز دا بولادى. قالادا حۋتاۋ، شيمىن، نانمىن قاتارلى ٴۇش جولاۋشىلار اۆتوبۋز بەكەتى بار، كورىنىس رايونىنىڭ اۆتوبۋز بەكەتى سانگۋ، ۋ-يگۇڭ، شيڭسۇن قاتارلى جەرلەردە. ۋ-يگۇڭ، يۇينۇيفىڭ، جيۋچۇي قوناقجايى، شۇيلياندۇڭ ۇڭگىرى، يشيانتيان، شيڭسۇن پورتى، يۇڭلىچان بۇتحاناسى جانە ليانحۋافىڭ شوقىسى قاتارلى جەرلەردە تۇگەلدەي كولىك توقتاتۋ الاڭى بار.

    اۋدارعان: العابەك قيسىنقان ۇلى