جىجياڭ ولكەسى حاڭجوۋ قالاسىنىڭ شيحۋ كولى كورىنىس رايونى

شيحۋ كولى جىجياڭ ولكەسىنىڭ حاڭجوۋ قالاسىنىڭ قالا ورتالىعىنا ورنالاسقان، بۇرىنعىلار «جەر جانناتى» دەپ اتاعان. كورىنىس رايونىنىڭ جەر اۋماعى 69 شارشى كيلومەتر، كول بەتىنىڭ اۋماعى 6.5 شارشى كيلومەتر، كولدىڭ اينالماسى 15 كيلومەتر. شيحۋ كولى ەلىمىزدەگى ايگىلى تاريحي مادەنيەت ساياحات مەكەنى. سونداي-اي، «دۇنيە جۇزىلىك بەيزاتتىق مۇراعاتتار تىزىمدىگىنە» ەنگىزىلگەن ساناۋلى جەرلەردىڭ ءبىرى ءارى ەلىمىزدەگى بىردەن-ءبىر قوپالى كول تۇرىندەگى مادەني مۇراعات ورنى ەسەپتەلەدى.


    كورىنىس تۇيىندەرى جونىندەگى تانىستىرۋ:


    شيحۋ كولى جىجياڭ ولكەسىنىڭ حاڭجوۋ قالاسىنىڭ قالا ورتالىعىنا ورنالاسقان، بۇرىنعىلار «جەر جانناتى» دەپ اتاعان. كورىنىس رايونىنىڭ جەر اۋماعى 69 شارشى كيلومەتر، كول بەتىنىڭ اۋماعى 6.5 شارشى كيلومەتر، كولدىڭ اينالماسى 15 كيلومەتر. شيحۋ كولى ەلىمىزدەگى ايگىلى تاريحي مادەنيەت ساياحات مەكەنى. سونداي-اي، «دۇنيە جۇزىلىك بەيزاتتىق مۇراعاتتار تىزىمدىگىنە» ەنگىزىلگەن ساناۋلى جەرلەردىڭ ءبىرى ءارى ەلىمىزدەگى بىردەن-ءبىر قوپالى كول تۇرىندەگى مادەني مۇراعات ورنى ەسەپتەلەدى.


    شيحۋ كولىنىڭ تاۋى كوركەم، سۋى تۇنىق. كول ورتاسىن گۋشان تاۋى، باي جۇييى توسپاسى، سۋ دۇڭپو توسپاسى، ياڭ سۇلتانى توسپاسى سياقتىلار ءبولىپ تۇرادى. باي جۇييى توسپاسىن تاڭ داۋىرىندەگى ايگىلى اقىن باي جۇييى حاڭجوۋدىڭ ءۋاليى بولىپ تۇرعان كەزىندە سالدىرعان. جالپى ۇزىندىعى ءبىر كيلومەتر. باي جۇييى توسپاسىنىڭ شىعىسى ايگىلى قار قىمتاعان كوپىر. قار قىمتاعان كوپىر دەگەن ات «اق جىلان اڭىزىنا» نەگىزدەلىپ اتى شىققان. باي جۇييى توسپاسىن بويلاپ جۇرە بەرەتىن بولساڭىز گۋداۋ ارالىنا جەتىپ باراسىز.


    گۋشان تاۋى شيحۋ كولىنىڭ باتىسىنا ورنالاسقان. شيحۋ كولىندەگى ەڭ ۇلكەن ارالشانىڭ ءبىرى گۋداۋ ارالىندا جۇڭشان باقشاسى، جىجياڭ ولكەسىنىڭ كورمە سارايى، شيليڭ باسپا زاۆودتى، چيۋجيننىڭ قابىرى، سۋ شياۋشياۋدىڭ قابىرى سياقتى كورىنىس تۇيندەرى جانە حاڭجوۋ قالاسىنداعى اتى ايگىلى تاماقجاي «لوۋۋاي» عيماراتى بار. بۇل جەردەن شيحۋ كولىندە باعىلعان بوز بالىقتان جاساعان «شيحۋ كولىنىڭ قىشقىل بالىعىنان» ءدام تاتا الاسىز. گۋداۋ ارالىنىڭ قارسى جاعاسىندا ايگىلى يۋەۋاڭ بۇتحاناسى بار، بۇل بۇتحانا ۇلت قاھارمانى يۋە فەيدى ەسكە ءتۇسىرۋ ءۇشىن سالىنعان.


    گۋداۋ ارالىن تاماشالاپ بولعاننان كەيىن سۋ دۇڭپو توسپاسىنا كەلەسىز، سۋ دۇڭپو توسپاسىن سۇڭ داۋىرىندەگى ايگىلى اقىن سۋ دۇڭپو جوندەتىپ سالدىرعان، بۇل توسپا شيحۋ كولىنىڭ وڭتۇستىك، سولتۇستىك ەكى جاعاسىنا تۇتاسادى. ەگەر شيحۋ كولىنىڭ تۇتاس كورىنىسىن كورەمىن دەسەڭىز، ءسوزسىز، سۋ دۇڭپو توسپاسىنا بارماساڭىز بولمايدى. بۇل جەردەن بۇتحانالار مەن بالىقتاردى سونداي انىق كورە الاسىز. سۋ دۇڭپو توسپاسىنىڭ وڭتۇستىك جاعىندا سۋ دۇڭپونىڭ ەسكەرتكىش سارايى بار.


    سۋ دۇڭپو توسپاسىن بويلاپ وڭتۇستىككە قاراي جۇرە بەرسەڭىز جولدا لەي فىڭ مۇناراسى، نانبيڭ كەشكى قوڭىراۋى، ليۋلاڭۋىن سياقتى كورىنىس تۇيىندەرىن تاماشالاي الاسىز. لەي فىڭ مۇناراسى سولتۇستىك سۇڭ پاتشالىعى داۋىرىندە سالىنعان، كوپ رەت قيراتىلىپ، قايتا سالىنعان. قازىرگى لەي فىڭ مۇناراسى 2002-جىلى بۇرىنعى ورنىنان قايتا سالىنعان، لەي فىڭ مۇناراسىنىڭ كورمە زالىنان وسى مۇنارانىڭ كونە جۇرتىنىڭ قالدىعىن كورە الاسىز.


    شيحۋ كولىنىڭ اۋماعى كەڭ، كولدىڭ ورتاسىندا شياۋ يىڭجوۋ دەيتىن شاعىن ارال بار، بۇل ارال حانزۋشا “田”ءارىبىنىڭ فورماسىندا. وڭتۇستىگىندە قاپاق فورماسىنداعى ءۇش تاس مۇنارا بار، بۇل ايگىلى سانتان ياڭيۋە كورىنىس رايونى، ءبىر يۋاندىق قاعاز اقشانىڭ ارتىنا باسىلعان سۋرەت ءدال وسى سانتان ياڭيۋەنىڭ كورىنىسى. ساياحاتشىلار كەمەگە وتىرىپ نەمەسە شاعىن قايىقتىڭ ەسكەگىن ءوز ەسىپ تاماشالاۋىنا بولادى. شيحۋ كولىنەن تاعى «شيحۋ كولىنىڭ ەستەمەسى» تاۋ-وزەن كورىنىسىن تاماشالاۋىڭىزعا بولادى. مۇنى ايگىلى كينو رەجيسسەرى جاڭ يموۋ جاساتقان. مۇندا شيحۋ كولىنىڭ تابيعى كورىنىسى مەن تاريحي ەستەلىكتەر، وعان قوسا كوركەمونەرلىك قۇنعا يە اسەم شىراقتار وزگەشە ءلاززات باعىشتايدى.


    جوعارىدا اتالعان بىرنەشە توسپا كورىنىس تۇيىندەرىنەن باسقا شيحۋ كولىندە تاعى لين ۋييىڭنىڭ ەسكەرتكىشى، سازدى بۇلاق سياقتى كورىنىس تۇيىندەرى بار. تاماشالاپ قۇمارى قانباعان ساياحاتشىلار تاعى دا ماڭىنداعى ليڭجي بۇتحاناسىن، نەمەسە باتىسقا قاراي ءجۇرىپ تايزى-ۋان باقشاسىن ارالاۋىنا دا بولادى. ناۋرىز، ءساۋىر ايلارىندا بۇل جەردە شۇعىنىق گۇلىنىڭ قوش ءيىسى مۇرىندى جارىپ، اسەم كورىنىس قالىپتاستىرادى، كورىپ قايتۋعا تاتيتىن جەر. شيحۋ كولى مەن ساۋدا كوشەسى، وڭتۇستىك سۇڭ پاتشالىعى كەزىندەگى قاس تاس بازارى سياقتى ساۋدا ورىندارىنىڭ ارالىعى وتە جاقىن، تاعى دا بۇل جەردەن حاڭجوۋدىڭ ءدامدى تاعامدارىنان اۋىز ءتيىپ، قالاعان زاتتارىڭىزدى ساتىپ الۋىڭىزعا بولادى. بۇل جەردە تاعى لۇڭجيڭ ءشاي باقشاسى، سۇڭچىڭ كورىنىس رايونى، شيشي سازدىق باقشاسى سياقتى ساياحات ورىندارى دا بار. قورىتىپ ايتقاندا بۇل جەردە قالاي ويناساڭىزدا كوڭىلىڭىز كوتەرىلىپ قايتادى.


    كورىنىس رايونىنىڭ دارەجەسى: AAAAA


    ساياحاتتاۋعا ۇيلەسىمدى ۋاقىت: 3 تە 6 ساعات


    بەلەت باعاسى: كورىنىس رايونىنىڭ بەلەتى اقىسىز، كەيبىر كورىنىس تۇيىندەرىنە اقى الىنادى.


    لەي فىڭ مۇناراسى: 40 يۋان؛ فەيلاي شوقىسى: 45 يۋان؛ ليڭجي بۇتحاناسى: 30 يۋان؛ شيحۋ ەستەمەسى: 240 تا 580 يۋان.


    اشىلاتىن ۋاقىتى: تۇتاس ءبىر كۇن


    ءادىرىسى: جىجياڭ ولكەسى حاڭجوۋ قالاسى شيحۋ كولى رايونى شيحۋ كولى كورىنىس رايونى
    قاتىناس كورسەتكىشى:
    الەۋمەتتىك اۆتوبوز
    شياۋشان اۋە جايى - اۋە جايدان اۆتوبوزعا وتىرىپ حاڭجوۋ بەكەتى نەمەسە ۋ لين مايدانىنان ءتۇسىپ ودان كىرە اۆتوكولىگىنە وتىرىپ شيحۋ كولىنە باراسىز.
    شياۋشان اۋە جايى - اۋە جايدان اۆتوبوزعا وتىرىپ حاڭجوۋ بەكەتىنەن ءتۇسىپ ودان 2-، 7-جول اۆتوبوزىنا وتىرىپ شيحۋ كولىنە باراسىز.
    شياۋشان اۋە جايى - اۋە جايدان اۆتوبوزعا وتىرىپ حاڭجوۋ بەكەتىنەن ءتۇسىپ، ودان 1-ءنومىرلى مەتروعا وتىرىپ لۇڭشياڭ كوپىرى بەكەتىنەن ءتۇسىپ شيحۋ كولىنە باراسىز.