جياڭسۋ ولكەسى نانجيڭ قالاسى جۇڭشان ايگىلى ساياحات كورىنىس رايونى-جۇڭشان قابىرىستانى كورىنىس رايونى

جۇڭشان ايگىلى ساياحات كورىنىس رايونى جياڭسۋ ولكەسى نانجيڭ قالاسى شۋان-ۋ رايونى زىجين تاۋىنا ورنالاسقان. كورىنىس رايون اۋماعى 45 شارشى كيلومەترگە جەتەدى. «ايداعارشا يرەلەڭدەگەن جۇڭشان» دەگەن اتقا يە. سۇنچۋان زامانىنان باستاپ جۇڭشانعا پاتشالار مەن وردا ۋازىرلەرى جەرلەنەتىن بولعان. التى بەكتىك، ميڭ پاتشالىعى، مينگو مادەنيەتى قاتارلى گۋمانيتارلىق ەرەكشەلىگى مەن كوركەم تابيعاتى جاراسىم تاپقان ورتا. «جۇڭحۋا قالالارىنداعى ماڭداي الدى مادەنيەت وشاعى».


    كورىنىس رايونىن تانىستىرۋ:


    جۇڭشان ايگىلى ساياحات كورىنىس رايونى جياڭسۋ ولكەسى نانجيڭ قالاسى شۋان-ۋ رايونى زىجين تاۋىنا ورنالاسقان. كورىنىس رايون اۋماعى 45 شارشى كيلومەترگە جەتەدى. «ايداعارشا يرەلەڭدەگەن جۇڭشان» دەگەن اتقا يە. سۇنچۋان زامانىنان باستاپ جۇڭشانعا پاتشالار مەن وردا ۋازىرلەرى جەرلەنەتىن بولعان. التى بەكتىك، ميڭ پاتشالىعى، مينگو مادەنيەتى قاتارلى گۋمانيتارلىق ەرەكشەلىگى مەن كوركەم تابيعاتى جاراسىم تاپقان ورتا. «جۇڭحۋا قالالارىنداعى ماڭداي الدى مادەنيەت وشاعى». جۇڭشان ايگىلى كورىنىس رايونى جۇڭشان قابىرىستانى، ميڭشياۋ قابىرىستانى (ميڭ پاتشالىعى قابىرىستانى)، ليڭگۋ بۇتحاناسى قاتارلى قۇرىلىستاردى وزەك ەتكەن كورىنىس رايونى.


    جۇڭشان قابىرىستانى جۇڭحۋا مينگونىڭ تاعانىن قالاۋشى، جۇڭگو تاياۋ زامانعى ۇلى ساياساتكەر، توڭكەرىسشى سۇن جۇڭشاننىڭ قابىرىستانى. جۇڭشان قابىرىستانىنىڭ جالپى اۋماعى 80 مىڭ شارشى مەتردەن استام. اينالاسىندا مۋزيكا تەكشەسى، مۇراعات عيماراتى(سۇن جۇڭشان ەسكەرتكىش سارايى)، جۇڭشان كىتاپحاناعى قاتارلى قۇرىلستار بار. جالپى قۇرىلىس تاۋعا جاستانىپ سالىنعان. وڭتۇستىكتەن سولتۇستىككە قاراي بىرتىندەپ بيىكتەيدى. جۇڭشان قابىرىستانىن ايگىلى قۇرىلىس ينجەنەرى لۇي يان جوبالاعان. شىرقاۋ بيىكتەن كوز جىبەرگەندە قۇرىلىستىڭ تۇلعاسى «تابيعي الىپ ساعاتقا» ۇقسايدى. بۇل سۇن جۇڭشاننىڭ جۇڭگوعا سىڭىرگەن ەڭبەگىنىڭ سيمۆولى.


    جۇڭشان قابىرىستانىنىڭ وڭتۇستىك بولەگىنىڭ ەڭ تومەنگى تۇسىندا مرامور تاستان سالىنعان ەسكەرتكىش كەزدەسەدى. ماڭدايشاسىنا سۇن جۇڭشان جازعان «بۇكپەسىز سۇيىسپەنشىلىك» اتتى جازۋ ويىلعان. تاس قاقپادان ارى ۇزىندىعى 375 مەتر، ەنى 40 مەترلىك قابىرىستانعا اپاراتىن جول سالىنعان. قابىرىستان جولى قابىرىستان قاقپاسىنا تۇتاسقان. قابىرىستان قاقپاسىنىڭ توبەسى كوك ءتۇستى اينەك كەرپىشپەن قاپتالعان. ماڭدايشالىعىنا «ادىلەتتى قوعام» دەگەن جازۋ جازىلعان. تەرىستىككە قاراي بۇرىلعاندا جازۋى جوق ەسكەرتكىش تۇرادى. سودان ارى 392 باسپالداقتى باسىپ سۇن جۇڭشان ءمايىتى قويىلعان تاۋاپحاناعا بارۋعا بولادى.


    تاۋاپحانىڭ ۇزىنى 30 مەتر، ەنى 25 مەتر، بيىكتىگى 29 مەتر. جۇڭگو وردالارىنا ەلىكتەپ سالىنعان. توبەسى كوك ءتۇستى اينەكپەن قاپتالعان. تاۋاپحاناداعى 3 بولەك دوعاشا ەسىككە «ۇلت»، «حالىق دەموكراتياسى»، «حالىق تۇرمىسى» دەگەن ارىپتەر تاڭبالانعان. ماڭدايشالىق كوزىنە سۇن جۇڭشان جازعان «تۋرا سالتتى دارىپتەيىك» دەگەن ءسوزى ويىلعان. تاۋاپحانانىڭ ىشىنە 4.6 مەتر بيىكتىكتەگى سۇن جۇڭشاننىڭ مرامور ءمۇسىنى قويىلعان. ءمۇسىندى الەمگە ايگىلى ءبادىزشى پاۋل لاندوۋسكي ويعان. تاۋاپحانانىڭ قابىرعالارىنا سۇن جۇڭشاننىڭ توڭكەرىسكە قاتىناسۋى مەن «مەملەكەت قۇرۋ پروگرامماسىنىڭ» نەگىزگى مازمۇنى ويىپ جازىلعان.


    قابىر ءۇيى تاۋاپحانانىڭ ارتىنا جايعاسقان. ماڭدايشاسىنا كوك، اق ءتۇستى موسايك شاقپاق ماتەريالمەن پىشىندەلگەن گومينداڭ پارتيا بەلگىسى ىلىنگەن. شەڭبەر فورماسىنداعى قابىر ءۇيىنىڭ ورتاسى ءتورتبۇرىشتى قابىر شۇڭقىرى. قابىردىڭ بەتىنە اق ءتۇستى قاس تاسىنان سۇن جۇڭشاننىڭ شالقاسىنان جاتقان بەينەسى ويىلعان. قابىردىڭ ىشىندە امەريكادا جاسالعان قولا تابىتقا سۇن جۇڭشاننىڭ ءمايىتى قويىلعان.


    ميڭشياۋ قابىرىستانى جۇڭشان قابىرىستانىنىڭ باتىسىندا، ميڭ پاتشالىعىن قۇرۋشى جۋ يۋانجاڭ جانە پاتشايىمى بىرگە جەرلەنگەن قابىرىستان. نانجيڭدەگى ەڭ ۇلكەن پاتشا قابىرىستانى. جۇڭگوداعى كولەمى ەڭ ۇلكەن پاتشالىق قابىرىستان. ميڭشياۋ قابىرىستانى جۋ يۋانجاڭ داۋىرىنەن باستاپ سالىنىپ، ميڭچىڭزۋ جۋدي (ميڭتايزۋدىڭ 4-ۇلى، ميڭ پاتشالىعىنىڭ 3-كەزەكتى پاتشاسى) زامانىندا اياقتاعان. قۇرىلىستىڭ نەگىزگى تۇلعاسى ميڭ پاتشالىعىنان قالعان ءتورت بۇرىشتى قورعان، ميڭلوۋ، داجينمىن، شىنگۇڭ شىڭدى ەسكەرتكىشى، تاس ءمۇسىندى سوقپاق قاتارلىلاردان قۇرالادى. ميڭشياۋ قابىرىستانىنا ميڭ پاتشالىعى زامانىنداعى قىرۋار مادەني ەسكەرتكىشتەر مەن قۇندى مۇرالار كورگىزبەگە قويىلعان. مەيليڭ ورداسى جۇڭشان قابىرىستانىنىڭ جانىنداعى ايگىلى كورىنىس رايونى. كەزىندە جياڭ جيەشى مەن سۇڭ مەيليڭنىڭ دەمالاتىن سارايى بولعان. 1984-جىلدان باستاپ سىرتقا اشىق ۇستالعان. جۇڭشان قابىرىستانىنىڭ شىعىسىنداعى ليڭگۋ بۇتحاناسىنىڭ ماڭايىنا گومينداڭنىڭ سولتۇستىككە جورىق، جاپون شاپقىنشىلارىنا قارسى سوعىس مەزگىلىندە قازا بولعان كومانديرلەرى مەن اسكەرلەردىڭ قابىرى ورنالاسقان. ەسكەرتكىش سارايىنداعى 10 ەسكەرتكىش تاسقا كومانديرلەر مەن اسكەرلەردىڭ اتى، اسكەري شەنى ويىلعان. ساناققا قاراعاندا 33 مىڭنان ارتىق ادام بار ەكەن. جۇڭشان تاۋىنىڭ تەرىستىك قاپتالىندا اۆياتسيا قاھارماندارىنىڭ قابىرى كوزگە شالىنادى.


    كورىنىس رايونىنىڭ دارەجەسى: A A A A A


    ساياحات ۋاقىتىنا ۇسىنىس: 4-5 ساعات


    ەسىك بەلەتى:


    جۇڭشان قابىرىستانى: پاتشا قابىرىن ساياحاتتاۋ تەگىن، مۋزيكا تەكشەسى ءار ادامعا 10 يۋان، مەيليڭ ورداسى ءار ادامعا 30 يۋان.


    ميڭشياۋ قابىرىستانى: ءار ادامعا 70 يۋان


    ليڭگۋ كورىنىس رايونى: ءار ادامعا 35 يۋان


    بۇدان سىرت قوسىمشا بەلەتتەر ساتىلادى


    سىرتقا اشىلاتىن ۋاقىتى:


    جۇڭشان قابىرىستانى: 08:30—17:00 (دۇيسەنبى كۇندەرى تاۋاپحانا مەن قابىر ءۇيى بەكىتىلەدى)


    ميڭشياۋ قابىرىستانى، ليڭگۋ قابىرىستانى: (3-ايدان 10-ايعا دەيىن) 6:30-18:30 ، (11-ايدان كەلەسى جىلدىڭ 2-ايىنا دەيىن) 6:30-18:30


    ورنى: نانجيڭ قالاسى شۋان-ۋ رايونى شىشياڭ جولى 7-ءنومىر


    قاتىناس باعدار كورسەتكىشى:


    الەۋمەتتىك قاتىناس:


    جۇڭشان قابىرىستانى: مەترو 2-ءنومىرلى جەلىدەن—جۇڭشان قابىرىستانى مافاڭ بەكەتىنە دەيىن؛ الەۋمەتتىك اۆتوبۋز 34-جول نەمەسە 201-جول ارقىلى جۇڭشان قابىرىستانىنا دەيىن.


    ميڭشياۋ قابىرىستانى: مەترو 2-ءنومىرلى جەلى—ميڭشياۋ قابىرىستانى مۋشۇييۋان بەكەتىنە دەيىن؛ الەۋمەتتىك اۆتوبۋز 20-جول، 203-جول، 315- جولدان جۇڭشان قابىرىستانىنا دەيىن.


    ليڭگۋ كورىنىس رايونى: الەۋمەتتىك اۆتوبۋز 202-جولدان ليڭگۋ بۇتحاناسى بەكەتىنە دەيىن.


    حۋرۇڭ جوعارى قارقىندى تاس جولى(شاڭحايدان سىچۋانداعى چىڭدۋعا دەيىن): حۋنيڭ(شاڭحايدان نانجيڭگە دەيىن) جوعارى قارقىندى تاس جولى تۇيىلىسكەن جەرى(نانجيڭ قالا رايونى باعىتىنا قاراي)—جۇڭشان قابىرىستانى كورىنىس رايونى شىعىس جولى—ليڭدۇڭ جولى—ليڭگۋسى باتىس جولى—پوچتا مەكەمەسى شىعىس جولى—جۇڭشان قابىرىستانى اۆتوكولىك توقتاتۋ الاڭى


    S122 ولكە تاس جولى (بۇرىنعى نانجيڭنەن حاڭجوۋعا دەيىنگى تاس جول): جۇڭشانمىن كوشەسى—ليڭگۋسى جولى—ليڭگۋسى باتىس جولى—پوچتا مەكەمەسى شىعىس جولى—پوچتا مەكەمەسى باتس جولى—جۇڭشان قابىرىستانى اۆتوكولىك توقتاتۋ الاڭى