سۋجوۋ جوۋجۋاڭ بايىرعى قالاشىعى

جوۋجۋاڭدا قازىرگە دەيىن ميڭ، چيڭ پاتشالىقتارى تۇسىندا سالىنعان 14 بايىرعى تاس كوپىر بار. قوس كوپىر ميڭ داۋىرىنەن باستاپ سالىنعان. شىدى كوپىرى مەن يۇڭ-ءان كوپىرىنىڭ تۇتاسۋىمەن قالىپتاسقان. كوپىر وتكىنىڭ ءبىرى شەڭبەر، ءبىرى ءتورتبۇرىش فورماسىندا بولىپ، بايىرعى زامانداعى كىلتتىڭ پىشىنىنە ۇقسايدى. سول ءۇشىن كەيدە كىلىت كوپىرى دەپ اتالادى. ايگىلى سۋرەتشى چىن يفەي كەزىندە قوس كوپىردى باستى تاقىرىپ ەتىپ «اتامەكەن ساعىنىشى» اتتى سۋرەت سالعان.


    كورىنىس رايونىن تانىستىرۋ:


    جوۋجۋاڭ جياڭسۋ ولكەسى سۋجوۋ كۇنشان قالاسىنا ورنالاسقان. «جۇڭگوداعى ايدىنمەن قورشالعان اۋىل» دەگەن اتى بار. چۇنچيۋ زامانىندا «ياۋچىڭ» اتانعان. سولتۇستىك سۇڭ داۋىرىنە جەتكەندە جوۋجۋاڭ دەگەن اتقا يە بولعان. جوۋجۋاڭ وزەنگە جاستاپ سالىنعان قالاشىق. وزەن ارنالارى ورتاسىن جارا اعادى. قالاشىقتىڭ كەي ورىندارى شاعىن تاس كوپىرشەلەرمەن تۇتاسادى. ۇيلەر وزەن ارناسىنا تاياۋ ورنالاسقان. تەڭ جارتىسىنان استام تۇرعىن ۇيلەر ميڭ، چيڭ پاتشالىقتار زامانىنداعى قۇرىلىس ۇلگىسىن ساقتاعان. ايگىلى كورىنىس رايوندارىنان شىنتيڭ، جاڭتيڭ، ميلوۋ، چۋانفۋسى قاتارلىلار بار.


    جوۋجۋاڭنىڭ داۋرەندەۋى يۋان پاتشالىعىنىڭ سوڭى، ميڭ پاتشالىعىنىڭ باسقى شەنىندەگى ەلدەن اسقان كوپەس شىن ۋانسانمەن تىعىز قاتىستى. شىن ۋانسان ءوز كەزىندە اكەسىنە ەرىپ جوۋجۋاڭعا پانالايدى. اڭىزدارعا قاراعاندا ول جوۋجۋاڭداعى قولايلى سۋ قاتىناسىنا سۇيەنىپ، ساۋدا-ساتتىقپەن شۇعىلدانىپ قىرۋار مال-مۇلىك توپتاپ، جۇرتتان اسقان باي بولعان. سونىمەن جوۋجۋاڭ توۆار ساۋدا-ساتتىق ورتالىعىنا اينالعان. بىرتىندەپ گۇلدەنە باستاعان. كەيىن شىن ۋانسان يۇننانعا سۇرگىنگە ايدالعان. شىن ۋانسان ولگەن سوڭ كەيىنگىلەر سۇيەگىن جوۋجۋاڭعا اكەلىپ وزەن تۇبىنە جەرلەگەن. جوۋجۋاڭعا كەلگەن ساياحاتشىلار شىن اۋلەتىنىڭ تۇراعىن تاماشالاپ شىن ۋانساننىڭ عاجايىپقا تولى عۇمىرىنان حاباردار بولادى.


    جوۋجۋاڭدا قازىرگە دەيىن ميڭ، چيڭ پاتشالىقتارى تۇسىندا سالىنعان 14 بايىرعى تاس كوپىر بار. قوس كوپىر ميڭ داۋىرىنەن باستاپ سالىنعان. شىدى كوپىرى مەن يۇڭ-ءان كوپىرىنىڭ تۇتاسۋىمەن قالىپتاسقان. كوپىر وتكىنىڭ ءبىرى شەڭبەر، ءبىرى ءتورتبۇرىش فورماسىندا بولىپ، بايىرعى زامانداعى كىلتتىڭ پىشىنىنە ۇقسايدى. سول ءۇشىن كەيدە كىلىت كوپىرى دەپ اتالادى. ايگىلى سۋرەتشى چىن يفەي كەزىندە قوس كوپىردى باستى تاقىرىپ ەتىپ «اتامەكەن ساعىنىشى» اتتى سۋرەت سالعان. قوس كوپىردىڭ داڭقى سونىمەن كەڭ تارالعان. فۋ-ءان كوپىرى قالاشىقتاعى ەڭ بايىرعى زاماندا سالىنعان كوپىر. ايتۋلارعا قاراعاندا، شىن ۋانساننىڭ ءىنىسى شىن ۋانسى قارجى شىعارىپ ارناۋلى سالدىرعان ەكەن. كوپىر تۇرعىندار عيماراتىمەن قوسا سالىنعان. كوپىردىڭ ءتورت قاناتىندا عيمارات ورنالاسقان. عيماراتقا باسپالداق سالىنباعان. جوعارى كوتەرىلۋ ءۇشىن تاس باسپالداقتى كوپىردى اينالىپ ءوتۋ كەرەك. جوۋجۋاڭنىڭ سۋ جولدارى دا قايشالىسىپ جاتادى. قايىققا وتىرىپ، قايىقشىنىڭ شىرقاعان ءانىن ەستىپ، تاس كوپىرلەردى ارالاۋدىڭ ءوزى ءبىر عانيبەت.


    جوۋجۋاڭنىڭ كوشەسىن جاياۋ ارالاساڭىز كۇنچۇي تەاترىن تاماشالاي الاسىز. كۇنچۇي تەاترى كۇنشان تاۋىنان شىققان ەكەن. 2001-جىلى دۇنيە جۇزىلىك بەيزاتتىق مادەني مۇراعا ەنگىزىلدى. جوۋجۋاڭداعى ۇلكەن تەاتر ساحناسىندا «مۋدان سامالدىعى» «شانمىن» قاتارلى كلاسسيك تەاترلەر ۇزبەي قويىلىپ جاتادى.


    جوۋجۋاڭ ايگىلى ساياحات كورىنىس رايونى، ءارى جەرگىلىكتى حالىقتىڭ تۇرمىس ورتاسى. بۇل اراعا كەلسەڭىز جەرلىك ورىننىڭ ءدامدى قۇجىرىنان اۋىز ءتيۋ كەرەك. ۋانسان دوڭىز سيراعى، ۋانسان كۇلشەسى، جاسىل ءتۇستى بۋنان، كۇرىش دومالاقتاما كوجەسى قاتارلى تاعامدار بار. تاماقتان كەيىن اپو شايىنان ءدام تاتىڭىز. شايدان سوڭ قاعاز جاشىكتەن تۋىندىلار جاساۋ باستى تاقىرىپ ەتىلگەن باقشانى سەرۋەندەۋگە بولادى. ول اراداعى بارلىق بەزەندىرۋ بۇيىمدارى قاعاز جاشىكتەن قيۋلاستىرىپ جاسالعان. قىلاياعى ۇستەل ورىندىقتارعا دەيىن قاعاز جاشىك ماتەريال ەتىلگەن. قاعاز جاشىكتەن جاسالعان ەستەلىك بۇيىمدارىن ساتىپ الۋعا بولادى.


    ءتۇن شىمىلدىعى تارتىلعاندا جوۋجۋاڭ وزگەشە تۇسكە بولەنەدى. «ءتورت ماۋسىمداعى جوۋجۋاڭ» اتتى جۇڭگوداعى تۇڭعىش چاڭجياڭ تۇستىگىنىڭ بايىرعى ەكولوگيالىق مادەنيەتىن تانىستىرعان تەاتر قويىلادى. تەاتردە كوكتەم، جاز، كۇز، قىس باستى تاقىرىپ بولادى. تەاترگە ارناۋلى ارتيستەر جانە كاسىپتەن سىرتقى جەرلىك تۇرعىندار قاتىناسادى. تەاتردە سۋلى مەكەندەگى حالىقتىڭ تۇرمىسى سۋرەتتەلەدى.


    كورىنىس رايونىنىڭ دارەجەسى: A A A A A


    ساياحات ۋاقىتىنا ۇسىنىس: 1 كۇن


    ەسىك بەلەتى:


    100 يۋاندىق ءبىر تۇتاس بەلەت، 3 كۇن ىشىندە قايتالاي پايدالانۋعا بولادى. جاڭتيڭ، شىنتيڭ، چۋانفۋسى، بايىرعى تەاتر تەكشەسى، مەيلوۋ، شىن ۋانسان بايىرعى تۇراعى، يە چۋساڭ بايىرعى تۇراعى، شىن ۋانساننىڭ سۋ استى قابىرى قاتارلى 15 كورىنىس ورنىن كورۋگە بولادى. «گۋايلوۋ» كورىنىس ورنىنا ءار ادامعا 20 يۋان الىنادى.


    تۇنگى بەلەت 80 يۋان (16:00-21:00) تۇنگى ساياحاتقا جاڭتيڭ مەن شىنتيڭ ورىنداردى عانا اشىق ۇستالادى،


    سىرتقا اسىك اشاتىن ۋاقىتى: كۇنى بويى (7:30 دان بۇرىن، 20:00 دان كەيىن ەسىك بەلەتى كەشىرىم ەتىلەدى)


    «ءتورت ماۋسىمدى جوۋجۋاڭ» تەاترىنىڭ قويىلۋ ۋاقىتى: 19:30-20:30 عا دەيىن.


    ورنى: جياڭسۋ ولكەسى سۋجوۋ قالاسى كۇنشان قالاسى جوۋجۋاڭ قالاشىعى


    قاتىناس سىلتەمەسى


    جەكە اۆتوكولىكپەن ساياحاتتاۋ


    سۋجوۋدان:


    سۋجوۋ-چاڭتاي جوعارى قارقىندى تاس جولى-ۋجياڭ (وڭتۇستىك) شىعار اۋىزىنان جوۋحۋ لەنياسىنا قاراي-جينجوۋ جولى-جوۋحۋ لەنياسىنىڭ اياقتالعان تۇسى-جوۋجۋاڭ


    كۇنشاننان:


    كۇنشان-جوۋتۇڭ جولى-جينجوۋ تاس جولى-جوۋجۋاڭ


    حاڭجوۋدان:


    چاڭتاي جوعارى قارقىندى تاس جولى-حۋحاڭ جوعارى قارقىندى تاس جولى G60 – جياشيڭ جول تورابى-جاجياسۋ جوعارى قارقىندى تاس جولى S11 – جوۋحۋ لەنياسىنىڭ شىعار اۋىزى-سۋتۇڭلي تاس جولى-تۇڭجوۋ تاس جولى-جوۋجۋاڭ


    شاڭحايدان:


    شاڭحاي-ءيان-ءان گاۋجيا جولى- G50 –جينزى شىعار اۋىزى-داگۋانيۋان-شاڭتا-جوۋجۋاڭ


    ۇشاق


    شاڭحاي حۇڭچياۋ ايردرومى-(كۇنشان)-جوۋجۋاڭ


    پويەز


    سۋجوۋ پويەز بەكەتى-جوۋجۋاڭ


    الەۋمەتتىك قاتىناس، اۆتوبۋز


    شاڭحايدان: شاڭحاي جولاۋشىلار تاسىمال باس بەكەتى، تەرىستىك رايون جولاۋشىلار تاسىمال بەكەتى، چيڭپۋ قاتىناس بەكەتى-جوۋجۋاڭ بايىرعى قالاشىعى


    سۋجوۋدان: سۋجوۋ اۆتوكولىك سولتۇستىك بەكەتى-جوۋجۋاڭ؛ اۆتوموبيل ۇڭتۇستىك بەكەتى-جوۋجۋاڭ


    كۇنشاننان: جاڭا جولاۋشىلار بەكەتى 130-جول-جوۋجۋاڭ؛ 133-جول