جياڭشي جي-ءان جيڭگاڭشان

جيڭگاڭشان جياڭشي ولكەسىنىڭ جي-ءان قالاسىنا ورنالاسقان. جياڭشي مەن حۋناننىڭ شەگارا ارالىعىندا. تەڭىز دەڭگەيىنەن 1779 مەتر بيىك. جالپى جەر كولەمى 213.5 شارشى كيلومەتر. حۋاڭياڭجيە، سىپيڭ، لۇڭتان، دۇجۋانشان قاتارلى 11 كورىنىس رايوندارى بار. جاراتىلىستىق كورىنىس پەن مادەني ورتا جاراسىم تاپقان ايگىلى ساياحات ورنى. جيڭگاڭشان جۇڭگو كومپارتياسىنىڭ ەڭ ەرتەدە قۇرىلعان توڭكەرىستىك بازاسى


        كورىنىس رايونىن تانىستىرۋ:


        جيڭگاڭشان جياڭشي ولكەسىنىڭ جي-ءان قالاسىنا ورنالاسقان. جياڭشي مەن حۋناننىڭ شەگارا ارالىعىندا. تەڭىز دەڭگەيىنەن 1779 مەتر بيىك. جالپى جەر كولەمى 213.5 شارشى كيلومەتر. حۋاڭياڭجيە، سىپيڭ، لۇڭتان، دۇجۋانشان قاتارلى 11 كورىنىس رايوندارى بار. جاراتىلىستىق كورىنىس پەن مادەني ورتا جاراسىم تاپقان ايگىلى ساياحات ورنى. جيڭگاڭشان جۇڭگو كومپارتياسىنىڭ ەڭ ەرتەدە قۇرىلعان توڭكەرىستىك بازاسى. جيڭگاڭشان داۋىرىندە، جۇڭگو كومپارتيا باسشىلارى اۋىل-قىستاق ارقىلى قالانى قورشاۋ، قارۋلى كۇشپەن اكىمياتتى تارتىپ الۋدى تۇراقتاندىرىپ، پارتيانىڭ اسكەري كۇشتى باسقارۋى سىندى ءبىرقىدىرۋ ەرەجە-تۇزىمدەردى ورناتقان. اسا ماڭىزدى تاريحي ورىن.


        سىپيڭ كورىنىس رايونى جيڭگاڭشان توڭكەرىستىك مۇراجايىنان قىزىل ارميانىڭ ءوز كەزىندە جاپون شاپقىنشىلارىنا قالاي قارسى تۇرعانىن ايقىن بىلۋگە بولادى. مۇراجايدىڭ ىشىندە نەشە ون مىڭداعان اسا باعالى تاريحي مۇرالار مەن سۋرەتتەر، ايگىلى سۋرەتشىلەر مەن حاتكەرلەردىڭ قولتاڭباسى، ماۋزىدۇڭ، جۋدى قاتارلى مەملەكەت باسشىلارىنىڭ حاتكەرلىك تۋىندىلارى جانە كەسكىن ماتەريالدارى ساقتالعان. سىپيڭ كورىنىس رايونىندا توڭكەرىستىك قۇرباندار قابىرىستانى، ماۋزىدۇڭنىڭ بايىرعى تۇراعى قاتارلى «قىزىل» كورىنىس رايوندارى مەن نانشان حالىق باقشاسى، يسۇيحۋ كولى قاتارلى جاراتىلىستىق كورىنىس رايوندارى بار.


        حۋاڭياڭجيە جيڭگاڭشانداعى 5 ايگىلى قاراۋىل ورنىنىڭ ءبىرى. حۋاڭياڭجيەنىڭ جەر بەدەرى كۇدىر، اۋارايى قۇبىلمالى، قويۋ تۇمان تورلاپ تۇرادى. تاڭعى كۇن شىققاندا بۇلتقا ورانعان تابيعات كورىنىسىن تاماشالاۋعا بولادى. كورىنىس رايوندارىنان حۋاڭياڭجيەنى قورعاۋ شايقاسىنىڭ كورنە جۇرتى، داجيڭ توڭكەرىستىك بايىرعى جۇرتى، قىزىل ارميانىڭ اقشا جاساۋ ورنىنىڭ بايىرعى جۇرتى، باميانشان قىزىل ارميا قاراۋىل ورنى كونە جۇرتى قاتارلىلار بار. تاريحتاعى ايگىلى حۋاڭياڭجيەنى قورعاۋ شايقاسى وسى ارادا بولعان. كورىنىس رايونىنا جۋدى جولداستىڭ قولتاڭباسى تۇسكەن ەسكەرتكىش تاقتاسى ورناتىلعان.


        لۇڭتان(سارقىراما كولى) كورىنىس رايونى جيڭگاڭشاننىڭ سولتۇستىگىندە. جيڭگاڭشانداعى ەڭ كوركەم ورىن. لۇڭتان كورىنىس رايونى چيڭلۇڭتان، سۋولۇڭتان، چىلۇڭتان، حيلۇڭتان جانە پەريزات كولى (شياننۇيتان) قاتارلى 5 بولەككە بولىنەدى. اۋارايى اشىق كۇندەرى كول بەتىنە تۇسكەن كەمپىر قوساق ساعىمى انىق كورىنەدى. كورىنىس رايونىندا جينشىميان، شياۋجيڭ جۇڭگو قىزىل 4-ارمياسى شيپاحاناسىنىڭ بايىرعى جۇرتى قاتارلى كورىنىس ورىندارى بار.


        جيڭگاڭشاننىڭ ايگىلى شوقىلارىنان ۋجىفىڭ شوقىسى بار. بەس بولەك شوقىنىڭ تۇلعاسى بەس ساۋساقتىڭ ءتۇيىلىپ جۇدىرىقتاعان بەينەسىنە ۇقسايدى. ۋجىفىڭ شوقىسىنىڭ سۋرەتى 4-رەتكى حالىق اقشاسى ءجۇز يۋاندىق قاعاز اقشانىڭ تەرىس بەتىنە بەدەرلەنگەن. بيجياشانداعى 17 تاۋ شوقىسى رەتىمەن ورنالاسىپ سيا ساۋىت فورماسىنا ۇقساعان. تاۋدا 26 ءتۇرلى الپەنشەك گۇلى وسەتىندىكتەن، كوكتەم، جاز، كۇز ماۋسىمدارىندا گۇلدى تاماشالاۋعا بولادى.


        كەشكى ۋاقىتتا سىپيڭدا «جيڭگاڭشان» اتتى ءىرى ءتيپتى ناقتى كورىنىس تەاترىن تاماشالاۋعا بولادى. بۇل ەلىمىزدە قازىرگە دەيىن توڭكەرىستىك سوعىستى تاقىرىپ ەتكەن، قىزىل ارميانىڭ تاريحىن جىرلايتىن بىردەن-ءبىر ناقتى كورىنىستىك تەاتر. بۇدان جەرلىك ورىننىڭ ءدامدى تاعامدارىنان اۋىز تيە الاسىز.



    كورىنىس رايونىنىڭ دارەجەسى: A A A A A


    ساياحات ۋاقىتىنا ۇسىنىس: 1 كۇن


    ەسىك بەلەتى:


    جيڭگاڭشان ەسىك بەلەتى: 190 يۋان


    كورىنىس رايونىن تاماشالاۋ كولىگى: 70 يۋان


    سىرتقا ەسىك اشۋ ۋاقىتى: 08:00-17:00


    ورنى: جي-ءان قالاسى جيڭگاڭشان قالاسى سىپيڭ قالاشىعى


    قاتىناس باعدار كورسەتكىشى:


    جەكە اۆتوكولىك:


    نانچاڭ—داگۋاڭ جوعارى قارقىندى تاس جولى، تايجيڭ جوعارى قارقىندى تاس جولى—سىپيڭ قالاشىعى جيڭگاڭشان كورىنىس رايونى


    چاڭشا—جيڭمۋ جوعارى قارقىندى تاس جولى—جيڭتاي جوعارى قارقىندى تاس جولى—سىپيڭ قالاشىعى جيڭگاڭشان كورىنىس رايونى


    اۆياتسيا:


    جيڭگاڭشان ايردرومى—ايردروم اۆتوبۋزى—سىپيڭ جيڭگاڭشان كورىنىس رايونى


    پويەز:


    جيڭگاڭشان پويەز بەكەتى—سىپيڭ قالاشىعى جيڭگاڭشان كورىنىس رايونى


    اۆتوبۋز:


    جيڭگاڭشان قاتىناس جولاۋشىلار بەكەتى—اۆبۋزعا وتىرىپ سىپيڭ قالاشىعى جيڭگاڭشان كورىنىس رايونىنا بارۋعا بولادى