جياڭشي ولكەسى لۋشان ايگىلى ساياحات كورىنىس رايونى

لۋشان ايگىلى ساياحات كورىنىس رايونى جياڭشي ولكەسىنىڭ جيۋجياڭ قالاسىندا. ۇزىنى مولشەرمەن 9 كيلومەتر. تەڭىز دەڭگەيىنەن ەڭ بيىك جەرى 1474 مەتر. لۋشاندا 90 نان استام شوقى 25 كيلومەتر جەرگە دەيىن وركەشتەنە سوزىلىپ جاتادى. ايگىلى كورىنىس ورىندارىنان حانپوكوۋ، سانديەچۋان، ۋلاۋفىڭ، لۋلينحۋ قاتارلىلار بار. لۋشان مادەنيەت بوياۋى مەن ەرەكشە جەر ءتۇزىلىسى ارقىلى داڭقى شىققان.


    كورىنىس رايونىن تانىستىرۋ:

     

    لۋشان ايگىلى ساياحات كورىنىس رايونى جياڭشي ولكەسىنىڭ جيۋجياڭ قالاسىندا. ۇزىنى مولشەرمەن 9 كيلومەتر. تەڭىز دەڭگەيىنەن ەڭ بيىك جەرى 1474 مەتر. لۋشاندا 90 نان استام شوقى 25 كيلومەتر جەرگە دەيىن وركەشتەنە سوزىلىپ جاتادى. ايگىلى كورىنىس ورىندارىنان حانپوكوۋ، سانديەچۋان، ۋلاۋفىڭ، لۋلينحۋ قاتارلىلار بار. لۋشان مادەنيەت بوياۋى مەن ەرەكشە جەر ءتۇزىلىسى ارقىلى داڭقى شىققان. تاريحتا تاۋ يۋانميڭ، لي ءباي، ءباي جۇي-ي، سۋشى، ۋان ءانشى قاتارلى ايگىلى ادەبيەت كوركەمونەر الىپتارى وسى اراعا كەلىپ، قىرۋار كوركەمونەر تۋىندىلارىن ومىرگە اكەلگەن. لۋشاننىڭ مادەني بايلىعىن جوعارى ورەگە كوتەرگەن. لۋشاننىڭ جەر بەدەرى وزگەشە. وپىرىلعان تاۋ كەسەكتەرىنەن قۇرالعان، مۇزدىقتار اسەرىنە ۇشىراعان جانە سارقىرامالى كورىنىس ورىندارى كەزىگەدى. سوندىقتان لۋشاننىڭ دۇنيە مويىندايتىن «دۇنيە جۇزىلىك مادەني كورىنىس ورىندارى» جانە «دۇنيە جۇزىلىك جەربەدەرى باقشاسى» دەيتىن قوس اتاعى بار.


    لۋشاننىڭ جاراتىلىستىق كورىنىسى اسا كوركەم. حانپوكوۋدىڭ تەڭىز دەڭگەيىنەن بيىكتىگى 1300 مەترگە جۋىق. تاۋ باۋرايىندا جۇڭگوداعى ءبىرىنشى ۇلكەن تۇشتى كولى حانپوكوۋ بار. حانپوكوۋدىڭ ۇستىندە تۇرىپ حانپو كولىنىڭ ايدىنىن كورۋگە بولادى. سونىمەن قوسا بۇل ارا لۋشانداعى تاڭعى كۇننىڭ ارايىن تاماشالايتىن جەر. تاڭعى كۇن شۇعىلاسى بىرتىندەپ شاشىراپ حانپو كولىنە تۇسكەندە، كول بەتى ايناداي جارقىرايدى. سانديەچۋان بيىك جانە الاسا جەرىنىڭ پارقى 155 مەترلىك سارقىراما. لي ءباي لۋشانعا كەلگەندە «كۇركىرەپ شىرقاۋ كوكتەن سارقىراما، قۇس جولى جەر بەتىنە قوناقتاعان» دەگەن ولەڭ جولدارىن قالدىرعان. لي ءبايدىڭ مەڭزەگەنى سانديەچۋان بولسىن بولماسىن، جەرلىك حالىقتىڭ «سانديەچۋانعا كەلمەسەڭ، لۋشاندى كوردىم دەمە» دەگەن ماتەلى بار. ۋلاۋفىڭ لۋشاننىڭ شىعىس وڭتۇستىگىنە ورنالاسقان. تاۋدىڭ ۇشار باسى بەس شوقىعا بولىنەتىندىكتەن الىستان قاراعاندا قاتار وتىرعان بەس قارت ادامنان اۋمايدى. ۋلاۋفىڭ لۋشانداعى ەڭ بيىك شوقى بولماعانىمەن، ايبىنى اسقاق شوقى ەسەپتەلەدى. بۇلت شوككەن شاقتا ۋلاۋفىڭنان تومەن كوز جىبەرسەڭ تابيعات عاجايىپ بەينەگە ەنەدى. بۇدان سىرت لۋلينحۋ، جينشيۋگۋ، پەريزات ۇڭگىرى، وسىمدىكتەر باقشاسى قاتارلى ورىندار ساياحاتتاۋعا ابدەن تاتيدى.


    لۋشاندا ساياجاي قۇرىلىستارى بار. بۇل قۇرىلىستاردىڭ دەنى 19-عاسىردىڭ سوڭى مەن 20 عاسىردىڭ باسىندا سالىنعان. ساياجايلاردىڭ ۇلگىسى ءار ءتۇرلى، 16 مەملەكەتتىڭ 636 ۇلگىسىندەگى ساياجاي بار. ايگىلى ادامدار ساياجايىنان 300 دەن ارتىعى بار. مەيلۋ ساياجايى جياڭجيەشىنىڭ جازعى قونىسى بولعان. سۇڭ مەيليڭنىڭ اتىمەن اتالعان؛ ليۋشاۋچي ساياجايى اۋەلگىدە سوۆەت وداعىنىڭ ازيا بانكەسى بولعان، ، لۋشانداعى قازىرگى ءبۇتىن كۇيىندە ساقتالعان ورىس ۇلگىسىندەگى ساياجاي؛ لۋلين 1-ءنومىرلى قۇرىلىسى لۋلينحۋ وزەنىنىڭ سىرتىندا، ماۋزىدۇڭنىڭ كونە تۇراعى، ماۋزىدۇڭ قولى بوس ۋاقىتتا كول بويىن تاماشالاعان. بۇل ارادا لۋشان ءماجىلىسىنىڭ كونە جۇرتى بار، ساياحاتشىلاردىڭ سەرۋەندەۋىنە بولادى.


    لۋشان تىلگە الىنسا «لۋشانعا ساعىنىش» اتتى كينو ەسكە تۇسەدى. كينودا ا ق ش-نا قونىستانعان گومينداڭ گەنارالىنىڭ قىزى جوۋ يۇن مەن ج ك پ جوعارى دارەجەلى باسشىنىڭ ۇلى گىڭ حۋانىڭ لۋشانداعى ماحابباتى باياندالادى. جۇڭگو كينو تاريحىنداعى ۋاكىلدىك سيپاتقا يە تۋىندى ەسەپتەلەدى. بۇل كينو جۇڭگوداعى ءبىر ءداۋىردىڭ ادامدارىنا ىقپال ەتىپ، بۇگىنگە دەيىن لۋشانداعى كينوحانالاردا قويىلىپ كەلەدى.



    كورىنىس رايونىنىڭ دارەجەسى: A A A A A


    ساياحات ۋاقىتىنا ۇسىنىس: 2 كۇن


    ەسىك بەلەتى:


    جالپى بەلەت: ءار ادامعا 180 يۋان، ساياحاتتىڭ قاۋرىت جانە سايابىر كەزى دەپ بولىنبەيدى. جارىم بەلەت باعاسى بار.


    كورىنىس رايونىن تاماشالاۋ كولىگى: ءار ادامعا 80 يۋاننان 100 يۋانعا دەيىن


    سىرتقا ەسىك اشۋ ۋاقىتى: كۇنى بويى اشىق بولادى


    ورنى: جياڭشي جيۋجياڭ قالاسى گۋليڭ قالاشىعى


    قاتىناس باعدار كورسەتكىشى:


    جيۋجياڭ جولاۋشىلار بەكەتى—اۆتوبۋز نەمەسە جولاۋشىلار اۆتوكولىگى—لۋشان كورىنىس رايونى


    جيۋجياڭ پويەز بەكەتى—جيۋجياڭ جولاۋشىلار بەكەتى—لۋشان كورىنىس رايونى


    جەكە اۆتوكولىك لەنياسى:


    جيڭدى قالاشىعىنان: جيۋجيڭ جوعارى قارقىندى تاس جولى—جيۋجياڭ—لۋشان


    شاڭحايدان: حۋحاڭ جوعارى قارقىندى تاس جولى—حاڭجوۋ—حاڭجينچۇي جوعارى قارقىندى تاس جولى—لي ۋىن جوعارى قارقىندى تاس جولى—چاڭجيۋ جوعارى قارقىندى تاس جولى(تۇڭيۋانداعى شىعار اۋىز)—لۋشان


    گۋاڭجوۋدان: گانيۋە جوعارى قارقىندى تاس جولى—چاڭجاڭ جوعارى قارقىندى تاس جولى—چاڭجيۋ جوعارى قارقىندى تاس جولى(تۇڭيۋانداعى شىعار اۋىز)—لۋشان


    نانجيڭنەن: حىنيڭ جوعارى قارقىندى تاس جولى—چيحۋاڭ جوعارى قارقىندى تاس جولى—چاڭجيۋ جوعارى قارقىندى تاس جولى—لۋشان