شاندۇڭ پىڭلايگى كورىنىس رايونى

پىڭلايگى كورىنىس رايونى شاندۇڭ ولكەسى پىڭلاي قالا رايونى باتىس سولتۇستىگىندەگى دانياشان تاۋىندا. جەر كولەمى 18500 شارشى مەتر. پىڭلايگى سولتۇستىك سۇڭ پاتشالىعىنداعى جيايوۋدىڭ 6-جىلى (جاڭا ەرانىڭ 1061-جىلى) سالىنا باستاعان. ميڭ پاتشالىعى تۇسىنا كەلگەندە كەڭەيتىلگەن. چيڭ پاتشالىعىنا جەتكەندە قايتادان جوندەلگەن. باستىسى لۇيزۋ سارايى، پىڭلايگىم سانچيڭ سارايى، تيانحوۋ ورداسى، لۇڭۋاڭ ورداسى، ميتو بۇتحاناسى قاتارلى قۇرىلستاردان قۇرالعان. حۋاڭحىلوۋ، يۋەياڭلوۋ، تىڭۋاڭگى قاتارلىلارمەن قوسىلىپ «جۇڭگوداعى 4 ايگىلى عيمارات» اتالادى.


    كورىنىس رايونىن تانىستىرۋ:


    پىڭلايگى كورىنىس رايونى شاندۇڭ ولكەسى پىڭلاي قالا رايونى باتىس سولتۇستىگىندەگى دانياشان تاۋىندا. جەر كولەمى 18500 شارشى مەتر. پىڭلايگى سولتۇستىك سۇڭ پاتشالىعىنداعى جيايوۋدىڭ 6-جىلى (جاڭا ەرانىڭ 1061-جىلى) سالىنا باستاعان. ميڭ پاتشالىعى تۇسىنا كەلگەندە كەڭەيتىلگەن. چيڭ پاتشالىعىنا جەتكەندە قايتادان جوندەلگەن. باستىسى لۇيزۋ سارايى، پىڭلايگىم سانچيڭ سارايى، تيانحوۋ ورداسى، لۇڭۋاڭ ورداسى، ميتو بۇتحاناسى قاتارلى قۇرىلستاردان قۇرالعان. حۋاڭحىلوۋ، يۋەياڭلوۋ، تىڭۋاڭگى قاتارلىلارمەن قوسىلىپ «جۇڭگوداعى 4 ايگىلى عيمارات» اتالادى.


    اڭىزدا ايتىلۋىنشا، پىڭلاي، يىڭجوۋ، فاڭجاڭ تەڭىزدىڭ ورتاسىنداعى كيەلى اۋليە ەكەن. تۇرعان ورىندارى اۋليەلەردىڭ ەسىمىمەن اتالىپتى. پىڭلاي ۇجماق مەكەن دەگەن عيبىرات سودان قالسا كەرەك. «سەگىز اۋليەنىڭ تەڭىزدەن ءوتۋى» دەگەن اڭىزپىڭلايگىدا ەل اۋىزىنا ىلىنگەن. بۇل ارانى جاسامپازدىقپەن شۇعىلداناتىن ونەر ادامدار قادىر تۇتىپ، ارناۋ جازىپ، سۋرەت سالعان. تيانحوۋ ورداسىنىڭ الدىڭعى اۋلاسىنداعى تەاتر ءۇيىنىڭ ەكى جانىنداعى 3 ۇلكەن تاس كەسەگىن چيڭ داۋىرىندەگى وقىمىستى رۋانيۋان ءۇش باسپالداقتى تاس اتاعان. پىڭلايگى ماڭدايشالىعىنداعى «پىڭلايگى» ءسوزىن چيڭ داۋىرىندەگى حاتكەر تيەباۋ جازعان. سارايدىڭ ىشىندە بۇدان باسقادا توتەنشە قۇندى تاس ويما جازۋلار ساقتالعان.


    وسىنداي حاتكەرلىك تۋىندىلارى مەن تاس ويما جازۋلارىنان سىرت، پىڭلايدىڭ تابيعات ساعىم سۋرەتى دە الىس جاقىنعا ايگىلى. بۇنىڭ ءوزى اۋليەلەر مەكەنى دەيتىن قاۋەسەتكە ساي كەلەدى. تەڭىزگە شوككەن تۇمان اراسىندا نۇرعا شاعىلىسقان قۇرىلىس ۇلگىلەرى بۇلدىراپ، تەڭىزدەگى اۋليەلەر مەكەنىن كوزگە ەلەستەتەدى.
    پىڭلايگى كورىنىس رايونىندا مۇراجاي، تيانحىڭشان، چي جيگۋاڭ ەسكەرتكىش سارايى، شۇيشىفۋ ورداسى، پىڭلاي سۋلى قالاسى، پىڭلايگى، دىڭجوۋ بايىرعى پورتى، كورگىزبەحانا قاتارلى ورىندار بار.


    جۇڭگوداعى كەمە تۇرلەرىنىڭ دامۋىن ايگىلەيتىن كورگىزبە تايپيڭلوۋ عيماراتىنا ورنالاسقان. ەرتە زامانعى، قازىرگى زامانعى ەكى بولەككە بولىنگەن. كورگىزبە يەلەگەن جەر كولەمى 240 شارشى مەتر. كورگىزبەدە بايىرعى جانە وسىزامانعى كەمە تۇرلەرى ەكى بولەك ورنالاسقان. جۇڭگونىڭ ءارقايسى زاماندار مەن داۋىرلەردەگى ۋاكىلدىك سيپاتقا يە 50 دەن ارتىق كەمەنىڭ مودەلدەرى قويىلعان. كورگىزبە 1996-جىلى 5-ايدىڭ 26-سالىنىپ سىرتقا اشىلعان.


    تيانحىڭشان تاۋىنىڭ تاعى ءبىر اتى لاۋبەيشان تاۋى. جاڭا ەرادان بۇرىنعى 202-جىلى، چي بەكتىگىنىڭ تورەسى تيانحىڭ حان بەكتىگىنىڭ ساردارى حانشيننىڭ سوققسىنان جان ساۋعالاپ بەس ءجۇز جاساقتى ەرتىپ وسى تاۋعا بەكىنگەن ەكەن. كەيىن تيانحىڭ ليۋباڭعا بويسۇنۋدى قالاماي ءوزىن مەرت ەتكەن. تيانحىڭ تاۋىندا بەكىنىپ جاتقان بەس ءجۇز باتىر تيانحىڭنىڭ قازا بولعانىن ەستىگەندە ازا جىرىن اسقاقتاتا جىرلاپ، توپتىق تۇردە وزدەرىنە قول سالعان. كەيىنگىلەر وسى سەبەپتى تاۋدىڭ اتىن تيانحىڭشان دەپ اتادى. تيانحىڭشان تاۋىنداعى باستى كورىنىس رايوندارى شىنلۇڭفىنحاي، جينگۇيجياۋ، تيانحىڭ قيا جولى، جولبارىس ۇڭگىرى، اۋليە ۇڭگىرى، جاسارتقىش اراسان، باشيانجياۋ، تانزىۋو، فىڭحۋاڭجياۋ قاتارلى جەرلەر ساياحاتتاۋشىلاردىڭ ارالاپ كورۋىنە تاتيتىن ورىندار.



    كورىنىس رايونىنىڭ دارەجەسى: A A A A A


    ساياحات ۋاقىتىنا ۇسىنىس: 2-3ساعات


    ساياحاتقا قولايلى ماۋسىم: 7-ايدان 9-ايعا دەيىن


    ورنى: شاندۇڭ تۇبەگىنىڭ سولتۇستىگىندە


    سىرتقا ەسىك اشۋ ۋاقىتى: ساياحاتشىلاردىڭ قاۋىرت كەزىندە (4-ايدان 10-ايعا دەيىن): 06:00-18:30، ساياحاتشىلار سايابىر ماۋسىمدا(11-ايدان 3-ايعا دەيىن)


    ەسىك بەلەتى: ءبىر تۇتاس بەلەت 140 يۋان (پىڭلايگى، چي جيگۋاڭ كونە تۇراعى، شۇيشىفۋ ورداسى، بايىرعى زامان كەمە كورمەسى، تيانحىڭشان تاۋى، مىلتىق اتىس قالاسى، چۋانجوۋ كينوحاناسى، دىڭجوۋ مۇراجايى)


    قاتىناس باعدار كورسەتكىشى:


    جەكە اۆتوكولىكپەن ساياحاتتاۋ لەنياسى:


    1. بەيجيڭ-پىڭلاي: بەيجيڭ (وڭتۇستىك ءۇشىنشى ايلانبا) فىنجۇڭسى—جيڭلۋ جوعارى قارقىندى تاس جولى (حۋاڭحۋا باعىتىنا قاراي)—رۇڭ-ۋ جوعارى قارقىندى تاس جولى—پىڭلايدىڭ باتىسىنان تۇسەدى.


    2. حاربين—پىڭلاي: حاربين— چاڭچۇن— شىنياڭ— داليان— ءيانتاي (كەمەمەن 6 ساعات جۇرگەن سوڭ)- ءيانتاي— پىڭلاي


    3. شاڭحاي—ورتا جولدا جياڭيىن، جياڭدۋدان وتەدى—حۋاي-ءان، گۋانيۇنبەي—رىجاۋ—تۇڭشان جوعارى قارقىندى تاس جولى(چيشيابەيدان جوعارى قارقىندى تاس جولعا تۇسەدى)—پىڭلاي


    پىڭلاي الىس ارالىقتى جولاۋشىلار بەكەتىنەن ءيانتاي، چيڭداۋ، ءجينان قاتارلى ورىندارعا اۆتوبۋز جۇرەدى. پورتتاردان چاڭداۋ، لۇيشۇن قاتارلى جەرلەرگە كەمە قاتىنايدى.


    الەۋمەتتىك قاتىناس لەنياسى:
    1. ايردورمنان ءيانتاي الىس ارالىقتى جولاۋشىلار بەكەتىنە باراتىن كىرە كولىگى بار. ءيانتاي-پىڭلاي ساياحات جۇردەك كولىگىنە ءتۇسىپ پىڭلاي جولاۋشىلار بەكەتىنە جەتەسىز. كولىكتەن تۇسكەن سوڭ باتىسقا جاياۋ 5 مينۋت جۇرسەڭىز، پىڭلايگى ساياحات رايونىنا باراسىز.


    2. ءيانتاي الىس ارالىقتى جولاۋشىلار بەكەتىنەن ءيانتاي-پىڭلاي ساياحات جۇردەك كولىگىنە ءتۇسىپ پىڭلاي جولاۋشىلار بەكەتىنە جەتەسىز.15 مينۋتتا ءبىر قاتىنايدى. بەلەت باعاسى 18 يۋان. 1 ساعات 10 مينۋتتىق جول جۇرەسىز.


    3. الەۋمەتتىك اۆتوبۋز 1، 2، 3، 4، 5، 6، 7-جول اۆتوبۋزىنا وتىرىپ جولاۋشىلار بەكەتى نەمەسە ساياحات رايونىنىڭ قاقپاسىنان تۇسەسىز.