جينيڭ قالاسى چۇيفۋميڭ بايىرعى قالاسى ( سانكۇڭ ) ساياحات رايونى

چۇيفۋ شاندۇڭ قالاسى جينان قالاسىنا ورنالاسقان، باعىزىدا لۋ بەكتىگىنىڭ استاناسى بولعان، جۇڭگونىڭ ۇلى ويشىلى، اعارتۋشىسى، ادەبيەتشىسى كۇڭزىنىڭ اتا مەكەنى. كۇڭزى تاعىلىمشىلدار اعىمىن قالىپتاستىرعان. ونىڭ يدەياسى جۇڭگو مەن دۇنيە جۇزىنە تەرەڭ ىقپال جاساعان، جۇڭگونىڭ تاريحتا وتكەن پاتشالارى، وقىمىستىلارى كۇڭزىنى وسكەلەڭ قۇرمەت تۇتىپ، ونى كۇڭ ابىز، عۇلاما ۇستاز دەپ اتاعان.


    كورىنىس رايونىن تانىستىرۋ:


    چۇيفۋ شاندۇڭ قالاسى جينان قالاسىنا ورنالاسقان، باعىزىدا لۋ بەكتىگىنىڭ استاناسى بولعان، جۇڭگونىڭ ۇلى ويشىلى، اعارتۋشىسى، ادەبيەتشىسى كۇڭزىنىڭ اتا مەكەنى. كۇڭزى تاعىلىمشىلدار اعىمىن قالىپتاستىرعان. ونىڭ يدەياسى جۇڭگو مەن دۇنيە جۇزىنە تەرەڭ ىقپال جاساعان، جۇڭگونىڭ تاريحتا وتكەن پاتشالارى، وقىمىستىلارى كۇڭزىنى وسكەلەڭ قۇرمەت تۇتىپ، ونى كۇڭ ابىز، عۇلاما ۇستاز دەپ اتاعان. چۇيفۋدىڭ اتاعى دا وسى سەبەپتى جۇڭگو مەن شەتەلگە ايگىلى بولعان ءارى " سانكۇڭ " – كۇڭزى عيباداتحاناسى، كۇڭزى ورداسى، كۇڭزى ورمانى باستى بايلىق قاينارى بولعان ساياحات مادەنيەت ورنىنا اينالعان.


    كۇڭزى عيباداتحاناسى چۇيفۋ بايىرعى شاھارىنىڭ ىشىندە بولىپ، كۇڭزىعا تاساتتىق بەرەتىن جەر سانالادى، بەيجيڭ گۋگۇڭ سارايى، چىڭدى بيشۋ قىستاعىمەن قاتار اتالاتىن جۇڭگونىڭ ءۇش ءىرى بايىرعى قۇرىلىس شوعىرى سانالادى. كۇڭزى عيباداتحاناسىنىڭ سالىنۋ تاريحىن جاڭا ەرانىڭ 478- جىلدارىنا دەيىن قاراستىرۋعا بولادى، كەيىن كەلە تالاي پاتشالىق پاتشالارىنىڭ جٶندەۋى، كەڭەيتىپ سالۋىمەن قازىرگىدەي كولەم قالىپتاستىرعان. كۇڭزى عيباداتحاناسى دەگەنىمىز جالاڭ ءبىر عانا عيباداتحانانى بىلدىرمەيدى، قايتا، كولەمى ەرەسەن ۇلكەن قۇرىلىس شوعىرىنا ۋاكىلدىك ەتەدى. كۇڭزى عيباداتحاناسىندا جالپى 9 اۋلا بار بولىپ، باس سارايدا چيانلۇڭ پاتشا ءوز قولىمەن جازعان " عۇلاما ۇستاز " دەگەن ماڭدايشالىق ىلىنگەن. شيڭتان مىنبەسى كەزىندە كۇڭزىنىڭ ساباق سويلەيتىن جەرى بولعان. بۇدان سىرت ليڭشينمىن داربازاسى، كۇيۋىنگى سارايى، ون ءۇش قۇلىپتاس سارايى قاتارلى ايگىلى قۇرىلىستار بار.


    كۇڭزى ورداسى ءۇرىم-جۇراعات ورداسى دەپ تە اتالادى. كۇڭزى عيباداتحاناسىنىڭ شىعىس جاعىنا ورنالاسقان بولىپ، كۇڭزىنىڭ ءۇرىم- بۇتاعىنىڭ تۇراعى، كۇڭزىنىڭ مۇرا زاتتارىن، اۋلەت ىستەرى مەن تاساتتىق بەرۋدى باسقاراتىن ورنى. كۇڭزى ورداسى بىرنەشە رەت ورتەلگەن بولىپ، قازىرگى ساقتالعان قۇرىلىس نەگىزىنەن ميڭ، چيڭ پاتشالىعى داۋىرىندە سالىنعان بولىپ، يەلەگەن جەر اۋدانى 74 مىڭ شارشى مەتر، ۇلكەندى- كىشىلى 460 اۋىز ءۇي بار. كۇڭزى ورداسىنىڭ ىشىندە قىرۋار مادەني مۇرا ساقتالعان، مۇنىڭ ىشىندە ەڭ ايگىلىسى " شاڭجوۋ داۋىرىندەگى 10 بۇيىم " بولىپ، ول " ون اسىل " دەپ تە اتالادى. بۇلار ءاسىلى پاتشا ورداسىندا ساقتالعان مىس بۇيىمدار بولىپ، چيانلۇڭ پاتشا داۋىرىندە كۇڭزى ورداسىنا تارتۋ ەتىلگەن. بۇدان سىرت ءار ءتۇرلى فارفور، جاقۇت ويما، اسىل تاس، ءار پاتشالىقتاعى ايگىلى سۋرەت قاتارلى قۇندى بۇيىمدار بار.


    كۇڭزى ورمانى چۇيفۋ قالاسىنىڭ تەرىستىگىنە ورنالاسقان ، ول ارا كۇڭزى مەن ۇرپاقتارىنىڭ ارناۋلى قابىرلىعى بولىپ، دۇنيەدەگى تاريحى ەڭ ۇزاق، كولەمى ەڭ ۇلكەن، ەڭ تولىق ساقتالعان اۋلەت مازارلىعى سانالادى. كۇڭزىنىڭ جەتپىس داۋىردەن ارتىق ۇرپاعى وسى اراعا جەرلەنگەن. كۇڭزى ورمانى تابيعي وسىمدىك باعى بولىپ، ورماندا ءار ءتۇرلى بايىرعى اعاشتان نەشە تۇمەن ءتۇپ ەگىلگەن بولىپ، قاراعاي، ۇيەڭكى، تەرەك، اق ۇيەڭكى، تال، شيە قاتارلىلار بار. بۇدان سىرت مىڭنان استام گۇل- ءشوپ بار بولىپ، كەيبىر اعاشتار مەن گۇل- شوپتەردىڭ اتىن ءبىۋدىڭ ءوزى مۇشكىل. بۇل وسىمدىكتەردىڭ وسى كۇنگە جەتۋى كۇڭزى قازا بولعاننان كەيىن ونىڭ شاكىرتتەرى ءار جەردەن قەتكىزىپ وتىرعاندىعىنىڭ ارقاسى ەدى. ورمان ىشىندە تاعى 4 مىڭنان استام ايگىلى ادامداردىڭ تاس ەسكەرتىكىشكە جازعان ارناۋ سوزدەرى بار.


    چۇيفۋعا كەلگەندەر كۇڭزى يدەياسى مەن داعۋاتشىلداردىڭ عۇرىپ مادەنيەتىن ءتۇسىنىپ قانا قويمايدى. سونىمەن بىرگە مۇندا ۇنەمى ءار ءتۇرلى مادەنيەت قيمىلدارى وتكىزىلىپ، ساياحاتشىلارعا داعۋاتشىلدار وركەنيەتىنىڭ جاۋھارلارىن اناعۇرلىم تەرەڭ تانىستىرادى. ءار جىلى قىركۇيەكتەن قازان ايىنا دەيىنگى حالقارالىق كۇڭزى وركەنيەت مەرەكەسىندە كۇڭزىعا تاساتتىق بەرۋ سالتى، ساياحاتتاۋ قاتارلى قيمىلدار وتكىزىلەدى. چۇيفۋدىڭ ءدامى تارتىپ جاتسا، ءساۋىر ايىنان قازان ايىنا دەيىن ءار اپتانىڭ سەنبى كۇنى تۇستەن بۇرىن قويىلاتىن ميڭگۋ شاھارىنىڭ سىرتىنداعى شاھار داربازاسىن اشۋ مەن كۇڭزىعا تاساتتىق بەرۋ ويىن نومىرىنەن، ءساۋىر ايىنان قازان ايىنا دەيىن ءار كۇنى كەشكى ساعات 8 دە، چۇيفۋ شيڭتان تەاترىندەگى « شيڭتانداعى ءتۇس » اتىنداعى ءىرى ساحنالىق ءان- ءبي ويىنى قاتارلىلاردان قالىپ قويماڭىز.


        كورىنىس رايونىنىڭ دارەجەسى: AAAAA


        ساياحاتتاۋعا ۇسىنىس:


        ەسىك بەلەتى: تەگىن


        ساياحاتتىڭ قاۋىرت مەزگىلىندە " سانكۇڭ " جالپى بەلەتى: ادامىنا 150 يۋان، كۇڭزى عيباداتحاناسى ءبىر ادام 90 يۋان، كۇڭزى سارايى 60 يۋان، كۇڭزى ورمانى 40 يۋان


        ساياحاتتىڭ سايابىر كەزىندە: "سانكۇڭ " جالپى بەلەتى: ادامىنا 130 يۋان، كۇڭزى عيباداتحاناسى ءبىر ادام 50 يۋان، كۇڭزى سارايى 80 يۋان، كۇڭزى ورمانى 30 يۋان


        سىرتقا اشىلاتىن ۋاقىتى: كۇڭزى عيباداتحاناسى 07:30-16:30، كۇڭزى سارايى: 07:30-16:30، كۇڭزى ورمانى: 8:00-17:00


        مەكەنجايى: شاندۇڭ جينان قالاسى چۇيفۋ شاھارى


        قاتىناس باعدار كورسەتكىشى:


        چۇيفۋ جوعارى قارقىندى تەمىر جٶل بەكەتى: K1 جٶلى – تۇستىك داربازا بەكەتىنەن ءتۇسىپ، كۇڭزى عيباداتحاناسى، كۇڭزى سارايىنا بارۋ – اسپا كۇيمەگە وتىرىپ كۇڭزى ورمانىنا بارۋ.


        چۇيفۋ اۆتوموبيل بەكەتى: 2- جول، 3- جول، 5- جول—تۇستىك داربازا بەكەتىنەن ءتۇسىپ، كۇڭزى عيباداتحاناسىنا، كۇڭزى سارايىنا بارۋ—اسپا كۇيمەمەن كۇڭزى ورمانىنا بارۋ.


        چۇيفۋ پويىز بەكەتى: 5- جول --5- جول—تۇستىك داربازا بەكەتىنەن ءتۇسىپ، كۇڭزى عيباداتحاناسىنا، كۇڭزى سارايىنا بارۋ—اسپا كۇيمەمەن كۇڭزى ورمانىنا بارۋ.


        يانجوۋ پويىز بەكەتى: K23 جولىنان اقىرعى بەكەتتە ءتۇسۋ- چۇيفۋ 2- جولى- -- تۇستىك داربازا بەكەتىنەن ءتۇسىپ، كۇڭزى عيباداتحاناسىنا، كۇڭزى سارايىنا بارۋ—اسپا كۇيمەمەن كۇڭزى ورمانىنا بارۋ.