تاي-ءان قالاسى تايشان كورىنىس رايونى

تايشان تاۋىنىڭ وزگە اتى ءدايشان، ءدايزۇڭ، داييۋە، دۇڭيۋە، تاييۋە بولىپ، شاندۇڭ ولكەسىنىڭ ورتا بولەگىنە ورنالاسقان. جالپى جەر اۋدانى 24200 گەكتار. نەگىزگى شوقى يۇيحۋاڭ شوقىسىنىڭ تەڭىز دەڭگەيىنەن بيىكتىگى 1545 مەتر بولىپ، اسا ايبىندى، " بەس يۋەنىڭ باسى " ، " دۇنيەدەگى ماڭداي الدى تاۋ " دەگەن اتقا يە.



    كورىنىس رايونى تانىستىرىلىمى:



    تايشان تاۋىنىڭ وزگە اتى ءدايشان، ءدايزۇڭ، داييۋە، دۇڭيۋە، تاييۋە بولىپ، شاندۇڭ ولكەسىنىڭ ورتا بولەگىنە ورنالاسقان. جالپى جەر اۋدانى 24200 گەكتار. نەگىزگى شوقى يۇيحۋاڭ شوقىسىنىڭ تەڭىز دەڭگەيىنەن بيىكتىگى 1545 مەتر بولىپ، اسا ايبىندى، " بەس يۋەنىڭ باسى " ، " دۇنيەدەگى ماڭداي الدى تاۋ " دەگەن اتقا يە. چين شىحۋاڭ پاتشا داۋىرىنەن چيڭ پاتشالىعىنا دەيىن ىلگەرىندى- كەيىندى 13 پاتشا تايشانعا شىعىپ تاساتتىق بەرگەن. بۇدان سىرت 24 پاتشا ءمانساپت ۇلىقتارىن جىبەرىپ 72 رەت تاساتتىق بەرگىزگەن.


    كوركەم دە ايباتتى تايشان تاۋى كوركەم بولىپ قالماستان جۇڭحۋا ۇلتىنىڭ دا وبرازى سانالادى. «تاريح جازبالار جيناعىنا تۇسىنىك» تە: تايشاننان بيىك تاۋ بولماس، تايشان كيەلى تاۋ دەپ جازىلعان. ۇيتكەنى باعىزىنىڭ ادامدارى شىعىستى تىرلىكتىڭ قاينار كوزى، دۇڭيۋە تايشان بەس يۋەنىڭ باسى دەپ ەسەپتەگەن، جۇڭگولىقتار ەجەلدەن تايشاندى ارداقتاپ، " تايشان تىنىش بولسا، الەم بەيبىت بولادى " دەيدى. التى پاتشالىق داۋىرىندەگى رىنفاڭ «عاجايىپتار حيكاياسى» كىتابىندا پانگۋ اسپان مەن جەردىڭ جىگىن اجىراتادى. ولگەننەن كەيىن باسى شىعىسقا قۇلاپ، شىعىس دۇڭيۋە تايشان تاۋىنا اينالعان. پاتشا تايشانعا ساپارلاي بارۋ ارقىلى ءتاجى مەن تاعىن بەكەمدەسە، وقىمىستىلار مەن سۋرەشىلەر جىر جازىپ، سۋرەت سىزىپ، تايشانعا ىززەتى مەن ىڭكارلىعىن بەينەلەگەن. مىسالى كۇڭزىنىڭ «چيۋليڭ جىرى»، سىما شياڭرۋدىڭ «تاساتتىق كىتابى»، ساۋجىنىڭ «ۇشپا ايداعار داستانى»، لي بايدىڭ «تايشان جىرى»، دۋفۋدىڭ « تايشانعا كوز سالۋ » قاتارلى جىرلارى.


    تايشانعا قاتىستى اڭىزدار مەن افسانالار مول بولىپ، مۇنىڭ ىشىندە ايگىلىسى پانگۋدىڭ اسپان مەن جەردىڭ جىگىن اجىراتۋ تۋرالى اڭىزى ەدى. تايشان اۋليەسى اتالعان شىعىس يۋە پاتشاسى، تايشان حانىمى اتالعان بيشيايۋانجۇن. بيشيايۋانجيۇن داۋجياۋ دىنىندەگى ماڭىزدى ايەل اۋليە بولىپ، جۇڭگو تاريحىنداعى ەڭ ىقپالدى اۋليەنىڭ ءبىرى. «باتىسقا ساپار» شىعارماسى تايشان تاۋىمەن ساباقتاسىپ جاتادى.


    التى ءىرى كورىنىس رايونى: تايشان تاۋى كورىنىس ساياحات رايونى يوۋچۇي رايونى، كۋاڭچۇي رايونى، اۋچۇي رايونى، مياۋچۇي رايونى، شيۋچۇي رايونى، ليچۇي رايونى سىندى التى ءىرى كورىنىس رايونىن ءوز ىشىنە الادى. تايشانداعى 4 ءىرى عاجايىپ كورىنىس: تايشان تاۋىن ساياحاتتاۋداعى تاماشا مەزگىل ءار جىلى مامىر ايىنان قاراشا ايىنا دەيىن. تايشان تاۋىن ساياحاتتاۋدا كورەتىن 4 ءىرى عاجايىپ كورىنىس: تايشانداعى كۇننىڭ شىعۋى، بۇلت جامىلعان شوقى، كەشكى شاپاق، حۋاڭحى التىن بەلدەۋى.



    كورىنىس رايون دارەجەسى: AAAAA


    ەڭ تاماشا مەزگىل: مامىر ايىنان قاراشا ايىنا دەيىن.


    ساياحاتتاۋعا ۇسىنىس: 6-8 ساعات


    ەسىك بەلەتى: ساياحاتتىڭ قاۋىرت كەزى ( 1- اقپاننان 30- قاراشاعا دەيىن ) ءار ادامعا 127.00 يۋان. سايابىر مەزگىل ( 1- جەلتوقساننان 31- قاڭتارعا دەيىن ) : ءار ادامعا 110.00 يۋان.


    سىرتقا اشىلاتىن ۋاقىتى ۋاقىتى: تولىق كۇن


    مەكەنجايى: ءتاي-ءان قالاسى تايشان تاۋى رايونى حۇڭمىن كوشەسى


    قاتىناس باعدار كورسەتكىشى: تايشان تاۋى شاندۇڭ ولكەسى ءتاي-ءان قالاسىنا ورنالاسقان، تايشان تاۋى مەن ءتاي-ءان تاۋى ۇلاسىپ كەتكەن. كورىنىس رايونى جينان قالاسى ياۋچياڭ حالقارالىق اۋەجايىنان 90 كيلومەتر شاماسىندا، اۋەجايدان اۆتوبوز ارقىلى 2 ساعات شاماسىندا تايشان تاۋىنا بارۋعا بولادى. ءتاي- ءان قالاسى رايونى ىشىندەگى تايشان بەكەتى ءجاي پويىز اتتاناتىن جانە وتەتىن بەكەت ءتۇيىنى، ءدايشان رايونى ءتاي- ءان بەكەتى جٶعارى قارقىندى تەمىر جول مەن تەز پويىز اتتاناتىن جانە وتەتىن بەكەتى سانالادى. ءتان- ءان مەن ەل ىشىندەگى بارلىق ءىرى قالا اراسىندا قارقىندى قاتىناس ىسكە اسقان. ءتاي- ءان قالا ىشىدنە كوپتەگەن كوشە اۆتوبوز جولى ءتايشان كورىنىس رايونىنا بارادى. ءتايشان كورىنىس رايونى ىشىندە ساياحات اۆتوبوز جانە اسپا كۇيمەمەن ساياحاتتاۋعا بولادى.