شاڭحاي جابايى حايۋاناتتار باقشاسى

شاڭحاي جابايى حايۋاناتتار باقشاسى شاڭحاي پۋدۇڭ جاڭا رايونىندا، يەلەگەن جەر اۋدانى 153 گەكتار، شىعىس جۇڭگو رايونىنداعى ەڭ ۇلكەن جابايى حايۋاناتتار باقشاسى. عىلىم-تەحنيكا جالپىلاستىرۋ تاربيەسىن جۇرگىزۋ جانە كوڭىل اشۋ سىندى ەكى ٴتۇرلى نەگىزگى يقۋاتقا يە بۇل باقشاداعى جابايى حايۋاناتتاردىڭ باعىمى، كورگىزبەسى جانە كوبەيۋى ٴبىر تۇلعالانعان.


    كورىنىس رايون تانىستىرۋى:


    شاڭحاي جابايى حايۋاناتتار باقشاسى شاڭحاي پۋدۇڭ جاڭا رايونىندا، يەلەگەن جەر اۋدانى 153 گەكتار، شىعىس جۇڭگو رايونىنداعى ەڭ ۇلكەن جابايى حايۋاناتتار باقشاسى. عىلىم-تەحنيكا جالپىلاستىرۋ تاربيەسىن جۇرگىزۋ جانە كوڭىل اشۋ سىندى ەكى ٴتۇرلى نەگىزگى يقۋاتقا يە بۇل باقشاداعى جابايى حايۋاناتتاردىڭ باعىمى، كورگىزبەسى جانە كوبەيۋى ٴبىر تۇلعالانعان. بۇل باقشاعا ەلىمىزدەگى مىسىق ايۋ، سابالاق مايمىل، قىزىل قۇتان سياقتى اسا باعالى جانۋارلار جانە وڭتۇستىك امەريكا مەن افريكا قاتارلى وڭىرلەردىڭ باعالى جانۋارلارى بار، دۇنيەنىڭ جەر-جەرىندەگى ەكى جۇزدەن استام جابايى جانۋارلار جينالعان، شاڭحاي قالاسىنداعى 5A دارەجەلى ٷش ساياحات كورىنىس رايونىنىڭ بىرەۋى.


    حايۋاناتتار باقشاسى جاياۋلار رايونى جانە اۆتوكولىك ٴجۇرۋ رايونىنا بولىنگەن. جاياۋلار رايونىنان ۇلكەن مىسىق ايۋدى، اق كەنگىرۋدى، چاڭجياڭ تىمساعى قاتارلى دۇنيە جۇزىندە سيرەك كەزدەسەتىن باعالى جانۋارلاردى، بوكەن، جيراف، ٴپىل سەكىلدى جانۋارلاردى كورۋگە بولادى. ساياحاتشىلار كىشكەنتاي جانۋارلاردى سيپاپ، قۇشاقتاپ كورىپ، ولارعا تاماق بەرىپ، باعىمشلاردىڭ قىزمەتىن باستان كەشىرىپ كورۋلەرىنە بولادى. جانۋارلاردىڭ ۇرپاقتارىن باعۋ ورنىندا ٴار ٴتۇرلى جانۋارلاردىڭ جاڭادان دۇنيەگە كەلىپ، كوزىن دە ٴالى اشپاعان سۇيكىمدى بالالارىن كورە الاسىز. زيمبابۆەدەن كەلگەن افريكا ارىستانى «جين جين» مەن «في في»دى زيمابۆەنىڭ زۇڭتۇڭى ەلىمىزگە ساۋعاعا بەرگەن. ايباتتانا قاراپ تۇرعان بۇل ەكى افريكالىق ارىستان باقشاداعى بىردەن ٴبىر تازا قاندى افريكا  ارىستانى.


    اۆتوكولىك جۇرە بەرەتىن رايونىنداعى جانۋارلار اشىق باعىلادى، ساياحاتشىلار باقشانىڭ ارناۋلى ساياحات اۆتوكولىگىنە وتىرىپ، جانۋارلاردىڭ ەمىن-ەركىن تۇرمىسىن كورە الادى. بۇل ارادان ٴسىز قابىلان، افريكا ارىستانى، شىعىس تەرىستىكتىڭ جولبارىسى سياقتى ەت حورەكتى جىرتقىش جانۋارلاردى، شوپ حورەكتى جانۋارلاردان بوكەن، زاراپا، جيراف قاتارلى جانۋارلاردى كەزدەستىرەسىز. اۆتوكولىكپەن ارالاپ ٴجۇرىپ تاماشالاۋ رايونىنداعى بۇل جانۋارلار دايار استى جەۋگە تابەتتەرى تارتپاي، كەيبىر تەنتەك، جىرتقىش جانۋارلار ساياحات رايونى كولىگىنە جارماسادى. مۇنداي جاقىننان كورۋ ادامعا قورقىنىش اكەلسە دە، ولارعا جاقىنداۋدىڭ تاپتىرماس ورايى.


    حايۋاناتتار باقشاسىندا جانە جانۋارلارمەن بارىس-كەلىس جاساۋعا ارنالعان ون جەتى ٴتۇرلى كورگىزبە ورنى بار، بۇل ارادا قارا ايۋ جانە پىلمەن كەزدەسىپ، سازانعا ٴسۇت بەرۋىڭىزگە بولادى. جانۋارلاردىڭ كورسەتكەن ويىندارىن كورۋ ارقىلى ولاردىڭ تۇرمىس ادەتىن ىشكەرلەي تۇسىنۋگە بولادى. جارىس الاڭىنا كەلسەڭىز افريكا قابىلانى مەن ەۆروپانىڭ گىلي ٴيتىنىڭ ٴجۇز مەترلىك جارىسىن تاماشالاي الاسىز.


    كورىنىس دارەجەسى: AAAAA


    ساياحاتقا ۇيلەسىمدى مەزگىل: ٴبىر جىلداعى ٴتورت ماۋسىم


    ساياحاتتاۋعا ۇسىنىس: 3-6 ساعات


    بەلەت: 130 يۋان


    اشىلۋ ۋاقىتى: ناۋرىزدان قاراشاعا : 08:00~17:00بەلەت ساتۋشىلار جۇمىستان تۇسەتىن ۋاقىت: 16:00 جەلتوقساننان اقپانعا دەيىن: 08:30~16:30 بەلەت ساتۋشىلار جۇمىستان تۇسەتىن ۋاقىت: 15:30


    قاتىناس باعدارلاماسى:


    اۆتوكولىكپەن:


    قالا ىشىندەگى اۆتوكولىكتەر:


    1.قالا رايونى-نانپۋ كوپىرى-لۇڭياڭ جولى-لۋنان تاس جولى-نانليۋ تاس جولى


    2. قالا رايونى-نانپۋ كوپىرى-لۇڭياڭ جولى-لوشان جولى-سىرتقى ايلانبا( A20 تاس جولى)-ينبيڭ داڭعىلى( A1 تاس جولى)-نانليۋ تاس جولى


    سىرتتان كەلگەن اۆتوكولىكتەر:


    1. G42(لۋنيڭ سايراعى) نەمەسە يانجياڭ سايراعى- G15--S32 (شىنجياحۋ سايراعى)-نانليۋ اۋزىنان شىعىپ، نانليۋ تاس جولىمەن وڭتۇستىككە قاراي 3.8 كيلومەتر ٴجۇرۋ


    2. G42(لۋنيڭ سايراعى) نەمەسە يانجياڭ سايراعى-ورتاڭعى ايلانبا جولى-شياڭيىن تۋنەلى-ۋجوۋ داڭعىلى- S20 (سىرتقى ايلانبا)- --S1 (پۋدۇڭ اۋەجاي باعىتى)، نانليۋ اۋزىنان ٴتۇسىپ، الدىعا قاراي ٴتۇزۋ ون كيلومەتر ٴجۇرۋ


    3. سۇڭجياڭ اۋزىنان يانجياسۇڭ تاس جولىن بويلاپ سولتۇستىككە قاراي ٴجۇرىپ، شىنجۋان تاس جولىنا بارعان سوڭ باتىسقا قاراي ٴجۇز مەتر ٴجۇرۋ


    مەترو: 16-لەنياعا وتىرىپ جابايى حايۋاناتتار باقشاسىنان تۇسەسىز.


    الەۋمەتتىك قاتىناس: حۇينان 6-جولى، نانشين جولى، جاڭنان جولى، لۋنان جولدارىنا وتىرىپ جابايى حايۋاناتتار باقشاسىنان تۇسەسىز.