گۋاڭدۇڭ ولكەسى شىنجىن مۇھاجىرلار قالاسى ساياحات-دەمالىس رايونى

شىنجىن مۇھاجىرلار قالاسى گۋاڭدۇڭ ولكەسى شىنجىن قالاسى نانشان رايونىندا، جەر كولەمى 6 شارشى كيلومەتر، سايران اڭعارى، دۇنيەنىڭ تەرەزەسى، كورىكتى جۇڭحۋا، جۇڭگو حالىقتىق سالت-سانا جانە مادەنيەت قىستاعى قاتارلى ٴتورت باقشاعا بولىنەدى، مايلۋ قالاشىعى، اسەمونەر سارايى، كوركەمونەر ورتالىعى قاتارلى باقشالار دا بار، قوناقجاي، مەيمانحانا قاتارلى قىزمەت وتەۋ قۇرىلعىلارى دا تولىق، مادەنيەت، كوركەمونەر، سەيىل، كوڭىل اشۋ يقۋاتتارى ٴبىرتۇلعالانعان ساياحات-دەمالىس ورنى.


        كورىنىس رايونىنىڭ تانىستىرۋى:


        شىنجىن مۇھاجىرلار قالاسى گۋاڭدۇڭ ولكەسى شىنجىن قالاسى نانشان رايونىندا، جەر كولەمى 6 شارشى كيلومەتر، سايران اڭعارى، دۇنيەنىڭ تەرەزەسى، كورىكتى جۇڭحۋا، جۇڭگو حالىقتىق سالت-سانا جانە مادەنيەت قىستاعى قاتارلى ٴتورت باقشاعا بولىنەدى، مايلۋ قالاشىعى، اسەمونەر سارايى، كوركەمونەر ورتالىعى قاتارلى باقشالار دا بار، قوناقجاي، مەيمانحانا قاتارلى قىزمەت وتەۋ قۇرىلعىلارى دا تولىق، مادەنيەت، كوركەمونەر، سەيىل، كوڭىل اشۋ يقۋاتتارى ٴبىرتۇلعالانعان ساياحات-دەمالىس ورنى.


        سايران اڭعارىنىڭ كولەمى 350 مىڭ شارشى مەتر، يسپانيا الاڭى، مايا سۋ باقشاسى، سايراندى ٴسات، تاۋەكەل تاۋلى، سيقىرلى قورعان، شياڭگىليلا – قارلى القابى، قۇيىن ايلاعى، شۋاقتى جاعاجاي، التىن كەن قالاشىعى قاتارلى 9 رايونعا بولىنەدى. 100 دەن ارتىق ويىن تۇرلەرى بار، سىرعىمالى اربانىڭ شياڭگاڭ ۇلگىسىندەگىسى، اسپاقتالعان قارلى تاۋ ايداھارى ۇلگىدەگىسى، سەرىپپەلى قارلى دالا قىرانى ۇلگىدەگىسى قاتارلى ٴۇش ٴتۇرى بار، بيىكتىك پارقى ەرەكشە ۇلكەن سۇراپىل اعىس، عارىش ۇرشىعى، D4 كينوحاناسى قاتارلىلار بار.


        دۇنيەنىڭ تەرەزەسى دەگەنى كىشىرەيتىلگەن باقشا، ول دۇنيە الاڭى، ازيا رايونى، وكەانيا رايونى، ەۆروپا رايونى، افريكا رايونى، امەريكا رايونى، دۇنيە ويما باقشاسى، حالىقارالىق كوشە قاتارلى 8 بولەككە بولىنگەن، ەگيپەتتىڭ پيراميداسى، ٴۇندستاننىڭ ٴتاج ماحال حانىشا مازارى قاتارلى الەمدەگى ايگىلى كورىنىستەر بەلگىلى سالىستىرمامەن كىشىرەيتىلىپ، ادەمى ٴارى قاز-قالپىندا جاسالعان. باقشادا بۇدان سىرت، امازونكا ورمانىنان ٴوتۋ، يۋرا دينازاۆر الەمى، امەريكادان ۇشىپ ٴوتۋ قاتارلى ون نەشە ٴتۇرلى ويىن بار؛ دۇنيە ويما باقشاسىندا الەمنىڭ بەس ۇلكەن قۇرىلىعىنىڭ ٴجۇز نۇسقا ايگىلى ٴمۇسىنى قويىلعان؛ پاريج كوكتەمى ساۋدا كوشەسىنەن گاۆاي بالمۇزداعى قاتارلى شەتەلدىڭ ٴدامدى تاعامدارىن تاتۋعا، ەستەلىك بۇيىمدار ساتىپ الۋعا بولادى.


        كوركەم جۇڭحۋادا جۇڭحۋانىڭ بەس مىڭ جىلدىق تاريحى تاقىرىپ ەتىلىپ، ەلىمىزدىڭ ۇلان-بايتاق توپىراعىنداعى تۇرلىشە كورىنىستەر جيناقتالعان. ۇقساتىلىپ جاسالعان ۇلى قورعان، چين شىحۋاڭ اتتى ساربازدار ٴمۇسىنى، گۋگۇڭ سارايى، حۋاڭگوشۋ سارقىراماسى، تايشان تاۋى، حۋاڭشان تاۋى، چاڭجياڭ دارياسى، شيحۋ كولى قاتارلى كورىنىستەر بار، وتانىمىزدىڭ تاۋ-وزەندەرىنىڭ كوركەم كەلبەتىن ايگىلەگەن. بۇدان سىرت، پاتشانىڭ تاساتتىق بەرۋى، كۇڭزى عيباداتحاناسىنا ٴتاۋاپ ەتۋ، حالىقتىق ٴولىم جونەلتۋ، توي جاساۋ سالتى قاتارلىلاردى كورۋگە بولادى.


        حالىقتىق سالت-سانا جانە مادەنيەت قىستاعى كوركەم جۇڭحۋانىڭ باتىسىندا، جەر كولەمى 200 مىڭ شارشى مەتردەن ارتىق، 1:1 قاتىناسىنداي ولشەممەن 22 ۇلتتىڭ 25 اۋىلى قاز قالپىندا ۇقساتىلىپ سالىنعان. بۇل ارادا سۋ شاشۋ مەرەكەسى، الاۋ مەرەكەسى، حۋاشيا ۇلتتىق بۇتحانا بازارى، شيشۋاڭ باننا سالت-سانا مەرەكەسى قاتارلى تۇرلىشە حالىقتىق مەرەكە-مەيرامدار مەرزىم بويىنشا وتكىزىلىپ تۇرادى، بۇدان سىرت، قويۋ ۇلتتىق ٴتۇس العان كونسەرتتەر، ماسەلەن، «شىعىس ەلىنىڭ كويلەگى» ۇلتتىق كيىم-كەشەك، ٴبي كونسەرتى، «باتىر ەل» ٴتولتۋما تەاترى، «جۇڭحۋا ايداھار-سامۇرىق ٴبيى» كوركەمونەر ويىنى قاتارلىلار بار. ٴار ۇلتتىڭ قولونەر بۇيىمدارىن دا تاماشالاۋعا بولادى. 



        كورىنىس رايونىنىڭ دارەجەسى: AAAAA


        ساياحاتتاۋ ۋاقىتى: ٴاربىر كورىنىس رايونىن 1 كۇن ساياحاتتاۋعا بولادى 


        بەلەت باعاسى جانە اشىلۋ ۋاقىتى: 


        سايران اڭعارى: تولىق باعاسى ٴار ادام 230 يۋان؛ كەشكى بەلەت ٴار ادام 100 يۋان 


        اشىلۋ ۋاقىتى: 09:30−21:00 


        كوركەم جۇڭحۋا − سالت-سانا قىستاعى: ٴار ادام 180 يۋان 


        اشىلۋ ۋاقىتى: ادەتتە 10:00، سەنبى، جەكسەنبى كۇندەرى 9:30، التىن اپتالاردا 9:30 


        جابىلۋ ۋاقىتى: كوركەم جۇڭحۋا باقشاسى 18:00؛ سالت-سانا قىستاعى 21:00 


        دۇنيەنىڭ تەرەزەسى: كۇندىزگى بەلەت ٴار ادام 180 يۋان، كەشكى بەلەت ٴار ادام 60 يۋان 


        ادەتتەگى كۇندەردە اشىلۋ ۋاقىتى: 09:00−22:30 


        كەشكى اشىلۋ ۋاقىتى: 19:30−23:00 


        ادرەسى: گۋاڭدۇڭ ولكەسى شىنجىن قالاسى نانشان رايونى 


        قاتىناسقا سىلتەمە: 


        كوركەم جۇڭحۋا − سالت-سانا قىستاعى 


        باسىپ وتەتىن اۆتوبۋزدار: 101، 109، 113، 121، 123، 204، 209، 222، 232، 234، 245، 26، 301، 311، 323، 324، 32، 365، 367، 373، 383، 390، 54، 54 ارالىق، 79، 603B، 123K، 358M، 5N، 6N-جول اۆتوبۋزدارى (تۇسەتىن بەكەت: كوركەم جۇڭحۋا بەكەتى) 


        1-جول مەترو لوباۋ لەنياسىنىڭ مۇھاجىرلار قالاسى بەكەتىنەن ٴتۇسىپ D ەسىگىنەن شىعادى 


        دۇنيەنىڭ قاقپاسى، شىنجىن سايران اڭعارى 


        كوشە اۆتوبۋزىمەن دۇنيەنىڭ تەرەزەسى بەكەتىنە، دۇنيەنىڭ تەرەزەسى باس بەكەتىنە، دۇنيەنىڭ تەرەزەسى مەتروعا وتىرۋ بەكەتىنە كەلەدى؛ 


        1-جول مەترو لوباۋ لەنياسىنا، 2-جول مەترو شىكوۋ لەنياسىنا وتىرىپ، دۇنيەنىڭ تەرەزەسى بەكەتىنەن ٴتۇسىپ، ٴۇش مينۋت جۇرسەڭىز سايران اڭعارىنا جەتەسىز.

    اۋدارعان: العابەك قيسىنقان ۇلى