گۇيلين لىماندي باقشاسى

گۇيلين لىماندي باقشاسى گۋاڭشيدىڭ گۇيلين قالاسى شيڭ-ان اۋدانىندا، تايۋاندىق ساۋداگەر ما جىليڭ مىرزا قارجى شىعارىپ سالدىرعان، 2000-جىلى جەلتوقساندا رەسىمي اشىلعان. باقشانىڭ جەر كولەمى 6000 مۋدان استام، ەۆروپا رايونى، وڭتۇستىك تىنىق مۇحيت رايونى، دۋماندى جۇڭگو قالاسى، ا ق ش-تىڭ باتىس بولەگى، قيال الەمى رايونى، تەڭىز قاراقشىلار قىستاعى، داتۋرا باقشاسى قاتارلى 7 بولەككە بولىنەدى.


        كورىنىس رايونىنىڭ تانىستىرۋى:


        گۇيلين لىماندي باقشاسى گۋاڭشيدىڭ گۇيلين قالاسى شيڭ-ان اۋدانىندا، تايۋاندىق ساۋداگەر ما جىليڭ مىرزا قارجى شىعارىپ سالدىرعان، 2000-جىلى جەلتوقساندا رەسىمي اشىلعان. باقشانىڭ جەر كولەمى 6000 مۋدان استام، ەۆروپا رايونى، وڭتۇستىك تىنىق مۇحيت رايونى، دۋماندى جۇڭگو قالاسى، ا ق ش-تىڭ باتىس بولەگى، قيال الەمى رايونى، تەڭىز قاراقشىلار قىستاعى، داتۋرا باقشاسى قاتارلى 7 بولەككە بولىنەدى. باقشانىڭ كورىنىسى كوركەم، شاي گۇلدەرى بىتىك وسكەن، قاراقشىلار كەمەسى، بۇنگي ويىنى، سىرعىمالى اربا قاتارلى قىزىقتى ويىنداردى ويناۋعا، نەمەسە قوناقجاي، گوللپ دوپ كلوبى قاتارلى جەرلەردە سەيىلدەۋگە بولادى، بۇل جەر كولەمدى امبەباپ ساياحات-دەمالىس ورنى.


        ەۆروپا رايونىنداعى قۇرىلىستار 12-، 13-عاسىرلارداعى گوتيكالىق ۇلگىدە سالىنعان، دوڭگەلەك قامالداردى، ەۆروپاشا بۇرقاقتاردى، ورتا عاسىرلىق گوتيكالىق ۇلگىدەگى ماركوپولو الاڭى مەن ەسكى ەۆروپا ۇلگىسىندەگى زاتتاردى ساتاتىن ۆەنەتسيا دۇكەنىن كورەسىز. باقشانىڭ ىشىندە كوپتەگەن قىزىقتى ويىن قۇرىلعىلارى بار، «رەجەستوۆا ساربازىندا» ساياحاتشىلار 17 مەتر بيىكتە اينالۋدىڭ قىزىعىنا باتادى؛ كازاك ستراتەگياسى دالا سوعىسى ويىنىندا ۇقساتىلعان مىلتىقتارمەن سوعىسۋعا بولادى.


        وڭتۇستىك تىنىق مۇحيت رايونى ارال ەرەكشەلىگىنە باي، قايراڭ، كوكوس اعاشى، شوپ بالاعان بار، مەيماندوس بويجەتكەندەر پولينەزيا ٴشوپ كويلەگىن كيىپ، ساياحاتشىلاردى بيمەن قارسى الادى. مارجان قۇزىنا ورمەلەۋ، بۇنگي ويىنى، ۇشپا قايىقپەن تولقىن جارۋ، لازەرلى سوعىس كەمەسى قاتارلى ويىندار بار، ساياحاتشىلار بۇل ارانىڭ تۇنىق سۋ، اشىق اسپانىن تاماشالاي الادى.


        دۋماندى جۇڭگو قالاسى جۇڭگوشا ەرەكشەلىككە باي، لينحۋ مۇنارلى سارايى، حۋايگۋ رەسىمحاناسى، حانشياڭ ۇلتتىق كوركەمونەر سارايى قاتارلى ەرەكشە دۇكەندەر بار. وتتى شىعىرىق «نىجانى» ۇلگى ەتكەن، قوزعالعاندا «نىجا» وتتى شىعىرىققا شىعىپ لينحۋدىڭ اسپانىندا ۇشىپ جۇرگەندەي كورىنەدى. كيەلى تۇلپار D4 كينوحاناسىندا كينو كورۋمەن قاتار، جاۋىن-شاشىن، نايزاعاي، سوعىلىسۋ، اياقتان شالۋ قاتارلىلاردى سەزىنۋگە بولادى. بۇدان سىرت، سۋ ٴۇستى موتوتسيكلى، بانان قايىق قاتارلى ويىندار بار.


        ا ق ش-تىڭ باتىس بولەگى رايونىندا كولورادو ۇلى اڭعارى، ارعىماق مىنگەن سيىرشى، التىن كەن تاۋى قاتارلى ەرەكشە كوز تارتاتىن كورىنىستەر بار. گۇيما ازەزىلى عاجايىپ دىبىستى بولمە دەپ تە اتالادى، ساياحاتشىلاردىڭ قامالعا كىرىپ «ازەزىلدەرمەن» تىلدەسۋىنە بولادى، نەمەسە گۇرىلدەگەن تەز قايىققا وتىرىپ كولورادو اڭعارىنان قالقىپ وتۋىنە بولادى، ساحارانىڭ باتىرى، حولليۋود كينولارىنىڭ ەرەكشە كورىنىسى قاتارلىلاردى تاماشالاۋعا بولادى.


        قيال الەمى رايونى باتىستىڭ بالالار ەرتەگىلەرىندەگى پەرىلەر الەمىن تاقىرىپ ەتكەن، قاراقشىلار قىستاعى كارايب تەڭىزى جاعالاۋىنداعى قۇرىلىستاردى كورىنىس ەتكەن، ٴبىر كورۋگە تاتيدى. داتۋرا باقشاسىنان لينحۋ، جاۋىن-شاشىندى كوپىر، شاي گۇلى بازاسى، يۋەلاۋگى سارايى قاتارلى لىمانديدىڭ سەگىز كورىنىسىن كورەسىز. شاي گۇلى بازاسىنىڭ جەر كولەمى 40 مۋ، ەۋروپا-امەريكانىڭ، جاپونيانىڭ، تايۋاننىڭ جانە ەل ٴىشىنىڭ 380 نەشە ٴتۇرلى تاڭداۋلى شايى بار، ٴار جىلى قاڭتاردان ناۋرىزعا دەيىن لىمانديدا شاي گۇلىن تاقىرىپ ەتكەن ٴتۇرلى قيمىلدار وزدىرىلادى. 

        كورىنىس رايونىنىڭ دارەجەسى: AAAAA 


        ساياحاتتاۋ ۋاقىتى: 1 كۇن 


        بەلەت باعاسى: 150 يۋان 


        اشىلۋ ۋاقىتى: كۇنى بويى اشىق بولادى 


        ادرەسى: گۋاڭشي جۋاڭزۋ اۆتونوميالى رايونى گۇيلين قالاسى شيڭ-ان اۋدانى جىليڭ جولى 


        قاتىناسقا سىلتەمە: 


        تاسجول: 


        گۇيلين قالاسى – لىماندي 


        گۇيلين-بەيحاي سايراعى (ليڭچۋان) – لىماندي 


        حۋنان يۇڭجوۋ – لىماندي 


        اۆتوبۋز: 


        گۇيلين جولاۋشىلار اۆتوبۋز باس بەكەتى – لىماندي 


        1. گۇيلين جولاۋشىلار اۆتوبۋز باس بەكەتىنەن گۇيلين−شيڭ-ان لىماندي ساياحات جۇردەك اۆتوبۋزىنا وتىرىپ بارۋعا بولادى 


        2. ناننيڭ جولاۋشىلار اۆتوبۋز بەكەتىنەن شيڭ-ان جولاۋشىلار اۆتوبۋز بەكەتىنە 


        پويەز: 


        گۇيلين وڭتۇستىك ۆاگزالى – شيڭ-ان ۆاگزالى 


        گۇيلين شيڭ-ان ۆاگزالى – لىماندي 


        ۇشاق: لياڭجياڭ اۋەجايى – لىماندي

     

    اۋدارعان: العابەك قيسىنقان ۇلى