گۇيلين قالاسى ليجياڭ كورىنىس رايونى

حۋاڭبۋ كولەڭكەسى ليجياڭ كورىنىستەرىنىڭ ەڭ تاڭداۋلىسى، ليجياڭ دارياسىنىڭ 83 كيلومەتر بولەگىنىڭ ايگىلى تۇسى شيڭپيڭ بايىرعى قالاشىعىنا ورنالاسقان، سۋ بەتىنە تاۋدىڭ كولەڭكەسى ٴتۇسىپ تۇرادى، سۋرەتتەگىدەن اۋمايدى. فوتوشىلارعا تاپتىرمايتىن جەر، ٴبىر-بىرىمەن ۇندەسكەن اسپان مەن شىڭدار، باياۋ جۇزگەن كەمەلەر سۋ ايدىنىنان قاراعاندا تاۋدىڭ بوكتەرىندە كەتىپ بارا جاتقانداي كورىنەدى.


        كورىنىس رايونىنىڭ تانىستىرۋى:


        گۇيلين قالاسى ليجياڭ كورىنىس رايونى گۋاڭشي جۋاڭزۋ اۆتونوميالى رايونىنىڭ شىعىسىندا، دۇنيەدەگى كولەمى ەڭ ۇلكەن، كورىنىسى ەڭ كوركەم جەمىرىلمە جارتاستى تاۋ-وزەن ساياحات رايونىنىڭ ٴبىرى، جۋجياڭنىڭ ٴبىر تارماعى، گۇيليننەن ياڭشۋوعا دەيىن مەجەمەن 83 كيلومەتر سۋ جولى بار، وسىنى ليجياڭ دەيدى. «ٴجۇز شاقىرىمدىق ليجياڭ دارياسى ٴجۇز شاقىرىمدىق سۋرەت سارايى سياقتى» دەگەن ٴسوز بار، ول گۋاڭشيدىڭ شىعىس تەرىستىگىندەگى كارستتى جەر بەدەرىنىڭ ابدەن پىسقان تيپتىك رايونى ەسەپتەلەدى.


        ليجياڭنىڭ ايگىلى كورىنىستەرى بارشىلىق: شياڭبيشان تاۋى، چۋانشان تاۋى، ۋاڭفۋشى جارتاسى، لۋوشىشان تاۋى، شيڭپيڭ، حۋاڭبۋ كولەڭكەسى، جيۋماحۋا تاۋى، ساۋپيڭ، ياڭتي كوركى، لاڭشى كوركى، شيالۇڭ كوركى، بانبياندوۋ، ايدار تاس، حۋاڭنيۋشيا اڭعارى، داشۇي بايىرعى قالاشىعى، گۇيلين مۇنارا تاسى.


        شياڭبيشان تاۋىنىڭ بۇرىنعى اتى ليشان تاۋى، گۋاڭشيدىڭ گۇيلين قالاسىنداعى تاۋحۋاجياڭ وزەنىنىڭ ليجياڭ دارياسىنا قۇيعانىندا، الىستان قاراعاندا سۋ ٴىشىپ تۇرعان پىلگە ۇقسايتىندىقتان كوركەم تاۋ-وزەننىڭ سيمۆولىنا اينالعان. وندا شۇييۋەدۇڭ ۇڭگىرى، شياڭيانيان جارتاسى، پۋشيانتا مۇناراسى، حۇڭفىڭسى بۇتحاناسى جانە بۇتحانا ىشىندەگى تايپيڭ تيانگو توڭكەرىسى جۇرتىنىڭ مۇراجايى بار. جەر كولەمى 118 مىڭ 800 شارشى مەتر، كارستتى جەر بەدەرىندىك تابيعي كورىنىس رايونى، مىڭ جىلدان ارتىق ساياحات تاريحى بار.


        حۋاڭبۋ كولەڭكەسى ليجياڭ كورىنىستەرىنىڭ ەڭ تاڭداۋلىسى، ليجياڭ دارياسىنىڭ 83 كيلومەتر بولەگىنىڭ ايگىلى تۇسى شيڭپيڭ بايىرعى قالاشىعىنا ورنالاسقان، سۋ بەتىنە تاۋدىڭ كولەڭكەسى ٴتۇسىپ تۇرادى، سۋرەتتەگىدەن اۋمايدى. فوتوشىلارعا تاپتىرمايتىن جەر، ٴبىر-بىرىمەن ۇندەسكەن اسپان مەن شىڭدار، باياۋ جۇزگەن كەمەلەر سۋ ايدىنىنان قاراعاندا تاۋدىڭ بوكتەرىندە كەتىپ بارا جاتقانداي كورىنەدى. حۋاڭبۋ كولەڭكەسى ليجياڭ ساپارىندا كورۋگە ٴتيىستى كورىنىستەردىڭ ٴبىرى. جاڭا ۇلگىدەگى 20 يۋاندىق حالىق اقشاسىنىڭ ارتقى بەتىنە باسىلعان يۋانباۋشان تاۋىنىڭ سۋرەتى وسى حۋاڭبۋ كولەڭكەسىنەن الىنعان، جۇڭگونىڭ تابيعات كورىنىسىنە ۋاكىلدىك ەتەدى.


        شيڭپيڭ قالاشىعىنىڭ تاۋ-وزەنى كوركەم، «جۇڭگونىڭ ساياحاتتا ايگىلى اۋدانى» ياڭشۋو اۋدانىنىڭ ماڭىزدى ساياحات قالاشىعى. گۋاڭشي جۋاڭزۋ اۆتونوميالى رايونى گۇيلين قالاسى ياڭشۋو اۋدان قالاشىعىنىڭ شىعىس تەرىستىگىندە، ليجياڭ دارياسىنىڭ جوعارعى اعارىنىڭ ەكى جاعالاۋىندا، اۋدان قالاشىعىنان 25 كيلومەتر جەردە. شيڭپيڭدا جيۋماحۋا تاۋى، لۋوسىشان تاۋى، ليانحۋايان جارتاسى، تيانشۇيجاي اۋىلى، ليڭباۋگى سارايى، داحىبەي كورىنىسى قاتارلى 8 ۇلكەن ساياحات رايونى ، 24 كورىنىس رايونى بار. شيڭپيڭ قالاشىعىنىڭ بامبۋك ويما بۇيىمدارى ەل ٴىشى-سىرتىنداعى ساياحاتشىلاردىڭ قارسى الۋىنا بولەنگەن، تاۋ-وزەنى مادەنيەتى جەيدەسى، ليجياڭ عاجايىپ تاسى، تابيعات كورىنىسى سالىنعان جەلپۋىش قاتارلى حالىقتىق قولونەر بۇيىمدارى دا بار.


        ساياحات بارىسىندا ٴدامدى تاعامدار دا كوپتەپ كەزدەسەدى، مايعا قۋىرىلعان ليجياڭ اسشايانى مەن بۋعا پىسىرىلعان ليجياڭ الابۇعاسى وتە ايگىلى. كورىنىسى كوركەم بولۋمەن بىرگە، ليجياڭنىڭ الابۇعاسى ەتتى، جۇمساق، ٴدامدى، مايلى بولۋىمەن اتى شىققان، وتە ٴدامدى بولادى.



        كورىنىس رايونىنىڭ دارەجەسى: AAAAA


    ساياحاتتاۋدىڭ ەڭ جاقسى مەزگىلى: ساۋىردەن قازانعا دەيىن


        ساياحاتتاۋ ۋاقىتى: 4 تە 5 ساعات


        بەلەت باعاسى: قاۋىرت مەزگىلدە (ساۋىردەن قاراشاعا دەيىن): 210 يۋان، سايابىر مەزگىلدە (جەلتوقساننان ناۋرىزعا دەيىن): 190 يۋان


        اشىلۋ ۋاقىتى: قاۋىرت مەزگىلدە (ساۋىردەن قاراشاعا دەيىن): 08:40−22:40، سايابىر مەزگىلدە (جەلتوقساننان ناۋرىزعا دەيىن): 08:40−21:40


        قاتىناسقا سىلتەمە:


        كولىككە وتىرۋ ٴۇشىن: گۇيلين ۆاگزالى – موپانشان پورتى ارناۋلى لەنياسى: بۇل لەنيا 9-جول اۆتوبۋزدىڭ جولىمەن جۇرەدى ٴارى بەكەتتەرگە ايالدايدى، ٴار كۇنى 4 رەت بارىپ-كەلەدى. پورتتى باسىپ جۇرمەك بولساڭىز، گۇيلين ۆاگزالىنىڭ شىعىس جاعىنداعى كوشە اۆتوبۋز بەكەتىنە، ياكي 9-جول اۆتوبۋزدىڭ كەز كەلگەن بەكەتىنەن اۆتوبۋزعا وتىرىڭىز.


        پويەز ۋاگزالى: جۇرەتىن ۋاقىتى 7:20، 8:20، 6:20، 6:00، موپانشان پورتىنان جۇرەتىن ۋاقىتى: 8:20، 9:20، 10:20، 17:00.


        ساياحاتتاۋ باعىتى


        ليجياڭ تاڭداۋلى ساياحات لەنياسى


        نەگىزگى لەنيا گۇيلين موپانشان پورتى نەمەسە جۋجياڭ پورتى – ياڭشۋو ارالىعى لەنياسى، بۇل ليجياڭ لەنياسىنىڭ ەڭ تاڭداۋلى بولەگى. لەنيا بويىندا ايدار تاس، بۇرحانعا تابىنعان بالا، جيۋماحۋا تاۋى، حۋاڭبۋ كولەڭكەسى قاتارلى كورىنىستەر بار. 4 جارىم ساعات شاماسىندا تاماشالاپ شىعۋعا بولادى.


        ياڭشۋو سۋ ٴۇستى ساياحاتى


        بۇل لەنيا ياڭشۋونىڭ تومەنگى اعارىندا، ياڭشۋو اۋدان قالاشىعىنىڭ شۇيدۇڭ پورتىنان شىعىپ پۋ-ي ارالىعىندا قاتىنايدى، فۋليجىن قالاشىعىن باسىپ وتەدى، جول بويى ياڭشوۋنىڭ تومەنگى اعارىنداعى كورىنىستەردى تاماشالاۋعا بولادى. مۇندا بيليانفىڭ شوقىسى، شيۋسايدىڭ حابارلاندىرۋعا قاراۋى، شۋتۇڭشان تاۋى قاتارلى كورىنىستەر بار. 3 ساعات شاماسىندا تاماشالاپ شىعۋعا بولادى.


        ادرەسى: گۇيلين قالاسىنىڭ شىعىس تەرىستىگىندەگى شيڭ-ان اۋدانى ماۋىرشان تاۋى

     

    اۋدارعان: العابەك قيسىنقان ۇلى