سانيا قالاسى نانشان مادەنيەت ساياحات رايونى

نانشان حاينان ولكەسى سانيا قالاسىنان 40 كيلومەتر قاشىقتىقتا ورنالاسقان، جۇڭگونىڭ ەڭ وڭتۇستىك جيەگىنە ورنالاسقان تاۋ. ىستىق بەلدەۋلىك تەڭىز-مۇحيت كليماتىنا جاتادى. بۇل جەردىڭ اۋاسى مەن تەڭىز سۋىنىڭ ساپاسى ەلىمىز بويىنشا الدىڭعى ورىندار تۇرادى، ورمانمەن كومكەرىلۋ مولشەرى %97، جۇڭگونىڭ بۇددا ءدىنىنىڭ ءداستۇرلى مادەنيەتىن ايگىلەيتىن كولەمدى باقشا رايونى.


        كورىنىس تۇيىندەرىن تانىستىرۋ:


        نانشان حاينان ولكەسى سانيا قالاسىنان 40 كيلومەتر قاشىقتىقتا ورنالاسقان، جۇڭگونىڭ ەڭ وڭتۇستىك جيەگىنە ورنالاسقان تاۋ. ىستىق بەلدەۋلىك تەڭىز-مۇحيت كليماتىنا جاتادى. بۇل جەردىڭ اۋاسى مەن تەڭىز سۋىنىڭ ساپاسى ەلىمىز بويىنشا الدىڭعى ورىندار تۇرادى، ورمانمەن كومكەرىلۋ مولشەرى %97، جۇڭگونىڭ بۇددا ءدىنىنىڭ ءداستۇرلى مادەنيەتىن ايگىلەيتىن كولەمدى باقشا رايونى.


        نانشانداعى ماڭىزدى كورىنىس تۇيىندەرىنەن نانشان بۇددحاناسى، تەڭىز ۇستىندەگى بۇرھان ءمۇسىنى، بۋار عيبادات جولى، بۇرھان مادەنيەت باقشاسى، تيانجۋ اۋليەلەر جۇرتى، ايگىلى بۇددا ءدىنى مادەنيەت باقشاسى، ون بۇرىشتى مۇنارالى ورمان جانە ەدەن باقشاسى، بۇددا ءدىني مادەنيەتى اۋىس-كۇيىس ورتالىعى، قاتىقسىز تاعامدار كوشەسى سياقتىلار بار.


        بۇددا دىنىندە زاتتارعا بولعان تانىم جۇيەسىن عيبادات جولى دەپ اتايدى؛ ءدىن جولىنا تۇسكەن ادام وسى عيبادات جولى ارقىلى جەتىلەدى. بۇددا دىنىندە جالپى 84 مىڭ عيبادات جولى بار بولىپ، بۋار عيبادات جولى وسىلاردىڭ ىشىندەگى دارەجەسى ەڭ جوعارعىسى بولىپ ەسەپتەلەدى. نانشانداعى بۋار عيبادات جولى كورىنىس رايونىنىڭ قاقپاسىنا ورنالاسقان، قۇرىلىسى نەگىزىنەن وڭتۇستىك-سولتۇستىك پاتشالىقتار داۋىرىندەگى ۇلگى بويىنشا سالىنعان. ساياحاتشىلار كورىنىس رايونىنىڭ قاقپاسىنان كىرىسىمەن اق، نانشانداعى بۇددا ءدىنىنىڭ قاسيەتتى مەكەنىنە اياق باسادى. ۇلكەن قاقپانىڭ سىرتىنا جازىلعان «بۋار» جانە ۇلكەن قاقپانىڭ ىشىنە جازىلعان «ادالدىق» دەگەن ءسوزدى ايگىلى حاتكەر گۋ تيڭلۇڭ مىرزا 94 جاسىندا جازعان.


        التىن بۇرھان - كەزەكتە دۇنيە ءجۇزى بويىنشا ەڭ ۇلكەن بۇددا ءمۇسىنى بولىپ، مۇنى جاساۋعا جالپى 192 ميلليون حالىق اقشاسى جۇمسالعان. ءمۇسىننىڭ بيىكتىگى 3.8 مەتر بولىپ، التىن دەنە، بۇددا نۇرى، تۇڭعيىق، قىزعىلىت اعاش ءمۇسىن سياقتى 4 بولەكتەن قۇرالعان، بۇعان 100 كيلوگرامنان ارتىق سارى التىن، 240 گرام وڭتۇستىك افريكا الماسى، نەشە ون مىڭ تال كوك جاقۇت، زۇمرات، مارجان، لاعىل-مارجان جانە 100 كيلوگرامنان ارتىق جاسىل جاقۇت سياقتى باعالى زاتتار ىستەتىلگەن. مۇنى ەلىمىزدىڭ اسەمونەر شەبەرلەرى زىڭ ي-بيڭ، جاڭ ميڭجۋان، ۋاڭ جىشي قاتارلىلار 2 جىل ۋاقىت جۇمساپ ويىپ شىققان.


        تەڭىز ۇستىندەگى بۇرھان ءبۇبى ءمۇسىننىڭ بيىكتىگى 108 مەتر بولىپ، دۇنيە جۇزىندەگى ەڭ الىپ وقىمىستى بۇرھاننىڭ ءمۇسىنى بولىپ ەسەپتەلەدى. مۇندا بۇرھان ءبۇبى ءبىر قولىنا تۇڭعيىق گۇلىن ۇستاسا، ەندى ءبىر جاعىنان قاراسا قولىنا ءتاپسىر الىپ تۇرعان، ال، تاعى ءبىر قىرىنان قاراسا بۇددا مارجانىن ۇستاپ تۇرعان بەينە كورسەتەدى، بۇل ءبىر ءمۇسىندى ءۇش تۇلعالاندىرۋ كورسەتۋ نەگىزىندە ويىلعان. مۇسىنگە بىلاي قاراساڭىز ودان بۇرھان ءبۇبىنىڭ «تۇرمىستىڭ تاۋقىمەتىن تارتقاندارعا مەيىرىمدىلىك پەن شاپاعات باعىشتاپ تۇرعانىن» سەزە الاسىز. دەمەك، نانشانداعى تەڭىز ۇستىندەگى بۇرھان ءبۇبى ءمۇسىنى شىعىس توپراقتىڭ «مەيرىمدىلىك»، «پاراساتتىلىق» جانە «بەيبىتشىلىكتىڭ» سيمۆولى.


    كورىنىس رايونىنىڭ دارەجەسى: AAAAA


        ساياحاتتاۋعا بولاتىن ۋاقىتى: 4 تە 8 ساعات


        ساياحاتتايتىن تاماشا مەزگىل: جاز مەزگىلى


        بەلەت باعاسى: كۇسەت كەزدە ازامات جاسىنا تولعاندارعا 150 يۋان (ءبىر ادام)، تارشىلىق كەزدە ازامات جاسىنا تولعاندارعا 126 يۋان (ءبىر ادام)، مۇندا باعاسى جىل سايىن وزگەرىپ تۇرادى.


        18 جاستان تومەنگى بالالار، 60 تا 70 جاس ارالىعىنداعى قارتتار ازاماتتىق كۋالىگىن كورسەتسە، بەلەت باعاسىندا تيىمدىلىك جاسالادى؛ بويى 1.20 مەتردەن تومەن بالالار، 70 جاستان جوعارعى قارتتار ازاماتتىق كۋالىگىن كورسەتسە، اقىسىز تاماشالاي الادى.


        التىن بۇرھان ءمۇسىنى كورىنىس رايونىنا كىرمەكشى بولسا، وعان ايىرىم ءبىر ادامعا 20 يۋاننان الىنادى.


        اشىلاتىن ۋاقىتى: تاڭەرتەڭگى ساعات 8 دەن تۇستەن كەيىنگى ساعات 4 كە دەيىن.


        ءادىرىسى: حاينان ولكەسى سانيا قالاسىنان 40 كيلومەتر قاشىقتىقتا.


        قاتىناس كورسەتكىشى:


        الەۋمەتتىك اۆتوبوز


        جاڭا مەملەكەت تاس جولىن بويلاي نانشاننان يالۇڭۋانعا قاتىنايتىن ارناۋلى اۆتوبوزعا وتىراسىز، جولدا دادۇڭۋان، لۋ حۇيتوۋ باقشاسى، اققۋ باقشاسى، سانياۋان، شيداۋ ارالى سياقتى جەرلەردى باسىپ وتەدى، نانشان جانە ۇلكەن تۇڭتيانعا بارادى، مۇندا قالا ىشىنەن نانشانعا دەيىن اۆتوبوز بەلەتى 8 يۋان. تۇڭعىش كەزەكتى اۆتوبوز تاڭەرتەڭ ساعات 6 دا جۇرەدى، ءار 12 مينۋتتا ءبىر كەزەك قاتىناپ وتىرادى، سوڭعى كەزەكتى اۆتوبوز كەشكى ساعات 19 دان 20 مينۋت وتكەندە قاتىنايدى.


        كىرە اۆتوكولىگى


        قالا ىشىنەن كىرە اۆتوكولىگىنە وتىرساڭىز شامامەن 40 مينۋتتا نانشانعا جەتىپ باراسىز، مولشەرمەن 60 تا 80 يۋان كىرە اقىسى الىنادى.


        پويەز بەكەتى


        16 جول اۆتوبوزىنا وتىرساڭىز شامامەن 2 ساعات 20 مينۋتتا جەتىپ باراسىز، جالپى قاشىقتىعى 34 كيلومەتر. پويەز بەكەتىنە بارعاننان كەيىن 260 مەتر جاياۋ جۇرسەڭىز حۋاتيڭگە جەتەسىز، ودان 16 جول اۆتوبوزىنا وتىرىپ (پورت ىستەرى مەكەمەسى - نانشان بۇتحاناسى) 31 بەكەتتەن كەيىن نانشان بۇتحاناسى بەكەتىنەن ءتۇسىپ، 1.4 كيلومەتر جاياۋ جۇرسەڭىز سانيا نانشان مادەنيەت ساياحات رايونىنا باراسىز.


        اۋە جاي


        سامۇرىق اۋە جايىنان تۇسكەننەن كەيىن 43-جول اۆتوبوزىنا وتىرىپ (پويەز بەكەتى - باتىس قاتىناس بەكەتى) باتىس قاتىناس بەكەتىنەن تۇسكەننەن كەيىن 20 مەتر جاياۋ ءجۇرىپ باتىس قاتىناس بەكەتىنە باراسىز، ودان 16 جول اۆتوبوزىنا وتىرىپ (پورت ىستەرى مەكەمەسى - نانشان بۇتحاناسى) نانشان بۇتحاناسى بەكەتىنەن ءتۇسىپ، 425 كيلومەتر جاياۋ جۇرسەڭىز سوڭعى بەكەتكە جەتەسىز.


        نەمەسە 8-، 27-، 36-جول اۆتوبوزىنا وتىرىپ ودان 16-جولعا اۋىسىپ وتىرساڭىزدا سوڭعى بەكەتكە باراسىز.

     

    اۋدارعان: راحىمان قادەن ۇلى