حىنان جياۋزو قالاسى يۇنتاي تاۋىنىڭ كوركەم كورىنىس رايونى

جياۋزو قالاسى يۇنتاي تاۋى كوركەم كورىنىس رايونى حىنان ولكەسى شيۋ- ۋ اۋدانىنىڭ ىشىندە، كورىنىس رايونىنىڭ كولەمى 190 شارشى كيلومەتر، چۋانپۋ اڭعارى، تانباۋ اڭعارى، قىزىل تاس اڭعارى، زىفاڭ كولى، ۋانشان بۇتحاناسى، بايجيايان، شانيۋان، چىڭديڭ، ديەساي ۇڭگىرى، چيڭلۇڭ اڭعارى، فىڭلين اڭعارى سياقتى ساياحات تۇيىندەرى بار. فىڭلين اڭعارىنىڭ تاۋلارى بيك، سۋى تۇنىق، كورىنىس كوركەم جەر، سونىمەن بىرگە ازيا بويىنشا ەڭ بيىك سارقىراما يۇنتاي سارقىراماسى ەسەپتەلەدى.


        كورىنىس تۇيىندەرى جونىندەگى تانىستىرۋ:


        جياۋزو قالاسى يۇنتاي تاۋى كوركەم كورىنىس رايونى حىنان ولكەسى شيۋ- ۋ اۋدانىنىڭ ىشىندە، كورىنىس رايونىنىڭ كولەمى 190 شارشى كيلومەتر، چۋانپۋ اڭعارى، تانباۋ اڭعارى، قىزىل تاس اڭعارى، زىفاڭ كولى، ۋانشان بۇتحاناسى، بايجيايان، شانيۋان، چىڭديڭ، ديەساي ۇڭگىرى، چيڭلۇڭ اڭعارى، فىڭلين اڭعارى سياقتى ساياحات تۇيىندەرى بار. فىڭلين اڭعارىنىڭ تاۋلارى بيك، سۋى تۇنىق، كورىنىس كوركەم جەر، سونىمەن بىرگە ازيا بويىنشا ەڭ بيىك سارقىراما يۇنتاي سارقىراماسى ەسەپتەلەدى.


        چۋانپۋ سارقىراماسى (لاۋتانگوۋ) جالپى ۇزىندىعى 3 كيلومەتر، اڭىزداردا تيانحى ايداعار پاتشاسى يۇيبەي (حىنان ولكەسىنىڭ ىشىندەگى حۋاڭحىنىڭ سولتۇستىگى) حالقىن قۋاڭشىلىق اپاتىنان قۇتقارۋ ءۇشىن، يۇيدي پاتشانىڭ جارلىعىنا قيعاشتىق جاساپ، ءوز بەتىمەن جاۋىن جاۋدىرعاندىعى سەبەپتى، اسپاننان جەرگە قۋىلىپ قۇربان بولعان جەرى ەكەن دەلىنەدى. بۇلاق سۋى سارقىراي اعىپ، 314 مەترلىك ازيا قۇرىلىعى بويىنشا ەڭ ۇلكەن سارقىراما يۇنتاي داراسىنان قۇلاي تۇسەدى، سونىمەن بىرگە ازيا قۇرلىعىنداعى دارانىڭ كولەمى ەڭ ۇلكەن، كورىنىسى كوركەم، ايبىندى كورىنەدى.


        قىزىل تاس اڭعارى (ۋىنپان اڭعارى) زىفاڭ كولىنىڭ وڭتۇستىگىنە ورنالاسقان، كورىنىس باقشاسىنىڭ ماماندارى (تابيعات الەمىندەگى تاۋ مەن سۋى ەرەكشە تاڭعاجايىپ اڭعار» دەپ ماقتاسادى. ساياحاتتاپ شىعۋعا مولشەرمەن ءبىر جارىم ساعاتتاي ۋاقىت قاجەت، تامىز، قىركۇيەك ايلارى ساياحاتتاۋدىڭ ەڭ تاماشا مەزگىلى ەسەپتەلەدى. قىزىل تاس اڭعارىنىڭ جالپى ۇزىندىعى ءبىر مىڭ 500 مەتر، جالعىز اياق جولمەن كورىنىس رايونىن تاماشالاۋعا بولادى. اڭعار اۋزىنىڭ وڭتۇستىك ۇشار باسىنداعى تار اڭعاردى «اسپان تىرەۋى» دەگەن اتى بار بولىپ، سارقىراما 60 مەتر بيىكتەن اق كوبىكتەتىپ اعىپ جاتادى. ەكى جاعىنان قۇلاما قۇزدار ءتونىپ، بەينە تاس وردانىڭ ەسىگى ىسپەتتى، ءدال يۇنتاي تاۋىنىڭ باتىس قاقپاسى ەسەپتەلەدى. اڭعاردىڭ ورنالاسۋى: شۇۋلۇڭتان، حيلۇڭتان، چيڭلۇڭتان، حۋاڭلۇڭتان، ولۇڭتان، يانلۇڭتان، شيڭلۇڭتان، زىلۇڭتان، يوۋلۇڭتان سياقتى سارقىرامالار بىرىگىپ «توعىز ايداعار باستاۋىن» قۇرايدى. تاعى يوۋپو، چۋانشىدۇڭ، شياڭۇنشى، شۋاڭشى سۋ توسپاسى، توتى قۇستىڭ تۇرلەنۋى، شاقىمات تاس سياقتى كورىنىس رايوندارى بار.


        جۋيۇي شوقىسىنىڭ بايىرعى اعاشتارى بىتىك ءوسىپ، گۇل-شوپتەرى قۇلپىرا جايناپ، ورمانمەن كومكەرىلۋى %93، تابيعي وتتەگىنىڭ بازاسى ەسەپتەلەدى. وقىمىستىلار مەن قالامگەرلەردى ايىرىقشا ءتانتى ەتكەن مەكەن، «جاپاندا جالعىز جابىقتىم، مەكەندى اڭساپ زارىقتىم. مەيرامدا سەنى كورسەم دەپ، جۋيۇيعا قانات قاعىپپىن» دەيتىن ۋاڭ ۋيدىڭ ايگىلى ولەڭى شىققان مەكەن. بۇرىنعى اتى شياۋبەي شوقىسى بولىپ، تەڭىز دەڭگەيىنەن 1308 مەتر، شوقىنىڭ ۇستىندە جىنۋدي پاتشانىڭ بۇتحاناسى، تيانچياۋ، يۇندي جەرلەرى بار. شوقىنىڭ بەل ورتاسىندا ءدارى پاتشاسىنىڭ ۇڭگىرى بار بولىپ، تەرەڭدىگى 30 مەتر، ديامەترى 10 مەتر، اڭىزداردا تاڭ داۋىرىندەگى ءدارى پاتشاسى سۇن سىمياۋ جاسارتقىش ءدارى قازۋعا كەلگەن جەر دەلىنەدى، بۇدان باسقا «چۋزاۋ ۇڭگىرى»، «يانۋاڭ ۇڭگىرى»، «حۋاڭني ۇڭگىرى» سياقتى ون نەشە ۇڭگىر بار.
    يۇنتاي تاۋىنا قاتىستى ايگىلى ادەبي تۋىندىلار جانە كينو تۋىندىلار وتە كوپ، مىسالى، «يۇنتاي تاۋى اڭىزدارى»، «چيڭلۇڭ اڭعارى اڭىزى»، «يۇنتاي تاۋى» سياقتى ادەبي تۋىندىلار جازىلسا، «چۇنچيۋ-جانگو»، «لۇي بۋ مەن دياۋچان»، «چين شىحۋاڭ» سياقتى ون نەشە كينو تۋىندى ىلگەرىندى-كەيىندى وسى كورىنىس رايونىندا تۇسىرىلگەن.


    كورىنىس رايوننىڭ دارەجەسى: AAAAA


    ساياحاتتاۋدىڭ تاماشا مەزگىلى: جىل 12 اي


        ساياحاتتاۋعا ۇيلەسىمدى ۋاقىت: 2-1 كۇن


        بەلەت باعاسى: قاۋىرت مەزگىلدە: ءبىر ادام 150 يۋان؛ سايابىر مەزگىلدە: ءبىر ادام 60 يۋان


        قىزمەت ۋاقىتى: يۇنتاي تاۋى: جاز ماۋسىمىندا: 06:00~18:00; قىس ماۋسىمىندا 06:00~20:00 چيڭلۇڭ اڭعارى، فىڭلين اڭعارى: 06:00~18:00;


        ەسكەرتپە: ناقتى قىزمەت ۋاقىتى كورىنىس رايونىنىڭ سول كۇندىك حابارلاندىرۋى نەگىز ەتىلەدى.


        ورنى: حىنان ولكەسى جياۋزو قالاسى شيۋۋ اۋدانى ىشىندە


        قاتىناس كورسەتپەسى:


        1. جياۋزو پويەز بەكەتىنەن تاڭەرتەڭگى ساعات 6:00 دان كەشكى ساعات 6:30 عا دەيىن 3-جول الەۋمەتتىك اۆتوبوز 10 مينۋتتا ءبىر كەزەك قاتىناپ، ساياحات رايونىنىڭ ۇلكەن قاقپاسىنا دەيىن بارۋعا دا، تۇسەلحاناعا بارۋعا دا بولادى (تۇسەلحانادا اقى الىنبايدى)


        2. اۆتوكولىككە وتىرۋ ءۇشىن ەڭ اۋەلى قالا ىشىنە قاتىنايتىن 7-جول الەۋمەتتىك اۆتوبوزعا شىعىپ جياۋزو قالاسى پويەز بەكەتىنەن تۇسەسىز.


        3. تۇسەلحاناعا نەمەسە كورىنىس رايونىنىڭ الدىڭعى قاقپاسىنا جانە كورىنىس رايونى قىزمەت وتەۋ رايونىنا تىكەلەي باراتىن اۆتوكولىكتەر بار.


        تىكە باراتىن اۆتوكولىكتەر:


        1. جياۋزو قالاسى ۇزاق جولدى قاتىناس بەكەتىنەن تاڭەرتەڭگى ساعات 7:30 دا سول بەكەتتىك وزىنەن نەمەسە ساياحاتشىلار قاتىناس بەكەتىنەن شىعاسىز، بەلەت باعاسى ءبىر ادام 10 يۋان.


        2. شينشياڭ ۇزىن جولدى قاتىناس بەكەتىنەن تاڭەرتەڭگى ساعات 7:30، تۇستەن كەيىنگى ساعات 1:20 دە يۇنتاي تاۋىنا تىكە باراتىن الەۋمەتتىك اۆتوبوز بار.


        3. لوياڭ قالاسى ميانيۋان قاتىناس بەكەتىنەن كۇنىنە تاڭەرتەڭگى 9:00 دا يۇنتاي تاۋىنا توتە باراتىن الەۋمەتتىك اۆتوبوز بار بولىپ، بەلەت باعاسى ءبىر ادام 45 يۋان.