دىڭفىڭ قالاسى گاۋشان شاۋلين بۇتحاناسى كورىنىس رايونى

جۇڭحۋا حالىق رەسپۋبليكاسى قۇرىلعاننان كەيىن شاۋلين بۇتحاناسى مەن ەل ءىشى-سىرتىنىڭ مادەنيەت الماسۋى بىرتىندەپ تەزدەپ، ساياسي كورىنىس سياقتى كوپتەگەن جاقتاردا جۇڭگو-شەتەلدەگى ايگىلى قايراتكەرلەر كوزدەن كەشىرگەن بۇتحانا. بۇنىڭ ىقپالى شاۋلين مادەنيەتىنىڭ وزگەشە ەرەكشەلىگىن ءتىپتى دە ايگىلەي ءتۇستى.

    كورىنىس تۇيىندەرى جونىندەگى تانىستىرۋ:


        شاۋلين بۇتحاناسى حىنان ولكەسىنىڭ دىڭفىڭ قالاسىنىڭ گاۋشان تاۋىنىڭ بەس ەمشەك شوقىسىنىڭ ەتەگىنە ورنالاسقان، چاڭجۋيۋاننىڭ جالپى يەلەگەن جەر اۋماعى 57 مىڭ 600 شارشى مەتر، بۇل بۇتحانا گاۋشان تاۋىنىڭ ءيت تۇمسىعى وتپەيتىن جىنىس ورمان اراسىنا ورنالاسقاندىقتان «شاۋلين بۇتحاناسى» دەپ اتالعان. العاش سولتۇستىك ۋي پاتشالىعىنىڭ تايحى جىلناماسىنىڭ 19-جىلى (495-جىل) شياۋىندي پاتشالىققا ساپارلاي كەلگەن ينديانىڭ ءاز شايحىسى باتونى الىپ قالۋ ءۇشىن استانا لوياڭ قالاسىنىڭ جوعارى جاعىنداعى گاۋشان شاۋلين بۇتحاناسىن سالدىرادى.


        شاۋلين بۇتحاناسى دۇنيە ءجۇزى بويىنشا ايگىلى بۇتحانا، حانزۋ ۇلتىنا تاراعان بۇددا ءدىنىنىڭ شانزۇڭ ءمازھابى، جۇڭگو بۇددا ءدىنى تاريحىندا ماڭىزدى ورنى بار بولعاندىقتان «جەر بەتىندەگى ءبىرىنشى بۇتحانا» دەگەن اتاققا يە بولعان.


        شاۋلين بۇتحاناسى باستى سوپىلار تۇراعى، تالين جانە بۇددا ءتاڭىرى عيباداتحاناسى سياقتى قۇرىلىستاردى قامتيدى. سوپىلار تۇراعىنىڭ قۇرىلىسى ورتا بولەكتەن باستالىپ وڭتۇستىكتەن سولتۇستىككە قاراي رەت-رەتىمەن بۇتحانا قاقپاسى، اسپان ءتاڭىرى عيباداتحاناسى، اۋليە-انبيە عيباداتحاناسى، بۇددا ءتاپسىرى سارايى (ۋاعىزحانا)، قازىرەت اۋلاسى، اقشا قار سامالدىعى، مىڭ اۋليە عيباداتحاناسى. بۇدان سىرت بۇتحانانىڭ شىعىسىندا تالين، سولتۇستىگىندە بۇددا ءتاڭىرى عيباداتحاناسى، دامو ۇڭگىرى، ءمولدىر شىق سامالدىعى، باتىس وڭتۇستىگىندە ەكىنشى اۋليە عيباداتحاناسى، شىعىس سولتۇستىگىندە گۋاڭحۇي عيباداتحاناسى بار، بۇتحانانىڭ توڭىرەگىندە تاعى دا گۋاڭشان ءپىرى مۇناراسى، فارۋ ءپىرى مۇناراسى، فاحۋا ءپىرى مۇناراسى سياقتى بايىرعى مۇناردان وننان استامى بار.


        بۇتحانا قاقپاسى شاۋلين بۇتحاناسىنىڭ ۇلكەن قاقپاسى بولىپ، كاڭشي پاتشا ءوز قولىمەن جازعان «شاۋلين بۇتحاناسى» دەگەن ماڭدايشالىق اسىلعان. بۇتحانا قاقپاسىنان كىرگەندە جولدىڭ ەكى جاعى ورمانمەن كومكەرىلىپ، ەكى جاعىنداعى اعاش ارالارىنا جيىرمادان استاپ بايىرعى قۇلىپتاستار قويىلىپ، «قۇلىپتاس ورمان» دەپ اتالعان. قۇلىپتاس ورماننان باسقا شىعىس جاعىنداعى قۇلىپتاس كورمەحانادا جۇزدەن استام ايگىلى قۇلىپتاستار قاتارلاستىرىپ قويىلعان. بۇل جولدان وتكەننەن كەيىن اسپان ءتاڭىرى عيباداتحاناسى، مۇنىڭ ىشىندە (فىڭ، تياۋ، يۇي، شۇن) ءتورت اسپان ءتاڭىرىنىڭ ءمۇسىنى قاشالعان، عيباداتحانانىڭ ءىشىنىڭ كورىنسى ايبىندى، ساۋلەتتى ەتىپ جاسالعان. اسپان ءتاڭىرى عيباداتحاناسىنىڭ ارتىندا اۋليە-انبيە عيباداتحاناسى، عيباداتحانانىڭ ءىشى بۇددا ءدىنىنىڭ قيمىل ورتاسى بولىپ، اسپان ءتاڭىرى عيباداتحاناسى مەن بۇددا ءتاپسىرى سارايىمەن قوسىلىپ ءۇش ۇلكەن بۇددا عيباداتحاناسى ەسەپتەلەدى. بۇددا ءتاپسىرى سارايى اۋليە-انبيە عيباداتحاناسىنىڭ ارتىندا، سارايدىڭ ىشىندە 8 ميلليون دانا بۇددا تاپسىرنامالارى قويىلعان، ۋاعىز ايتاتىن ورىن ەسەپتەلەدى. اۋليە-انبيە سارايىنىڭ شىعىس جاق شەتىنە التى اۋليە عيباداتحاناسى جانە دابىل مۇنارسى، باتىس جاعىندا قوڭىراۋلى مۇنارا بار. بۇددا ءتاپسىرى سارايىنىڭ ارتىندا قازىرەت اۋلاسى بولىپ، بۇل اۋلا قازىرەتتىڭ تۇرار جايى مەن ءدىن ىستەرىن جۇرگىزەتىن ورنى. «اقشا قار سامالدىعى» دامو سامالدىعى دەپ تە اتالادى، اڭىزداردا ەكىنشى اۋليە حۇيكى اقشا قاردى باسىپ تۇرىپ دامو قازىرەتكە شاكىرتكە قابىلداۋدى وتىنەدى. مىڭ اۋليە عيباداتحاناسى اقشا قار سامالدىعىنىڭ ارتىنا ورنالاسقان، پيلۋ عيباداتحاناسى دەپتە اتالادى. بۇتحانا ىشىندەگى ەڭ سوڭعى ۇلكەن عيباداتحانا ەسەپتەلەدى. عيباداتحانانىڭ قابىرعالارىنداعى سىزىلعان سۋرەتتەرىمەن داڭقتى، شاۋلين بۇتحاناسى ىشىندەگى قابىرعا سۋرەتتەرىنىڭ اسىل تۋىندىلارى ەسەپتەلەدى.


        جۇڭحۋا حالىق رەسپۋبليكاسى قۇرىلعاننان كەيىن شاۋلين بۇتحاناسى مەن ەل ءىشى-سىرتىنىڭ مادەنيەت الماسۋى بىرتىندەپ تەزدەپ، ساياسي كورىنىس سياقتى كوپتەگەن جاقتاردا جۇڭگو-شەتەلدەگى ايگىلى قايراتكەرلەر كوزدەن كەشىرگەن بۇتحانا. بۇنىڭ ىقپالى شاۋلين مادەنيەتىنىڭ وزگەشە ەرەكشەلىگىن ءتىپتى دە ايگىلەي ءتۇستى. بۇگىنگى تاڭدا شاۋلين بۇتحاناسى بۇكىل دۇنيە ءجۇزى بويىنشا نەشە ونداعان مەملەكەتتەردە قىرىقتان استام ەل-ءىشى مادەنيەت ورىندارىن قۇرىپ عانا قويماي، بۇكىل جەرشارىنداعى 300 دەن استام قالاعا تارالىپ، شاۋلين مۇريتتەرى وسىناۋ شاۋلين مادەنيەت ورتالىعىندا ءدىني ۋاعىز ايتىپ، شاۋلين ونەرىن ۇيرەنەدى. شاۋلين بۇتحاناسى ىلگەرىندى-كەيىندى ەۆورپا مەن سولتۇستىك امەريكا قۇرىلىعىندا شاۋلين مادەنيەت مەرەكەسىن وتكىزىپ، جۇڭحۋا مادەنيەتىنىڭ تارالۋىنا ەسەلى ۇلەس قوستى.


        كورىنىس رايوننىڭ دارەجەسى: AAAAA


        ساياحاتتاۋعا ۇيلەسىمدى ۋاقىت: 4-3 ساعات


        بەلەت باعاسى: 100 يۋان، جۇڭيۋە كورىنىس رايونى: 80 يۋان، گاۋياڭ كورىنىس رايونى: 80 يۋان، قوسار بەلەت (شاۋلين بۇتحاناسى+جۇڭيۋە) 180 يۋان. قوسار بەلەت (شاۋلين بۇتحاناسى+گاۋياڭ): 180 يۋان. قوسار بەلەت (شاۋلين بۇتحاناسى+جۇڭيۋان+گاۋياڭ) 260 يۋان.


        قىزمەت ۋاقىتى: قاۋىرت مەزگىلدە (ناۋىرز ايىنان قاراشا ايىنا دەيىن) 07:30~18:00ىنان ق سايابىر مەزگىل (جەلتوقساننان اقپان ايىنا دەيىن) 08:00~17:30


        قاتىناس كورسەتكىشى:


        جىڭجوۋ:


        (1) الدىمەن پويەزگە وتىرىپ جىڭجوۋ پويەز بەكەتىنەن ءتۇسىپ، بەكەتتىڭ قارسىسنداعى قاتىناس بەكەتىنەن دىڭفىڭعا باراتىن ساياحات ارناۋلى لەنياسىنا وتىراسىز؛


        (2) جىڭجوۋداعى ءارقايسى قاتىناس بەكەتتەرىنىڭ بارىندە فىڭفىڭعا باراتىن اۆتوبوز بار بولعاندىقتان سوعان وتىرساڭىزدا بولادى، جالپى 2 ساعاتتىق جول، جوعارى قارقىندى تاس جولدا ءبىر ساعاتتاي ءجۇرىپ، كولىكتەن تۇسكەننەن كەيىن سول جەردەن اۆتوبوز الماسساڭىز جارىم ساعاتقا جەتپەي كوزەۋلى جەرگە جەتەسىز. پويەز بەكەتىنىڭ الدىندا تىكە باراتىن ساياحات اۆتوبوزىنىڭ سانى ءبىرشاما از، قاتىناۋ ۋاقىتى ادام سانىنا قاراي بەلگىلەنەدى، شامامەن ءبىر ساعاتتا جەتەسىز.


        (3) ۇشاققا وتىرىپ جىڭجوۋ حالىقارالىق جاڭا ايردرومعا جەتكەن سوڭ كولىك مايلاپ ۇزاق جولدى قاتىناس بەكەتىنە كەلىپ، بەكەتتەن اۆتوبوزعا شىعىپ دىڭفىڭعا جەتىپ، ودان ارى قاراي گاۋشان شاۋلين بۇتحاناسىنا باراسىز.


        لوياڭ


        (1) جەكە كولىكپەن لوشاۋ جوعارى قارقىندى تاس جولىمەن 25 مينۋتتاي جۇرسەڭىز جەتەسىز


        (2) لوياڭ پويەز بەكەتىنىڭ شىعىسنداعى لوياڭ قاتىناس بەكەتىنەن كۇنىنە تاڭەرتەڭگى ساعات 6، ساعات 7 دە ساياحات اۆتوبوزى شاۋلين بۇتحاناسىنا قاتىنايدى.


        (3) ۇشاققا وتىرىپ لوياڭ ايردرومىنا جەتىپ، 83-جول الەۋمەتتىك اۆبوزعا وتىرىپ لوياڭ قاتىناس بەكەتىنە جەتىپ، ساياحات اۆتوبوزىنا وتىراسىز. دىڭفىڭ ۇزاق جولدى قاتىناسى شاۋلين بۇتحاناسىمەن ارالىعى 2 كيلومەتر جول.


        (4) ساياحات ارناۋلى اۆتوبوزىنا وتىراسىز.


        (5) لوياڭنان جىڭجوۋعا دەيىن (جوعارى قارقىندى تاس جول ەمەس) اۆتوبوزعا وتىرىپ، شاۋلين بۇتحاناسى(نەمەسە دىڭفىڭنان)