حىڭياڭ قالاسى نانيۋە-حىڭشان ساياحات رايونى

حىڭشان نانيۋە، نانشان دەپ تە اتالادى، «شىعىس تەڭىزدەي شالقار بول، نانشانداي عۇمىرلى بول» دەگەن وسى حىڭشاندى مەڭزدەيدى. حۋنان ولكەسىنىڭ حىڭياڭ قالاسى نانيۋە رايونىنا ورنالاسقان جۇڭحۋانىڭ بەس ۇلى تاۋىنىڭ ءبىرى. حىڭشان ەلىمىزدەگى ايگىلى داۋجياۋ جانە بۇددا ءدىنىنىڭ مەكەنى، جالپى 200 دەن استام بۇتحانا بار بولىپ، جالپى كولەمى 640 شارشى كيلومەتر، باستى حۇيياۋ شوقىسى، جۋرۇڭ شوقىسى، نانيۋە ۇلكەن بۇتحاناسى، جۇڭليەسى، ماگۋشان سياقتى كورىنىس رايوندارى بار.


        كورىنىس تۇيىندەرى جونىندەگى تانىستىرۋ:


        حىڭشان نانيۋە، نانشان دەپ تە اتالادى، «شىعىس تەڭىزدەي شالقار بول، نانشانداي عۇمىرلى بول» دەگەن وسى حىڭشاندى مەڭزدەيدى. حۋنان ولكەسىنىڭ حىڭياڭ قالاسى نانيۋە رايونىنا ورنالاسقان جۇڭحۋانىڭ بەس ۇلى تاۋىنىڭ ءبىرى. حىڭشان ەلىمىزدەگى ايگىلى داۋجياۋ جانە بۇددا ءدىنىنىڭ مەكەنى، جالپى 200 دەن استام بۇتحانا بار بولىپ، جالپى كولەمى 640 شارشى كيلومەتر، باستى حۇيياۋ شوقىسى، جۋرۇڭ شوقىسى، نانيۋە ۇلكەن بۇتحاناسى، جۇڭليەسى، ماگۋشان سياقتى كورىنىس رايوندارى بار.


        حىڭشاننىڭ جولىنا نەگىزىنەن بليارد تاس قاتىرىلعان، شەكارا ىشىندە باستى 72 شوقى بار، مۇنىڭ 20 سىنىڭ تەڭىز دەڭگەيىنەن بيىكتىگى 1000 مەتردىڭ ۇستىندە بولىپ، وركەشتەلگەن جوتالار شوعىرى قادا شوقى كورىنىسىن قالىپتاستىرعان.


        جۋرۇڭ شوقىسى حىڭشانداعى ەڭ بيىك شوقى، تەڭىز دەڭگەيىنەن بيىكتىگى 1300.2 مەتر، جۋرۇڭ عيباداتحاناسى، نانتيانمىن، حۇيشانچياۋ سياقتى كورىنىس رايوندارىن قامتيدى. جۋرۇڭ عيباداتحاناسىنىڭ قۇرىلىسى باسقا ادەتتەگى بۇتحانالار سياقتى اعاش جانە كىرپىش ماتەريالدارىمەن سالىنباعان، بۇكىلدەي بليارد تاستارمەن سالىنعان قۇرىلىس، عيباداتحانانىڭ توبەسىنە قالاي-تەمىر ناۋا كەرپىشتەر توسەلگەن. جۋرۇڭ عيباداتحاناسىنىڭ ىشىندە وت اۋليەسىنە سيىناتىن جەر بار بولىپ، وت اۋليەسى حىڭشاننىڭ تاۋ اۋليەسى ەسەپتەلەدى، اڭىزداردا بۇرىن حىڭشاندا تۇراتىن اۋليە حالىققا وت جاعۋ جانە ودان پايدالانۋدى ۇيرەتەدى، قايتىس بولعان سوڭ وسى حىڭشان تاۋىنا جەرلەنىپ وسى مەكەننىڭ ماڭگىلىك قورعاۋشىسى بولادى، ونىڭ ۇلى ەڭبەگى، حالىققا دەگەن تەرەڭ سۇيسپەنشىلىگى بولعاندىقتان، ونى قۇرمەتتەپ «نانيۋە اۋليەسى» دەپ اتالىپ، جەرگىلىكتى حالىقتىڭ تابىناتىن پىرىنە اينالعان.


        جۋرۇڭ عيباداتحاناسىن تاماشالاپ بولىپ ماڭىنداعى شاڭفىڭ بۇتحاناسىنا بارىپ ساداقا تاماق جەۋگە بولادى نەمەسە حۇيشان كوپىرىنە شىعىپ تاڭعاجايىپ تاسقا اينالعان «تەڭىز تاسباقاسىن» تاماشالاۋعا جانە كوپكە ايگىلى بىتىكشىلەردىڭ تاس ويمالارىن، جۋرۇڭ شوقىسى نانتيانمىن جانە گۋانرتايعا شىعىپ مۇنارلانعان حىڭشان تاۋى مەن كۇننىڭ كوكجيەكتەن كوتەرىلگەن اسەم كورىنىسىن تاماشالاۋعا، قىزىققان ساياحاتشىلار وسى جەردى تاڭداپ حىڭشاننىڭ كوركەم كورىنىسىنەن كوز مەيىرىن قاندىرادى.


        تاۋ ەتەگىندەگى نانيۋە ۇلكەن بۇتحاناسى دا تاماشالاۋعا تاتيتىن جەر. نانيۋە ۇلكەن بۇتحاناسى العاش تاڭ داۋىرىندە سالىنعان، نەشە رەت قايتالاي جاسالدى، قازىرگى قۇرىلىسى چيڭ پاتشالىعىنىڭ گۋاڭشۇي جىلناماسىندا قايتالاي سالىنعانى. ۇلكەن قاقپاعا «ليڭشيڭ قاقپاسى» دەپ جازىلعان، قاقپادان كىرگەن سوڭ نەگىزگى ءتاۋاپحانا «كەمەنگەر پاتشا ءتاۋاپحاناسى» بار، ىشىندە حىڭشان تاۋىنىڭ اۋليەسى جۋرۇڭنىڭ بۇد ءمۇسىنى قويىلعان. نانيۋە ۇلكەن بۇتحاناسىنىڭ شىعىس، باتىس ەكى شەتىنە داۋجياۋ عيباداتحاناسىنان 8 ى، بۇددا ءدىنى بۇتحاناسىنان 8 ى ارناۋلى ورنالاستىرىلعان، ءبىر ۇلكەن بۇتحانانىڭ ىشىنەن بۇددا جانە داۋجياۋ ەكى ءدىننىڭ ۇقساس كورىنۋى سيرەك كەزدەسەتىن قۇبىلىس سانالادى. قاھارماندارعا ارنالعان كەسەنە حىڭشان شياڭلۋ شوقىسىنىڭ ەتەگىندە، ماڭايى قاراعاي، ارشالارمەن كومكەرىلگەن، ەلىمىزدىڭ ۇلى قۇرىلىعىنداعى بىردەن-ءبىر جاپونعا قارسى تۇرىپ قۇربان بولعانداردى ەسكە ءتۇسىرۋ ەسكەرتكىش باقشاسى بولىپ، نانجيڭ جۇڭشان كەسەنەسىنە ۇقساتىلىپ جاسالعان، كولەمى ەرەكشە ۇلكەن، كەسەنەنىڭ ىشىندە جاپونعا قارسى تۇرعان قاھارمانداردىڭ ىزگى ىستەرى مەن زۇڭليدىڭ وسيەتى، گومينداڭ پارتياسى ءمانساپتىلارىنىڭ ارناۋ سوزدەرى سياقتىلار كورمەگە قويىلعان.


        جوعارىدا ايتىلعان كورىنىس رايوندارىنان باسقا فۋيان بۇتحاناسى، شۇيليان ۇڭگىرى، ماگۋشان كورىنىس رايونى سياقتى ساياحات ورىندارىن ارالاۋعا بولادى. حىڭياڭنىڭ كونە قالاسىندا نانيۋە كۇنجىت شەكەرى، بۇرشاق ىرىمشىگى سىرنەسى، عۇمىر شايى، عۇمىر پراندىگى سياقتى جەرگىلىكتى ەرەكشەلىككە يە ىشپەك-جەمەكتەر ساتىلادى. حىڭشاننىڭ ۇلتتىق سالت-سانا قيمىلدارى دا ەرەكشە مول بولىپ، جىل سايىن ەگىنشىلىك كالەندرى بويىنشا مامىردىڭ 14-كۇنى كۇن ءتاڭىرىنىڭ تۋىلعان كۇنى بۇتحانا جينالىسى وتكىزىلىپ، جۇدىرىقشىلىق ونەر، سەرىك ويىن، ءان-ءبي نومىرلەرى قويىلىپ تويلانادى؛ شىلدە ايىنان قىركۇيەك ايىنا دەيىن ءيىس تۇتاندىرۋ مەزگىلى، اسىرەسە ەگىنشىلىك كالەندرى بويىنشا تامىز ايىنىڭ باسىندا نانيۋە تاڭىرىنىڭ تۋىلعان كۇنىنە ارناپ، جەر-جەردەن كەلەتىن ءيىستى تۇتاندىرعىش جاعاتىندار جينالاتىن دۋماندى مەزگىل سانالادى.


    كورىنىس رايوننىڭ دارەجەسى: AAAAA


    ساياحاتتاۋعا ۇيلەسىمدى ۋاقىت: 2-1 كۇن


    بەلەت باعاسى:


    نانيۋە حىڭشان ورتالىق كوىنىس رايونى: قاۋىرت مەزگىلدە (5.1~1031): 120 يۋان سايابىر مەزگىل (11.1~4.30): 80 يۋان


    نانيۋە ۇلكەن بۇتحاناسى: قاۋرت مەزگىل 60 يۋان؛ سايابىر مەزگىل 40 يۋان


    قىزمەت ۋاقىتى: تولىق كۇن اشىق


    ساياحاتتاۋدىڭ ەڭ تاماشا مەزگىلى: تامىز ايىنان قازان ايىنا دەيىن


    ورنى: حۋنان ولكەسى حىڭياڭ قالاسى نانيۋە رايونى


    قاتىناس كورسەتكىشى:


    پويەز:


    چاڭشا پويەز بەكەتىنەن -- چاڭشا وڭتۇستىك قاتىناس بەكەتى -- ۇزاق جولدى جولاۋشىلار اۆتوبوزمەن نانيۋە حىڭشان كورىنىس رايونىنا جەتەسىز


    ايروپلان:


    چاڭشانىڭ حۋاڭحۋا حالىقارالىق اۋەجايى -- اۋەجاي اۆتوبوزىمەن چاڭشا وڭتۇستىك بەكەتى -- ۇزاق جولدى جولاۋشىلار اۆتوبوزىمەن نانيۋە حىڭشان كورىنىس رايونىنا جەتەسىز


    الەۋمەتتىك اۆتوبوز:


    حىڭياڭ پويەز بەكەتى -- 18-جول، 24-جول اۆتوبوزىمەن حىڭياڭ ورتالىق قاتىناس بەكەتىنە باراسىز--قالا ارالىق اۆتوبوزبەن نانيۋە حىڭشان كورىنىس رايونىنا جەتەسىز