يچاڭ قالاسى ءۇش قىساڭ توسپاسى - چۇي يۋاننىڭ تۋعان جەرى ساياحات رايونى

چاڭجياڭ ءۇش قىساڭىنىڭ باتىسى چۇڭچيڭ قالاسىنىڭ فىڭجيە اۋدانىنداعى بايديچىڭ دەگەن جەردەن باستالسا، شىعىسى حۋبەي ولكەسىنىڭ يچاڭ قالاسىنداعى نانجينگۋانعا تۇتاسادى، سۇيتاڭشيا، ۋشيا، شيليڭشيا سياقتى ءۇش قىساڭنان قۇرالعان، جالپى ۇزىندىعى 193 كيلومەتر. ءۇش قىساڭنىڭ ەكى جاعاسى زاڭعا تاۋلارمەن بەتتەسكەن، ەڭ تار جەرىنىڭ ۇزىندىعى نەبارى 100 مەتر عانا.


        كورىنىس تۇيىندەرىن تانىستىرۋ:


        چاڭجياڭ ءۇش قىساڭىنىڭ باتىسى چۇڭچيڭ قالاسىنىڭ فىڭجيە اۋدانىنداعى بايديچىڭ دەگەن جەردەن باستالسا، شىعىسى حۋبەي ولكەسىنىڭ يچاڭ قالاسىنداعى نانجينگۋانعا تۇتاسادى، سۇيتاڭشيا، ۋشيا، شيليڭشيا سياقتى ءۇش قىساڭنان قۇرالعان، جالپى ۇزىندىعى 193 كيلومەتر. ءۇش قىساڭنىڭ ەكى جاعاسى زاڭعا تاۋلارمەن بەتتەسكەن، ەڭ تار جەرىنىڭ ۇزىندىعى نەبارى 100 مەتر عانا. ءۇش قىساڭ - ارداگەرلەردىڭ مەكەنى بولىپ، جانگو داۋىرىندەگى چۋ ەلىنىڭ اقىنى چۇي يۋاننىڭ اتا-مەكەنى، سونداي-اق تاريحتا سوعىس مايدانى بولعان بايديچىڭ قالاسى اۋەلگى قالپىندا ساقتالعان. لي باي، سۋ شى سياقتى ەگەي اقىنداردىڭ ءىزى قالعان قاسيەتتى جەر.


        ءۇش قىساڭ توسپاسى چاڭجياڭ ءدارياسىنا سالىنعان وسى زامانعى حيكىمەت بولىپ، بۇگىنگى دۇنيە جۇزىندەگى ەڭ ءىرى سۋ يگىلىگى ينجەنەرياسى ەسەپتەلەدى. توسپانىڭ باسىنىڭ ۇزىندىعى 3035 مەتر، بيىكتىگى 185 مەتر، قالىپتى سۋ جيناۋ مولشەرى 175 مەتر، جوعارى جانە تومەنگى اعارىنداعى سۋ دەڭگەيى 100 مەتردەن اسادى، مۇندا ءۇش قىساڭ كورمە سارايى، تانزىليڭ باقشا رايونى، 185 باقشا رايونى، جينبەي باقشا رايونى، جيەليۋ ەسكەرتكىش باقشا رايونى سياقتى كورىنىس تۇيىندەرى بار بولىپ، مۇنىڭ ىشىندە تانزىليڭ شوقىسى، 185 تەكشەسى، جيەليۋ ەسكەرتكىش باقشاسى سياقتى ورىندار ساياحاتشىلارعا ۇزاق ۋاقىت اشىلىپ كەلە جاتىر.


        تانزىليڭ شوقىسى سىرتتاي قاراعاندا كوكتات شىلايتىن ۇلكەن كۇبىگە ۇقساعاندىعى سەبەپتى وسى ات قويىلعان، بۇل جەردىڭ تەڭىز دەڭگەيىنەن بيىكتىگى 262.48 مەتر، ءۇش قىساڭ رايونىنىڭ ەڭ بيىك جەرى، تانزىليڭ شوقىسىنداعى كورىنىس تاماشالاۋ تەكشەسىنە شىقساڭىز ءۇش قىساڭ رايونى مەن فىڭحۋاڭشان تاۋىنداعى چۇي يۋاننىڭ اتا-مەكەنى ساياحات رايونىن، جيەليۋ ەسكەرتكىش تاسىن تولىق كورە الاسىز.


        185 كورىنىس تاماشالاۋ تەكشەسى ءۇش قىساڭ توسپاسىنىڭ سول جاعىنا ورنالاسقان، ءۇش قىساڭ توسپاسىمەن ۇقساس بيىكتىكتە بولىپ، تەڭىز دەڭگەيىنەن بيىكتىگى 185 مەتر، ۇلكەن توسپاعا جاقىن بولعاندىقتان توسپاداعى سۋ اعىسى مەن كەمە توسپاسىن توتەنشە جاقىن ارالىقتان كورە الاسىز.


        جيەليۋ ەسكەرتكىش باقشاسى - تاسقىن بوگەۋ ەستەلىكتەر تاقتاسى، ءىرى تۇرپاتتى ماشينا اسپاپتارى كورمە الاڭى، كوككە ورمەلەۋ تەكشەسى سياقتى ون نەشە كورىنىس تۇيىندەرىن ءوز ىشىنە قامتىپ جاتادى. باقشا ىشىندە وزگەرتىلگەن كونە سوقا، تاسىمال كولىگى سياقتى بۇيىمداردى كورۋىڭىزگە بولادى، سونىمەن بىرگە «قۇدىرەتتى قىساڭ» اتتى كونسەرت ءنومىرىن تاماشالاي الاسىز ءارى ءۇش پاتشالىق داۋىرىندەگى شۋ ەلىنىڭ سالت-ساناسىنان، ءۇش قىساڭ قۇرىلىسىنىڭ تاريحىنان حاباردار بولاسىز.


        زىگۇي اۋدانى جانگو داۋىرىندەگى چۋ ەلىنىڭ وتانشىل اقىنى چۇي يۋاننىڭ اتا-مەكەنى، زىگۇي اۋدانىنىڭ فىڭحۋاڭشان تاۋىنان چۇي يۋاننىڭ اتا-مەكەنى ساياحات رايونى سالىنعان بولىپ، ءۇش قىساڭ توسپاسىمەن ارالىعىن كوپىر عانا ءبولىپ تۇرادى، تىكە قاشىقتىعى 600 مەتر، كورىنىس رايونىنىڭ يەلەگەن جەر كولەمى 500 مۋدان استام، ىشىندە چۇي يۋان تاساتتىق ورنى، چۇي يۋاننىڭ كيىم مولاسى، چۇي يۋان مادەنيەت-كوركەمونەر ورتالىعى، وزەن قىساڭىنداعى ەجەلگى تۇرعىندار رايونى سياقتى كورىنىس تۇيىندەرى بار.


        چۇي يۋان تاساتتىق ورنى فىڭحۋاڭشان تاۋىنىڭ جوتاسىنا سالىنعان، 2010-جىلى اۋەلگى قالپىندا ساقتاۋ نەگىزىندە چۇي يۋاننىڭ اتا-مەكەنى ساياحات رايونى سالىنعان، تاس قاقپا، چۇي يۋاننىڭ مىس ءمۇسىنى، چۇي يۋاننىڭ كيىم مولاسى، چۇي يۋاندى ەسكە الۋ سارايى، شىعىس، باتىس ەسكەرتكىش تاسى سياقتى قۇرىلىستاردان قۇرالعان.


        وزەن قىساڭى ەجەلگى تۇرعىندار رايونى جەرلىك ەرەكشەلىككە يە بولىپ، ءۇي تامدارىنىڭ قالىڭدىعى 1 سانتيمەتر كەلەتىن جۇقا كەرپىشتەن سالىنعان، رەڭى قانىق قارا، ەكى جاعى ءبۇيىرى سيلەندىر فورماسىندا سالىنعان. وزەن قىساڭى ەجەلگى تۇرعىندار رايونى بۇرىن شينتان دەگەن جەرگە ورنالاسقان بولىپ، سۋ يگىلىگى ينجەنەرياسى اتقارىلعاننان كەيىن اۋەلگى قالپى بويىنشا چۇي يۋاننىڭ اتا-مەكەنى ساياحات رايونىنان قايتالاي سالىندى، قايتالاي سالىنعاننان كەيىن قياق كۇرىش سالت-سانا سارايى، چيڭتان سالت-سانا سارايى، ايداعار كەمە سارايى سياقتىلارعا كەڭەيدى. ءار جىلعى قياق كۇرىش مەرەكەسىندە چۇي يۋاننىڭ اتا-مەكەنى ساياحات رايونى ايداعار كەمە جارىسى، قياق كۇرىش ءتۇيۋ سياقتى قيمىلداردى، سونداي-اق، باسقا دا باي مازمۇندى قيمىلداردى وتكىزەدى.


        كورىنىس ءتۇيىنىنىڭ دارەجەسى: AAAAA


    ساياحاتتاۋعا بولاتىن ۋاقىت:


    بەلەت باعاسى:


    ءۇش قىساڭ توسپاسى كورىنىس رايونى: اقىسىز؛ «قۇدىرەتتى قىساڭ» اتتى كونسەرت كورۋ بەلەت باعاسى 150 يۋان (ءبىر ادام)


    چۇي يۋاننىڭ اتا-مەكەنى ساياحات رايونى: 90 يۋان (ءبىر ادام)


    اشىلۋ ۋاقىتى: ساعات 8:30 دان 17 گە دەيىن.


    ءادىرىسى: حۋبەي ولكەسىنىڭ يچاڭ قالاسى


    قاتىناس كورسەتكىشى:


    الەۋمەتتىك اۆتوبوز:


    ءۇش قىساڭ: 4-، 10-، 21-، 100-، 101-جول اۆتوبوزىنا وتىرىپ، يەميڭجۋ ۇلكەن شىراعىنىڭ قاسىنان ءتۇسىپ، ودان توسپا رايونىنا اپاراتىن 8-جول اۆتوبوزىنا وتىرىپ، ليۋجياشوۋ ساياحاتشىلاردى كۇتىپ الۋ ورتالىعىنان تۇسەسىز.


    3-، 4-، 9-، 21-، 100-جول اۆتوبوزىنا وتىرىپ داسانشيا حالىقارالىق ساياحات قوعامى (دۇڭشان داڭعىلى 80-ءنومىرلى اۋلا) بەكەتىنەن ءتۇسىپ، ودان ساياحاتشىلار ارناۋلى اۆتوبوزىنا وتىرىپ ءۇش قىساڭ توسپاسى كورىنىس رايونىنا توتە باراسىز.


    چۇي يۋاننىڭ اتا-مەكەنى ساياحات رايونى:


    101-، 102-، 9-جول اۆتوبوزىنا وتىرىپ، حايتۇڭ قاتىناس بەكەتىنەن ءتۇسىپ، ودان كىرە اۆتوموبيلىنە وتىرىپ، فىڭحۋاڭشان كورىنىس رايونىنا باراسىز.