جاڭجياجيە ۋليڭيۋان رايونى - تيانمىن تاۋى ساياحات رايونى

حولليۋوتتىڭ قيال-عاجايىپ كينوسى «اۆاتاردى» كورگەندەردىڭ ەسىنە سالا كەتەيىك، كينوداعى فاندورا جۇلدىزىنداعى تابيعات كورىنىستەرىنىڭ كوبى جۇڭگوداعى جاڭجياجيە تاۋىنان تۇسىرىلگەن، بۇنىڭ ەڭ كورنەكتىسى كينوداعى تاڭعاجايىپ قالقىما تاۋ - حالوۋجيا تاۋى ءاسىلى جاڭجياجيە ۋليڭيۋان رايونى يۋانجياجيە كورىنىس رايونىنىڭ ىشىندەگى «وڭتۇستىك اسپان تىرەۋى» ەسەپتەلەدى.


        كورىنىس تۇيىندەرى جونىندەگى تانىستىرۋ:


    حولليۋوتتىڭ قيال-عاجايىپ كينوسى «اۆاتاردى» كورگەندەردىڭ ەسىنە سالا كەتەيىك، كينوداعى فاندورا جۇلدىزىنداعى تابيعات كورىنىستەرىنىڭ كوبى جۇڭگوداعى جاڭجياجيە تاۋىنان تۇسىرىلگەن، بۇنىڭ ەڭ كورنەكتىسى كينوداعى تاڭعاجايىپ قالقىما تاۋ - حالوۋجيا تاۋى ءاسىلى جاڭجياجيە ۋليڭيۋان رايونى يۋانجياجيە كورىنىس رايونىنىڭ ىشىندەگى «وڭتۇستىك اسپان تىرەۋى» ەسەپتەلەدى.


    جاڭجياجيە ەلىمىزدەگى ەڭ ايگىلى ساياحات رايوندارىنىڭ ءبىرى بولىپ، حۋنان ولكەسىنىڭ باتىس بولەگىنە ورنالاسقان. جاڭجياجيەنىڭ قۇزار شىڭدارىنىڭ كورىنىسى اريىرىقشا، كۆارتس تاۋ جىنىستارى سۋدىڭ، قىسىم كۇشتىڭ، بوراننىڭ ۇزاق ۋاقىتتىق جەمىرۋىندە قاداۋ-قاداۋ تاس تىڭگەك ورماندارعا اينالدى، مىنە وسىنداي جاڭجياجيە رايونىنداعى تاڭعاجايىپ وركەش قۇزار شىڭدار، تاس ورماندار مەن سىرلى تاۋ ۇڭگىرلەرى قۇرالىپ تاڭعاجايىپ كورىنىس رايونىن قالىپتاستىردى.


    جاڭجياجيە ساياحات قاينارىنىڭ تارالۋى باستى ۋليڭيۋان رايونى مەن يۇڭديڭ رايونى. ۋليڭيۋاننىڭ «تاڭعاجايىپ 3 مىڭ شوقىسى، 8 ءجۇز وزەنى» دەگەن داڭقتى اتى بار، «اۆاتار»، «قىزىل ساراي ءتۇسى»، «سايتان ۇستاۋ ەستەلىگى» سياقتى كينولاردىڭ كورىنىس تۇسىرىلگەن جەرى. ۋليڭيۋان جاڭجياجيە مەملەكەتتىك ورمان باقشاسى مەن مەملەكەتتىك گەولوگيا باقشاسى، سۋشييۋ، تيانزى تاۋى، ياۋجياجيە ءتورت بولەكتەن قۇرالادى. ۋليڭيۋاننان پەرىلەر مەكەنى سپەتتى تاس تىڭگەك ورمانىن، كۆارتس تاۋ جىنىستارىن كورە الاسىز، سونىمەن بىرگە ساياحاتشىلار ساياحات قايىعىنا وتىرىپ تاۋ ۇڭگىرلەرىندەگى ەمشەك تاس، سۇڭگى تاس، مارجان قۇزدار سياقتىلاردى تاماشالاۋىنا بولادى. ادام جانىن ەلىتەتىن شياڭشي (حۋناننىڭ باتىسى) حالىقارالىق مادەنيەت الاڭىنان تارتىمدى شياڭشي ويىن نومەرلەرىن تاماشالاۋعا، شيبۋ ساۋدا كوشەسىنەن تۋجيا ۇلتىنىڭ ۇلتتىق ەرەكشەلىككە يە اس-تاعامدار مەن قولونەر بۇيىمدارىن ساتىپ الۋىڭىزعا بولادى.


    جاڭ جياجيەگە كەلگەن سوڭ بارماساڭىز وكىنەتىن ءبىر جەر بار، ول يۇڭديڭ تيانمىن تاۋى كورىنىس رايونى. بۇل جەردە ازياداعى ەڭ ۇزىن تيانمىن تاۋى اسپالى جولى بار، جولدىڭ ۇزىندىعى 7500 مەتر، جەر بەتىنەن ورتاشا بيىكتىگى ءبىر مىڭ 200 مەتردىڭ ۇستىندە، جول بويىندا شىتىرمان جولدار مەن ءزاۋلىم اسپان جولدارى بار. اسپان جولى تاۋ ەتەگىنەن باستالىپ ءيىر-قيىر جولداردى باسىپ تيانمىن ۇڭگىرىنىڭ استىڭعى جاعىنا دەيىن بارادى، جالپى ۇزىندىعى 11 كيلومەتر، تەڭىز دەڭگەيىنەن بيىكتىگى 200 مەتر دە ءبىر مىڭ 100 مەتر ارالىعىندا 99 گرادۋس اينالىپ وتەتىن جولى ايتاعالسىن قورقىنىشتى. تاۋ توبەسىنە جەتكەن سوڭ ايگىلى تيانمىن ۇڭگىرىن كورەسىز، تيانمىن ۇڭگىرىنىڭ قۇلاما جيەگىندە تەڭىز دەڭگەيىنەن بيىكتىگى ءبىر مىڭ 300 مەترلىك جاناما جول بار، ۇڭگىردىڭ جالپى بيىكتىگى 130 مەتر، كەڭدىگى 57 مەتر، تەرەڭدىگى 60 مەتر، دۇنيە بويىنشا ەڭ ۇلكەن تاۋدى ەندەي وتەتىن ۇڭگىر بولىپ، جاقىن ارالىقتان تيانمىن ۇڭگىرىنىڭ كوركىن تاماشالايسىز، سونىمەن بىرگە ءال-قۋاتىڭىزدى سىنايتىن 9 ءجۇز 99 باسپالداقپەن شىققاندا عانا كوزەۋلى جەرگە جەتۋگە بولادى. تيانمىن تاۋى كورىنىس رايونىنان سايتان كوپىرى جانە اينەك شارباق جولدان ءوتىپ، ماڭىنداعى ەڭسەلى، ايبىندى تاس ورماندى، اياعىڭىزدىڭ استىنداعى ءتۇپسىز تەرەڭ شاتقالدى كورىپ، بويىڭىزدى شاتتىق پەن ۇرەي بيلەيتىن، جۇرەكتىلىگىڭىزدى سىنايتىن تاڭعاجايىپ جەر سانالماق.


    كورىنىس رايوننىڭ دارەجەسى: AAAAA


    ساياحاتتاۋدىڭ تاماشا مەزگىلى: ءساۋىر ايىنان-قازان ايىنا دەيىن


    ساياحاتتاۋعا ۇيلەسىمدى ۋاقىت: 1-2 كۇن


    بەلەت باعاسى:


    جاڭجياجيە مەملەكەتتىك ورمان باقشاسى (ورتانى قورعاۋ اۆتوكولىگىنىڭ بەلەت باعاسى 65 يۋان) ادەتتەگى باعاسى: 245 يۋان؛ تيىمدىلىك باعاسى: 160 يۋان


    تيانمىن تاۋىنىڭ بەلەت باعاسى: 258 يۋان؛ تيىمدىلىك باعاسى: 135 يۋان


    مەيلي شياڭشيدىڭ بەلەت باعاسى: 308 يۋان\A رايون؛ 268 يۋان\ Bرايون، 228يۋان\ c رايون


    «تيانمىن تۇلكى پەريزاتى شين ليۋحايدىڭ اعاش كەسۋى» (تيانمىن حۋشان-شينليۋحايكانچياۋ) بەلەت باعاسى: 238 يۋان؛ تيىمدىلىك باعاسى 140 يۋان


    حۋاڭلۇڭ ۇڭگىرىنىڭ بەلەت باعاسى: 100 يۋان؛ تيىمدىلىك باعاسى: 60 يۋان


    قىزمەت ۋاقىتى: ۋلينيۋان 6:30—18:30؛ تيانمىن تاۋى: 8:00—18:00


    قاتىناس كورسەتپەسى:


    جەكە اۆتوكولىك ساياحاتى:


    1. چاڭشا --چاڭشا-چاڭدى، چاڭدى-جاڭجياجيە جوعارى قارقىندى تاسجولى--جاڭجياجيە


    2. بەيجيڭ--(بەيجيڭ-جۋحاي جوعارى قارقىندى تاس جولى) چاڭشا--(چاڭشا-چاڭدى، چاڭدى-جاڭجياجيە جوعارى قارقىندى تاس جولى)جاڭجياجيە


    3. شاڭحاي--نانجيڭ--حفەي--چيانشان--حۋاڭگاڭ--ۋحان--چاڭشا--جاڭجياجيە؛ نەمەسە، شاڭعاي--حاڭجۋ--جينحۋا--چۇيجوۋ--نانچاڭ--جۋجوۋ--چاڭشا--جاڭجياجيە


    الەۋمەتتىك اۆتوبوز:


    ۋليڭيۋان، ورمان باقشاسى: جاڭجياجيە ورتالىق قاتىناس بەكەتى، جاڭجياجيە پويەز بەكەتى، جاڭجياجيە حىحۋا اۋەجايىنان كورىنىس رايونىنا باراتىن اۆتوبوز قاتىنايدى
    تيانمىن تاۋى كورىنىس رايونى: الەۋمەتتىك اۆتوبوز 10، 5، 6، 4-جول الەۋمەتتىك اۆتوبوز تيانمىن تاۋى اسپالى جولىنىڭ استىنا دەيىن بارادى.