گانسۋ ولكەسى جيايۇيگۋان قالاسى جيايۇيگۋان مادەني مۇرا ساياحات رايونى

جيايۇيگۋان گانسۋ ولكەسىنىڭ باتىس تەرىستىگىنە، حىشي كاريدورىنىڭ ورتا بولەگىنە ورنالاسقان، شىعىسى حىشيداعى ماڭىزدى جەر جيۋچۋان قالاسىمەن، باتىسى مۇناي قالاسى يۇيمىنمەن، تۇستىگى مەن تەرىستىگى جەكە-جەكە الەمدەگى ەڭ ۇلكەن توبەشىكپەن جانە قاراتاۋ شۋانبي ۇلى قورعانىمەن شەكتەسەدى. ميڭ پاتشالىعى ۇلى قورعانىنىڭ ەڭ باتىس ۇشىنداعى قامال، «الەمدەگى ەڭ قيىن قامال» دەگەن دە اتى بار.


        كورىنىس رايونىنىڭ تانىستىرۋى:


        جيايۇيگۋان گانسۋ ولكەسىنىڭ باتىس تەرىستىگىنە، حىشي كاريدورىنىڭ ورتا بولەگىنە ورنالاسقان، شىعىسى حىشيداعى ماڭىزدى جەر جيۋچۋان قالاسىمەن، باتىسى مۇناي قالاسى يۇيمىنمەن، تۇستىگى مەن تەرىستىگى جەكە-جەكە الەمدەگى ەڭ ۇلكەن توبەشىكپەن جانە قاراتاۋ شۋانبي ۇلى قورعانىمەن شەكتەسەدى. ميڭ پاتشالىعى ۇلى قورعانىنىڭ ەڭ باتىس ۇشىنداعى قامال، «الەمدەگى ەڭ قيىن قامال» دەگەن دە اتى بار. جەر جاعدايى كۇردەلى، كورىنىسى كوركەم دە ايبىندى، وڭتۇستىگى چيلانشان تاۋىمەن، تەرىستىگى مازۇڭشان تاۋىمەن تۇتاسىپ جاتادى، تاريحتاعى «جىبەك جولىنىڭ» ماڭىزدى قاتىناس تورابى.


        نەگىزگى ساياحات رايونى جيايۇيگۋان قامالى، شۋانبي ۇلى قورعانى، ۇلى قورعانداعى ەڭ ۇلكەن توبەشىك، ۋي-جين پاتشالىقتارىنىڭ مولاسى، قاراتاۋ جارتاس ويمالارى، مۋلان قالاسى، «1-شىلدە» مۇزدىعى، قالقىپ ۇشۋ بازاسى قاتارلى جاراتىلىستىق جانە گۋمانيتارلىق كورىنىستەردى قامتيدى.

     
        شۋانبي ۇلى قورعانى جيايۇيگۋان قامالىنىڭ تەرىستىگىنەن 8 كيلومەتر جەردەگى شىگۋاشيا قىساڭىنىڭ تەرىستىگىندەگى قاراتاۋدىڭ سولتۇستىك بەتكەيىندە، ميڭ پاتشالىعى داۋىرىندەگى گانسۋ ولكەسى باتىس ۇلى قورعانىنىڭ تەرىستىك شەتى، جيايۇيگۋان اسكەري بەكىنىسىنىڭ ٴبىر بولەگى. ميڭ پاتشالىعىنىڭ جياچيڭ 18-جىلدارى (1539-جىل) سالىنا باستاعان، قازىر 750 مەترى عانا ساقتالعان، 1987-جىلى قايتادان جوندەلگەن، مۇندا 231 مەتر سارى توپىراقتان سوعىلعان قورعان داۋالى بيىكتىگى 150 مەتر، كولبەۋلىگى 45 گرادۋستىق تاۋ جوتاسىنا سالىنعان، اسپاندا اسىلىپ تۇرعان سياقتى كورىنەتىندىكتەن «شۋانبي (بەتكەيگە اسىلعان) ۇلى قورعانى» دەپ اتالعان.


        جيايۇيگۋان ۇلى قورعان مۇراجايى ەلىمىزدىڭ ۇلى قورعان مادەنيەتىن جان-جاقتىلى، جۇيەلى تانىستىرعان ارناۋلى مۇراجاي. بۇرىنعى مۇراجاي 1989-جىلى قازاندا جيايۇيگۋان قالاسىندا سالىنعان، جاڭا مۇراجاي جيايۇيگۋان مادەني مۇرا ساياحات رايونىنا 2003-جىلى 1-مامىردا سالىنعان، جەر كولەمى 4523.36 شارشى مەتر، قۇرىلىس كولەمى 3499 شارشى مەتر. نەگىزگى قۇرىلىستىڭ سىرتقى فورماسى قاراۋىل مۇناراسىنا ۇقسايدى، دابىل قاعىپ قاراۋىلدا تۇرعان سياقتى، ۇلى قورعانمەن تۇتاسىپ تۇرادى. ىشىنە 7 كورمەگە بولىنگەن، جۇڭگونىڭ تاريح عىلىمى سالاسى، مادەني مۇرا، ارحەولوگيا سالاسىنىڭ ۇلى قورعان جونىندەگى جارتى عاسىردان ارتىق زەرتتەۋ ناتيجەلەرى كورسەتىلگەن، جاۋلاسقان بەكتىكتەر داۋىرىنەن ميڭ پاتشالىعىنا دەيىنگى 3000 جىلدىق ۇلى قورعان قۇرىلىسى تاريحى جونىندەگى ماتەريالدار كورمەدە جيناقتى كورسەتىلگەن، ساياحاتشىلارعا ۇلى قورعانعا قاتىستى بىلىمدەردى تولىق، جۇيەلى تانىستىرادى.


        ۇلى قورعانداعى ەڭ ۇلكەن توبەشىك تاۋلايحى توبەشىگى دەپ تە اتالادى، جيايۇيگۋان باتىس ۇلى قورعانىنىڭ ەڭ وڭتۇستىك شەتىندەگى، ميڭ پاتشالىعى ۇلى قورعانىنىڭ ەڭ باتىس شەتىندەگى قاراۋىل مۇنارا، ٴارى ۇلى قورعان بويىنداعى قۇرىلىستاردىڭ ىشىندەگى ەڭ ايبىندى، ەڭ جاقسى ساقتالعان ەجەلگى اسكەري وتكەل.



        كورىنىس رايونىنىڭ دارەجەسى: AAAAA


        ساياحاتتاۋدىڭ تاماشا مەزگىلى: مامىردان قازانعا دەيىن


        ساياحاتتاۋ ۋاقىتى: 3 تە 4 ساعات


        اشىلۋ ۋاقىتى: 8:30‐20:00 (قاۋىرت مەزگىل)، 8:30‐18:00 (سايابىر مەزگىل)


        بەلەت باعاسى: ٴار ادام 120 يۋان (قاۋىر مەزگىل: 1-مامىردان 31-قازانعا دەيىن)، ٴار ادام 100 يۋان (سايابىر مەزگىل: 1-قاراشادان 30-ساۋىرگە دەيىن)


        ادرەسى: گانسۋ ولكەسى جيايۇيگۋان قالاسى


        قاتىناسقا سىلتەمە:


        1. قالا ٴىشى


        1) كوشە اۆتوبۋزىنا وتىرىپ «چىڭلوۋ» بەكەتىنە تۇسەدى، بەلەت باعاسى 1 يۋان، اۆتوبۋزدان تۇسكەن سوڭ جاياۋ بارۋعا بولادى.


        2) ٴبىر كۇندىك ساياحات لەنياسى: جيايۇيگۋان قالاسى – جيايۇيگۋان ۇلى قورعانى ەڭ ۇلكەن توبەشىگى \ جيايۇيگۋان شۋانبي ۇلى قورعانى. اقىسى (بارىپ-كەلۋ) 50 يۋان، كولىكپەن 30 مينۋت شاماسىندا جۇرەدى.


        3) ٴوز كولىگىمەن جۇرەتىندەر ٴۇشىن: جيايۇيگۋان قالالىق ۇكىمەت – شينحۋا وڭتۇستىك جولى – يىڭبين شىعىس جولى – اينالما جول – شينحۋا وڭتۇستىك جولى – اينالما جول – شينحۋا ورتالىق جولى – لانشين باتىس جولى – گۋانچىڭ وڭتۇستىك جولى – جيايۇيگۋان مادەني مۇرا ساياحات رايونى (جولدىڭ سول جاعىندا) 1 دە 2 ساعات ۋاقىت كەتەدى


        2. سىرتتان كەلەتىندەر ٴۇشىن


        1) اۋە قاتىناسى: جيايۇيگۋان اۋەجايىنان ٴار اپتادا دۇنحۋاڭ، لانجوۋ، ٴۇرىمجى، شي-ان قاتارلى جەرلەرگە ۇشاق قاتىنايدى، ٴار اپتادا لانجوۋدان دۇنحۋاڭعا باراتىن ۇشاق تا جيايۇيگۋان اۋەجايىنا ايالدايدى.


        2) تەمىر جول: جيايۇيگۋان ۆاگزالىندا ٴۇرىمجى، لانجوۋ، بەيجيڭ، شاڭحاي، جىڭجوۋ، چىڭدۋ، شي-ان قاتارلى جەرلەرگە تىكە قاتىنايتىن پويەزدار بار، ٴارى ەۋرازيا ۇلى قۇرلىق كوپىرى ارقىلى شينجياڭنىڭ الاتاۋ وتكەلىن باسىپ موسكۆا جانە وزگە سولتۇستىك ەۆروپا ەلدەرىنە بارۋعا بولادى. جيايۇيگۋان مەن لانجوۋ قالاسى ارالىعىنا قوس باعىتتا تاڭەرتەڭ شىعىپ كەشتە جەتەتىن ەرەكشە قولايلى پويەز بار.


        3) تاسجول: جيايۇيگۋاندى 312 مەملەكەت تاسجولى كەسىپ وتەدى، جولاۋشىلار اۆتوبۋز بەكەتى جەڭىس جولى مەن لانشين باتىس جولىنىڭ تۇيىلىسىندە، ٴار كۇنى لانجوۋ، ۋ-ۋي، جينچاڭ، جاڭيە، يۇيمىن قالاشىعى، ٴۇرىمجى، شي-ان، لينشيا قاتارلى جەرلەرگە اۆتوبۋز قاتىنايدى. جيۋچۋان قالاسىنا جاقىن بولعاندىقتان ەكى اراعا كوشە اۆتوبۋزى قاتىنايدى. اۆتوبۋز جيۋچاندا قالالىق ەمحانانىڭ ماڭىنداعى گۋانشي ٴتورت كوشەسىنە، جيايۇيگۋاندا قالاداعى مادەنيەت سارايىنا توقتايدى، بەلەت باعاسى 3 يۋان. اۆتوبۋزبەن جيۋچۋانعا جارىم ساعاتتا، دۇنحۋاڭعا التى جارىم ساعاتتا جەتۋگە بولادى.

     

    اۋدارعان: العابەك قيسىنقان ۇلى