گانسۋ ولكەسى پيڭياڭ قالاسى كۇڭتۇڭشان تاۋى ايگىلى كورىنىس رايونى

كۇڭتۇڭشان تاۋى كورىنىس رايونى گانسۋ ولكەسى پيڭلياڭ قالاسىنىڭ باتىسىنداعى 12 كيلومەتر جەردە، جەر كولەمى 84 شارشى كيلومەتر، نەگىزگى شوقىسىنىڭ بيىكتىگى 2123 مەتر، بايىرعى جىبەك جولىنىڭ قامال ىشىنەن باتىسقا شىعاتىن بەكىنىسى. بۇل تاۋ ەجەلدەن بەرى «باتىسقا جەتكەندە كەزدەسەتىن العاشقى تاۋ»، «شيجىندەگى كەرەمەت»، «كۇڭتۇڭشان تاۋى الەمدەگى كوركەم تاۋ»، «قامالداردىڭ ەڭ ايبىندىسى»، «داۋيزمنىڭ باستاۋى» دەگەن اتاققا يە.


        كورىنىس رايونىنىڭ تانىستىرۋى:


        كۇڭتۇڭشان تاۋى كورىنىس رايونى گانسۋ ولكەسى پيڭلياڭ قالاسىنىڭ باتىسىنداعى 12 كيلومەتر جەردە، جەر كولەمى 84 شارشى كيلومەتر، نەگىزگى شوقىسىنىڭ بيىكتىگى 2123 مەتر، بايىرعى جىبەك جولىنىڭ قامال ىشىنەن باتىسقا شىعاتىن بەكىنىسى. بۇل تاۋ ەجەلدەن بەرى «باتىسقا جەتكەندە كەزدەسەتىن العاشقى تاۋ»، «شيجىندەگى كەرەمەت»، «كۇڭتۇڭشان تاۋى الەمدەگى كوركەم تاۋ»، «قامالداردىڭ ەڭ ايبىندىسى»، «داۋيزمنىڭ باستاۋى» دەگەن اتاققا يە. كۇڭتۇڭشان تاۋىندا كوپتەگەن ۇڭگىر بار، العاشقى ساناققا قاراعاندا ۇلكەندى-كىشىلى 32 ۇڭگىر بار ەكەن، تاۋدىڭ اتى دا وسى ۇڭگىرلەرگە بايلانىستى اتالعان.


        نەگىزگى كورىنىس رايوندارى: چاۋياڭدۇڭ ۇڭگىرى، لەيشىڭفىڭ شوقىسى، ليانحۋاسى بۇتحاناسى، نوم ساراي، جىن-ۋديان سارايى.


        لەيشىڭفىڭ شوقىسىنىڭ نەگىزگى شىڭى مازۇڭشان وڭتۇستىككە سوزىلىپ جاتقان سىلەم، ۇزىندىعى 200 مەتر، ەڭ بيىك جەرى 5 مەتردەن اسپايدى، تۇتاس تاۋ قىزعىلت تاستان قۇرالعان. لەيشىڭفىڭ شوقىسى تەرىستىكتەن تۇستىككە قاراي بىرتىندەپ الاسارادى، سوندىقتان شوقىنىڭ باسىندا تاۋدىڭ جاعدايىنا قاراي سالىنعان داۋيزم سارايلارى قاتار-قاتار بوي تۇزەپ، كوركەم سۋرەت سياقتى كوز تارتادى. لەيشىڭفىڭ شوقىسىنىڭ جارتاستارى قۇلا قۇز بولىپ كەلەدى، ناجاعايلى جاڭبىر جاۋعان سايىن، ناجاعاي ٴۇنى جارتاسقا جاڭعىرىپ، زەلزالا بولىپ، كىسىنىڭ ۇرەيىن ۇشىراتىندىقتان وسىلاي اتالعان.


        ليانحۋاسى بۇتحاناسى جازبالارعا قاراعاندا تاڭ پاتشالىعىنىڭ جىنگۋان جىلدارىندا سالىنا باستاعان، چىڭ پاتشالىعىنىڭ سوڭىندا سوعىس الاپاتىنان قيراعان. مينگونىڭ 4-جىلى (1915-جىلى) جۋ جينساي قاتارلىلار قارجى جيناپ 18 جىلدا سولتۇستىك تورىندەگى 3 سارايدى، 1 جەر تاۋاپحاناسىن، 1 بۇتحانا قاقپاسىن، 16 بولمەنى قالپىنا كەلتىرگەن. مينگونىڭ 25-جىلى جىڭ جۇننىڭ باسشىلىعىمەن شىعىسقا قاراعان كەرپىش-اعاشتان سالىنعان باتىس جاقتاعى 5 قاسيەتتى عيماراتتى سالدىرعان، كەيىن پۋشان، پۋحۋا قاتارلى موناحتاردىڭ باسشىلىعىمەن بۇتحانا قاقپاسى جاڭالانىپ، 3 ات قورا سالدىرعان، 1958-جىلدان كەيىن قاراۋسىز قالعان. 1983-جىلى موناح شى چاڭحۇي قارجى جيناپ باتىستاعى 6 بولمەنى قايتادان سالعان، 1985-جىلى وڭتۇستىككە قاراعان 3 ۇلكەن سارايدى جوندەگەن، داي گوحۋا دەگەن شەبەر بۇرحان ساكيا مونيدىڭ، مانجۋسريدىڭ، سامانتاپحادرانىڭ جانە ون سەگىز ارحاتتىڭ التىنمەن اپتالعان ٴمۇسىنىن سالعان. 1990-جىلى بۇددا ٴدىنى قوعامىنىڭ باسشىلىعىندا شىعىسقا قاراعان ٴۇش قاسيەتتى عيماراتتىڭ ٴۇش قاباتىنداعى 5 بولمەنى قالپىنا كەلتىرگەن، 1-، 2-قاباتى موناحتاردىڭ بولمەسى.


        چاۋياڭدۇڭ ۇڭگىرى شىزىليڭ شوقىسىنىڭ شىعىس بوكتەرىندەگى جارتاسقا سالىنعان، ونشا ۇلكەن ەمەس، اۋزىنىڭ كەڭدىگى 8 مەتر، بيىكتىگى 5 مەتر، تەرەڭدىگى 5 مەتر، ۇڭگىرگە شىعاتىن جول جوق، ساياحاتشىلار تىم سيرەك كەلەتىندىكتەن ەرەكشە تىنىش. ايتۋعا قاراعاندا تاڭعى كۇن ساۋلەسى ەڭ اۋەلى ۇڭگىرگە تۇسەتىندىكتەن وسىلاي اتالعان ەكەن.


        بىقتىرىلعان سان جانە پيڭلياڭ ۇگىلمەلى پراندىگى قاتارلى جەرگىلىكتى ەرەكشەلىككە يە تاعامدارى بار. پيڭلياڭ ۇگىلمەلى پراندىگى ۇگىلمەلى نان دەپ تە اتالادى، شانشى، گانسۋ، نيڭشيا ولكەلەرىندە اتى ايگىلى، ەرەكشە جەرگىلىكتى ٴتۇس العان، كەڭ تارالعان تاعام. ول حانزۋلاردىڭ ۇگىلمەلى پراندىگى جانە مۇسىلمانداردىڭ پراندىگى، سوزبا پراندىك دەپ ۇشكە بولىنەدى. حانزۋلاردىڭ ۇگىلمەلى پراندىگىنىڭ سارى مايى كوزگە كورىنبەيدى، اۋىزعا سالعاندا ٴتاتتى جانە كەرمەك ٴدامى بىلىنەدى. مۇسىلمانداردىڭ ۇگىلمەلى پراندىگىنىڭ سارى مايى ٴبىلىنىپ تۇرادى، اۋىزعا سالعاندا ٴتاتتى جانە كەرمەك ٴدامى بىلىنەدى. فورماسى الۋان ٴتۇرلى بولادى، سيىردىڭ ٴتىلى، شاقايدىڭ تابانى سياقتى ونشاقتى فورمادا بولادى. ەرەكشە ٴدامدى، ۇگىلگەن، الىپ جۇرۋگە قولايلى بولۋداي ەرەكشەلىكتەرى بار.



        كورىنىس رايونىنىڭ دارەجەسى: AAAAA


        ساياحاتتاۋدىڭ تاماشا مەزگىلى: ماۋسىمنان قاراشاعا دەيىن


        ساياحاتتاۋ ۋاقىتى: 4 ساعات


        بەلەت باعاسى:

     

         قاۋىرت مەزگىلدە (ساۋىردەن قازانعا دەيىن): 120 يۋان، سايابىر مەزگىلدە (قاراشادان ناۋرىزعا دەيىن) 60 يۋان


        اشىلۋ ۋاقىتى: 07:00‐19:00


        ادرەسى: گانسۋ ولكەسى پيڭلياڭ قالاسى كۇڭتۇڭ رايونىنىڭ باتىسىنداعى 12 كيلومەتر جەردە


        قاتىناسقا سىلتەمە:


        تەمىر جول: باۋجي-جۇڭۋي تەمىر جولى پيڭلياڭنان وتەدى، پيڭلياڭنان پويەزعا وتىرىپ لانجوۋ، شاڭحاي، ينچۋان، چىڭدۋ، ٴۇرىمجى قاتارلى جەرلەرگە بارۋعا بولادى، مۇندا ينچۋانعا ٴار كۇنى 4 كەزەك پويەز قاتىنايدى، پويەز ۆاگزالىنان 1-جول كوشە اۆتوبۋزى جانە شاعىن اۆتوبۋز قالاعا قاتىنايدى.


        تاسجول: پيڭلياڭنىڭ جول قاتىناسى ەرەكشە قولايلى، مەملەكەت جولى، ولكە جولى بولىپ جيىنى 600 نەشە كيلومەتر تاسجول بار، پيڭلياڭنان ۇزىن جولدى اۆتوبۋزعا وتىرىپ لانجوۋ، تيانشۇي، ٴۇرىمجى، جينچاڭ، بەيجيڭ قاتارلى جەرلەرگە بارۋعا بولادى.


        پويەز: پويەز بەكەتىنەن 1 نەمەسە 22-جول اۆتوبۋزىنا وتىرىپ، پانشۋان جولىنان ٴتۇسىپ، 720 مەتر ٴجۇرىپ، 13-جول اۆتوبۋزعا وتىرىپ كۇڭتۇڭشاننان ٴتۇسىپ، 620 مەتر جۇرگەندە جەتەسىز.

     

    اۋدارعان: العابەك قيسىنقان ۇلى