التاي ايماعى قاناس كولى كورىنىس رايونى

قاناس كولى كورىنىس رايونى شينجياڭنىڭ التاي ايماعىنا ورنالاسقان، قازاقستان، روسسيا، مۇڭعۇليا مەملەكەتتەرىمەن شەكارالاسادى، جالپى اۋماعى 10 مىڭ شارشى كيلومەتردىڭ ۇستىندە. قاناس كورىنىس رايونى قاناس حالىقارالىق گەولوگيالىق باقشاسى، جالدىڭ ءۇيى مەملەكەتتىك ورمان باقشاسى، قاناس كولى اڭعارى، حوم قىستاعى، اققابا قىستاعى سياقتى كورىنىس رايوندارىن مامتيدى. قاناس بويىنان ادام جانىن ەلىكتىرەتىن 6-7 ءتۇرلى ۆەرتيكال جاراتىلىستىق بەلدەۋدى،


    كورىنىس تۇيىندەرى جونىندەگى تانىستىرۋ:


    قاناس كولى كورىنىس رايونى شينجياڭنىڭ التاي ايماعىنا ورنالاسقان، قازاقستان، روسسيا، مۇڭعۇليا مەملەكەتتەرىمەن شەكارالاسادى، جالپى اۋماعى 10 مىڭ شارشى كيلومەتردىڭ ۇستىندە. قاناس كورىنىس رايونى قاناس حالىقارالىق گەولوگيالىق باقشاسى، جالدىڭ ءۇيى مەملەكەتتىك ورمان باقشاسى، قاناس كولى اڭعارى، حوم قىستاعى، اققابا قىستاعى سياقتى كورىنىس رايوندارىن مامتيدى. قاناس بويىنان ادام جانىن ەلىكتىرەتىن 6-7 ءتۇرلى ۆەرتيكال جاراتىلىستىق بەلدەۋدى، يرەلەڭدەي اعىپ جاتقان ەرتىس وزەنى سياقتى جاراتىلىستىق كورىنىس رايوندارىن تاماشالاۋعا بولادى، سونىمەن بىرگە قازاق ۇلتى، مۇڭعۇل ۇلتى، تۆالىقتاردىڭ تۇرمىس-تىرشىلىگىمەن تانىسۋعا بولاتىن، جاراتىلىستىق كورىنىس رايونى مەن ۇلتتىق كورىنىس رايوندارى ءبىر تۇتاس شوعىرلانعان ساياحات مەكەنى سانالادى.


    قاناس كولى قاناس كورىنىس رايونىنىڭ ىشىندەگى ەڭ اسىلى سانالىپ، «تاۋ اراسىنداعى يمەك اي» دەگەن اتى بار. قاناس كولىنىڭ فورماسى يمەك اي فورماسىندا بولىپ، جالپى ۇزىندىعى 24.5 كيلومەتر، ورتاشا كەڭدىگى 2 كيلومەترگە تاياۋ، ەڭ تەرەڭ جەرى 188.4 مەتر. قاناس كولىنىڭ ءتۇسى قۇبىلىپ تۇرادى، كەي كەزدە جاسىل تۇسكە، كەيدە كوگىلدىر تۇسكە وزگەرەدى، كول جيەگىنە اق قايىق، قاراعاي-شىرشالار ءوسىپ، قاناس كولىنىڭ كوركىنى كورىك قوسىپ، كول بەتىنىڭ بوياۋىن ءتىپتى دە ارلەي تۇسەدى. نار وركەش شوقىسىنىڭ باسىنداعى كورىنىس تاماشالاۋ تەكشەسىنەن بۇكىل قاناس كولىنىڭ كوركەم كورىنىسىن تاماشالاۋعا بولادى، وڭتۇستىككە قاراي جۇرگەندە قازان كول، اينا كول، كوك ءيرىم سىندى ءۇش سۋ ءيىنى كورىنىس رايونىن باسىپ وتەسىز، كوپتەگەن ساياحاتشىلار وسى ءۇش سۋ ءيىنى كورىنىس رايونىن جاياۋ ءجۇرىپ تاماشالاۋدى تاڭدايدى.


    قوم قىستاعى، اققابا قىستاعى، قاناس قىستاعىنداعىندا تۆالىقتار شوعىرلى قونىستانعان بولىپ، قوم قىستاعىنىڭ تۇرعىندارى ءۇش قىستاق بويىنشا جان سانى ەڭ كوپ، كولەمى ەڭ ۇلكەن قىستاق ەسەپتەلەدى. تۆالىقتار مۇڭعۇل ۇلتىنىڭ ءبىر تارماعى، اڭشىلىق، كوشپەلى مال شارۋاشىلىقپەن اينالىسادى، ولاردىڭ ءۇيى تۇگەلدەي اعاشتان جاسالعان بولىپ، ەشقانداي شەگە ىستەتىلمەيدى. ۇيگە قالانعان دوڭبەك اعاشتاردىڭ باسىن ءبىر-بىرىنە جىمداستىرا كىرىكتىرىپ، ءار قاتاردىڭ ارالىعىنداعى قۇسۋدى تۇزعا شىلانعان مۇكتەرمەن تولتىرىپ جاساعان، تابيعي ەرەكشەلىككە يە. ءار جىلدىڭ كوكتەم مەرەكەسى، شاعانىڭ ون بەسى، زولۋ مەرەكەسى، وباتاڭكۋ مەرەكەسى سياقتى ءداستۇرلى مەرەكەلەردە تۆالىقتار تىلەك تىلەۋ، قۇتتىقتاۋ قيمىلدارىن ۇيىمداستىرىپ، ات بايگەسى، كۇرەس سىندى مۇڭعۇل ۇلتىنىڭ ءداستۇرلى حالىقتىق كوڭىل اشۋ قيمىلدارىن وتكىزەدى ءارى قوي سويىپ، اركى ءىشىپ ەرەكشە دۋمانعا بولەنەدى.

     


    الۋان تۇسكە بولەنگەن ەرتىس وزەنىنىڭ جاعالاۋى قاناس كولىنە بارۋ ءۇشىن باسىپ وتەتىن جول، تيىپتىك كەرىش جەر بەدەرى بولىپ، ءاسىلى جازىق جەردى قۇمدى بوراننىڭ، سۋدىڭ جەمىرۋىندە جىلعالارعا بولىنگەن جەر ءپشىنىن قالىپتاستىرعان. بۇل جەردەگى تاۋ جىنستارى قىزىل ءتۇستى نەگىز ەتىپ، سارى، جاسىل، اق تۇستەر ارالاس الۋان ءتۇستى قالىپتاستىرعان، سوندىقتان دا بۇل جەردى «رەڭدى كەرىش» دەپ اتايدى. جالدىڭ ءۇيى ورمان باقشاسىندا ورمان، جايلاۋ، تەڭىز اعىسى، اڭعار كورىنىسى، بۇدان سىرت شالشىق كول، اقكول سياقتى كورىنىس تۇيىندەرى بار بولىپ، ءساتى ساياحاتشىلار بىرگە ارالاپ كورۋىنە بولادى.


    كورىنىس رايوننىڭ دارەجەسى: AAAAA


    ساياحاتتاۋ كۇنىنە ۇسىنىس: 2-1 كۇن


    ەسىك بەلەتى:


    قاناس كورىنىس رايونىنىڭ بەلەت باعاسى: ءبىر ادام 185 يۋان،


    قاناس كورىنىس رايونى ارالىعىنا قاتىنايتىن اۆتوبوز بەلەتى: ءبىر ادام 90 يۋان، ەكى رەت كىرسەڭىز رەت سانىنا 30 يۋان قوسىلادى.


    قوم ساياحات رايونىنىڭ بەلەت باعاسى: ءبىر ادام 60 يۋان


    اققابا كورىنىس رايونىنىڭ بەلەت باعاسى: ءبىر ادام 50 يۋان


    تۋالاردىڭ ءۇيىن ارالاۋ: ءبىر ادام 80 يۋان


    قوم قىستاعى، اققابا قىستاعىنىڭ اماندىق قورعاۋ اقىسى: 20 يۋان


    قاناس كورىنىس رايونىنان اققابا كورىنىس رايونىنا ءبىر جولدىق بەلەت باعاسى: ءبىر ادام 62 يۋان


    تەرەكتى قىستاعىنان اققابا كورىنىس رايونىنا ءبىر جولدىق بەلەت باعاسى: ءبىر ادامعا 62 يۋان


    ساياحات قايىعى: ءبىر ادامعا 120 يۋان جۇزۋ: ءبىر ادامعا 200 يۋان


    وت ساۋىق كەشى: ءبىر ادامعا 168 يۋان


    قىزمەت ۋاقىتى: تولىق كۇن


    مەكەن-جايى: شينجياڭ التاي ايماعى بۋىرشىن اۋدانى


    قاتىناس تاسىمال كورسەتكىشى:


    جەكە كولىك:


    ءۇرىمجى--بۋىرشىن--قاناس


    پويەز:


    كورىنىس رايونى بۋىرشىن اۋدانىندا پويەز بەكەتى جوق، كورىنىس رايونىنا ەڭ جاقىن پويەز بەلەتى بيتۇن قالاسى پويەز بەكەتى، ۇرىمجىدەن بيتۇنگە قاتىنايتىن پويەزگە وتىرىپ، بيتۇنگە جەتكەن سوڭ بيتۋن قاتىناس بەكەتىنەن بۋىرشىن اۋدانىنا قاتىنايتىن كەزەكتى اۆتوبوزعا وتىرىپ بۋىرشىن اۋدانىنا جەتەسىز، بۋىرشىننان جالدىڭ ۇيىنە قاتىنايتىن اۆتوبوزعا وتىرىپ، جالدىڭ ۇيىنەن كورىنىس رايونىنا قاتىنايتىن قاتىناسپەن كوزەۋلى جەرگە جەتەسىز.