تۇرپاننىڭ ءجۇزىم اڭعارى كورىنىس رايونى

«تۇرپان» ۇيعۇر تىلىندە ويپات دەگەن ماعىنادا، تۇرپاننىڭ باسىم كوپ ءبولىم جەرىنىڭ تەڭىز دەڭگەيىنەن بيىكتىگى 500 مەتردەن تومەن، جەر ءتۇزىلىسى ءبىرشاما ويپات بولعانىمەن ەلىمىز بويىنشا جازداعى اۋا تەمپىراتۋراسى ەڭ جوعارى جەر ەسەپتەلەدى. ويپاتتاعى جالىنتاۋ جۇڭگوداعى ەڭ ىستىق جەر بولىپ، جاز ماۋسىمىنداعى ەڭ جوعارى اۋا تەمپىراتۋراسى 40 گرادۋستان جوعارى، جەر بەتىنىڭ تەمپىراتۋراسى 60 گرادۋستان اسىپ كەتەدى. جاز ماۋسىمىندا كۇندىزگى اۋا تەمپىراتۋراسى ادام شوشىنارلىق دارەجەدە جوعارى بولىپ، كۇن نۇرىنىڭ


        كورىنىس تۇيىندەرى جونىندەگى تانىستىرۋ:


        «تۇرپان» ۇيعۇر تىلىندە ويپات دەگەن ماعىنادا، تۇرپاننىڭ باسىم كوپ ءبولىم جەرىنىڭ تەڭىز دەڭگەيىنەن بيىكتىگى 500 مەتردەن تومەن، جەر ءتۇزىلىسى ءبىرشاما ويپات بولعانىمەن ەلىمىز بويىنشا جازداعى اۋا تەمپىراتۋراسى ەڭ جوعارى جەر ەسەپتەلەدى. ويپاتتاعى جالىنتاۋ جۇڭگوداعى ەڭ ىستىق جەر بولىپ، جاز ماۋسىمىنداعى ەڭ جوعارى اۋا تەمپىراتۋراسى 40 گرادۋستان جوعارى، جەر بەتىنىڭ تەمپىراتۋراسى 60 گرادۋستان اسىپ كەتەدى. جاز ماۋسىمىندا كۇندىزگى اۋا تەمپىراتۋراسى ادام شوشىنارلىق دارەجەدە جوعارى بولىپ، كۇن نۇرىنىڭ ءتۇسۋ ۋاقىتى 12-13 ساعاتقا جەتىپ، تۇنگى تەمپىراتۋراسى بىرتىندەپ تۇسەدى، كۇندىز بەن ءتۇننىڭ اۋا تەمپىراتۋرا پارقى 15 گرادۋستان جوعاى بولادى، وسىنداي جاراتىلىستىق ورتانىڭ اسىرىنەن تۇرپان جەمىس-جيدەك وسىرەتىن قۇت مەكەنگە اينالعان.


        ءجۇزىم اڭعارى جالىنتاۋدىڭ ەتەگىندەگى قىساڭ اڭعارىندا بولىپ، وڭتۇستىك-سولتۇستىك ۇزىندىعى 8 كيلومەتر، شىعىس-باتىس كەڭدىگى 2 كيلومەتر، تۇرپان قالاسى رايونىنا ارا قاشىقتىعى 11 كيلومەتر. اڭعار ىشىنە ورنالاسقان ۇيعۇر ۇلتى، حۇيزۋ ۇلتى، حانزۋ ۇلتى قاتارلى ون مىڭنان استام تۇرعىن بار، كورىنىس رايونىندا ءجۇزىم اڭعارى ساياحات باقشاسى، ۋاڭ لوبيڭ مۋزىكا كوركومونەر سارايى، داۋاز ۇلتتىق سالت-سانا باقشاسى، اپانتي كوڭىل اشۋ باقشاسى، جاسىل القاپ ءجۇزىم باعى سياقتى 5 سايداحات ءتۇيىنى بار.


        ۇيعۇر ۇلتى تىلىندە ءجۇزىم اڭعارىن « بۇيلۇق» دەپ اتايدى، ماعىناسى ءارى كوپ ءارى جاقسى ءجۇزىم مەكەنى دەگەن ماعىنادا. ءجۇزىم اڭعارى كورىنىس رايونىندا بۇكىلدەي ءجۇزىم باعى بولىپ، جالپى 52 ءتۇرلى ۇقساماعان سورتتاعى ءجۇزىم وسىرىلەدى، ءونىم مولشەرى ەڭ كوبى ايگىلى ۇرىقسىز اق ءجۇزىم جانە سوقا ءجۇزىم، مونشاق ءجۇزىم، قىزىل ءجۇزىم، قارا ءجۇزىم، ۇرىقسىز كۇلگىن ءجۇزىم، ۇرىقسىز قىزىل ءجۇزىم، حوش ءيىستى ءجۇزىم سياقتىلار. جۇزىمدەردىڭ سورت ءتۇرى كوپ بولىپ عانا قالماي، ونىڭ ۇستىنە وتە ساپالى، تاتىلىك دارەجەسى %19 تەن اسىپ، ءدامى ءتىل ۇيىرەدى.
    كورىنىس رايونىنان بىرشاما بيىك سالىنعان بورقاقحانالاردى كورەسىز، بۇل ۇيلەر جەرگىلىكتى قىستاق تۇرعىندارىنىڭ ءجۇزىم كەپتىرەتىن سالقىن ءۇيى بولىپ، توپىراق كرپىشتەرمەن قالانىپ، تىك ءتورتبۇرىش فورماسىندا سالىنعان، ءتورت جاق قابىرعاسىندا سانسىز ساڭلاۋلار اشىلىپ، بۇدان اۋا الماسادى جانە كۇننىڭ نۇرىن توسادى. جاز ماۋسىمىندا ءجۇزىم پىسقاننان كەيىن ءجۇزىمدەر ساباق-ساباعىمەن بورقاقحانالاردىڭ ىشىنە ءىلىنىپ، ساڭلاۋلاردان ىستىق جەل ءوتىپ، تابيعي تۇردە مەيىز بولىپ پىسادى.


        «داۋاز» ۇيعۇر تىلىندەگى ماعىناسى بيىك سىرىقتان ءجۇرۋ، ۇيعۇر ۇلتىنىڭ ءداستۇرلى سەرىك ويىنى بولىپ، شامامەن 1000 نەشە جىلدىق تاريحقا يە، بۇگىندەرى ءار كۇنى داۋاز ۇلتتىق سالت-سانا باقشاسىندا ونەر كورسەتىلەدى. باقشانىڭ ىشىندە «دۇنيەجۇزىلىك ۇلكەن تونار» بار، بۇل تونار سيليندىر پىشىندە سالىنىپ، ديامەترى 10 مەتر، بيىكتىگى 8 مەتر، بۇعان نان عانا پىسىرىپ عانا قالماي ءبىر تۇيەنى، ەكى سيىردى، ون قويدى ءبىر جولدا قاقتاۋعا بولادى.


        ساياحاتشىلار كورىنىس رايونى ىشىندەگى باسقا كورىنىس رايوندارىن ارالاۋىنا بولادى. ۋاڭ لوبيڭ مۋزىكا كوركومونەر سارايىندا باتىس ءوڭىردىڭ ءان پاتشاسى اتانعان ۋاڭ لوبيڭنىڭ جۇزدەن استام سۋرەتى جانە قۇندى مادەني مۇرالارى قويىلعان، ۋاڭ لوبيڭنىڭ كەزىندەگى ەڭبەگى مەن اڭگىمەلەرى كورسەتىلگەن. اپانتي ۇلتتىق سالت-سانا باقشاسىندا «اپانتي ۇلتتىق مۇراجايىندا» تاڭ پاتشالىعىنان چيڭ پاتشالىعىنا دەيىنگى ۇيعۇر ۇلتىنىڭ اتا-بابالارىنىڭ تۇرمىسى، ءوندىرىس قۇرال-جابدىقتارى، مۇراعاتتارى قويىلعان، جاسىل القاپ ءجۇزىم باقشاسىنان اڭىزداردا ايتىلاتىن اپانتيدىڭ بايداۋلەتىن (باي ءارى جەر يەسى دەگەن ماعىنادا) كورەسىز.


        ءار جىلى تامىز ايىندا تۇرپاندا ءجۇزىم مەرەكەسى وتكىزىلىپ، ۇيعۇر ۇلتتىق ءان-ءبي نومىرلەرى قويىلىپ، الىس-جۋىقتان كەلگەن ساياحاتشىلاردى قىزۋ مەرەيمەن قارسى الادى. مەرەكە كەزىندە ساياحاتشىلار ءجۇزىم، قۇمىل قاۋىنى، تۇت جەمىسى سياقتى جەمىس-جيدەكتەردەن ءدام تاتىپ، «دۇنيەجۇزىلىك ۇلكەن توناردا» پىسىرىلعان نان جانە قاقتالعان قوي، تاۋىق سياقتى ەتتى تاعدامداردى جەپ، داۋاز ونەرىن تاماشالاپ، ۇيعۇر ۇلتىنىڭ نەكە توي ويىنىن كورەدى، سونىمەن بىرگە ۇيعۇر قىزدارىنىڭ ۇزىن شاش باسەكەسى، ءجۇزىم جەۋ جارىسى ت.ب جارىستارىنا قاتىناسۋعا بولادى، ەرەكشە دۋماندى مەرەكە وتكىزىلەدى.


    كورىنىس رايوننىڭ دارەجەسى: AAAAA


    ساياحاتتاۋ كۇنىنە ۇسىنىس: 3 ساعات


    ساياحاتتاۋ مەزگىلىنە ۇسىنىس: تامىز ايىنىڭ الدى-ارتى


    ەسىك بەلەتى: 75 يۋان


    قىزمەت ۋاقىتى:


    ءساۋىر ايىنىڭ 21-كۇنىنەن قازان ايىنىڭ 20 كۇنىنە دەيىن 8:00-21:00


    قازان ايىنىڭ 21-كۇنىنەن ءساۋىر ايىنىڭ 20 كۇنىنە دەيىن 10:00-18:30


    مەكەن جايى: شينجياڭ ۇيعۇر اۆتونوميالى رايونى تۇرپان قالاسى


    قاتىناس كورسەتكىشى:


    الەۋمەتتىك اۆتوبوز: 1-جول، 2-جول، 5-جول، 7-جول، 101-جول، 102-جول، 202-جول كوشە اۆتوبوزىمەن بارۋعا بولادى.


    جەكە كولىك: تۇرپان-ءۇرىمجى- دابانچىڭ جوعارى قارقىندى تاس جولى (321 مەملەكەتتىك تاسجول)