شىزۇيشان قالاسى شاحۋ ساياحات كورىنىس رايونى

شاحۋ ساياحات كورىنىس رايونى نيڭشيا شىزۇيشان قالاسى مەن پيڭلو اۋدانىنىڭ ارالىعىندا. شىزۇيشان قالاسىنان 26 كيلومەتر الىس. ولكە ورتالىعى يىنچۋان قالاسىنان 56 كيلومەتر. شاحۋ كورىنىس رايونىندا چاڭجياڭنىڭ وڭتۇستىگىندەگى مەكەننىڭ تابيعاتى ساقتالعان ءارى باتىس تەرىستىكتەگى قۇمدى رايون ەرەكشەلىگىن بايقاۋعا بولادى.


    كورىنىس رايونىن تانىستىرۋ:


    شاحۋ ساياحات كورىنىس رايونى نيڭشيا شىزۇيشان قالاسى مەن پيڭلو اۋدانىنىڭ ارالىعىندا. شىزۇيشان قالاسىنان 26 كيلومەتر الىس. ولكە ورتالىعى يىنچۋان قالاسىنان 56 كيلومەتر. شاحۋ كورىنىس رايونىندا چاڭجياڭنىڭ وڭتۇستىگىندەگى مەكەننىڭ تابيعاتى ساقتالعان ءارى باتىس تەرىستىكتەگى قۇمدى رايون ەرەكشەلىگىن بايقاۋعا بولادى. كورىنىس رايونىندا كول سۋى مەن قۇمدى ءشول ورگانيكالى ۇشتاسقان. قامىس پەن حىحۋا گۇلى بىتىك وسكەن. قۇستار جاسىل مەكەندە دامىلداپ، بالىقتار سۋدا ەركىن جۇزەدى. ساياحاتتاپ كوڭىل اشۋدىڭ قولايلى ورنى. شاحۋ ساياحات كورىنىس رايونى جۇڭگوداعى 10 ۇلكەن سازدىق مەكەنى، جۇڭگوداعى 10 ۇلكەن كوڭىل اشۋ ساياحاتتاۋ ورنى اتاعىن العان.


    شاحۋ ساياحات كورىنىس رايونىنىڭ جەر كولەمى 80 شارشى كيلومەتر، سۋلى جەر كولەمى 45 شارشى كيلومەتر، قۇمدى جەر كولەمى 23 شارشى كيلومەتر. باستى كورىنىس رايوندارىنان: قۇستار مەكەنى كورىنىس رايونى، 10 مىڭ مۋلىق ءلالا گۇلى كورىنىس رايونى، نيلو وزەنى كورىنىس رايونى، قۇمداعى جىبەك جولى كورىنىس رايونى قاتارلىلار.


    كورىنىس رايونىنا كەلگەندە ايدىندى سۋلى ءوڭىر كوزگە شالىنادى. شاحۋ كولىنىڭ سۋى تۇنىق، ماڭايىنداعى سارعىش قۇمدى توپىراقتان دارالانىپ تۇرادى. كول بەتىندە كىسى بويىنان بيىك قامىستار جەلمەن تەربەلەدى. الىستاعى سازدىقتا قۇستار ۇيا سالىپ مەكەندەگەن. كەيبىر قۇستار كول بەتىن جاناسالاي قالىقتايدى. بۇنداي كورىنىس باتىس تەرىستىك رايوندا سيرەك ۇشىرايدى.


    سازدى ەكولوگيا مەن بىتىك وسكەن قامىس شاحۋدى قۇستاردىڭ مەكەنىنە اينالدىرعان. شاحۋدا 200 تۇرلىدەن اساتىن ءبىر ميلليوننان ارتىق قۇستار مەكەندەيدى. نيڭشياداعى جالپى قۇستار سانىنىڭ 3 ۇلەسىنە دەيىن ارتىق. اتى زاتىنا ساي قۇستاردىڭ ۇجماعى. كورىنىس رايونىنىڭ ىشىندە باينياۋلى كوڭىل اشۋ ورنى، قۇستار ارالى، قۇستاردى قۇتقارۋ پۋنكيتى قاتارلى ورىندار ىرگە تەپكەن. باستى قۇس تۇرلەرىنەن اق تىرنا، قارا تىرنا، اققۋ، سۇر تىرنا، ۇيرەك، قىزىل توبەل تىرنا قاتارلىلار كەزدەسەدى. ءار جىلى 4-5 ايلاردا، 9-10 ايلاردا ءبىر ميلليوننان استام جىل قۇستارى كەلىپ، كولدى دۋمانعا بولەيدى. شاحۋدا وندىرىلەتىن بالىق تۇرلەرى مول، كولدىڭ وڭتۇستىگىندەگى سۋ ونىمدەرى سارايىندا ۋچاڭ بالىعى، بالا بالىق، اكۋلا قاتارلى نەشە ونداعان باعالى بالىق تۇرلەرىن كورۋگە بولادى.


    قۇمدى ءوڭىر جانە سازدىقتى تاماشالاۋدان سىرت، شاحۋ كورىنىس رايونىندا باسقالاي كوڭىل اشۋ ورىندارى بار. نيلو وزەنى كورىنىس رايونىندا ءار مەملەكەت ونەرپازدارىنىڭ قۇم ويما تۋىندىلارى كورمەگە قويىلعان. ءلالا گۇلى باقشاسى شاحۋدىڭ شىعىس تۇسىندا. جازدىگۇنى 10 مىڭ مۋلىق ءلالا تەگىس گۇل اشادى. قۇمداعى جىبەك جولى كورىنىس رايونىندا بايىرعى زامانداعى قۇرلىق جىبەك جولىنىڭ كەلبەتىن تاماشالاۋعا بولادى.


    شاحۋدىڭ جاراتىلىستىق تابيعات جاعدايىنا بىرلەستىرە وتىرىپ، كورىنىس رايونىندا ءتۇرلى-ءتۇستى تاماشالايتىن ورىندار، كوڭىل اشۋ قۇرىلعىلارى ورنالاسقان. سۋ ۇستىندەگى ۇشقىر كەمە، سۋعا پاراشوتپەن قارعۋ، سۋ ءۇستى موتوسيكىلىن جۇرگىزۋ، تولقىن جارۋ قاتارلى قيمىلدار وتە قىزعىلىقتى. قۇرلىقتاعى قۇمدى وڭىردە شاعىن جارىس اۆتوكولىگىن جۇرگىزۋ، دالا اۆتوموبيلىن جۇرگىزۋ، قۇمعا سىرعاناۋ، قۇمدا ۆالەيبول ويناۋ، قۇمدا فۋتبول تەبۋ قاتارلى ويىندار بار. تۇيەگە ءمىنىپ قۇمدى القاپتى ساياحاتتاي الاسىز. شاعىن ايروپلانعا وتىرىپ اسەم تابيعاتتى زەڭگىر كوكتەن تاماشالاۋىڭىزعا بولادى.



    كورىنىس رايونىنىڭ دارەجەسى: A A A A A


    ساياحات ۋاقىتىنا ۇسىنىس: 6-8 ساعات


    ساياحاتقا قولايلى ماۋسىم: 5-10 ايلار


    ەسىك بەلەتى:


    4-ايدىڭ 1-كۇنىنەن 10-ايدىڭ 31-كۇنىنە دەيىن: ءار ادامعا 60 يۋان؛ 11-ايدىڭ 1-كۇنىنەن 3-ايدىڭ 31-كۇنىنە دەيىن: ءار ادامعا 40 يۋان


    سىرتقا ەسىك اشۋ ۋاقىتى: 8:00-18:00


    ورنى: نيڭشيا شىزۇيشان قالاسى


    قاتىناس باعدار كورسەتكىشى:


    يىنچۋاننان شاحۋعا دەيىن:


    يىنچۋان بەيمىن ساياحات اۆتوكولىك بەكەتى-شاحۋ ساياىات ارناۋلى لەنياسى-شاحۋ ساياحات كورىنىس رايونى(دا-ۋكوۋ، حۇينۇڭ، حۇڭگوزى، رۋجيگوۋ، لوڭحۋ، پيڭلۋو، ياۋفۋ، شاحۋ قاتارلى ورىنداردى ارالاۋعا ءارى تىكە شاحۋعا باراتىن اۆتوبۋزعا وتىرۋعا بولادى. )


    شىزۇيشاننان شاحۋعا:


    دا-ۋكوۋ رايونى اۆتوكولىك بەكەتىنەن شىعىپ يىنچۋان، ياۋفۋ قاتارلى ورىنداردان شاحۋعا باراتىن كولىك الماستىرادى.


    پيڭلۋودان شاحۋعا: پيڭلۋو شيمىن اۆتوكولىك بەكەتى—شاحۋ ارناۋلى لەنيا كولىگى—شاحۋ ساياحات كورىنىس رايونى