جۇڭۋي قالاسى شاپوتوۋ ساياحات كورىنىس رايونى

شاپوتوۋ نيڭشيا دۇڭگەن اۆتونوميالى رايونى جۇڭۋي قالاسى قالا رايونىنىڭ باتىسنداعى تىڭگىلي قۇمدى ءوڭىرىنىڭ شىعىس وڭتۇستىك تۇسىنا ورنالاسقان. كورىنىس رايونىنىڭ ۇزىنى 38 كيلومەتر، ەنى 5 كيلومەتر. تەڭىز دەڭگەيىنەن بيىكتىگى 1300-1500 مەتر، جالپى جەر كولەمى 4599،3 گەكتار.



    كورىنىس رايونىن تانىستىرۋ:


    شاپوتوۋ نيڭشيا دۇڭگەن اۆتونوميالى رايونى جۇڭۋي قالاسى قالا رايونىنىڭ باتىسنداعى تىڭگىلي قۇمدى ءوڭىرىنىڭ شىعىس وڭتۇستىك تۇسىنا ورنالاسقان. كورىنىس رايونىنىڭ ۇزىنى 38 كيلومەتر، ەنى 5 كيلومەتر. تەڭىز دەڭگەيىنەن بيىكتىگى 1300-1500 مەتر، جالپى جەر كولەمى 4599،3 گەكتار. جۇڭۋي قالاسى قالا رايونى جەر اۋماعىنىڭ ﹪ 3 ىن ۇستايدى. ەلىمىزدەگى قۇمدى تىزگىندەۋدەگى ماڭىزدى 20 ورىننىڭ ءبىرى. شاپوتوۋدا قۇمدى ءشول، جاسىل القاپ، اسقار تاۋ، سارى وزەننىڭ تابيعاتى ءبىر تۇلعالانعان. باتىس ءوڭىردىڭ ايبىندى كەلبەتى، جياڭنان ءوڭىرىنىڭ اسەم بەينەسى كەرەمەت جاراسىم تاپقان. اۆتوكولىقپەن جاناي وتكەندەر كوسىلە سوزىلعان قۇمدى ءشول مەن يرەلەڭدەي اققان وزەن كورىنىسىنەن ءلازات الادى.


    شاپوتوۋ مەملەكەت دارەجەلى جاراتىلىستىق قورىق رايونىنىڭ باستى قورعاۋ وبيەكتىسى جاراتىلىستىق قۇمدى ءشول، جاراتىلىستىق قۇمدى ءشول وسىمدىك جامىلعىسى، قۇمدى تىزگىندەۋدىڭ عىلىمي زەرتتەۋ تابىستارى، جابايى حايۋاناتتار، ميڭ داۋىرىندەگى بايىرعى قالا، شاپو قۇم شۋىلى قاتارلى گۋمانيتارلىق كورىنىستەردى، جاراتىلىستىق تابيعات ورىندارىن ءوز ىشىنە الادى.


    جاراتىلسىتىق قورىقتا الۋان ءتۇرلى وسىمدىك جانە حايۋاناتتار تۇرلەرى ساقتالعان ءارى اسا مول سازدىق ورنالاسقان.


    جاراتىلىستىق قورىق رايونىن باسقارۋ قۇرىلىمىنىڭ اتى «نيڭشيا جۇڭۋي شاپوتوۋ مەملەكەت دارەجەلى جاراتىلىستىق قورىق رايونىن باسقارۋ مەكەمەسى» بولىپ بەكىتىلگەن. نيڭشيا ورتانى قورعاۋ مەكەسىنىڭ تىكە باسقارۋىنا قارايدى. اكىمشىلىك دارەجەسى باسقارما دارەجەلى ورىن. بۇل ارادا سۋ بايلىعىن قالپىنا كەلتىرۋ جانە قورعاۋ ارقىلى قورىق رايونىنداعى وزگەشە قۇمدى القاپ پەن شاعىن جاسىل ءوڭىر ەكولوگيالىق جۇيەسى قالىپتاسقان. سونىمەن بىرگە قورىق باسقارۋ ورنى جابايى قۇمدى ءوڭىر ورگانيزم تۇرلەرى مەن ورگانيزم شوعىرىنىڭ تىرشىلىك جاعدايىن قاداعالايدى جانە تۇرلەرىن جەتىلدىرىپ دامىتادى. قۇمايتتانۋ اۋماعىنىڭ ارتۋىن تىزگىندەي وتىرىپ، سۋدىڭ ازايۋى مەن توپىراقتىڭ شايىلۋىنىڭ الدىن الادى. باعالى، تۇقىمى قۇرۋعا تاياعان ورگانيزمدەردى جەتىلدىرۋ بازا قۇرىلىسىنىڭ قۇرىلعىلارىن باسقارۋ ارقىلى ادامزات قيمىلىنىڭ وزەكتى رايونعا بولعان كيلىگىۋى مەن بۇلدىرۋىنەن ساقتانادى.


    شاپوتوۋدىڭ قۇمدى ءشول كورىنىسى الىس جاقىنداعى ساياحاتشىلاردى وزىنە توتەنشە باۋرايدى. بۇل جەردە «اكە قايدا باراسىڭ» تەلەسەريالى كەسكىنگە الىنعان. اتا-انا مەن بالالارىنىڭ بىرگە ساياحاتتاۋىنا باپ كەلەدى. كەزىندە ا ق ش-ىنداعى ايگىلى «مەملەكەتتىك جاعىراپيا» جۋرنالى دۇنيە جۇزىندەگى عاجايىپ كورىنىس ورىندارىنىڭ ءبىرى رەتىندە الەمگە جاريالاعان. جاراتىلىستىق قورىق رايونى دۇنيەدەگى ماڭداي الدى قۇمدى ءشول ەكولوگيالىق ەرەكشەلىگىنە يە. قازىرگە دەيىن قۇمى ءونىمدى تىزگىندەلگەن. ءشولدى قۇمدى ءوڭىر بايلىق قاينارىنىڭ «قامباسى». اسا ماڭىزدى عىلىمي زەرتتەۋ قۇنىنا يە.



    كورىنىس رايونىنىڭ دارەجەسى: A A A A A


    ساياحات ۋاقىتىنا ۇسىنىس: 1 كۇن


    ساياحاتقا قولايلى ماۋسىم: ءار جىلدىڭ 7-11 ايلارى شاپوتوۋدى ساياحاتتاۋدىڭ وڭتايلى مەزگىلى


    ەسىك بەلەتى: ساياحاتتىڭ وڭتايلى ماۋسىمىندا (4-ايدىڭ 1-كۇنىنەن 10-ايدىڭ 30-كۇنىنە دەيىن): ءار ادامعا 100 يۋان؛ (11-ايدىڭ 1-كۇنىنەن 3-ايدىڭ 31-كۇنىنە دەيىن): ءار ادامعا 45 يۋان


    سىرتقا ەسىك اشۋ ۋاقىتى: 8:00-18:00


    ورنى: نيڭشيا ولكەسى جۇڭۋي قالاسى شاپوتوۋ يىڭشۇيچياۋ قالاشىعى


    قاتىناس باعدار كورسەتكىشى:


    پويەز بەكەتى:


    1. جۇڭۋي پويەز بەكەتىنەن باتىس باعىتقا قاراي جولعا شىعىپ جاياۋ 80 مەتر ءجۇرىپ سولعا بۇرىلادى.


    2. جاياۋ 90 مەتر ءجۇرىپ، وڭ جاقتاعى ەرەن بازاردان ءوتىپ 70 مەتردەي جۇرگەن سوڭ سولعا بۇرىلادى.


    3. جاياۋ 50 مەتر ءجۇرىپ وڭعا قيىستاپ گۋلوۋبەيجيە كوشەسىنە قاراي


    4. گۋلوۋبەيجيە كوشەسىن بويلاپ جاياۋ 470 مەتردەي ءجۇرىپ شاپوتوۋعا بارادى


    ايردروم:


    ارالىعى ءبىرشاما جاقىن. اۆتوكولىك ارقىلى العا قاراي جۇرەدى.


    يىنچۋاننان:


    1. پويەزگە وتىرىپ جۇڭۋي قالاسىنا بارادى، جۇڭۋي قالاسىنان اۆتوكولىك ارقىلى شاپوتوۋعا جەتەدى—شاپوتوۋ شاعىن اۆتوبۋزى


    2. شيننانمىن اۆتوكولىك بەكەتىنەن شاعىن اۆتوبۋزعا وتىرىپ، جۇڭۋيدان جولاۋشىلار اۆتوبۋزىنا وتىرادى. جۇڭۋيدان كىرەكولىگىنە وتىرىپ شاپوتوۋعا جەتەدى—شاپوتوۋ شاعىن اۆتوبۋزى


    3. ساياحاتقا قىزمەت وتەۋ ورىندارىنا تىزىمدەلەدى، كورىنىس رايونىنىڭ ەسىك بەلەتى وقۋشىلاۋ كۋالىگىنە ءتيىمدى باعادا ساتىلادى.