چۇڭچيڭ دازۋ تاس ويما كورىنىس رايونى

دازۋ تاس ويما چۇڭچيڭ قالاسى دازۋ رايونى ىشىندە بولىپ، باستىسى جارتاس سۋرەتى ۇڭگىر بۇتحاناسىنىڭ جالپى اتالۋى. تاڭ پاتشالىعىنىڭ سوڭى، سۇڭ پاتشالىعىنىڭ باستاپقى مەزگىلىندە ءدىني تاس ويمالار بۇددا ءدىنىن باستى تاقىرىپ ەتكەن، وتە-موتە سولتۇستىك جارتاس سۋرەتى جانە باۋديڭ تاۋى جارتاس سۋرەتى ەڭ ايگىلى بولىپ، جۇڭگونىڭ ايگىلى بايىرعى تاس ويما كوركومونەرى سانالادى


    كورىنىس تۇيىندەرى جونىندەگى تانىستىرۋ:


        دازۋ تاس ويما چۇڭچيڭ قالاسى دازۋ رايونى ىشىندە بولىپ، باستىسى جارتاس سۋرەتى ۇڭگىر بۇتحاناسىنىڭ جالپى اتالۋى. تاڭ پاتشالىعىنىڭ سوڭى، سۇڭ پاتشالىعىنىڭ باستاپقى مەزگىلىندە ءدىني تاس ويمالار بۇددا ءدىنىن باستى تاقىرىپ ەتكەن، وتە-موتە سولتۇستىك جارتاس سۋرەتى جانە باۋديڭ تاۋى جارتاس سۋرەتى ەڭ ايگىلى بولىپ، جۇڭگونىڭ ايگىلى بايىرعى تاس ويما كوركومونەرى سانالادى. ب م ۇ «دۇنيەجۇزىلىك مادەني مۇرعاتتار» تىزىمدىگىنە، مەملەكەتتىك تۇڭعىش توپتاعى A5 دارەجەلى كورىنىس رايونى، دۇنيەجۇزىلىك سەگىز ۇلكەن تاس ۇڭگىر بۇتحاناسىنىڭ ءبىرى، «شىعىس كوركومونەر اسىلى»، ايگىلى كوركومونەر جاۋھارى، تاريحي اسىل قازىنا جانە بۇددا ءدىنىنىڭ قاسيەتتى مەكەنى سانالادى. كوپتەگەن ەلى ءىشى-سىرتىنداعى بەلدى قايراتكەرلەر، وقىمىستىلار تاڭعالدىرعان ءارى تامساندىرعان، جۇڭگو-شەتەل ساياحاتشىلارىنىڭ سىچۋان-چۇڭچيڭ ساپارىنداعى ءسوزسىز ساياحاتتتايتىن مەكەنى ەسەپتەلەدى.


        باستى كورىنىس ءتۇيىندەرى: دازۋ تاس ويماسى، باۋديڭ تاۋى تاس ويماسى، بەيشان تاس ويماسى، شىمىن تاۋى تاس ويماسى، شىجۋان تاۋى تاس ويماسى، نانشان تاس ويماسى.


        باۋديڭ تاۋى تاس ويماسى دازۋ اۋدانىنىڭ لۇڭگاڭ قالاشىعىنىڭ شىعىس سولتۇستىگىندەگى 15 كيلومەتر جەردە، تەڭىز دەڭگەيىنەن بيىكتىگى 527.83 مەتر. جار-قاباقتارعا تۇگەلدەي بۇددا ءمۇسىنى ويىلعان، مۇنىڭ ىشىندە شىنشوۋ بۇتحاناسىن وزەك ەتكەن ۇلكەن بۇت، كىشى بۇت ءمۇسىنى قامتىلادى. شەبەر ويىلعان، جاقسى ساقتالعان «التىنشى ۇرپاق بۇددا ءدىنىن تاراتۋشى بۇددا ءپىرى» جاۋ جىفىڭنىڭ ءمۇسىنى وڭتۇستىك سۇڭ پاتشالىعى شياۋزۇڭ زامانى چۇنشيدىڭ دەيىن مەش تۋرىن جىلىنان لۋزىيۋ جىلدارى ارالىعىندا (جاڭا ەرانىڭ 1252-1174 جىل ارالىعى) 70 نەشە جىل تۇلعالىق جاقتان جوبالاپ جاسالىپ شىققان ءىرى ءتيپتى بۇددا ءدىنى قۇپيا عيبادات ءۇيى ەسەپتەلەدى. شىنشوۋ بۇتحاناسى ميڭ، چيڭ ەكى پاتشالىق داۋىرىندە قايتالاي جاسالعان. قازىر شانمىن، تيانۋاڭ سارايى، ديشى سارايى، داشيۇڭ سارايى، ءۇش ۇرپاق بۇددا سارايى، شىراقدان سارايى جانە ۋيمو سارايى جەتى قابات عيباداتحاناسى، چيڭ پاتشالىعى داۋىرىندە قايتالاي سالىندى.


        بەيشان جارتاس ءمۇسىنى تاڭ پاتشالىعىنىڭ سوڭعى داۋىرىنەن باستاپ ويىلىپ وڭتۇستىك سۇڭ پاتشالىعى داۋىرىندە اياقتادى، تاس ويما دازۋ رايونىنىڭ سولتۇستىگىندەگى 2 كيلومەتر جەردەگى بەيشان تاۋىندا. بەيشان، بايىرعى اتى لۇڭگاڭشان تاۋى، تەڭىز دەڭگەيىنەن بيىكتىگى 545.5 مەتر. باستى تاس ويمالاردان: ۋيجۇنچين، پيشامىن تيانۋاڭ، شيانشۋ گۋانيۇن، ساكياموني. مۇنىڭ ىشىندە گۋانين فۋسا دازۋ تاس ويمالارىنىڭ ىشىندەگى ەڭ شوعىرلى، ەڭ كوپ، ەڭ شەبەر ويىلعان. گۋاشىين ماعىنالىق اۋدارىما بولىپ «شاپاعاتشى»، «جارىلقاۋشى»، «ەركىندىك قۇدايى» سياقتى ماعىنا بەرەدى. «گۋانشىين» تاڭ داۋىرىندە لي شىميننىڭ قۇرمەت اتى، قىسقارتىپ «گۋانين» دەپ اتالىپ قازىرگە دەيىن قولدانىلىپ كەلەدى. جاڭا ەرادان بۇرىنعى 7 عاسىردا تانجۋردە (ينديانىڭ ەجەلگى اتى) «گۋانشىين» ەگىز قۇلىننىڭ اتاۋى. جاڭا ەرادان بۇرىنعى 3 عاسىردا بۇددا ءدىنى بارلىققا كەلىپ، فولومىن دىنىندەگى «شاپاعاتشى» گۋانشىيندى بۇددا ءدىنى قابىلداپ شاپاعاتشى بۇرحانعا اينالىپ، «شاپاعاتشىلاردىڭ ءپىرى» اتالدى. جاڭا ەرانىڭ 1-جىلىنىڭ الدى-ارتىندا «شاپاعاتشىلاردىڭ ءپىرى» ەر ءمۇسىندى بولدى. بۇددا ءدىنى ەلىمىزگە تاراعاننان كەيىن زاماننىڭ وزگەرىسى، ورتانىڭ وزگەرىسىنەن شاپاعاتشى بۇرحان ايەل مۇسىنگە وزگەردى. سۇڭ داۋىرىندە نەگىزىنەن تۇراقتاستى. دازۋ تاس ويمالارىنىڭ ىشىندەگى شاپاعاتشىلار نەگىزىنەن تۇگەلىمەن ايەل ءمۇسىندى بولدى.


    كورىنىس رايوننىڭ دارەجەسى: AAAAA


    ەڭ جاقسى ساياحات مەزگىلى: ءتورت ماۋسىم


    ساياحات كۇنىنە ۇسىنىس: 6-3 ساعات.


    ەسىك بەلەتى:


    1. ساياحات قاۋىرت ماۋسىمى (ناۋرىزدىڭ 1-كۇنىنەن قاراشانىڭ 30 كۇنىنە دەيىن) باۋديڭ تاۋى تاس ويماسى (شىنشوۋ بۇتحاناسىن قامتيدى): 135 يۋان؛ بەيشان تاس ويماسى: 90 يۋان؛ نانشان تاس ويماسى: 5 يۋان؛ شىنشوۋ بۇتحاناسى: 15 يۋان؛ جالپى بەلەت (باۋديڭ تاۋى تاس ويماسى، بەيشان تاس ويماسى، شىنشوۋ بۇتحاناسى) 170 يۋان.


    2. ساياحات سايابار مەزگىل (جەلتوقساننىڭ 1-كۇنىنەن اقپاننىڭ 28-كۇنىنە دەيىن) باۋديڭ تاۋى تاس ويماسى (شىنشوۋ بۇتحاناسىن قامتيدى):110 يۋان؛ بەيشان تاس ويماسى: 70 يۋان؛ نانشان تاس ويماسى: 5 يۋان؛ شىنشوۋ بۇتحاناسى: 15 يۋان؛ جالپى بەلەت (باۋديڭ تاۋى تاس ويماسى، بەيشان تاس ويماسى، شىنشوۋ بۇتحاناسى): 120 يۋان


    قىزمەت ۋاقىتى: 18:00 ~ 08:30


    مەكەن جايى: چۇڭچيڭ قالاسى دازۋ اۋدانى بەيشان جولى 7 ءنومىر


    قاتىناس كورسەتكىشى:


    ساييۋانبا نەمەسە چىنجياپيڭ ۇزاق جولدى قاتىناس بەكەتىنەن دازۋ اۋدانىنا باراتىن كولىككە وتىراسىز، دازۋ اۋدانىنا جەتكەن سوڭ جاياۋ ءجۇرىپ نەمەسە كىرە كولىگىنە وتىرىپ بەيشان تاس ويماسىنا جەتەسىز جانە باۋديڭ تاۋى تاس ويماسىنا قاتىنايتىن اۆتوبوزعا وتىرىپ باۋديڭ تاس ويماسى كورىنىس رايونىنا بارۋعا بولادى.