چۇڭچيڭ ۋوشان كىشى ءۇش قىساڭى - اياداي ءۇش قىساڭى كورىنىس رايونى

چۇڭچيڭ ۋوشان كىشى ءۇش قىساڭ - اياداي ءۇش قىساڭى چاڭجياڭ ءۇش قىساڭىمەن كورشىلەس، چاڭجياڭ ءۇش قىساڭىنىڭ الىپ تۇلعاسىمەن سالىستىرعاندا كورىنىس جاعىنان ءتىپتى دە كوركەم كورىنەدى. كىشى ءۇش قىساڭ مەن اياداي ءۇش قىساڭنىڭ وزەن اڭعارى ءبىرشاما تار، سۋى تۇنىق، ەكى جاعالاۋىنان جاپ-جاسىل شوقىلار بوي كوتەرىپ، چاڭجياڭ ءۇش قىساڭىنان كورىنىسى كەم سوقپايدى، سوندىقتان دا بۇل جەرلەردىڭ «ءۇش قىساڭعا جاتپايتىن، ءبىراق ءۇش قىساڭنان كوركەم» دەگەن مارتەبەگە يە.


        كورىنىس تۇيىندەرى جونىندەگى تانىستىرۋ:


    چۇڭچيڭ ۋوشان كىشى ءۇش قىساڭ - اياداي ءۇش قىساڭى چاڭجياڭ ءۇش قىساڭىمەن كورشىلەس، چاڭجياڭ ءۇش قىساڭىنىڭ الىپ تۇلعاسىمەن سالىستىرعاندا كورىنىس جاعىنان ءتىپتى دە كوركەم كورىنەدى. كىشى ءۇش قىساڭ مەن اياداي ءۇش قىساڭنىڭ وزەن اڭعارى ءبىرشاما تار، سۋى تۇنىق، ەكى جاعالاۋىنان جاپ-جاسىل شوقىلار بوي كوتەرىپ، چاڭجياڭ ءۇش قىساڭىنان كورىنىسى كەم سوقپايدى، سوندىقتان دا بۇل جەرلەردىڭ «ءۇش قىساڭعا جاتپايتىن، ءبىراق ءۇش قىساڭنان كوركەم» دەگەن مارتەبەگە يە. ەكى جاعالاۋىنداعى جالاما قۇزداردان قابىرىستاندىق، تابىت كەمەسىن، كەيدە ءتىپتى جابايى سۇر مايمىلدى كورىپ قالاسىز، كورىنىسى ەرەكشە كوركەم جەر.


    چۇڭچيڭ ۋوشان كىشى ءۇش قىساڭدى دانيڭحى كىشى ءۇش قىساڭى دەپ تە اتايدى، جالپى ۇزىندىعى 50 كيلومەتر، لۇڭمىن قىساڭى، با-ۋ قىساڭى جانە ديسۇي قىساڭىنان قۇرلادى. لۇڭمىن قىساڭى كىشى ءۇش قىساڭنىڭ كىرە بەرىس اۋزى بولىپ ۇزىندىعى 3 كيلومەتر. ايگىلى كورىنىس تۇيىندەرىنەن قاقپا ارىستانى، بايىرعى شارباق جولىنىڭ كونە جۇرتى، ينۋو ساقىراماسى، موجياۋ سارقىراماسى سياقتىلار. باتىس جاعالاۋىنداعى جارتاس بەتىندە «لۇڭمىن باستاۋ» بولىپ، باستاۋ سۋى وزەنگە قۇيىلىپ جاتادى، باتىس جاعالاۋىنداعى جارتاستان بايىرعى شارباق جولىنىڭ ىزدەرىن كورۋگە بولادى.


    لۇڭمىن قىساڭىنان شىققاننان كەيىن اعىسى قاتتى ينۋو سارقىراماسىنان ءوتىپ با-ۋ قساڭىنا (تيەگۋان قىساڭى دەپ تە اتالادى) جەتەسىز. بۇل وزەننىڭ شىعىس جاعالاۋى بولىپ، سۋ بەتىنەن ءتورت-بەس مەتر جوعارىداعى تاۋ بەتىنەن قارا ءتۇستى جارتاس قابىرستاندىعىن كورەسىز، بۇل جالاماعا قويىلعان قابىرستاندىق جانگو داۋىرىنەن قالعان، تابىتتاردىڭ ءتۇسىنىڭ قارا بولۋى استە تەمىردەن جاسالعاندىعىنان ەمەس، قايتا قارا رەڭگە بويالىپ تەمىر سياقتى كورىنەتىندىگىنەن، سوندىقتان دا «تەمىر تابىت» اتانعان. تەمىر تابىت قىساڭى دەگەن اتاۋى دا وسىعان بايلانىستى قويىلعان.


    ديسۇي قىساڭىنىڭ ۇزىندىعى 20 كيلومەتر، كىشى ءۇش قىساڭنىڭ ىشىندەگى ەڭ ۇزىنى. باستى كورىنىس تۇيىندەرى ساقىراما ۇڭگىرى، جارتاسقا ويىلعان بۇد ءمۇسىنى، شارباق جول، شىنجىر كوپىر، جالاما قابىرىستاندىق ت.ب. ديسۇي قىساڭىنا جاقىن جەردە داچاڭ كونە قالاشىعى بار، بۇل كونە قالاشىق جين داۋىرىندە جاسالعان بولىپ، 2003-جىلى ءۇش قىساڭ ينجەنەرياسى سۋ قويماسى سالىنعاندا كونە جۇرتتان 8 كيلومەتر الىستاعى داچاڭ كولىنىڭ ماڭىنان قايتالاي سالىنعان. كولدىڭ سۋى تۇنىق، تاۋلارى كوركەم بولۋدىڭ سىرتىندا ساياحاتشىلار بۇل جەردەن مىڭ جىلدىڭ الدىنداعى قالاشىقتىڭ كونە جۇرتىن تاماشالاي الادى.


    ۋوشان تاۋى اياداي ءۇش قىساڭى ديسۇي قىساڭىنىڭ تارماق اعىسى مادۋ وزەنىندە، چاڭتان قىساڭى، چينۋاڭ قىساڭى، سانجاڭ قىساڭىنان قۇرالادى، جالپى ۇزىندىعى 15 كيلومەتر، سۋ جولى كىشى ءۇش قىساڭنان دا تار، تاۋلارىنىڭ ورنالاسۋى ءتىپتى دە تاڭعاجايىپ، بۇل جەر سۋدا قالقۋ سپورتىنا تاپتىرماس جەر بولعاندىقتان، «جۇڭگوداعى ءبىرىنشى سۋدا قالقۋ سپورت كولى» اتانعان.


    چاڭتان قىساڭىنىڭ جالپى ۇزىندىعى 5 كيلومەتر، قىساڭدا شامامەن ۇزىندىعى 2 كيلومەتر قايراڭ بار بولىپ، كەڭدىگى ون نەشە مەترلىك قايراڭىمەن ايگىلى. قىساڭدا ديشۋييان، سۇڭميڭچۋان، چۋاندۇڭزى سياقتى كورىنىس تۇيىندەرى بار. چينۋاڭ قىساڭىنىڭ ۇزىندىعى 4 كيلومەتر، سۋدا قالقۋدىڭ ەڭ تاماشا جەرى، قىساڭنان چياڭتاي، حۋتۋيان، لوحانتاڭ سياقتى كورىنىس تۇيىندەرى بار. سانجاڭ قىساڭىنىڭ جالپى ۇزىندىعى 5 كيلومەتر، سۋدىڭ اعىنى قاتتى بولعاندىقتان قايىقتى تەك ۇزىن ەسكەكپەن باسقارۋعا بولادى، بۇرىن «چاڭجاڭ قىساڭى» اتالىپ، قىساڭدا لۋحۇيتۇۋ، شوۋشيڭ شوقىسى، لۇڭحۋ سارقىراماسى، مۋچينشى، يۋەلياڭساي سياقتى كورىنىس تۇيىندەرى بار.


    كۇز-قىس ماۋسىمدارىندا وزەننىڭ ەكى جاعالاۋىن ورماندار كومكەرىپ تۇرادى، بۇل كەزدە كىشكەنە ءۇش قىساڭ، اياداي ءۇش قىساڭنىڭ تابيعات كورىنىسى قۇلپىرىپ كەتەدى، جاۋىن جاۋعاندا بۇلتتار تاۋلاردىڭ باسىنا ۇيالاپ، تاڭعاجايىپ ءتۇس قالىپتاستىرادى. جەڭىل قايىققا وتىرىپ بۇل ارادان وتكەندە قايىقشى ءبىر جاعىنان ءتۇسىندىرىپ، ءبىر جاعىنان سچۋان حالىقتىق اۋەنىن اۋەلەتكەندە ەستە قالارلىقتاي كەرمەت اسەر بەرەدى.


    كورىنىس كورىنىس رايوننىڭ دارەجەسى: AAAAA


    ساياحاتتاۋ كۇنىنە ۇسىنىس: 1 كۇن


    ەسىك بەلەتى: 150 يۋان


    قىزمەت ۋاقىتى: 17:300-8:00


    مەكەن جايى: چۇڭچيڭ قالاسى ۋوشان اۋدانى


    قاتىناس كورسەتكىشى:


    چۋڭچيڭ جياڭبەي حالىقارالىق اۋەجايى--چۇڭچيڭ قاتىناس بەكەتى، چاۋتيانمىن قاتىناس بەكەتى، لۇڭتوۋسى سولتۇستىك قاتىناس بەكەتى، لۇڭتوۋسى وڭتۇستىك قاتىناس بەكەتى--وۋشان جولاۋشىلار قاتىناس بەكەتىنەن 101، 105-جول الەۋمەتتىك اتوبوزعا وتىراسىز--كىشى ءۇش قىساڭ ساياحاتشىلاردى قابىلداۋ ورتالىعىنا جەتەسىز.


    جەكە كولىك:


    چۇڭچيڭ--چۇڭچيڭ-يچاڭ جوعارى قارقىندى تاسجولى--چاڭشوۋ--ديانجياڭ قىزمەت وتەۋ رايونى--لياڭپيڭ--لياڭپيڭ قىزمەت وتەۋ رايونى--ۋانجوۋ قىزمەت وتەۋ رايونى--باڭجيە قىزمەت وتەۋ رايونى--كۇيمىن--ۋوشان اۋدانى