سىچۋان ولكەسى ابي زاڭزۋ چياڭزۋ اۆتونوميالى وبلىسى جيۋجايگوۋ (توعىز قامالدى ساي) ساياحات كورىنىس رايونى

جيۋجايگوۋ ساياحات كورىنىس رايونى ابي تيبەت چياڭزۋ اۆتونوميالى وبلىسىنىڭ جيۋجايگوۋ اۋدانىندا، ساي ىشىنە شۋجىڭجاي، يەحىجاي، زىساۋاجاي سىندى توعىز زاڭزۋ قىستاعىنداعى قامالعا قاراي وسىلاي اتالعان. جيۋجايگوۋ چىڭدۋدان ٴتورت ٴجۇز كيلومەتر شالعايدا، قورىق رايون اۋدانى 643 شارشى كيلومەتر، اشىلعان ساياحات كورىنىس رايونى 55 شارشى كيلومەتر، كورىنىس رايونىنىڭ جىلدىق ورتاشا تەمپەراتۋراسى 6-14 سەلتسي گرادۋس، ٴتورت توڭىرەگىن تاۋ قورشاعان، سۋى تۇنىق ٴارى وزگەرىسكە باي


    كورىنىس رايون تانىستىرۋى:


    جيۋجايگوۋ ساياحات كورىنىس رايونى ابي زاڭزۋ چياڭزۋ اۆتونوميالى وبلىسىنىڭ جيۋجايگوۋ اۋدانىندا، ساي ىشىنە شۋجىڭجاي، يەحىجاي، زىساۋاجاي سىندى توعىز زاڭزۋ قىستاعىنداعى قامالعا قاراي وسىلاي اتالعان. جيۋجايگوۋ چىڭدۋدان ٴتورت ٴجۇز كيلومەتر شالعايدا، قورىق رايون اۋدانى 643 شارشى كيلومەتر، اشىلعان ساياحات كورىنىس رايونى 55 شارشى كيلومەتر، كورىنىس رايونىنىڭ جىلدىق ورتاشا تەمپەراتۋراسى 6-14 سەلتسي گرادۋس، ٴتورت توڭىرەگىن تاۋ قورشاعان، سۋى تۇنىق ٴارى وزگەرىسكە باي. كورىنىس رايونىندا ۇلكەن مىسىق ايۋ، سابالاق مايمىل سياقتى سيرەك كەزدەسەتىن باعالى جانۋارلار بار.


    بۇل وڭىردە «جيۋجايگوۋعا كەلسەڭ سۋىن كورمەي قايتپا» دەگەن ٴتامسىل بار. بۇل جەردىڭ كولدەرىن جەرگىلىكتى قىستاق تۇرعىندارى تەڭىز دەپ اتايدى. ولاردىڭ كوپ ساندىسى ونشالىقتى تەرەڭ ەمەس، سۋدىڭ ٴتۇبىن جانە سۋداعى بالدىرلاردى، اعاشتاردى، بالىقتاردى اپ- انىق كورۋگە بولادى. كالتسيلەنۋ سەبەبىنەن كول سۋى ۇقساماعان تەرەڭدىكتە جاسىل، كوك ٴتۇستى بولىپ قۇبىلىپ كورىنسە، ماڭايىنداعى تاۋلى ورمانداردىڭ كولدەگى ساعىمى كول بەتىن كوركەم سۋرەتتەي كورسەتەدى.


    جيۋجايگوۋ “Y”پىشىنىندە، ونىڭ سول جاعى زىساۋاگوۋ سايى، استى شۋجىڭگوۋ سايى، وڭ جاعى رىزىگوۋ سايى. ۇزىن كول(چاڭحاي) زىساۋاگوۋ سايىنىڭ باسىندا، جەر اۋدانى 3 ٴجۇز مىڭ شارشى مەتر، تەڭىز دەڭگەيىنەن بيىكتىگى 4450 مەتر، جالپى ۇزىندىعى 7.5 كيلومەتر، سۋدىڭ ەڭ تەرەڭ ورنى 80 مەترگە جەتەدى. ول جيۋجايگوۋداعى تەڭىز دەڭگەيىنەن ەڭ بيىك، ەڭ جالپاق كول. كول بەتى كوك ٴتۇستى، كول سۋ قاينارى نەگىزىنەن تاۋداعى ەرىگەن قار-مۇزداردان كەلەدى.


    ۋسايچى(الۋان ٴتۇستى كول) ۇزىن كولدىڭ ٴبىر كيلومەتر اياق جاعىندا، كولدىڭ ۇقساماعان ورىندارى جاسىل، كوك، كۇلگىن قىزىل، سارعىش جاسىل سياقتى ٴتۇس كورسەتەدى، كولدە سۋدا وسەتىن وسىمدىكتەر مول. اڭىزداردا ايتىلۋىنشا، ايەل اۋليە سەمونىڭ شومىلاتىن جەرى ەكەن دە، ەر اۋليە داگەر ٴار كۇنى ۇزىن كولدەن سۋ تاسىپ بەرەدى ەكەن. كۇندەر وتە كەلە داگەردىڭ تابانى تيگەن تاۋ شاتقالىنان 198 دانا باسپالداق قالىپتاسىپ، سەمونىڭ بەتىندەگى قىزىل دالاپ وسى الۋان ٴتۇستى كولگە اينالىپتى.


    ۋحۋاحاي(بەس گۇلدى كول) رىزىگوۋ سايىندا، ونىڭ توڭىرەگىندەگى كورىنىستەر الۋان ٴتۇستى كولدەن دە كەرەمەت، تۇستەرى دە مىڭ قۇبىلعان. كولدە كوپتەگەن اعاشتاردىڭ ٴدىڭى بار. بۇلاردان تىس، لۋۋيحاي كولى(قامىستى كول)، ۋولۇڭحاي كولى(ايداعار باۋىر كول)، شۋاڭلۇڭحاي كولى(قوس ايداعار كولى) قاتارلى كولدەردىڭ ٴارقايسىلارى ساياحاتشىلار سۇيسىنە تاماشالايتىنداي وزىندىك وزگەشەلىككە يە.


    جيۋجايگوۋدىڭ سارقىرامالارى دا كورۋگە ابدەن تاتيدى. مۇندا جيىنى مەرۋەرت ارنا، شۋجىڭ، مىسىق ايۋ كولى جانە روريلان قاتارلى 17 سارقىراما شوعىرى بار. روريلان سارقىراماسىنىڭ كەڭدىگى 270 مەتر، بيىكتىگى 24.5 مەتر، ەلىمىزدەگى ەڭ كەڭ سارقىراما. مەرۋەرت ارناسىندا تاۋ ۇڭگىرى مول بولعاندىقتان، ۇڭگىرلەردەن اتىلىپ شىققان سۋلار سان-ساناقسىز گۇل كۇلتەلەرىن قالىپتاستىرىپ، ولار كۇن ساۋلەسىندە قۇددى مەرۋەرتتەي جارقىرايدى. بۇل ارا تەلەۆيزيا تەاترى «باتىسقا ساپار»دا تاڭسىڭنىڭ اتىن جەتەلەپ سۋعا مالشىنعان ورنى.


    جيۋجايگوۋدىڭ تاۋ-كولدەرىنەن سىرت بۇل سايدان جانە شارباق جول، تيىرمەن ٷيى، سالبىراما تۋ سىندى ٴداستۇرلى تيبەت قىستاقتارىنىڭ ۇلتتىق وزگەشەلىككە يە مادەنيەتىن جانە اقپەيىل تيبەت حالقىنىڭ ٴان-ٴبيىن تاماشالاۋمەن قاتار تيبەت ۇلتى مەن چيانزۋ ۇلتىنىڭ كاۋاپ، سارى ماي سالىنعان اق شاي، ارپا اراعى جانە ايران قاتارلى ٴداستۇرلى تاعامدارىنان اۋىز ٴتيىپ، «تيبەت سىرى»،«جيۋجايعا مىڭ جىلدىق ماحاببات» سياقتى ويىندارىن كورە الاسىز.


    كورىنىس دارەجەسى: AAAAA


    ساياحاتتاۋعا ۇسىنىس: 1-2 كۇن


    بەلەت: ساياحات جاندانعان مەزگىلدەردە (1-ساۋىردەن 15-قاراشاعا دەيىن) ەسىك بەلەتى 120 يۋان، جول كىرەسى 90 يۋان. ساياحات ازايعان مەزگىلدەردە (16-قاراشادان كەلەسى جىلدىڭ 31-ناۋرىزىنا دەيىن) ەسىك بەلەت 80 يۋان، جول كىرەسى 80 يۋان.


    اشىلۋ ۋاقىتى: ساياحات جاندانعان مەزگىلدەردە (1-ساۋىردەن 15-قاراشاعا دەيىن) 07:00-18:00؛ ساياحات ازايعان مەزگىلدەردە (16-قاراشادان كەلەسى جىلدىڭ 31-ناۋرىزىنا دەيىن) 08:30-18:00


    مەكەنجايى: سىچۋان ولكەسى ابي تيبەت چياڭزۋ اۆتونوميالى وبلىسى جيۋجايگوۋ اۋدانى


    قاتىناس باعدارلاماسى:


    اۆتوكولىكپەن:


    چىڭدۋ-دۋجياڭيان-ۋىنچۋان-ماۋشيان-سۇڭپان-جيۋجايگوۋ


    چىڭدۋ-ميانياڭ-جياڭيۋ-پيڭ-ۋ-جيۋجايگوۋ اۋدانى-جيۋجايگوۋ


    چىڭدۋ-يا-ٴان-لۋديڭ-دانبا-ٴتورتقىز تاۋى-ماركاڭ-حۇڭيۋان-چۋانجۋسى-جيۋجايگوۋ


    اۋەجاي:


    جيۋحۋاڭ اۋەجايىنان ٴتۇسىپ اۆتوبۋزبەن جيۋجايگوۋعا بارۋعا بولادى.


    پويەز:


    باۋچىڭ لەنياسى-گۋاڭيۋان(ياكي جاۋحۋا)ايالداماسىنان ٴتۇسىپ، اۆتوكولىكپەن جيۋجايگوۋعا بارۋعا بولادى.


    باۋچىڭ لەنياسى-جياڭيۋ ايالداماسىنان ٴتۇسىپ، اۆتوكولىكپەن جيۋجايگوۋعا بارۋعا بولادى.


    باۋچىڭ لەنياسى-شانشي ليۋەياڭ ايالداماسىنان ٴتۇسىپ، اۆتوكولىكپەن جيۋجايگوۋعا بارۋعا بولادى.