چىڭدۋ قالاسى چيڭچىڭشان تاۋى-دۋجياڭيان ساياحات كورىنىس رايونى

دۋجياڭيان كورىنىس رايونى دۋجياڭيان قالاسىنىڭ باتىسىندا، چىڭدۋدان 39 كيلومەتر. دۋجياڭيان ٴبىزدىڭ جىل ساناۋىمىزدان بۇرىنعى 256-جىلى قۇرىلعان، يۇزۇي، فىيشايان، باۋپيڭكوۋ سىندى ٷش ۇلكەن قۇرىلىسقا بولىنەدى، جانگو داۋىرىندە سىچۋان ايماعىنىڭ باستىعى اكەلى-بالالى لي بيڭدەر سالعان، دۇنيە جۇزىندەگى بىردەن-ٴبىر بۇزىلماي ساقتالعان، توسپاسىز ەرەكشەلىككە يە ەجەلگى سۋ ىستەر قۇرىلىسى.


    كورىنىس رايون تانىستىرۋى:


    دۋجياڭيان كورىنىس رايونى دۋجياڭيان قالاسىنىڭ باتىسىندا، چىڭدۋدان 39 كيلومەتر. دۋجياڭيان ٴبىزدىڭ جىل ساناۋىمىزدان بۇرىنعى 256-جىلى قۇرىلعان، يۇزۇي، فىيشايان، باۋپيڭكوۋ سىندى ٷش ۇلكەن قۇرىلىسقا بولىنەدى، جانگو داۋىرىندە سىچۋان ايماعىنىڭ باستىعى اكەلى-بالالى لي بيڭدەر سالعان، دۇنيە جۇزىندەگى بىردەن-ٴبىر بۇزىلماي ساقتالعان، توسپاسىز ەرەكشەلىككە يە ەجەلگى سۋ ىستەر قۇرىلىسى.


    دۋجياڭيان مينجياڭ دارياسىن ەكىگە بولەدى، بىرەۋى چاڭجياڭعا قۇيسا، ەندى بىرەۋى چىڭدۋ جازىعىنا بارادى، مينجياڭنىڭ ەكىگە ٴبولىنۋى ونىڭ حالىققا اكەلەر قاتەرىن ازايتىپ، اتىز-ارىق جۇمىستارىنا تيىمدىلىك اكەلىپ وتىر، ٴارى قۇمدى تابيعي سىرتقا شىعارادى. ەكى مىڭ جىلدان استام ۋاقىتتان بەرى قاراي، دۋجياڭيان ٴوزىنىڭ ماڭىزدى رولىن ساۋلەلەندىرىپ، چىڭدۋ جازىعىن قاعىر دالادان جاپ-جاسىل جەر جانناتىنا ايلاندىرىپ وتىر. جەرگىلىكتى تۇرعىندار اكەلى-بالالى لي بيڭدەرگە بۇتحانا سالىپ، ەسكىشە جىل ەسەبى بويىنشا، 24-ماۋسىم جانە جانە 26-ماۋسىم ٴمىناجات ەتۋ قيمىلىن وزدىرىپ، ولاردى ەسكە الىپ تۇرادى.


    بۇل ساياحات كورىنىس رايونىنان وسى الىپ ٴبىر ەجەلگى سۋ قۇرىلىسىن تاماشالاۋمەن بىرگە، فۋلۇڭگۋان، ٴانلان ارقان كوپىرىن، ليدۇي باقشاسىن، ليڭيان بۇتحاناسى سياقتىلاردى تاماشالاۋعا بولادى.


    چيڭچىڭشان تاۋى چىڭدۋ قالاسى دۋجياڭيان قالاسىنىڭ باتىس وڭتۇستىگىندە، ساياحات رايون جالپى اۋدانى 200 شارشى كيلومەتر، الدىڭعى تاۋ جانە ارتقى تاۋ كورىنىس رايونى بولىپ ەكىگە بولىنەدى، الدىڭعى تاۋدا ٴتۇرلى بۇتحانا قۇرىلىستارى جانە تاڭبالى تاستار سيانتى تاريحي مادەني مۇرالار مول، ال ارتقى تاۋدىڭ تابيعي كورىنىسى كوركەم، تاۋعا شىعىپ، كوڭىل سەرگىتەتىن تاماشا ورتا.


    چيڭچىڭشانداعى داۋجياۋ ٴدىنىنىڭ داستۇرلەرى تەرەڭ، بۇل ٴوڭىر جۇڭگو داۋجياۋ ٴدىنى تاراعان ورىنداردىڭ ٴبىرى، دۇنيە جۇزىندەگى داۋجياۋ ٴدىنى پايدا بولعان قاسيەتتى مەكەن. اڭىزداردا ايتىلۋىنشا، شىعىس حان داۋىرىندەگى شۇندي تۇسىندا، داۋجياۋ ٴدىنىنىڭ «اۋليەسى» جاڭ ليڭ وسى اراعا كەلىپ، باسپانا سالىپ، ٴدىن تاراتىپ، چيڭچىڭشان تاۋى داۋجياۋ ٴدىنى تارالعان مەكەنگە اينالىپ، داۋجياۋ دىنىندەگى «بەسىنشى اۋليە تۇراعى» دەپ اتالىپتى. كۇنى بۇگىنگە دەيىن وسى ارادا چيڭ ورداسى، قارت ارداگەر سامالدىعى، ۇستاز ورداسى، باقىت سارايى قاتارلى ون نەشە بۇتحانا بار، بۇلاردىڭ كوبى الدىڭعى تاۋعا ورنالاسقان.


    ارتقى تاۋدىڭ جالپى اۋدانى 100 شارشى كيلومەتر، مۇندا نەگىزگى كورىنىس تۇيىندەرىنەن قىساڭداعى شارباق جول، قوس بۇلاق، اسپا كوپىر، تاي-ٴان كونە قىستاعى، التىن قابىرعالى قامبا، اۋليە انا ۇڭگىرى قاتارلىلار بار. ارتقى تاۋ كوركەم كورىنىسىمەن اتى شىققان، سىلدىراپ اققان بۇلاق، شارباق جول، جاسىل وسىمدىكتەر مەن قويۋ ورمان ٴبىر-بىرىمەن تىعىز شەندەسىپ، كوز تارتاتىن كورىنىس كەسكىندەمەسىن قالىپتاستىرعان. اعاشتان جاسالعان شارباق جولعا تۇسسەڭىز قىنامەن كومكەرىلگەن تاس جولدار مەن تاس كوپىردەن وتەسىز. بۇراتىلا اققان بۇلاقتىڭ سىڭعىرىن تىڭداي جاپ-جاسىل جولدا كەلە جاتقانىڭىزدا، پەرىشتەگە ايلانىپ اۋليەلەر تۇراعىندا جۇرگەندەي كۇي كەشەسىز. بۇكىل الاپ تىپ-تىىش ٴارى سونشالىق جاراسىمدى.


    دۋجياڭياندا كوپتەگەن وزگەشە تاعامدار بار.«چيڭچىڭنىڭ ٴتورت اسىلى» اتالعان شايى، اۋليە تۇراعى اركىسى، اق ورىكتى بىقتىرىلعان تاۋىق پەن چيڭچىڭنىڭ شىلاعان شايى سىندى ٴتورت ٴتۇرلى ٴداستۇرلى ايگىلى ونىمدەرى؛ ارتقى تاۋداعى ٴدامى اۋزىڭنان كەتپەيتىن مەيىزدەي سۇرلەنگەن ەت پەن تاعىلىمشىلاردىڭ «ۇزاق ٴومىر كورۋ داستارقانى» دەنەنى قۋاتتاندىرىپ، رۋحتى تاسقىنداتادى.


    جەرلىك ورىنداعى شايحانادان شاي ىشۋىڭىزگە، اق ات قىستاعى مىسىق ايۋ سايىنا بارىپ موماقان دا سۇيكىمدى ۇلكەن مىسىق ايۋدى كورسەڭىز، حۇڭكوۋ كورىنىس رايونىنان تاۋ-تاستى كەزىپ، دالاعا قونۋدى باستان كەشىرە الاسىز. گۋانشيان ەجەلگى قالاسىندا سىچۋاننىڭ بايىرعى سالت-داستۇرلەرى ساقتالعان. «ات ورىندىق» چيڭچىڭشان قالاشىعىنىڭ ٴجۇز نەشە جىلدىق تاريحقا يە حالىقتىق قامىس بۇيىمدار ماركاسى، قالاشىقتا ساياحاتشىلاردىڭ قاجەتىنەن شىعاتىن قولدا جاسالعان ٴتۇرلى قامىس بۇيىمدارى ساتىلادى.



    كورىنىس دارەجەسى: AAAAA


    ساياحاتتاۋعا ۇسىنىس:1-2 كۇن


    بەلەت: دۋجياڭيان مەن چيڭچىڭشان الدىڭعى تاۋى: ٴبىر ادام 90 يۋان؛ ارتقى تاۋ: 20 يۋان


    اشىلۋ ۋاقىتى: 8:00——17:00


    مەكەنجايى: چىڭدۋ قالاسى دۋجايڭيان قالاسى


    قاتىناس باعدارلاماسى:


    الەۋمەتتىك اۆتوبۋز:


    دۋجياڭيان كورىنىس رايونىنان وتەتىن:1-،4-،7-،9-،17-،19-،31-جول اۆتوبۋزدارى


    چيڭچىڭشان كورىنىس رايونىنان وتەتىن:101-،02-،758-جول اۆتوبۋزدارى


    دۋجياڭيان كورىنىس رايونىنان چيڭچىڭشان كورىنىس رايونىنا بارىپ كەلۋ ٷشىن 101-جول اۆتوبۋزىنا وتىرعان ٴجون.


    جولاۋشىلار تاسىمالى:شين نانمىن، شاديانزى، سولتۇستىك جولاۋشى تاسىمال بەكەتى، شيمىن جولاۋشىلار بەكەتى جانە شيمىن بەكەتىندە دۋجياڭيان جولاۋشى تاسىمال ورتالىعىنا باراتىن اۆتوبۋزدار بار.


    اۋەجاي:


    چىڭدۋ شۋاڭليۋ اۋەجايى-دۋجياڭيان اۋەجايى اۆتوبۋزى-دۋجياڭيان جولاۋشى تاسىمال بەكەتى


    شۋاڭليۋ اۋەجاي ارناۋلى 2-لەنياسى-دۋجياڭيان جولاۋشىلار بەكەتى


    اۋەجاي سايراعى-قالا ايلانبا سايراعى-چىڭگۋان سايراعى-دۋجياڭيان قالاسى