ۋاكىلدەرمەن سۇحبات   
قاباعات دايىندىق، قارقىندى قادام
كەلۋقاينارى:جۇڭگو قازاق راديو تورابى     |جاۋاپتى رەداكتور:ايناگۇل|    جاڭالانعان ۋاقىت: 2015-03-05 10:06

 

 

    ءوز ءتىلشىمىز گۇلباقشا ءمادى قىزى حابارلايدى. جىبەكتەي ۇلبىرەگەن كوكتەم سامالى ءجۇزىمىزدى جىلى لەپپەن ءوبىپ، بارلىق تىرشىلىك الەمى جاڭا تۇسكە ەنىپ، تىڭ تىنىسقا قادام تاستاعان ساليقالى ساتتە، شينجياڭداعى ءار ۇلت حالقىنىڭ زور سەنىمى مەن اسقاق ارمانىن جانە ۇكىلى ءۇمىتىن ارقالاپ، ەلدىڭ ەرتەڭى مەن حالىقتىڭ قامى ءۇشىن، باعدار نۇسقاپ، جول باستاعان مەملەكەتتىك حالىق قۇرىلتايىنىڭ شينجياڭ ۋاكىلدەر ۇيىرمەسىندەگى ءار ۇلت ۋاكىلدەرى ناۋرىزدىڭ 2-كۇنى كەشتە استانامىز بەيجيڭ قالاسىنا جەتتى. بۇكىل ەل حالقىنىڭ اسىل ارمان ۇلى مۇراتىمەن قاتىستى بولعان، بارلىق يگىلىكتى ىسكە باستاماشى بولاتىن ەكى ءماجىلىستىڭ ءساتتى اشىلۋىن تىلەپ، «ەكى ءماجىلىس ەل قامى» دەپ ەلەڭدەگەن شينجياڭ ۋاكىلدەر ۇيىرمەسىندەگى از ۇلت حالىق قۇرىلتايى ۋاكىلدەرى وزدەرى اكەلگەن ۇسىنىس جوبالارىن رەتتەپ جانە سول ۇسىنىس جوبالارىن تولىق جەتكىزۋگە يدەيالىق دايىندىق كورىپ، ەكى ءماجىلىستىڭ دابىرالى دا تابىستى اشىلۋى ءۇشىن رولدارىن تولىق ساۋلەلەندىرۋگە ساقاداي سايلانۋدا. ءماجىلىس قارساڭىندا ءتىلشىمىز گۇلباقشا ءمادى قىزى ول كىسىلەرگە امانداسا بارىپ، دايىندىق احۋالدارىمەن تانىستى.