ۋاكىلدەرمەن سۇحبات   
مەملەكەتتىك ساياسي كەڭەستىڭ 12-كەزەكتى 4-ءماجىلىس اشىلدى
كەلۋقاينارى:جۇڭگو قازاق راديو تورابى     |جاۋاپتى رەداكتور:داۋىلبەك|    جاڭالانعان ۋاقىت: 2016-03-04 10:00



    ناۋرىزدىڭ 3-كۇنى تۇستەن كەيىن بەيجيڭ ۋاقىتى ساعات 3:00تە، مەملەكەتتىك ساياسي كەڭەستىڭ 12-كەزەكتى 4-ءماجىلىسى ساۋلەتتى حالىق سارايىندا سالتاناتپەن اشىلدى. 10 مىڭ ادامدىق ايبندى حالىق سارايى ساياسي كەڭەس مۇشەلەرى مەن ارنايى شاقىرىلعان قوناقتارعا تولدى.


    مەملەكەتتىك ساياسي كەڭەستىڭ ءتوراعاسى يۇي جىڭشىڭ جانە ونىڭ ورىنباسارلارى ءتوراعالار مىنبەسىنىڭ الدىڭعى قاتارىنان ورىن الدى.


    پارتيا مەن مەملەكەت باسشىلارىنان شي جينپيڭ، لي كىچياڭ، جاڭ دىجياڭ، ليۋ يۇنشان، ۋاڭ چيشان، جاڭ گاۋلي ءتوراعالار مىنبەسىنەن ورىن الدى.


    ماجىلىستە الدىمەن مەملەكەتتىك ساياسي كەڭەستىڭ 12-كەزەكتى 4-ءماجىلىسىنىڭ كەڭەس ءتارتىبى ماقۇلداندى. ودان كەيىن مەملەكەتتىك ساياسي كەڭەستىڭ ءتوراعاسى يۇ جىڭشىڭ 12-كەزەكتى مەملەكەتتىك ساياسي كەڭەس تۇراقتى كوميتەتى اتىنان ماجىلىستە قىزمەتتەن بايانداما جاسادى.


    باياندامادا مەملەكەتتىك ساياسي كەڭەس ءتوراعاسى يۇي جىڭشىڭ وتكەن ءبىر جىلداعى مەملەكەتتىك ساياسي كەڭەس قىزمەتىن سەگىز جاقتان قورىندىلاپ، 2016-جىلعى قىزمەتتەرگە التى جاقتان جۇيەلى ورنالاستىرۋلار جاسادى. ساياسي كەڭەستىڭ وتانشىلدىق بىرلىكساپ رولى بولۋ رولىن انا عۇرلىم جاقسى ساۋلەلەندىرۋ جونىندە بەس جاقتان ايقىن تالاپ قويدى.


    مەملەكەتتىك ساياسي كەڭەستىڭ ءار كەزەكتەگى كەلەلى كەڭەسى پارتيا مەن مەملەكەت ىستەرىنىڭ دامۋى جونىنەن توتەنشە ماڭىزدى كەلەلى باس قوسۋ ەسەپتەلەدى ، ول بۇكىل ەل حالقىنىڭ تىلەگىن بەينەلەيتىن بوگەنايى بولەك ءماجىلىس. وتكەن جىلعىمەن سالىستىرعاندا بيلعى ماجىلىستە شارۋاشىلىق پەن قوعام دامۋىنىڭ جالپى جاعدايىنا ساياتىن جاڭا كەزەڭدەگى جارىققا شىققان ماسەلەلەردى ويداعداي جونگە سالۋ، ۇكىمەت فۇنكىتسياسىنا بۇرىلىس جاساۋ، جاڭالىق جاراتىپ دامۋ تۇرعىسىنان وزىندىك ەرەكشەلىكتەرى كوپ دەپ ايتا الامىز. بۇلاي دەيتىمىز كەزەكتى ءماجىلىس ەرەكشە ءبىر تاريحي كەزەڭدە اشىلىپ وتىر. 2016-جىل دوڭگەلەك داۋلەتتى قوعام قۇرۋدىڭ شەشۋشى كەزەڭى باستالعان جىل ، ءارى قۇرلىمدىق رەفورمانى ىلگەرلەتۋدەگى قامال الۋ جىلى . بۇل رەتكى ەكى ءماجىلىس مىنە وسىنداي شەشۋشى كەزەڭدە اشىلاتىندىقتان بۇكىل ەل حالقى جاپپاي نازار اۋدارۋدا.



    مەملەكەتتىك ساياسي كەڭەستىڭ 12-كەزەكتى 4-ءماجىلىسى كەزىندە ، ءار سالادان كەلگەن ساياسي كەڭەس مۇشەلەرى، جالپى جۇرت جاپپاي نازار اۋدارىپ وتىرعان ماسەلەلەر توڭىرەگىندە تالقى ورستەتىپ،ءار ۇلت حالىقىنىڭ تىلەگىن اڭىس ەتىپ، تارتىمدى ۇسىنىس- پكىرلەر بەرەدى، ءىس-جۇزىندىككە ۇشتاستىرىپ، مەملەكەتتى قۇدىرەتتەندىرۋ ، حالىققا يگىلىك جاراتۋ جولىندا ىزدەنىستەر جاسايدى. الداعى 11 كۇندە ءتۇرلى تاقىرىپتار اياسىندا تالقى وتكىزىپ، كەلەلى كەڭەس قۇرىپ ، ۇتىمدى ۇسىنىستاردى ورتاعا قويادى.


ءتىلشى: اينۇر گىمىڭعازى قىزى                 رەداكتورى : ەرشات سەيتكامال ۇلى مەن سەرىك راقىم ۇلى


جاۋاپتى رەداكتورى :نۇربولات داۋتاقىن ۇلى     باقىلاۋشى: قاناتبەك جۇماباي ۇلى