ۋاكىلدەرمەن سۇحبات   
سۇلتان جايناق ۇلى: شەگارا رايوندارداعى شارۋالارعا تولىقتاما قاراجاتىن بەرۋ ارقىلى كەدەيلىكتەن قۇتىلدىرۋ
كەلۋقاينارى:جۇڭگو قازاق راديو تورابى     |جاۋاپتى رەداكتور:نۇرشات|    جاڭالانعان ۋاقىت: 2016-03-06 14:53

 


    ءوز ءتىلشىمىز گۇلباقشا ءمادى قىزى بەيجيڭنەن حابارلايدى: جاپپاي دوڭگەلەك داۋلەتتى قوعام قۇرۋدىڭ شەشۋشى كەزەڭىندەگى «ەڭ جاپالى» مىندەت – اۋىل-قىستاقتارداعى كەدەيلەردى كەدەيلىكتەن قۇتىلدىرۋ. بۇل مىندەتتىڭ كوزەۋلى مەزەتتە ورىندالۋ-ورىندالماۋى ەلىمىزدە جاپپاي دوڭگەلەك داۋلەتتى قوعام قۇرۋدىڭ شىنايى ىسكە اسۋ-اسپاۋىن بەلگىلەيدى.

 

جالپى جۇرت نازار اۋدارىپ وتىرعان وسى تولعاقتى ءتۇيىن جونىندە توقتالعاندا قىزىلسۋ قىرعىز اۆتونوميالى وبلىسى ۇلۇقشات اۋدانى جىعىن اۋىلى قاراتەرەك قىستاعى پارتيا ياچەيكاسىنىڭ شۋجيى، قىستاق كوميتەتىنىڭ مەڭگەرۋشىسى، قىرعىز ۇلتىنىڭ ۋاكىلى سۇلتان جايناق ۇلى: شينجياڭداعى شەگارا وڭىرلەر مەن تاۋلى رايوندارداعى شارۋالاردىڭ قيىنشىلىعى وتە اۋىر، مۇنىڭ جاراتىلىستىق ورتا جانە تاريحي سەبەپتەرى بار، سوندىقتان، ولاردى كەدەيلىكتەن قۇتىلدىرىپ دوڭگەلەك داۋلەتتى ورەگە جەتكىزۋدە مىندەت اۋىر. شينجياڭداعى شەگارا، شالعاي، كەدەي، رايوندارداعى وسى جۇرتتى اۋقاتتاندىرۋ كەدەيلىكتەن قۇتىلدىرۋدان قامال الۋدىڭ ەڭ نەگىزگى شايقاس مايدانى سانالادى. بۇل مىنە وسىنداي ەرەكشە جاعداي ءارى ەرەكشە مايدان، سوندىقتان بۇعان ەرەكشە ساياسات قولدانىپ سۇيمەلدەمەسە بولمايدى،-دەدى.