ۋاكىلدەرمەن سۇحبات   
اكبار ءماجيت ۇلى: چيڭحاي ولكەسىندەگى قازاقتاردىڭ ساياسي جاقتاعى اۆتونوميا يگىلىك ۇقىعىن قايتادان قالپىنا كەلتىرىلسە
كەلۋقاينارى:جۇڭگو قازاق راديو تورابى     |جاۋاپتى رەداكتور:نۇرشات|    جاڭالانعان ۋاقىت: 2016-03-06 15:40

 

    ٴتىلشىمىز اينۇر گىمىڭعازى قىزى بەيجيڭنەن حابارلايدى: مەملەكەتتىك ساياسي كەڭەستىڭ 12-كەزەكتى 4-ءماجىلىسى اشىلعانىنا 3 كۇن بولدى. ساياسي كەڭەس مۇشەلەرى سالالار بويىنشا گرۋپپالارعا ءبولىنىپ، تولعاقتى تاقىرىپتار مەن ءتۇيىندى ماسەلەلەر توڭىرەگىندە تالقى ورىستەتىپ، كوڭىلدەرىندە كوپتەن ساقتاپ كەلگەن ۇسىنىستارى مەن پىكىرلەرىن ەمىن ەركىن اقتارىلا ورتاعا قويۋدا.

 

مەملەكەتتىك ساياسي كەڭەستىڭ مۇشەسى، ايگىلى جازۋشى اكبار ءماجيت ۇلى بيىلعى ساياسي كەڭەستىڭ تالقى جيىندارىندا چيڭحاي ولكەسىنە قاراستى بۇرىنعى حايشي مۇڭعۇل-زاڭزۋ-قازاق اۆتونوميالى وبلىسىن اسىلگى ۇلتتىق قۇرام بويىنشا قايتادان قالپىنا كەلتىرىپ، ونداعى قازاق ۇلتىنىڭ ساياسي جاقتاعى اۆتونوميا يگىلىك ۇقىعىن كەپىلدەندىرۋ؛ وندىرىستەن توقتاتىلعان زاۆودتاردى باتىسقا كوشىرۋدى تەجەپ ورتانى قورعاۋ؛ ءتابيعي اپات پەن ادام سەبەبىنەن تۋعان اپپاتتاردان ساقتانۋ شارالارىن تياناقتاندىرۋ جانە ونى تۇرمىستىق ادەتىمىزگە ءسىڭدىرۋ؛ ۇلكەن قالالاردا تورسىلداق اتۋدى شەكتەۋ؛ جايىلىمداردى سىم تەمىرمەن قورشاۋدى كۇشىنەن قالدىرۋ سىندى كوڭىل بولگەن تاقىرىپتارى مەن وزەكتى ماسەلەلەردى ورتاعا قويدى. جوعارىداعى ۇسىنىس پىكىرلەر جايىندا ورتاقتاسار ويلارىڭىز،تىڭ ۇسىنىس پىكىرلەرىڭىز، قوياتىن قاتىستى سۇراقتارىڭىز بولسا، ءبىزدىڭ ءۇنحات تەكشەمىزگە قوسىلىپ، جازباشا نەمەسە دىبىستى فورمادا حات قالدىرساڭىزدار بولادى.