ۋاكىلدەرمەن سۇحبات   
شۇعىلالى بەلەس شۋاقتى كەڭەس
كەلۋقاينارى:جۇڭگو قازاق راديو تورابى     |جاۋاپتى رەداكتور:نۇرشات|    جاڭالانعان ۋاقىت: 2013-03-13 17:17

 

    ءوز تىلشىمىز گۇلجان زارقىنبەك قىزى حابارلايدى: 

 

  

 

       ارداقتى اعايىن، قادىرمەندى تىڭدارماندار، ساۋ-سالەمەت تۇردىڭىزدارما! كەزەكتە ورتالىق حالىق راديو ىستانسياسى ەكى ماجىلىس ارناۋلى حابارىنىڭ مەملەكەتتىك حالىق قۇرىلتايىنىڭ وكىلى، تارباعاتاي ايماقتىق پارتيا كوميتەتى شۋجيىنىڭ ورىنباسارى، اكىمشىلىك ۋالي مەكەمەسىنىڭ ۋاليى سارقىت اقان ۇلىمەن وتكىزىلگەن شۇعىلالى بەلەس شۋاقتى كەڭەس اتتى سۇحپاتىنىڭ ءسات ساعاتى. الدارىڭىزدا 12-كەزەكتى مەملەكەتتىك حالىق قۇرىلتايىنىڭ 1-رەتكى ءماجىلىسىن حابارلاۋعا ارناۋلى شىعارىلعان ءتىلشى گۇلجان زارقىنبەك قىزى. ەندەشە كۇللى جۇڭگو توپىراعىن ءتىپتى الەم نازارىن اۋدارىپ وتىرعان كەسىمدى پىكىر، ابزال ساياسات، الىمدى اقىلدان باستاۋ العان تالعار تابىس، شالقار شابىس جايلى كەلەلى كەڭەسكە قۇلاق تۇرىڭىزدەر،ارنامىزدان الىستاماڭىزدار. قۇرمەتتى تىڭدارمان.

 

    اسقاق مۇرات، جالىندى جىگەر جەتەلەگەن جۇڭگو ارمانى جاقىنعى جىلداردان بەرى تۇتاس جۇڭحۋا ازاماتىنىڭ كوكەيىندە. الەم ساحناسىندا ەڭسەلى ەلدىگىن ايگىلەگەن الىپ جۇڭحۋا الپىس جىل جىگەر-قايراتى تاسىپ، اسقار بەل اسۋلاردان اسىپ، بيىكتەن-بيىككە سامعاۋدا، وتكەن جىلى اشىلعان پارتيا18-قۇرىلتايىنىڭ اشىلۋى دامۋ مەن كەمەلدەنۋدىڭ، ارىندى قاداممەن العا باسۋ مەن تايسالماي تالپىنۋدىڭ ۇلى كوشىنە التىن ارنا بولىپ قوسىلىپ، كۇش ۇستىنە كۇش قوسسا،ال كەزەكتە جۇرگىزىلىپ جاتقان ەكى ءماجىلىس كوركەم جۇڭگو، باقىتتى جۇڭگولىقتاردى جاراتۋعا تاعى ءبىر مارتە تىڭ تەبىن باعىشتادى. 2013-جىل ەلىمىزدىڭ دوڭگەلەك داۋلەتتى قوعام قۇرۋداعى تىڭ باستاما.پارتيا18-قۇرىلتاي رۋحىن دايەكتى تياقتاندىرۋداعى بەتاشار جىل سونداي-اق 12-بەسجىلدىق جوسپاردى ىسكە اسىرۋداعى شەشۋشى كەزەڭ. بۇكىل ەلدەگى ءار ۇلت حالقىنىڭ سەنىمى مەن ارمانىن ارقالاپ، ميلليارد حالىقتىڭ اقىل ـ پاراساتى مەن كۇش-قۋاتىن ۇيىستىرعان پارتيامىز جاپپاي دوڭگەلەك داۋلەتتى قوعامدى قۇرىپ شىعۋ سىندى ۇلى جورىققا جانە جۇڭگو حالقى مەن جۇڭحۋا ۇلتىنىڭ اناعۇرلىم باقىتتى دا تاماشا بولاشاعىن بىرلىكتە جاراتۋ سىندى ساليقالى ساپارعا ساقاداي سايلانۋدا.جاڭا كەزەك مەملەكەت باسشىلارىنىڭ سايلانۋى كوكىرەگىمىزگە جاڭا ارمان تىلەكتەردى ۇيالاتتى. دامۋ سىندى داۋ جۇرمەيتىن اقيقاتقا قانداي جاڭاشا بەينەمەن ات سالىسامىز؟ ەكى ماجىلىستە ورتاعا قويىلعان تولعاقتى تۇيىندەردى قالاي تۇسىنىپ، قالاي شەشەمىز؟ باقىتتىسزبا دەگەن سۇراقتارعا بارلىق جۇڭگولىقتاردى سەنىممەن جارقىن كوڭىلمەن جاۋاپ بەرۋىنە شارت-جاعداي ازىرلەي الامىزبا؟ ءيا، ءبارى –ءبارى دە جاماعاتقا قاتىستى جۇيەلى ويلار. ەندەشە قادىرمەندى تىڭدارمان ەكى ماجىلىس ەل قامى دەپ ەلەڭدەگەن باسشىلارىمىزدىڭ وسى مارەلى جينالىستاعى ەل ءۇمىتى مەن سەنىمىن ارقالاعان ارىندى دا جالىندى قادامى دا وزگەشە كورىنىس. ءبىز حالىق قامىنا قاتىستى قولامتالى تاقىرىپتار قىزا تۇسكەن وسىنداي ساليقالى ساتتەردە،تالقى ماجىلىستەرىنىڭ باسىنان مەملەكەتتىك حالىق قۇرىلتاي وكىلى، تارباعاي ايماعى پارتيا كوميتەتى شۋجيىنىڭ ورىنباسارى، اكىمشىلىك ۋالي مەكەمەسىنىڭ ءۋاليى سارقىت اقان ۇلىنا كەزدەسىپ ارقا-جارقا اڭگىمەدە بولعان ەدىك. اڭگىمەمىزدىڭ ارقاۋى ۋىن جياباۋ زۇڭليدىڭ ۇكىمەت قىزمەتىنەن جاساعان بايانداماسى مەن وكىلدەردىڭ كەزەكتەگى كوكەيتەستى ويلارى، كوركەم تۇرمىسقا دەگەن كوڭىلدى رۋحى سونداي –اق پارتيا 18-قۇرىلتاي رۋحى مەن ەكى ماجىلىس رۋحىنا بىرلەستىرىلگەن تارباعاتاي ايماعىنىڭ جاقىنعى جىلداردان بەرگى تاڭعالىستى تابىستار مەن الداعى تالعار بيىكتەرى جايىندا بولدى. ەندەشە ‹شۇعىلالى بەلەس، شۋاقتى كەڭەس› اتتى وسى سۇحپاتقا دەن قويعايسىزدار.

 

    ءبىر ەلدىڭ وركەنىن كەڭ جايۋى مەن ءبىر ۇلتتىڭ ەڭسە كوتەرۋى ابزال ساياسات پەن الىمدى اقىل- پاراساتتان ايىرىلا المايدى. ساياسات- سارا جول دەگەندەي ءارقانداي شۇعىلالى بەلەس شۋاقتى كەڭەستەن باستاۋ الادى. ساياسات –شارالاردىڭ تياناقتاندىرىلۋىءارقايسى رايون ءارقايسى جەردىڭ ءىس-جۇزىندىگىنە ساي ۇتىمدى ۇيلەسكەندە عانا ۇلى جەڭىستەرگە جول الادى. ەندەشە ەكى ماجىلىستەن شابىت العان ەل اعالارىنىڭ كەمەڭگەر باسشىلىعىنداعى ءاربىر ايماق رايونداردىڭ ىستەرىنىڭ ءونىمدى، كۇندەرىنىڭ كوڭىلدى،ادىمدارىنىڭ ارىندى، جىگەرلەرىنىڭ جالىندى، بولۋىنا شىن جۇرەكتەن تىلەكتەستىك بىلدىرەمىز.