ۋاكىلدەرمەن سۇحبات   
مەملەكەتتىك 12-كەزەكتى حالىق قۇرىلتايىنىڭ 4- ءماجىلىسى حالىق سارايىندا سالتاناتپەن اشىلدى
كەلۋقاينارى:جۇڭگو قازاق راديو تورابى     |جاۋاپتى رەداكتور:داۋىلبەك|    جاڭالانعان ۋاقىت: 2016-03-07 08:59


    ءوز ءتىلشىمىز گۇلباقشا ءمادى قىزى بەيجيڭنەن حابارلايدى. مەملەكەتتىك 12- كەزەكتى حالىق قۇرىلتايىنىڭ 4- ءماجىلىسى 5- ناۋرىز تۇستەن بۇرىن حالىق سارايىندا سالتاناتتى اشىلدى. حالىقتىڭ تاپسىرماسىن ارقالاعان مەملەكەتتىك حالىق قۇرىلتايىنىڭ 3000 مىڭعا جۋىق ۋاكىلى نەگىزگى زاڭ مەن زاڭداردا بەلگىلەنگەن قاسيەتتى بورىشى مەن مىندەتىن ادا ەتۋگە قۇلشىنۋدا.


    حالىق سارايىنىڭ 10 مىڭ ادامدىق ەڭسەلى زالى قاراپايىم بەزەندىلىپ، ايبىندى اسقاق بەينەگە شومدى. ءتوراعالار مىنبەسىنە ىلىنگەن نارتتاي قىزىل بەس جۇلدىزدى قىزىل تۋمەن مەملەكەت گەربى سارايدىڭ ايبىنىن ءتىپتى اسىرا تۇسكەندەي.


    ءماجىلىس ءتوراعالار القاسىنىڭ تۇراقتى ءتوراعاسى، اتقارۋشى ءتوراعاسى جاڭ دىجياڭ ءماجىلىستى باسقاردى.


    شي جينپيڭ، لي كىچياڭ، يۇي جىڭشىڭ، ليۋ يۇنشان، ۋاڭ چيشان، جاڭ گاۋلي قاتارلى پارتيا مەن مەملەكەت باسشىلارى ءتوراعالار مىنبەسىنەن ورىن الدى.


    مەملەكەتتىك 12-كەزەكتى حالىق قۇرىلتايىنىڭ 4–ماجىلىسىنە قاتىناسۋعا ءتيىستى ۋاكىل 2943، كەزەكتى ماجىلىسكە 2890 ۋاكىل قاتىناستى، 53 ۋاكىل قاتىناسا المادى، بۇل زاڭدا بەلگىلەنگەن ادام سانىنا ۇيلەسەدى.


    تۇستەن بۇرىن ساعات 9 دا جاڭ دىجياڭ جۇڭحۋا حالىق رەسپۋبليكاسى مەملەكەتتىك 12– كەزەكتى حالىق قۇرىلتايى 4– ءماجىلىسىنىڭ اشىلعاندىعىن جاريالادى. زالداعىلار تۇگەل ورىندارىنان تۇرىپ، مەملەكەت گيمىنىن اسقاقتاتا شىرقادى.


    ماجىلىستە مەملەكەتتىك كەڭەستىڭ زۇڭليى لي كىچياڭ مەملەكەتتىك كەڭەس اتىنان ۇكىمەت قىزمەتىنەن بايانداما جاسادى. بايانداما ءۇش بولىمگە ءبولىندى: 1. 2015-جىلعى قىزمەتتەرگە شولۋ؛ 2. 13-بەسجىلدىق جوبا مەزگىلىندەگى باستى نىسانا-مىندەتتەر؛ 3. 2016-جىلعى ماڭىزدى قىزمەتتەر جونىندە 8 جاقتان جۇيەلى ورنالاستىرۋ جاسالدى.


    ساياسي كەڭەس مەملەكەتتىك 12-كەزەكتى كوميتەتىنىڭ 4-ماجىلىسىنە قاتىناسقان ساياسي كەڭەس مۇشەلەرى ماجىلىسكە سىرتتاي قاتىناستى.


    مەملەكەتتىك 12-كەزەكتى حالىق قۇرىلتايىنىڭ 4-ماجىلىسىنە قاتىناسقان ۋاكىلدار الداعى 10 نەشە كۇندە «13-بەسجىلدىق» جوبا پروگرامماسىنىڭ جوباسىن جانە قاتىستى باياندامالاردى ارقاۋ ەتە وتىرىپ، ءوز فۋنكتسيالارىن مۇقيات اتقارىپ، ۇسىنىس جوبالارىن بەلسەنە العا قويىپ، جاپپاي دوڭگەلەك داۋلەتتى قوعام قۇرۋعا، جۇڭحۋا ۇلتىنىڭ ۇلى گۇلدەنۋىن ىسكە اسىرۋعا تىڭ ۇلەستەر قوسادى.