ۋاكىلدەرمەن سۇحبات   
ساياسي كەڭەس مۇشەسى ەرزات زادا ۇلى: ۇلتتىق ەمدەۋ ورىندارىن قۇرۋ وتە قاجەتتى
كەلۋقاينارى:جۇڭگو قازاق راديو تورابى     |جاۋاپتى رەداكتور:داۋىلبەك|    جاڭالانعان ۋاقىت: 2016-03-07 09:45



    ساياسي كەڭەس مۇشەسى ەرزات زادا ۇلى: ۇلتتىقشا ەمدەۋ دوحتىرلارىن تاربيەلەۋ ورتالىقتارىن قۇرۋ؛ انا-بالالار دەنساۋلىق ساقتاۋ دوحتىرحانالارىنىڭ سانىن كوبەيتۋ وتە قاجەتتى




    ★ شينجياڭدا قازىر ۇيعۇرشا-قازاقشا-مۇڭعۇلشا ۇلتىقشا ەمدەۋ دوحتىرحانالارىنىڭ سانى كوبەيۋدە. ال، وسى ۇلتتىقشا ەمدەۋ دوحتىرحانالارىنىڭ دوحتىرلارىن ارناۋلى، جۇيەلى تاربيەلەۋ ورتالىعىنىڭ شينجياڭدا جوقتىعى ۇلتتىقشا دوحتىرحانالارعا سالماق سالىپ وتىرعان تاعى ءبىر وزەكتى ماسەلە ەدى. بۇل جونىندە مەملەكەتتىك ساياسي كەڭەستىڭ مۇشەسى، شينجياڭ ۇيعۇر اۆتونوميالى رايوندىق دەنساۋلىق ساقتاۋ مەڭگەرمەسىنىڭ ورىنباسار مەڭگەرمە باستىعى ەرزات زادا ۇلى : قازىرگە دەيىن، قازاقشا،ۇيعۇرشا ەمدەۋ دوحتىرلارىن ارناۋلى تاربيەلەۋ ورتالىقتارى جوق. مەملەكەتتىڭ ارناۋلى قارجى بوساتىپ، شينجياڭداعى ۇلتتىقشا ەمدەۋ دوحدىرحانالارىنداعى دوحدىرلارىن تاربيەلەيتىن ارناۋلى تاربيەلۋ ورتالىقتارىن قۇرىپ، وسى اقتاڭدىقتىڭ ورنىن تولتىرۋ كەرەك،-دەگەن ۇسىنىسىن الا كەلدى. 

    ★ شينجياڭدا انا-بالالار اۋرۋلارىن ەمدەۋ دوحتىرلارىنىڭ تاپشىلىعى، اسىرەسە نەگىزگى ساتى رايوندارداعى انا-بالالار اۋرۋلارىن ەمدەۋ دوحتىرحانالارىنىڭ ازدىعى، مالشىلار جۇرتشىلىعىنىڭ دەركەزىندە ەمدەلە الماۋى، انا-بالالار اۋرۋلارىن ەمدەۋ دوحتىرحانالارىنىڭ شارت-جاعدايىنىڭ ناشار بولۋ سەبەپتەرىنەن شينجياڭدا ءار جىلى تۋىتتان ولگەن انالار سانى بىرشاما كوپ بولۋدا.


    سوندىقتان ، مەملەكەتتىك ساياسي كەڭەستىڭ مۇشەسى، شينجياڭ ۇيعۇر اۆتونوميالى رايوندىق دەنساۋلىق ساقتاۋ مەڭگەرمەسىنىڭ ورىنباسار مەڭگەرمە باستىعى ەرزات زادا ۇلى مەملەكەتتىك ساياسي كەڭەستىڭ 12-كەزەكتى 4-ماجىلىسنىڭ تالقى جينالىستارىندا انا-بالالار دەنساۋلىق ساقتاۋ دوحتىرحانالارىنىڭ سانىن كوبەيتۋ جانە ونى جالپىلاستىرۋ، انا-بالالار دوحتىرحانالارىنىڭ شارت-جاعدايىن جاقسارتۋ، انا-بالالار كاسىپتىك دوحتىرلارىنىڭ سانىن كوبەيتۋ جانە ولاردى تاربيەلەۋدى ورتاعا سالۋدا. 


    تىڭدارمانداردىڭ مەملەكەتتىك ساياسي كەڭەستىڭ مۇشەسى، شينجياڭ ۇيعۇر اۆتونوميالى رايوندىق دەنساۋلىق ساقتاۋ مەڭگەرمەسىنىڭ ورىنباسار مەڭگەرمە باستىعى ەرزات زادا ۇلىنا ەمدەۋ سالاسىندا قوياتىن قاتستى سۇراقتارىڭىز بەن تىلەكتەرىڭىز بولسا، ءبىزدىڭ ءۇنحات تەكشەمىزگە قوسىلىپ، جازباشا نەمەس دىبستى فورمادا حات قالدىرساڭىزدار بولادى. 

    سۇحپاتتى دايىنداعان : اينۇر گىمڭعازى قىزى 
    جاۋاپتى رەداكتورى : نۇربولات ءداۋىتاقىن ۇلى