ۋاكىلدەرمەن سۇحبات   
بالا باقشاسى اقىسىز بولسا
كەلۋقاينارى:جۇڭگو قازاق راديو تورابى     |جاۋاپتى رەداكتور:نۇرشات|    جاڭالانعان ۋاقىت: 2016-03-09 16:03



    ءوز ءتىلشىمىز گۇلباقشا ءمادى قىزى حابارلايدى: مەملەكەتىمىز بيىل جۇڭحۋا ازاماتتارىنىڭ ەكى پەرزەنتتى بولۋ ساياساتىن رەسمي جالپى بەتتىك ورتاعا قويدى. ەكى پەرزەنتتى بولۋ ساياساتىنىڭ ناقتى تياناقتانۋىن كۇتىپ جۇرگەن كوپتەگەن اتا-انالار قۋانىشقا شومدى ءارى 2-پەرزەنتى الۋعا دايىندالا باستادى. ءبىراق ولاردىڭ كوڭىلىندە ۋايىم جوق دەۋگە بولمايدى، قازىرگى قوعامداعى بالالى بولۋعا قاتىستى قيىنشىلىقتار، ياعىني تۇڭعىش پەرزەنتىن باعۋ بارىسىندا جولىققان ءتۇرلى جاپالاردى ەستەرىنە الىپ، ابىرجىدى. ايتالىق، تۋىت دەمالىسىنىڭ قىسقالىعى، بالا قاراۋشى وڭاي تابىلماۋى، بالانىڭ وقۋعا ءتۇسۋىنىڭ قيىنداسۋى، وقىتۋ ساپاسىنىڭ بىركەلكى بولماۋى، وقۋشىلاردىڭ تاپسىرماسىنىڭ كوپتىگى مەن سومكاسىنىڭ اۋىرلىعى سياقتى ءبىر سىپىرا ماسەلەلەر … سونىمەن بىرگە دامىعان قالالارداعى بالا باقشالارىنىڭ وقۋ قاراجاتى ەرەپايسىز جوعارى، بۇل جاس اتا-انالارعا ۇلكەن قىسىم بولارى بەلگىلى. حالىق قۇرىلتايىنىڭ ۋاكىلى، تاتار ۇلتىنان ابدوللا ابباس وسى ماسەلەگە جان-جاقتى وي جۇگىرتىپ، كوپ باس قاتىرىپ، اقىرى «بالا باقشاسى اقىسىز بولسا، نەمەسە مىندەتتى وقۋ-اعارتۋ جوسپارىنا ەنگىزىلسە، تىم بولماعاندا تولىقتاما قاراجات بەرۋ ارقىلى ءبىر ءبولىم شىعىمىن ۇكىمەت كوتەرسە» دەگەن ۇسىنىستى ورتاعا قويعان ەكەن. جۇرت تىلەگىمەن قابىسقان، حالىقتىڭ كوكەي تەستى مۇددەسى كوزدە ۇستالعان مۇنداي ۇسىنىستاردىڭ كوپتىڭ نازار اۋدارۋىنا تاتيتىنى داۋسىز.