ۋاكىلدەرمەن سۇحبات   
تالعات ۇسەن ۇلى: حالىقتىڭ مۇددەسىنەن شىعۋعا كۇش سالامىز
كەلۋقاينارى:جۇڭگو قازاق راديو تورابى     |جاۋاپتى رەداكتور:داۋىلبەك|    جاڭالانعان ۋاقىت: 2016-03-15 16:23


    ءوز ءتىلشىمىز گۇلباقشا ءمادى قىزى بەيجيڭنەن حابارلايدى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ 10-ناۋرىز كۇنى شينجياڭ ۋاكىلدەر ۇيىرمەسىنىڭ باياندامانى قاراۋىنا قاتىناستى. تالقىدا شوكىرات زاكىر، ۋ گاڭ، ليۋ شينچي، مامەتيبىرايىم مامەتيمىن، زىڭ سۇن، تالعات ۇسەن ۇلى قاتارلى 6 ۋاكىل شينجياڭنىڭ «12-بەسجىلدىق» كەزىندەگى قول جەتكىزگەن تابىستارىنا قايىرىلا قاراپ، بۇدان بىلايعى 5 جىلداعى مەملەكەت پەن شينجياڭ دامۋى جونىندە قۇندى ۇسىنىس - پىكىرلەر بەردى.



    تالقىدان كەيىن حالىق قۇرىلتايىنىڭ ۋاكىلى، التاي ايماقتىق پارتكومنىڭ ورىنباسار شۋجيى، اكىمشىلىك مەكەمەسىنىڭ ءۋاليى تالعات ۇسەن ۇلى تىلشىلىگىمدى قابىلداپ، لي كىچياڭ زۇڭليدىڭ ۇكىمەت قىزمەتىنەن جاساعان بايانداماسىن تىڭداعاننان كەيىنگى اسەرىن اڭگىمەلەپ، تالقىدا ورتاعا قويعان ۇسىنىستارىن تانىستىردى. تالعات ۇسەن ۇلى: «زۇڭلي شينجياڭ قىزمەتىن جوعارى باعالاپ، ءار ۇلت باۋىرلاستارىنىڭ جاراسىمدىلىعىن القادى، ءبىزدىڭ تالقىدا ورتاعا قويعان ۇسىنىستارىمىزدى مۇقيات ەستەلىككە الىپ، ءالسىن - ءالى ءسوز قىستىرىپ، كوپشىلىكتىڭ ۇسىنىسىنا ءبىر - بىرلەپ جاۋاپ قايتارىپ وتىردى، مەن ول كىسگە قاتتى ريزا بولدىم»،-دەپ ءسوزىنىڭ سوڭىن اياقتاتتى.


    شينجياڭ وتانىمىز تەريتورياسىنىڭ ايىرىلماس ءبىر بولىگى، ىنتىماقتى، بەرەكەلى ءار ۇلت حالقى زۇڭليدىڭ شينجياڭعا تاعى كەلۋىن اسىعا كۇتەدى ءارى زۇڭليدىڭ تاپسىرماسىن ورىنداۋعا كۇش سالادى.


جاۋاپتى رەداكتور: نۇربولات ءداۋىتاقىن ۇلى