ۋاكىلدەرمەن سۇحبات   
شيزاڭ، شينجياڭدىق ايەل ۋاكىلدەر: حالىقتىڭ تىلەگىن ەكى ماجىلىستە جەتكىزگەندىگىمىز تاماشا مەرەكەلىك ساۋعا
كەلۋقاينارى:جۇڭگو قازاق راديو تورابى     |جاۋاپتى رەداكتور:داۋىلبەك|    جاڭالانعان ۋاقىت: 2017-03-09 11:16

 


    شينحۋا اگەنتتىگىنىڭ حابارى. 8-ناۋرىز ايەلدەر مەرەكەسى كۇنى، شيزاڭ، شينجياڭ ۋاكىلدەر ۇيىرمەسىندەگى مەملەكەتتىك حالىق قۇرىلتاي ۋاكىلدەرى بولعان ايەلدەر قاۋىمى ەڭ جاقسى مەرەكەلىك ساۋعا- حالىقتىڭ تىلەگىن ەكى ماجىلىستە جەتكىزگەندىگىمىز، -دەستى.


مەملەكەتتىك حالىق قۇرىلتاي ۋاكىلى، شيزاڭ شاننان قالاسى لۇڭزى اۋدانى دوۋ يۇي لو با ۇلتتىق اۋىلىنىڭ اۋىل باستىعى جاشي ياڭجين بىلاي دەدى: ۇكىمەت قىزمەتىنەن باياندامادا حالىق تۇرمىسىن جالعاستى جاقسارتۋدىڭ شارالارى مەن ساياساتتار ورتاعا قويىلدى. بۇعان ەرەكشە تەبىرەنىستەمىز. اۋىلعا قايتىپ بارعان سوڭ بۇل ساياساتتاردى نەگىزگى ساتىعا، ناقتىلى امالياتتا تياناقتاندىرامىز.


    تاياۋ جىلداردان بەرى، شيزاڭ ءار جىلى 70% تەن استام قازىنا كۇشىن حالىق تۇرمىسىنا جۇمساپ، ءار ۇلت جۇرتشىلىعىنىڭ ەڭ كوڭىل ءبولىپ وتىرعان كاسىپتەنۋ، ەمدەلۋ، قونىستانۋ، كىرىستى ارتتىرۋ سىندى ناقتىلى ماسەلەلەردى كۇش سالا شەشكەندىكتەن، بۇقارانىڭ باقىت سەزىمى مەن باقىتقا قول جەتكىزۋ سەنىمى بارعان سايىن كۇشەيدى.


    جاشي ياڭجين بىلاي دەدى: قازىر دوۋ يۇي اۋىلىنىڭ ەڭ تاماشا دامىعان شاعى. بالالار وقۋعا تەگىن بارادى، ەمحاناعا جاتۋ اقىسى ۇكىمەت ەسەبىنەن كوتەرىلەدى، قارتتار كۇتىمىنە الاڭدامايمىز، اسىرەسە وتكەن جىلى، 32 كەدەي وتباسى كەدەيلىكتەن بۇكىلدەي ارىلدى، بۇقارانىڭ بارلىعى ادەمى جايلى ۇيلەرگە كىردى، ادام باسىندىق كىرىس 10 مىڭنان استى.


    شيزاڭ شاننان نايدۇڭ اۋدانى گۇ ساڭ باعىمشىلىق كاسىپتىك كوپەراتيۆنىڭ پارتيا ياچەيكا شۋجيى يۇيشي جوگا ءوزىنىڭ ەڭ ۇلكەن ارمانى مەن تىلەگى ء تىپتى دە كوپ اۋىلداستاردى كەدەيلىكتەن قۇتىلدىرۋ ەكەندىگىن ايتتى.


    بيىل 43 جاستاعى جاشي جوگا جاس كەزىندە 50 يۋان اقشامەن عانا ىشكى ولكەگە بارىپ جۇمس باستاعان بولاتىن. ول 2003-جىلى اۋىلعا قايتىپ تاۋىق باعۋ كاسىبىن باستادى. 10 جىلدىق قۇلشىنىس ارقىلى جوگا باياعى رياسىز بويجەتكەننەن 30ميليون يۋان قازىنالى ايەل كاسىپكەرگە اينالدى. 2016-جىلى 10مىڭنان استام اۋىلداسىن كەدەيىلىكتەن قۇتىلۋعا باستاپ، ءار وتباسىنا 13مىڭ يۋان كىرىس اكەلدى.


    جاشي جوگا ساياساتتىق قامتاماسىزداندىرۋدان سىرت، جەرىنەن ايىرىلعان ەگىنشى مالشىلارعا بەلسەنە جەتەكشىلىك ەتىپ، ولاردى كاسىپتەنۋگە، كاسىپ جاراتۋعا باستادى.


    مەملەكەتتىك حالىق قۇرىلتاي ۋاكىلى، قاشقار قالاسى سامالباع قالاشىعى باستىعىنىڭ ورىنباسارى رايحانگۇل يمەر بيىلعى ەكى ماجىلىسكە زەر سالا دايىندالعان بىرنەشە ۇسىنىس الا كەلدى.


    رايحانگۇل يمەر قىزىلسۋ قىرعىز اۆتونوميالى وبلسى اقتاۋ اۋدانىنان كەلگەن ەگىنشى قىز. 2007-جىلى ورتالاۋدى بىتىرگەن ول وتباسىنىڭ قارسىلىعىنا قاراماي جىجياڭ ولكەسىنىڭ سىشي قالاسىنداعى ءبىر توقىما زاوۆتىندا جۇمىس ىستەيدى. قىزمەتتە ۇزدىك بولعاندىقتان، رايحانگۇل يمەر سەح جاۋاپتىسى بولادى. بىرنەشە جىلدا، ول ىلگەرىندى-كەيىندى 1000نان استام جاستى جىجياڭعا بارىپ قىزمەت ىستەۋگە باستاپ، شينجياڭ ماركاسىن جاراتادى.


    2012-جىلى رايحانگۇل يمەر 12-كەزەكتى مەملەكەتتىك حالىق قۇرىلتايىنىڭ ۋاكىلى بولىپ سايلانادى. جۇمىسكەردەن حالىق قۇرىلتاي ۋاكىلىنە اينالعان ول تالپىنس تاعدىردى وزگەرتەدى دەگەن ايتىلىمدى شىنداپ ايگىلەدى.


    ورىنباسار قالاشىق باستىعى بولعان رايحانگۇل يمەر كەدەيلەردى سۇيەمەلدەۋ كاسىپتەندىرۋ قىزمەتىن باسقارادى. تەكسەرۋ زەرتتەۋ بارىسىندا ول قاشقاردا ارتىق ەڭبەككۇش بار ەكەندىگىن، الايدا ءتىل، كاسىپتەنۋ كوزقاراسى قاتارلى جاقتاردا ايىرماشىلىق بولعاندىقتان، كوپتەگەن ادامداردىڭ قىزمەت تابۋى قيىنعا سوعىپ وتىرعاندىعىن بايقايدى. كەلەر قادامدا، ول الدىمەن بايىعاندار سوڭىنداعىلارعا باستاماشىلىق ەتۋ، سىرتتان كاسپورىن كىرگىزۋ، كۋرس بازاسىن قۇرۋ ارقىلى ارتىق ەڭبەككۇشتەردى وسىزاماندانعان كاسىپتىك جۇمسشىلارعا اينالدىرماقشى.


اۋدارعان: گۇلجان زارقىنبەك قىزى